Schzna
"Hindi ako estudyante sa akademyang ito," mariing sabi ko.
Ngumisi ang headmaster sa akin at ipinagsalikop ang mga daliri matapos nitong umupo sa swivel chair.
"I will make you an official student here," agad niyang sagot.
Natatawang suminghal ako na ikinataka nilang lahat. "Gan'yan ka ba talaga kadesperadong makuha ako? Ibang klase!" bulalas ko.
Nababaliw na ang mga tao rito. "Ilegal ang gusto n'yong gawin, Sir. Isa iyong pandaraya sa ibang mamamayan na gusto ring mag-aral pero hindi nabigyan ng tyansa."
Mahinang bumuntong-hininga ang headmaster dahil sa naging asik ko. "Maswerte ka, bata. Nabibigyan ka ng oportunidad, hindi gaya nila. Kaya ngayon, tatanggapin mo ba o sasayangin ang pagkakataon?" mahinahon niyang sabi.
"Hindi ko po matatanggap—"
Natigilan ako nang pigilan ni Rad ang pagsasalita ko. "Ara," may bahid na nakikiusap sa kan'yang tono.
Tinignan ko siya nang walang emosyon. "Ano?"
"Nakita mo ba ang mga taga-Hemerang iyon?"
Natigilan ako sa tanong niya. "Ano namang espesyal sa kanila?" mariin kong tanong.
"Kadarating lang sa kanila ang balita, tinutugis ka na nila."
Nanlamig ang buo kong katawan. Para akong binuhusan ng malamig na tubig. Umawang ang labi ko at hindi nakapagsalita.
"Ang isa naming kasama, ipinadala siya sa napakadelikadong misyon kaya kulang kami ng miyembro."
Ngumisi ako. "Oh, ano naman sa akin? Ako ba ang nasa delikadong estado?"
Bumuntong-hininga siya at napapikit sa inis. "Isa siyang espiya sa Hemera at kasapi siya sa first district ng Hemera. Ibinalita niya sa akin na nalaman na nilang may nabubuhay pang Medical Wonhwa."
Natigilan kaming lahat at nagtatakang tumingin kay Rad, naguguluhan dahil sa sinabi niya.
"Nag-ulat na sa 'yo si Riguel?" tanong ng headmaster.
Tumingin at tumango lang sa kan'ya si Rad bago muling tumingin sa akin. "Ang captain na kinausap ng Hemerian na iyon ay ang aking kapatid na dapat mong palitan."
Umawang ang labi ko sa sinabi niya. "Ang abilidad na mayroon ka ay lagpas ng kapangyarihan niya kaya ikaw ang gusto naming ipalit."
Lagpas ng kapangyarihan niya. Ibig-sabihin mas higit iyong kapangyarihan ko kaysa sa kaniya?
"Hindi lang ito tungkol sa pagiging makapangyarihan ng Valeria, Ara. Tungkol ito sa pananatili ng nag-iisang Medical Wonhwa sa Valeria."
Kinilabutan ako sa sinabi niya. Kapag binabanggit niya ang pagiging medical wonhwa ko ay agad akong kinikilabutan.
"Papayag ka bang palitan ang kapatid ko?"
Tumango ako kaya sumilay ang ngiti sa kanilang mga labi. Ayon sa kanila, Riguel has healing ability. Kaya niyang manggamot kahit ang pinakamalalang sakit.
Importante raw ang abilidad na ito para sa pinakamataas na dibisyon ng akademya. Kaya niyang iligtas ang kanyang sarili pati na rin ang kasama gamit ang Strength of Hundred Seal.
Medyo kinabahan ako dahil sinabi nilang kailangan ko iyong matutunan para mas lalong magamay ang aking abilidad.
Hindi na ito tungkol sa abilidad na mayroon ako, tungkol na ito sa galit ng kapangyarihan ko sa nakaraan. Hindi man tiyak pero sa tingin nila ay ako ang kaluluwa ni Hiraya.
Mas lalo akong pinapakaba ng katotohanang si Rad ang magiging tutor ko dahil siya ang pinakamalapit kay Riguel.
Sinabi ng headmaster na kabisado ni Rad ang mga galaw ni Riguel. Mas hindi ako pinatatahimik ng mga salita ng ina ng seonsaeng. Masyado nitong ginugulo ang isip ko.
“She was the heir of ash and fire and she would bow to no one.”
Ano ang ibig sabihin ng mga salitang iyon?
Isang bagay ang nakapagpabago ng pananaw ko. Kung makakatapos ako sa akademyang ito, hindi na manganganib pa ang buhay ko.
Naglalakad kami sa maliwanag na pasilyo, katabi ko ang headmaster, seonsaeng at ang seonjang kasama na rin iyong matandang babae.
Ang huling pakiusap sa akin ng headmaster ay subukan ko raw pagalingin si Avon na nasa malubhang kalagayan.
Hindi ko alam ang nangyari pero sabi niya ay parte na rin daw ito ng pagsasanay ko. Hindi ako tumanggi dahil buhay ang isasalba ko.
Nang makarating kami sa harap ng malaking pintuan ay sabay-sabay silang huminto.
Bumukas ang pintuan at iniluwa n'on ang napakalaking kwarto. May dalawang maid sa gilid na nakabantay sa isang babae.
Nang tuluyang makapasok ay tumambad sa akin ang angellic face ng isang babae. Mahimbing itong natutulog at tila maganda ang panaginip.
Iginiya ako ng headmaster palapit sa kama n'ong babae. Siya siguro si Avon na muntik nang masawi sa isang misyon.
Napahakbang ako palayo nang makita ang kalagayan niya. Puno ng sugat, duguang mga mata at duguang damit.
"She's under of someone's hwansang-ui," mahina kong sambit.
Naramdaman ko ang sabay-sabay nilang pagtingin sa akin at nang itaas ko ang tingin sa headmaster ay nangunot na ang noo niya.
"Hwansang-ui?" taka niyang tanong.
"Hwansang-ui is a powerful ability that certain ninja are able to utilize. Upon being cast, it affects the senses of the target and traps them in an illusion." mahina kong sagot.
Mahina akong napamura nang makaramdam ng kakaibang presensya. Tila ba nagmamasid sa kung ano ang gagawin ko rito kay Avon.
"Tumatagal ang hwansang-ui kapag hindi pa ito natatanggal sa isang target na nagiging dahilan nang pagkamatay nito." dagdag ko.
Nangunot na naman ang noo ng headmaster at gan'on din naman ng mga kasama ko.
Nagtatakang tinignan ako ni Rad. "Pero ang sabi ng ibang academy doctors ay nacomatose lang si Avon, may posibilidad na magigising siya."
Ngumiti ako nang matamis sa kan'ya. "Kung tatantyahin, mas malala ang hwansang-ui, Rad. Ikamamatay ng target kapag hindi ito natanggal."
"Hwansang-ui could most likely cause mental trauma which could result in death."
Nagkibit-balikat ako at naglakad papunta sa kanan ni Avon, sa ngayon ay mas lumalakas na siyang dumadaing.
Ano na naman ito? Ang sabi sa akin ni ina ay hindi nagtataglay nang nakakasakit ang hwansang-ui.
Posible kayang may iba pang technique ang nasalo ng babaeng ito?
Kung hindi ito hwansang-ui, posible kayang isinumpa si Avon? Posible kayang pinigilan ang kapangyarihan niya gamit ang sumpang iyon?
Pinagmasdan ko at sinuri ang babaeng kasalukuyan pa ring nakahiga at mahimbing na dumaraing.
"Gamutin mo na ang estudyante ko, hindi na p'wedeng lumala pa ang karamdaman ng batang iyan,"
Napatingin ako sa pintuan ng kwarto nang magsalita ang kung sino. Estudyante niya? Posibleng siya nga ang Chen-seonsaeng na tinutukoy nila.
"Wala akong alam na healing technique para pigilan ang hwansang-ui, seonsaeng."
Nangunot ang noo niya habang nakatingin sa akin. "Kung ganoon, paano na? Hindi p'wedeng may mabawas sa estudyante ko,"
Hindi ko siya pinansin at lumapit kay Avon saka hinawakan ang batok nito, lugar kung saan nakalagay ang cursed mark.
Posibleng pinipigilan ang pagdaloy ng kapangyarihan niya. Minamanipula nito ang kapangyarihan ng babae.
Umawang ang labi ng seonsaeng saka na-aawang tinignan si Avon. "Kung sino man ang nagtataglay ng ganitong kapangyarihan, dapat n'yo na siyang katakutan." anang ko. 
Nagulat sila sa sinambit ko, matagal bago sila nagsipabuntong-hininga. Mukhang nawawalan na sila ng pag-asa.
Pumikit ako at ngumisi. "Pero kung sino man ang may kapangyarihang tanggalin ang nakamamatay na ilusyon na ito ay mas dapat niyo siyang katakutan,"
Huminga ako nang malalim nang maramdaman ang malakas na p'wersa ng kapangyarihan na nagsimulang dumaloy sa buo kong katawan papunta sa palad kong nagkokonekta sa cursed mark.
"Release!"
***
Hwansang-ui - Illusionary Technique