Mahimbing akong natutulog nang makarinig ako ng ingay mula sa baba. Dahan-dahan kong kinusot ang mata ko at naiinis na itinakip sa buong katawan ko ang kumot. Nagbabasakali na makatulog ulit kahit na rinig na rinig ko ang ingay sa baba. Ilang minuto pa ang nakalipas ay hindi ko na magawang makatulog at naiinis na inalis ang kumot sa pagkabalot sa akin.
I looked at myself in the mirror for a second and put my slippers on. Pagkabukas ko pa lang ng pinto sa kwarto ko ay agad kong narinig ang sigaw ni Daddy mula sa baba. What the hell? Nag aaway na naman ba sila ni Tita Ysabelle? Well, magtataka pa ba ako? Palagi naman talaga sila na nag aaway.
I sighed and carefully took my step going downstairs. Hindi pa ako nakakababa ay may narinig akong nabasag at sumigaw si Tita kaya napatakbo ako sa kinaroroonan nila.
"Ano ba, Leandro?! You really want me to believe na wala kang babae?!" galit na sigaw ni Tita na ikinagulat ko.
I looked at my father's face and his expressions didn't even change. Matapang niyang sinalubong ang tingin ni Tita.
"Believe what you want to believe, Ysabelle. The hell I care, goddammit!" He shouted at maya maya pa ay tumalikod.
"Dad!" sigaw ko nang matauhan at balak pa sana siyang sundan nang tawagin ako ni Tita Ysabelle.
Masama ang tingin nito at naglakad palapit sa akin. Gustuhin ko mang umatras ay hindi ko na nagawa dahil nahablot na niya ang braso ko.
"Pasaan ka? Susundan mo 'yong tatay mong babaero?! Linisan mo 'yang kalat na ginawa niya!" galit niyang sabi bago ako binitawan.
Nakita ko ang pamumula ng parte na hinawakan niya pero binalewala ko 'yon at agad na nilinis ang basag na baso sa sahig.
Pagkatapos ko maglinis ay nagluto ako ng almusal at kumain dahil may balak akong umalis mamaya. Hindi pa ako nangangalahati sa pagkain ay biglang pumasok sa kusina si Elisse, my evil stepsister just like her mother. Wala akong balak makipag away sa kanya ngayon kaya hindi ko siya pinansin at pinagpatuloy ang pagkain.
Hindi ko alam kung pinaglalaruan ako ng kamalasan o sadyang papansin lang talaga 'tong si Ellise. Maingay niya hinila ang upuan at umupo sa tapat ko. Nakangisi siyang tumingin sa akin at ako naman ay seryosong nakatingin sa kanya.
"What?" I asked.
Nagbago ang ekspresyon ng mukha niya at sumandal siya sa upuan.
"Ipagluto mo ako," utos niya.
Kunwari wala akong narinig at mabilis na inuubos ang pagkain sa plato ko pero nagulat ako ng bigla niyang hinampas ang lamesa. Dahilan para matapon ang pagkain na nasa plato ko. Naiinis akong tumingin sa kanya at pabagsak na binitawan ang kutsara mula sa kamay ko.
"May kamay ka diba? Hindi ako katulong dito, Elisse. Kung gusto mo kumain, magluto ka mag isa mo," saad ko at nagtungo sa lababo para maghugas. Binilisan ko ang kilos ko at naglakad paalis ng kusina.
Narinig ko pa ang galit na pagtawag ni Eliss sa pangalan ko pero nagpatuloy lang ako sa paglalakad paakyat sa kwarto ko at nilock ang pinto.
Dahan-dahan akong sumandal sa pinto at napahugot ng hininga. Ganito na lang palagi ang eksena dito sa bahay simula nang mag asawa ulit si Daddy. I was just 10 years old when my mother left us. Pagkatapos no'n nagbago na lahat. Naging lasinggero na si Daddy pero hindi niya naman napabayaan yong business nila ni Mommy noon.
Iyon nalang ang natitirang alaala ni Mommy kaya mahal na mahal ni Daddy ang negosyo. Hanggang sa nakilala niya si Tita Ysabelle at dinala niya rito. And then Elisse came into our life. No'ng una ayos pa naman ang pakikitungo ni Tita Ysa sa akin pero nong nag aaway kami ni Elisse naging malupit na rin siya sa akin. Akala niya kase sinasaktan ko ang anak niya.
Nahinto ang pag iisip ko nang marinig kong tumunog ang cellphone ko. Tumayo ako at naglakad papunta sa kama ko para sagutin ang tawag. Nakita ko ang pangalan ni Alexa doon, my best friend and the only person I trusted the most.
Bumungad sa akin ang tili niya mula sa cellphone kaya agad ko itong inilayo sa tenga ko. Parang microphone talaga ang bibig ng babaeng 'to.
"Ano na naman chika mo, aber?" tanong ko.
Narinig ko pa ang mahina niyang paghagikhik bago nagsalita. "Omg, gurl! Bar tayo mamaya! Wala pa naman tayo pasok bukas diba?" pag aaya niya.
I rolled my eyes. Kahit naman humindi ako mangungulit pa rin siya sa akin.
"May pupuntahan ako ngayon," sagot ko. Hindi na ako nagtaka nang marinig ang pag angal niya mula sa kabilang linya.
"Pasaan? Bakit di ako kasama?! Balak mo ba maghanap ng boyfriend ha? Grabe ka, napakamakasarili mo naman. Gusto ko rin ng jowa, Saraiah Claire!"
Napahalakhalak ako sa reklamo niya at muling sumagot. "Baliw! Sa mall lang naman may bibilhin akong damit."
Ilang minuto pa kaming nag usap at pagkatapos noon ay pinatay ko na ang tawag at naligo. Nagsuot lang ako ng white high waisted jeans and black halter top. I put subtle makeup on my face and tied my long hair. I was really planning to cut my hair but maybe not for now.
After being satisfied with my look, bumaba na ako para umalis. Naabutan ko si Elisse sa sala na nanonood at maya maya pa ay umangat ang tingin sa akin. I saw how her brow raised and gazed at me from head to toe.
"Where are you going?" She asked.
I rolled my eyes and heaved a sigh. "Mall," maikling sagot ko.
"Why? May date ka ba? Alam ba 'to ni Mommy?" sunod-sunod niyang tanong.
Naramdaman ko ang biglang pagsibol ng inis sa kanya kaya hindi na ako sumagot at nagsuot na ng sandals. This girl gets on my nerves every time I see her.
"Hoy, Claire! Hindi ka pwedeng umalis," pagpipigil nito sa akin.
"Pwede ba, Elisse? Tantanan mo ako ngayon, okay? Wala akong panahon makipag away sayo."
Nakita ko ang pagdaan ng inis sa mata niya at nang makita ko siyang umupo ay nagsimula na akong maglakad palabas. Pero napatigil ako ng biglang itong sumigaw at tinawag si tita Ysabelle.