Kabanata 7
Nakatulala habang nakahiga sa kama ko. Mukhang hindi na naman ako dadalawin ng antok .
"Goodnight baby girl"
Nanlaki ang mata ko ng maalala ko ang sinabi ni Leandro. Nakakainis bakit ganito ang epekto ng batang iyon sakin.
Tumayo ako at nagtungo sa kusina para magtimpla ng gatas baka sakali ng dalawin ako ng antok kapag uminom ako ng gatas.
Habang iniinom ko ang gatas ay pumasok si Nana Sena sa kusina. Lumapit sya sakin at ngumiti.
"May bumabagabag ba sa isip mo Ally?" tanong niya sakin.
Ngumiti ako sa kanya at umiling.
"Wala po Nana"
"Kilala kita alam kong may gumugulo sa isip mo"
Inubos ko ang gatas at muling lumingon kay Nana.
"May kaibigan ako Nana nagging malapit daw sya sa mas bata pa sa kanya hindi niya alam ang gagawin niya dahil mali ito"
Lumapit siya sakin at hinaplos ang buhok ko. Her touch was so comforting.
"Anak walang mali sa pag ibig, wala iyan sa edad pero dapat alam mo ang I yong limitasyon dahil nga sa bata pa ang nagugustuhan mo." sagot nya sakin pero agad akong umiling sa kanya.
"Hindi ako Nana kaibigan ko"
"Wala kang malapit na kaibigan bukod kay Ericka anak" natatawa ng sagot niya sakin bago lumabas ng kusina.
Kinabukasan ay pumunta ako sa opisina ni Daddy para gawin ang naiwang trabaho niya. Napabuntong hininga na naman ako ng makita kung gaano ito kadami.
Nang makakalahati na ako ay tinignan ko ang relo ko at 12:00 na kaya napagdesisyonan ko na umuwi na para kumain. Matapos kong kumain sa mansyon ay nagtungo ako sa farm.
Pinagmasdan ko ang mga trabahante na nagtatanim ng pinya habang nagtatawanan. Sa buhay talaga minsan hindi mahalaga kung mayaman ka o mahirap ang mahalaga masaya ka sa ano mang ginagawa mo. I envy them, gustong gusto kong bumalik sa Cali city dahil mahal ko ang trabaho ko doon pero di ko magsawa. Gusto kong makasama si Jacob pero hindi pwede kung buhay lang sana si Ate. Hindi ko namalayan na tumulo na pala ang luha ko at ng Makita kong papalapit sakin si Kuya Robert ay agad kong pinalis ang luha ko.
"Ally gusto mo bang lumapit para makita kung paano mag tanim?" tanong nya sakin.
"Hindi na kuya sa ibang pagkakataon na lang siguro"
Tumingin sya sakin at ngumiti,
"Gusto mo pa ring bumalik sa Cali city diba?"
"Oo kuya gusto ng gusto" pag amin ko sa kanya.
"May mga bagay na kahit gaano natin kagusto hindi natin nakukuha, may dahilan ang lahat ng bagay Ally"
"Ang lalim kuya may pinaghuhugutan kaba?" pabirong wika ko sa kanya pero tinawadan nya lang ako.
Nang sumapit na ang hapon ay nagtungo na ako sa basketball court. Inabutan ko na na kaupo na si Ericka kung saan kami mandalas nakapwesto.
"Ally!" masiglang tawag niya sakin ng umupo ako sa tabi nya. Ngumiti ako sa kanya at niyakap sya.
Nang mag simula na ang laro ay pawang sigawan ng mga babae ang naririnig ko.
Championship na ngayon kaya naman makikita ng seryoso ang mga manlalaro. Naalala ko ang tanong sakin ni Leandro, kung sino sa kanila ang ichecheer ko.
Magkaharap sila ngayon at hawak ni Patrick ang bola habang si Leandro naman ay seryong nasa harap nya at pinipigilan syang makalusot. Lumingon sa banda namin si Patrick bago kumindat sakin. Nanlaki ang mata ko dahil sa ginawa niya. Nakita kong Lumingon din sa akin si Leandro at mukhang galit. Ano naman kayang problema ng batangas yon.
Mabilis na inagaw ni Leandro ang Bola kay Patrick at galit na tumakbo bago ito hinagis sa ere at shoot, nagtilian naman ang mga babaing halata namang si Leandro lang ang pinunta.
"Okay lang yan kuya bumawi ka!" sigaw ni Ericka.
Siniko ako ni Ericka bago bumulong,
"I cheer mo naman si kuya"
"Huh?"
"I cheer mo si kuya, sige na Ally" paki usap ni Ericka.
Wala akong nagawa kundi ang sumigaw.
"Go Patrick!" sigaw ko at agad naman syang napalingon sakin at ngumisi ng pagkalawak.
Nagulat ang lahat ng mabitawan ni Leandro ang bola na hawak nya noong sumigaw ako. Malungkot sya na Tumingin sa akin, hindi ko alam kong maaawa ba ako o kung anong mararamdaman ko. Tumamlay ang laro ni Leandro kaya naman na tahimik ang mga babae na sumisigaw sa kanya.
Hindi ko na kaya, parang pinipiga ang puso ko na makitang ganyan ang ikinikilos nya.
"Go baby boy!" malakas na sigaw ko kaya naman halos lahat ng mga nanunuod ay napalingon sakin at maging ang ilang naglalaro.
"Traydor ka bestfriend sabi ko si kuya icheer mo, bakit pati kalaban ichecheer mo" kunwaring malungkot na sabi ni Ericka.
Muling umingay ang mga manunuod ng sumigla ang laro ni Leandro. Naging mahigpit ang labanan nila pero sa huli sina Leandro ang nanalo.
"Traydor kasi bestfriend ko" wika ni Ericka.
Pinisil ko ang pisngi niya at tinawadan lang sya.
"Laro lang yan ano ka ba"
Matapos ang laro ang umalis na ako hindi ko narin inintay si Leandro gaya ng nakasanayan dahil sigurado ng may celebration sila ngayon dahil sila ang nag champion.
Nasa gate na ako ng mansyon at papasok na ako nang may humawak sa braso ko.
"Bakit di mo ako inintay?" tanong ni Leandro sakin.
"Kailangan ba?"
Nagulat sya sa sinabi ko alam kong masama ang dating ng pagkakasabi kko noon sa kanya.
"Hindi pero lagi naman tayong magkasabay umuwi diba?" Tila nasasaktang wika niya.
"Leandro hindi ko na gusto ang pakikitungo mo sakin hindi na normal, hindi tama."
Inalis ko ang pagkakahawak nya sa braso ko at akmang papasok na pero nag salita pa sya.
"Gusto kita"
Muli ko syang nilingon at kitang kita ko sa mga mata nya ang nag aalab na emosyon.
"Alam mong hindi pwede."
"Bakit hindi?" matapang na tanong nya sakin.
"Bata ka pa hindi tama na magka gusto ka sakin ano na lang sasabihin ng mga tao, na sugar mommy mo ako" paliwanag ko sa kanya.
"Hindi ka pa naman ganoong ka tanda at isa pa ano bang pakialam ng mga tao, gusto kita at yon lang ang mahalaga sakin."
Umiling lang ako sa kanya bago tuluyang pumasok sa mansyon.