KABANATA 5
Magkatabi ang dalawang lalaki sa sala habang nasa tapat nila ang seryosong si daddy. Lumapit kami ni mommy at tumabi kay daddy.
"Anong pumasok sa mga isip nyo at nag away kayo?" tanong sa kanila ni Daddy.
"Sorry sir," halos sabay pa nilang sagot kay daddy.
"Ang angas nya kasi sir, inaaya ko lang naman magkape si Ally," sumbong ni Richard.
"Sino bang unang nanuntok?" tanong naman ni Patrick.
"E yabang mo e 'di ka naman boyfriend ni Ally!" sagot naman ni Richard.
Di nila namalayan na umalis na sa harapan nila si daddy dahil nagtatalo na naman sila. Pagbalik ni daddy ay may dala na siyang dalawang itak at inabot ito sa kanila.
"Ayan magpatayan na kayo! Ang kapal ng mukha nyo na mag talo sa harapan ko!"
Dali daling binitiwan nilang dalawa ang itak at napapahiyang yumuko kay daddy at humingi ng tawad.
"Kung gusto nyo ang anak ko e, may the best man win."
Nanlaki naman ang mata ko sa sinabi ni dad, ano gusto nila ako?.
"Sige po pasensya na po sa inasal ko at kung papayag po kayo pwede ko po bang ayain mamaya mag dinner si Ally?" wika ni Patrick.
"Anong dinner e aayain ko din mamaya si Ally mamasyal sa perya!" wika naman ni Richard.
"Akong nauna magsabi kaya sakin sasama si Ally!"
"Anong sayo sakin!"
Nagsimula na naman silang mag talo at Napailing na lang kami ni mommy habang si daddy naman ay napahilot na sa sentido at parang sumasakit na ang ulo nya.
"Sena," tawag ni daddy kay Nana.
"Po?"
"Ang baril pakikuha madali!" utos nito, dahilan para matigil ang dalawa sa pagtatalo at nag-uunahang tumakbo palabas.
Natawa nalang kami ni mommy sa inasal ng dalawang lalaki.
"Hay naku anak, wag kang pipili sa dalawang yon masyadong duwag," natatawang sambit ni mommy bago bumaling kay daddy,
"May baril ka Armando?" masungit na tanong nito.
"Ha? Wala mahal tinakot ko lang sila, galing ko diba?" sagot sa kanya ni daddy.
Nang sumapit ang hapon ay sinundo ako ni Ericka para manuod muli ng basketball kahit wala namang laro ang kuya nya.
"Bestfriend tell me sino ang gusto mo sa dalawang manliligaw mo?"
"Manliligaw? di naman sila nanliligaw sakin"
"Hindi pa ba yon halos magpatayan na nga sila mapansin mo lang. Pero alam mo ngayon ko lang nakitang ganyan si kuya."
"Alam mo naman na noon pa lang hindi ko type ang kuya mo diba?"
"Aww basted na ba ang kuya ko?" tanong nya bago sumandal sa balikat ko.
Nakaupo na kami kahit hindi pa man nagsisimula ang laro.
"Ano na Ally basted na ba? Yong Richard ba ang gusto mo?" pangungulit sakin ni Ericka.
Natawa naman ako sa kanya dahil interesadong interesado sya. Pinisil ko ang matambok na pisngi nya kaya napanguso sya.
"Wala akong gusto sa kanila dapat alam mo yan," makahulugang sagot ko sa kanya at nakuha naman agad nya ang ibig kong sabihin.
"Oo nga pala may Jacob."
Si Ericka lang ang tanging nakakaalam ng relasyon ko kay Jacob dahil sya palang ang pwede kong pagkatiwalaan sa ngayon.
Nagsimula na ang laro at napansin kong halos mga kabataan lang ang nakikita kong naglalaro. Naramdaman kong may umupo sa katabi kong upuan at nang lingunin ko ay nakita kong si Leandro iyon.
"Wala kang laro?" tanong ko sa kanya.
"Meron pagkatapos n'yan."
Napansin kong hindi pa sya nakabihis panglaro at parang hindi pa sya nagmamadali.
"Bakit di ka pa magbihis? kasunod na pala ang laro nyo."
"Kumukuha pa ng inspirasyon."
Napangisi naman ako sa sinabi nya, aba may crush na yata ang batang ito.
"May crush ka no?"
Lumingon sya sakin at tumango bago muling bumaling sa naglalaro.
Sinundot ko ang tagiliran nya at agad naman syang napaiktad.
"Ayiee, binata na ang baby boy," pang-aasar ko sa kanya habang sinusundot sundot ang tagiliran nya.
"Stop it," hinuli nya ang kamay ko at hindi na ito binitiwan para siguro hindi ko na siya makulit.
Tinigilan ko na sya at baka mapikon pa ay may laro pa sya. Nang matapos ang laro ay tumayo na si Leandro at binitiwan ang kamay ko. Hawak pa pala nya ang kamay ko hindi ko napansin.
"Grabe daming gwapo" komento ni Ericka habang tumitingin tingin sa paligid.
"Sana makabingwit ako ng isa," natatawang dagdag pa niya.
Tumingin ako sa paligid at nakitang may mga gwapo nga pero hindi naman ako interesado sa kanila. Napatingin ako sa court at nakitang nakabihis na ang mga manlalaro maging si Leandro ay nakabihis na din. Nang magpatingin siya sa banda namin ay sumigaw ako,
"Go baby boy panalo mo yan ha!"
Nanlaki ang mata nya at napatingin sa paligid bago yumuko na nangingiti.
Napadaing naman ako ng kurutin ako sa tagiliran ko ni Ericka.
"Gaga ngayon lang kita nakitang sumigaw nasaan na ang mahinhin na Ally?"
"What?" natatawang tanong ko sa kanya. Inalog-alog nya ang balikat ko at kunwaring na-iiyak siya.
"Ilabas mo ang best friend ko huhuhu!"
Natatawa naman akong inalis ang mga kamay nya sa balikat ko.
"Inaasar ko lang yong bata," paliwanag ko sa kanya.
Nagsimula na ang laro at halos nakanganga na lang ang lahat buong laro, dahil halos hindi na nakascore ang kalaban nila Leandro at sa buong laro ay si Leandro lang ang nakascore.
"OH my G! Halimaw pala sa court ang batang yan," komento ni Ericka.
"Tama ka nakakagulat," pag sang-ayon ko sa kanya.
"Sobrang na-inspired yata sa crush nya," dagdag ko pa.
Matapos ang laro ay tumayo na kami para makauwi na. Nang makalabas kami ng court ay maghihiwalay na kami ng daan ni Ericka, dahil magkasalungat ang daan namin pauwi.
"Bye bestfriend ko," paalam nya sakin at yumakap.
"Bye ingat ka," sagot ko sa kanya.
Naglakad na ako pauwi, hindi naman nakakatakot umuwi mag-isa kahit gabi na dahil maliwanag naman ang daan. Hindi pa ako nakakalayo ay tumatakbong humabol sakin si Leandro at nang mag katapat na kami ay tumigil na sya sa pagtakbo at naglakad na nang mabagal. Basang basa sya ng pawis maging ang braso nya ay mamasa masa, ang batok nya ay halos parang galing sa shower ang pagtulo ng pawis. Tumigil ako sa paglalakad at napatigil din sya. Nilahad ko sa kanya ang palad ko.
"Ang towel mo."
Binuksan nya ang bag nya at inabot sa akin ang isang kulay puting towel. Pinunasan ko ang batok nya hanggang sa likod niya, maging ang braso niya. Inayos ko ang towel sa likod nya bago kinuha ang panyo ko sa bulsa ko at humarap sa kanya, pinunasan ko ang mukha niya hanggang sa leeg, medyo yumuko pa siya para maabot ko dahil matangkad talaga siya.
"Masyado ka namang nagpasikat sa crush mo baby boy," natatawang sabi ko sa kanya.
Hindi sya sumagot kaya napatingin ako sa kanya at nakita kong seryoso lang syang nakatitig sa'kin. Nakakalulang tignan ang mga mata niya para akong nahihipnotismo habang nakatitig sa mga mata niya.