KABANATA 4
I woke up early para naman makapagjogging ako. Wearing leggings and sports bra I walked out of my room.
Sinuot ko ang airpods ko bago pumili nang magandang kanta. Nang makalabas na ako ng mansyon ay nagsimula na akong tumakbo nang mabagal. Wala pang mga tao sa kalsada kung meron man ay mga bumibili lang sa tindahan ng marahil ay almusal nila.
Matapos ang kalahating oras ay malayo na ako sa mansyon hindi ko na napansin kung nasaan na ako dahil masyadong occupied ang isip ko. Lumingon na ako pabalik para umuwi na pero bumungad sakin ang nakangiting mukha ni ate Jelly ang asawa ni Kuya Robert.
"Good morning Ally nag jogging ka?"
"Opo," nakangiting sagot ko sa kanya.
Lumapit sya sa akin at umangkla sa braso ko.
"Tara sa bahay mag almusal ka, ito o bumili ako ng pandesal," tinaas niya ang supot na hawak nya para ipakita iyon.
Sumama naman ako sa kanya dahil nahihiya akong tumanggi. Nakarating kami sa kulay dilaw na bahay, hindi ito kalakihan tama lang para sa pamilya nila. Pumasok kami sa loob at tumambad samin ang kalalabas lang sa banyo na si Leandro, mukhang bagong ligo dahil nakahubad pa. Tumutulo pa ang tubig galing sa buhok nya patungo sa katawan nya.
Napalingon ito samin at nanlaki ang mata nang makitang kasama ako ng kanyang ina. Nagmamadali itong umakyat sa itaas ng bahay nila at halos madulas pa sa hagdanan nila. Natawa naman kami ni Ate Jelly dahil sa inasal nya.
"Pagpasensyahan mo na Ally nagbibinata na kasi."
"Haha okay lang Ate he's cute," natatawang sagot ko.
"Ako ate cute ba?" singit ng kabababa pang batang babae na si Leana
"Syempre naman baby girl," sagot ko sa kanya bago lumapit at binuhat ito.
Malapit sa akin si Leana bukod sa cute nga ito ay mahilig ako sa batang babae. Pumasok na kami sa kusina at naabutan namin si Kuya Robert na nagtitimpla ng mga kape nila, at nang makita ako ay kumuha pa sya ng isa pang baso at pinagtimpla din ako.
"Mabuti naman at mukhang naging maayos kana ulit dito Ally," wika ni Kuya Robert.
"Wala naman akong magagawa kuya I have to stay," sagot ko sa kanya at tumango lang sya.
Nagsimula na kaming kumain ng pandesal at bumaba narin si Leandro para sumabay samin. Sinasawsaw ko lang ang tinapay sa kape at nang maubos ko ito ay wala na akong balak pang kumuha pero na gulat ako ng inabutan pa ako ng isa ni Leandro, may palaman pa iyong hotdog. Napatingin ako sa paligid at mukhang hindi kami pansin ng mag asawa, dahil busy sila sa pag uusap habang si Leana naman ay nakatingin sakin kung tatanggapin ko ba.
"Ayaw mo ba ate?" tanong ng bata sakin.
Ngumiti ako sa kanya at napilitang tanggapin ang iniaabot ng kuya nya.
Matapos ang almusal ay nagpaalam ako sa kanila at nagpasalamat. Pagkalabas ko ng bahay nila ay sumunod pala sakin si Leandro at inabutan ako ng jacket.
"Para san to?" tanong ko sa kanya.
"Sa'yo baka kabagin ka sa suot mo" sagot niya sa'kin bago tumingin sa t'yan ko. Natawa naman ako sa kanya at sinuot ang jacket na sa'kin pa nga ang isa n'yang jacket pinapahiram na naman ako.
"Thank you, you're so sweet baby boy," pinisil ko ang pisngi nya bago tuluyang umalis.
Nang makarating ako sa mansyon ay agad akong naligo, matapos kong maligo ay nakita ko ang jacket na pinahiram ni Leandro. Maswerte ang magiging karelasyon niya pagdating ng panahon, gentleman na bata.
Wearing maong short and v-neck white shirt ay lumabas na ako ng mansyon. Dad asked me to check on banana farm, naghaharvest ngayon at nadoon na din ang mga truck to pick up bananas. Sumakay ako sa bike na nakita ko sa garahe para mapabilis ang pagpunta ko.
Nang makarating ako ay nakita ko ang mga truck na nakaparada sa tabi ng kalsada at may mga taong nagkakarga doon ng iba't ibang uri ng saging.
Lumapit ako sa kanila at tinignan ang kanilang ginagawa. Lumapit sa akin ang isang lalaking siguro ay around my age.
"Hi you must be Ally," nakangiting sabi nito sa akin.
Nginitian ko sya at tumango sa kanya, nilahad nya sakin ang isang kamay nya para makipag kilala.
"I'm Richard Valderama ako ang buyer ng mga banana nyo."
Inabot ko ang kamay nya at bahagya nya ito ng pinisil. Kumunot ang noo ko pero di ko na lang pinansin hindi dapat ako maging masungit, we need him for business.
Hindi na ako pumasok pa sa banana farm at hinintay na lang matapos nilang mailabas lahat ng na harvest nilang saging.
Nag-uusap kami ni Richard tungkol sa kung gaano kadami ang mga saging at para sa payment nang may dumaang kotse at tumigil ito sa tapat namin.
"Hi Ally!" masiglang bati ni Ericka na nagmamadali pang bumaba sa sasakyan, habang nagbaba naman ng bintana ang driver nya at ang kuya nya pala iyon.
"San ka?" tanong ko sa kanya.
"Sa inyo sana kaso andito ka pala," nakangiting sagot nya bago yumakap sa bewang ko.
"Sige Ally I'll call your dad nalang regarding the payment," singit sa amin ni Richard.
"Sige thank you."
"And also baka pwede kitang maaya minsan pag free time mo, Uhm coffee? What do you think?"
Bago pa ako makasagot ay naunahan na ako ni Patrick,
"'Di siya uminom ng kape," napalingon kaming lahat sa kanya.
"Boyfriend mo?" tanong sakin ni Richard.
Pero bago pa man ulit ako makasagot ay muling naunahan na ako ni Patrick,
"Soon to be."
"Di pa naman pala e, I still have a chance."
"You wish!"
Papalit palit ang tingin namin ni Ericka sa kanilang dalawa habang nag-uusap sila na tila may kuryente na dumadaloy sa pagitan nila.
"Anong nangyayari best friend?" tanong sakin ni Ericka.
Napailing na lang ako sa kanya. "'Di ko din alam".
Nagkibit balikat na lang kami at iniwan ang dalawang lalaki doon na nagtatalo na.
"Ally ano bang nangyari bakit nagkasuntukan daw kahapon si Patrick at Richard?" bungad sa akin ni Daddy pagkapasok ko pa lang dinning area.
"Hindi ko po alam bigla nalang silang nagtalo."
Napailing naman si daddy, sa lahat kasi nang ayaw nya iyong may mag aaway sa harap ng business nya. Armando Sandoval ang may pinakamalawak na lupain sa lugar namin at pinakamalawak na taniman, ang pinaka ayaw nya ay ang pag aaway, that's my dad.
"You hate fights pero I heard nakipag-away ka dati sa mga manliligaw ni mommy," natatawang sambit ko sa kanya at natawa din si mommy.
"Tama ka dyan anak, I can still remember kung gaano kabugbog ang mga mukha ng mga manliligaw ko," pag-alala pa ni mommy.
"Felicidad Alvarez dating miss universe ba naman paanong hindi ako mapapaaway?" sagot sa kanya ni daddy.
Natawa na lang ako sa kanila habang inaalala nila ang mga nakaraan nila. We are having a peaceful breakfast nang pumasok si Nana Sena at sa likod ay kasunod nya si Patrick at Richard na tila nagtutulakan pa.
"Anong ginagawa nyo dito?" matapang na tanong ni dad.