Alisis.
Puno ng kuwentuhan ang paglalakbay namin kasama ang love birds na hindi na ata mapaghihiwalay dahil sa dikit na dikit sa mga sarili. hawak palagi ni Cylechter ang kamay ni Wenessa like he is scared talaga na mawala pa sa kaniya ang mahal niyang matagal-tagal na ding nawalay sa kaniya.
"Nakakapanibago parin talaga, before ay hindi kami nakakalabas ng Academia dahil sa mga ligaw na kaluluwang nangangain ng mga kaluluwa ng mga specialist." Panimulang turan ni Athena.
"At hindi ko rin expect na magiging close namin ang isang Silver Ranked na specialist na naging kalaban namin no'n." Turan naman ni Cylechter na siyang ikinatango naman ni Wenessa.
Ikinuwento nila sa amin kung paano ka grabe ang labanan nila no'n na parang handa na nilang patayin ang isa't-isa lalong-lalo na sina Wenessa at Athena na magkatumbas ang mga lakas at kapangyarihan. Even me, hindi ko makita ang sarili ko na kasama ang mga magkalaban noon na akala nila sila talaga ang totoong magkaaway. Minsan, nahuhulog na daw sila sa mga patibong na hindi man lang nila namamalayan.
"Silver Rank? Useless dahil wala na ako do'n sa palasyo naninilbihan and also, Draxunox invented that kind of positions." Turan ni Athena na siyang ikinatango nina Wenessa at Cylechter.
"Kamukhang-kamukha mo talaga si Genesis, Alisis. Hindi ko alam kung paano pero hindi ko rin kasi masabi na ikaw siya. Masiyadong kang mahinhin, masiyadong limitado ang galaw mo at ni kahit presensiya mo ay hindi ko maramdaman. At imposibleng ikaw si Genesis, galing ka sa mundo ng mga tao at do'n lumaki." Hindi ko alam kung kakabahan na ba ako sa paghihinala niya, pati nga si Athena ay seryoso na ring nakatingin sa akin.
Magkamukhang-magkamukha ba talaga kami ni nanay? Siguro hindi madali ang magiging misyon ko dito, siguro mahirap harapin ang mga problema dito kaya kailangan ko talagang mag-ingat.
"Cylechter, hindi ko kilala ang Genesis na sinasabi niyo. Hindi ko rin alam kung bakit ako naging kamukha ng kaibigan niyo, nasa'n ba siya para makumpirma ko if we have the same features in face." Turan ko nalang na may ngiting peke, hindi ko pa kasi alam kung nasa'n talaga ang lokasiyon ni nanay. Hindi pa nila nababanggit, puro nalang kuryusidad ang mga ibinabahagi nila.
"Huling naalala ko, gumawa ng portal si Genesis para mailayo kami sa mga kalaban na 'yon na nakasuot ng mga blue coat na suot-suot ang mga hood kaya hindi agad namin nakilala. Tapos nagkasagutan ang mga magkakapatid na sina Spencer, Specter at Sarionaya. Tapos bigla na namang lumitaw ang mga naka-blue coat at agad kaming nilusob. Suddenly, Levinas made portals too gamit ng hologram niya kaya nagkahiwa-hiwalay kaming lahat." Paliwanag ni Cylechter na siyang ikinakuha ng interes ko, I need to save my mother as soon as possible.
"Let's go then, puntahan natin ang lugar kung saan huli niyo siyang nakita." Taranta kung turan na siyang ikinatigil nila sa paglalakad at parang taka nila akong nilingon.
"Delikado Alisis, kahit hindi ko alam ang motibo mo pero kailangan muna nating magpalakas. They are too strong to be encounter, kakaiba ang mga kakayahan nila. Natutumbasan nila ang kakayahan ng mga Diyos at Diyosa." Athena said with this serious tone.
"Tama siya Alisis, hindi muna dapat tayo magpadalos-dalos. We need allies, kailangan marami tayo para mailigtas natin ang dapat iligtas." Sabat din ni Sera na para bang pinanliliitan ako ng mata at sa inakto niyang 'yon ay agad kong naintindihan ang gusto niyang ipaintindi. Muntikan na ako do'n! Para ko tuloy tinutulak ang sarili ko sa kamatayan, hindi kasi ako sigurado kung ang mga kasama kong 'to ay mapagkakatiwalaan. Of course except for Sera at Chester.
"Anong iligtas ang dapat iligtas sinasabi mo Serafina?" Tanong naman sa kaniya ni Wenessa na siyang ikinatigas ng katawan ni Sera. Ayan! Kung ano ang sinasabi mo eh!
"Misyon, may misyon kami na kami lang ang dapat makaalam." Sagot naman ni Sera na para bang may iniisip pang dahilan para lang mapagtakpan ang sinabi niya kanina.
"Misyon? Bakit dapat kayo lang? Magkasama ta—"
"Pre, hindi lahat ng gagawin namin ay kasali kayo. May mga misyon kasi na walang dapat nakakaalam kundi kami-kami lang. Masiyadong konpidensiyal kung aalamin niyo pa ang hindi dapat alamin." Pagputol ni Chester na siyang ikinaawang ni Cylechter pero agad naman itong tumango na para bang may naintindihan sa sinabi ni Chester.
"Three of you are all weird, isama niyo pa ang bading na 'yon." Seryosong sabi ni Athena pero hindi nalang namin pinansin.
"Saan na tayo ngayon?" Tanong nalang ni Cylechter.
"We need to find Senny first, makakatulong siya sa atin." Turan ni Wenessa.
Senny, familiar ang pangalan na 'yon sa akin. Siguro isa siya sa mga pangalan na nasa libro kaya gano'n siya kapamilyar. Hindi kami nag-aksaya ng oras at agad kaming nagmadali at pumunta sa lugar kung saan posible namin siyang matatagpuan.
Nakikita na namin ang mga matatayog na mga puno, ibang-iba sa mga ordinaryong mga puno sa iba't-ibang lugar. Silbing ang mga malalaking puno na 'yan ang mga silbing proteksiyon sa eskwelahan ng mga Enchanters at Enchantress sa mga ligaw na kaluluwa noon. Pero gumagabi na, wala na atang mga gano'ng klaseng nilalang.
"Ano bang klaseng kaluluwa ang mga gumagala dito no'n?" Tanong ni Sera kaya agad siyang binigyan ng ngisi ni Wenessa na para bang nananakot.
"They have red eyes, para silang mga shadow na susunod-sunod sa'yo at hindi ka titigilan kapag hindi nila makakain ang kaluluwa mo." Nag-uudyok na sabi ni Wenessa na siyang ikinataas ng balahibo ko sa batok. Gano'n na ba sila nakakatakot? Ewan nalang kung nag-e-exist pa sila baka hindi ko na matapos ang misyon ko at bumalik ulit sa mundong nilakihan ko.
Agad bumungad sa amin ang malalaking letra na gawa sa mga kahoy, kung tititigan ay para itong lumang-luma na pero matibay parin. Parte parin ba ito ng mga spell ng mga Enchanters? Ano kaya ang pinagkaiba nila sa mga Witch?
"Paano tayo makakapasok?" Inis na sabi ni Chester pero parang may napagtanto siya at agad napatingin sa akin. Agad ko siyang tinignan ng masama.
"Sige na Alisis, para mas mapadali natin ang paghanap sa babaeng tinutukoy nila." Napatango nalang ako, as if may choice ako.
"Humawak kayo sa'kin." Utos ko sa kanila na siyang ikinatango nila kaagad at humawak sa balikat ko.
I close my eyes at sa isang iglap ay para akong nakaramdam ng kakaibang hangin kaya agad akong napadilat. Bumungad sa amin ang mga naglalakihang gusali. Hindi siya makikita sa labas dahil nahaharangan ng malaking gate pero kapag pumasok man ang kung sino dito sa loob ay mapapanganga nalang kayo. Walang Enchanters na nasa labas, may klase ata.
"I didn't expect na ganito kalaki ang Publiko Encantado." Turan ni Athena na para bang namamangha na din sa nakikita.
"Dito ako nanggaling pero hindi ko alam na nandito pala si Senny?" Takang tanong ni Wenessa sa sarili niya na parang may napagtanto.
"Publiko Encantado is quite big, no wonder hindi mo nakita si Senny." Sabi sa kaniya ni Athena.
"Dito kita nakita no'n Wenessa, at do'n nagsimula ang love story natin." Ngising asong asar ni Cylechter kay Wenessa na ngayo'y pulang-pula na.
"Maya na landian guys, we are here to look for the girl you are talking about." Inis na turan ni Athena at narinig ko nalang na naghagikhikan ang love birds.
"Bakit ang bitter mo ata Athena? Kasi hindi ka na hinahabol ni Igneous? Pakipot ka kasi hahaha!" Tawa-tawang turan ni Chester at hindi namalayan ni Chester na may lumipad na kamao at natamaan ang tiyan niya na siyang ikinaungol niya.
"G-Grabe! Ang lakas ng suntok mo!" Sigaw sa kaniya ni Chester na ikinangisi lang ni Athena.
"Wala pa 'yon sa lakas ko kaya takpan mo ang bibig mo kung ayaw mong paduguin ko 'yan. How I love punching boys' faces." Turan ni Athena na ngayo'y inililibot na ang mga mata sa bawat corners ng lugar na para bang pinag-aaralan niya ang mga 'to.
Agad kong nilingon si Chester at agad siyang dinilaan dahil sa inakto niya kanina. Alam niyang brokenhearted si Athena, tinutulak niya parin kaya ayan edi nasuntok. Buti nga!
"Apostle mo 'ko Alisis kaya protektahan mo 'ko sa kaniya." Ngusong turan ni Chester at akmang magsasalita na ako ay bigla nalang siyang nakatikim ng batok galing kay Sera na ngayo'y inis ng nakatingin sa kaniya.
"Ikaw ang Apostle, hindi siya. Kagagohan mo din kahit kailan Chester, ang sarap mo talagang paliparin. Kulang pa 'yong ginawa ni Athena sa'yo eh."
"Napakabrutal niyo talagang mga babae kahit kailan!" Sigaw ni Chester pero agad kong tinakpan ang bibig niya dahil sa narinig.
"Huwag kang maingay Chester, may naririnig akong umiiyak." Pagkasabi ko no'n ay agad lumapit sa akin si Sera na para bang may mali akong sinabi. Para tuloy siyang tuta na sumisiksik sa akin dahil sa takot.
Narinig ko ulit ang iyak kaya napatingin ako sa side kung saan do'n nanggagaling ang paghikbi. Hinay-hinay akong naglakad at narinig ko pa ang pagtawag sa akin ni Athena na parang pinag-iingat niya ako. Hindi ako sigurado pero alam kong hindi naman delikado ang ginagawa ko, siguro may dahilan ang kapalaran kung bakit kami nandidito.
Naramdaman ko nalang na nakasunod na ang mga kasamahan ko na para bang curious din sa ginagawa ko.
Hanggang sa naabutan ko ang isang batang babae, hindi siya gano'n ka bata pero parang nasa edad trese lang ata siya. Nakaupo sa lupa at yakap na yakap ang magkabilang tuhod habang nakayuko ang ulo. Tama nga ako, she is crying at dito nanggaling 'yon.
"Bata." Tawag ko dito at agad itong napalingon sa akin na para bang naalerto o natakot pero agad iyong napawi dahil ata sa hindi niya ako kilala. Nakikita ko sa ekspresiyon niya na para bang nagtatanong kung sino ako. Lumingon din siya sa likuran ko at nakita kong mas lalo siyang napaiyak.
"Ayan Chester! Tinakot mo!" Pang-aasar sa likuran ni Sera kay Chester.
"Tanga ka talaga Sera, napaiyak siya dahil hindi niya aakalain na may ganito pa pala kaguwapong naninirahan sa mundong 'to." Halos mapaubo ako dahil sa sinabing 'yon ni Chester.
"Huwag mo sila pansinin bata ah? Teka bakit ka ba umiiyak?" Tanong ko sa kaniya na siyang ikinalingon niya ulit sa akin. Umupo ako para mapantayan siya pero bigla nalang akong napaatras dahil sa biglaan niyang pagyakap sa akin.
"T-Teka bakit ka ba umiiyak bata?" Tanong ulit ni Sera na siyang mas ikinahagulhol ng bata.
"A-Ang ate ko, kinuha nila ate ko at pinag-eksperimentuhan!" Iyak na turan ng bata na mas lalong ikinanuot ng noo ko. Hindi ko naman ata kayang hayaan ang batang ito na maging miserable dahil nawalay sa ate niya.
Nilingon ko ang mga kasamahan ko at parang may parte sa kanila na parang nagdadalawang-isip kung tutulungan ba nila ang bata. Nilingon ko ulit ang bata na nakaub-ob parin ang mukha sa tiyan ko, ewan ko pero agad napahawak ang mga kamay ko sa uluhan niya. Para bang hinaplos ang puso ko dahil sa inaakto ng bata ngayon, she really loves her sister.
"Pinag-eksperimentuhan? Anong klaseng experiment ba bata? Teka what is your name pala?" Sunud-sunod kong tanong sa kaniya kaya agad siyang napahiwalay sa akin at hinarap ako.
"Ako po si Senya, at ang ate ko ay g-ginawa nilang subject para sa isang nilang project na siyang alam kong mas magpapabago sa mundo natin." Turan ng bata kaya mas lalo akong na-curious dahil sa sinabi niya.
Project? Subject? Ano bang klaseng eksperimento ba ang tinutukoy nitong si Senya at parang takot na takot siya? At ano? Magpapabago sa mundo na'to?
"Ano bang project ang tinutukoy mo Senya?" Tanong ko ulit, ramdam ko ang pananahimik ng mga kasama ko dahil sigurado akong interesadong-interesado na silang lahat sa sinasabi ngayon ng bata.
"Isang project po na kayang kunin ang kapangyarihan ng isang Diyos o Diyosa at ilipat sa ibang katawan. Sakim na po sa kapangyarihan ang mga propesor dito ate." Napasinghap agad ang mga kasama ko dahil sa sinabi nito at kahit ako ay nabigla dahil sa sinabi ng bata.
"Sigurado ka ba talaga Senya?" Paninigurado ko na siyang ikinatango niya ng marahan.
Napatayo ako at kaagad hinawakan ang kamay ni Senya. Ang ate niya ang subject, sigurado akong isang Diyosa ang ate niya.
"Kailangan natin siyang tulungan, 'yong ate niya. Nasisiguro akong isang Diyosa ang ate niya at makakatulong din ito para magkaroon ng malaking alyansa laban sa mga kalaban." Turan ko sa kanila at nakita kong sang-ayon sila sa sinabi ko.
Nilingon ko ang bata at nakita kong naiiyak na naman siya kaya agad ko siyang niyakap ng mahigpit.
"Tahan na Senya, ililigtas namin ang ate mo. Sabihin mo sa amin kung saan siya dinala para matulungan namin." Sabi ko sa bata at agad naman itong napatango at tinignan ako sa mga mata.
"Ano bang pangalan ng ate mo bata? Para kasing may kung ano sa loob ko na hindi mapakali eh." Tanong ni Cylechter kaya sa kaniya naman tumingin si Senya.
"Si Ate Senny po."
Tadhana nga naman oh.