TO have Monika as one of his passengers is Kahlil’s absolute punishment from Faye. Hindi niya alam kung bakit pinarurusahan siya ng dalaga gayong alam naman nitong hindi siya komportable kapag kasama ang nasabing dalaga. He is sure na hindi naman siya naging rude kay Monika habang hinihintay nila ang dalaga sa pagbaba.
“Hindi kita pinarurusahan,” sambit ni Faye nang nakita niya ang hitsura ni Kahlil. “Pinasakay ko lang talaga si Monika dahil gagabihin na naman siya ng uwi kung iniwanan natin siya kanina.”
Isang irap na lamang ang pinakawalan ni Kahlil. Halatang hindi niya tanggap ang reasoning ng dalaga. Well, hindi siya pwedeng sisihin ni Faye dahil hindi naman na nito kasalanan kung laging stressed ang beauty niya kay Monika. Ang hindi lang niya nagustuhan ay ang fact na nakalimutan ni Faye kung sino ang tunay na may-ari ng kotseng minamaneho niya.
“Huwag ka nang magalit kung napilitan ka mang ihatid si Monika,” malambing na sabi ni Faye sa kaibigan. “Hindi ko naman talaga intensyon na asarin ka eh.”
Inirapan na lamang ulit ni Kahlil si Faye nang sandaling iyon, “Siguraduhin mo lang talaga na hindi mo intensyon iyon dahil wala talaga akong balak na maging lalaki pagdating sa kanya. I can die as a virgin gay kung siya man ang huling babaeng matitira rito sa Earth!”
Natawa na lamang si Faye sa sinabi ni Kahlil. Mukhang desidido na ang kaibigan niyang bakla na huwag bigyan ng chance ang pag-ibig ni Monika. Hindi nga lang siya sigurado kung virgin gay ang kaibigan niya dahil kung zero ang kanyang lovelife ay lagi namang bongga ang lovelife ng loko kahit after five days ay mababalitaan na lamang niyang hiwalay ito sa lover nito. Hindi nga lang niya alam kung bakit laging nauuwi sa hiwalayan ang lovelife nito.
“Kahlil, Baks, matanong nga lang kita,” sambit ni Faye sa kaibigan. “Bakit nagkahiwalay kayo ni Marlon? Mukhang in love na in love ka sa kanya ah.”
Isang malalim na hininga na lamang ang pinakawalan ni Kahlil nang sandaling iyon. Hindi niya inaasahan ang tanong na iyon sa kanya ng dalaga lalo na at sa pagkakatanda niya ay wala namang pakialam si Faye sa breakups niya. Hindi naman niya pwedeng sabihing wala talagang breakup na naganap dahil hindi naman sila nagkaroon ng relasyon ni Marlon. Kailangan niyang makaisip ng isang kakaibang excuse para hindi na siya kulitin pa ng dalaga tungkol sa recent breakup niya. Iyon nga lang, hindi naman gumagana ang utak niya nang sandaling iyon.
“Ano nga kasi ang reason?” tanong ulit ni Faye sa bakla. “Imposible naman kasing magkahiwalay kayo nang walang dahilan, tama?”
Napapikit na lamang si Kahlil nang nakaisip siya ng isang dumb excuse. He is hoping na kakagatin ng dalaga ang excuse na ibibigay niya.
“Nakipaghiwalay ako sa kanya dahil ginulo niya ako sa panonood ng Finding Nemo,” sambit ni Kahlil in an embarrassed tone. “I loved him, yes, pero hindi naman pwedeng sa lahat ng oras ay nasa kanya lang ang atensyon ko. Alam mo namang paborito ko si Nemo, hindi ba?”
Isang malakas na tawa ang napakawalan ni Faye dahil sa sinabi ni Kahlil. Hindi siya makapaniwalang nakipaghiwalay si Kahlil sa mahal nito dahil lamang sa isang movie. Alam naman niya kung gaano ka-busy palagi ang binata kaya ang inaasahan niya ay nag-away ang dalawa dahil sa nawalan na ito ng time kay Marlon, not the other way. Hindi tuloy niya malaman kung iko-comfort ba niya si Kahlil o pagtatawanan pa niya ito dahil sa kakaibang rason ng hiwalayan nila. She cannot even keep a straight face kahit na sabihin pang pinipigilan niya ang pagtawa niya.
“Sige lang, tumawa ka lang,” inis na sabi ni Kahlil sa kaibigan. “Huwag mong pigilan at baka mautot ka pa. Mangamoy pa rito nang wala sa oras.”
HINDI na bumaba pa ng kotse si Kahlil nang nakarating na sila sa bahay nina Faye. Nagdahilan na siyang pagod na rin naman siya nang sandaling iyon kaya nais na rin niyang umuwi. Tulad nang inaasahan niya, nginusuan pa siya ng dalaga dahil sa ginawa niya. Isang assuring, but tired nod na lamang ang isinagot niya kaya wala na ring nagawa si Faye nang sandaling iyon kundi ang hayaan siyang umalis.
Sakto namang nakalayo na siya sa dalaga nang tumunog ang phone niya. Sa pag-aakalang tumatanggap lamang siya ng isang tawag mula sa kanyang secretary ay hindi na niya sinilip pa ang pangalan na nasa call register bago pa man niya iyon sinagot.
“Mukhang nagmoved on ka nang tuluyan sa akin ah,” bungad agad ng isang tinig na kilalang-kilala ni Kahlil. “Hindi mo man lang ako kinumusta sa trabaho ko.”
Isang malalim na hininga na lamang ang pinakawalan ni Kahlil bago pa man niya binanggit ang pangalan ni Marlon. Hindi niya alam kung ano ang kailangan ng binata sa kanya lalo na at sa pagkakatanda niya ay nagawa naman na niya ang kailangan niyang gawin bilang bayad sa naging deal nila nitong nakaraan na may kinalaman kay Faye.
“Natahimik ka na, hindi mo man lang ba ako tatanungin kung kumusta na ako sa trabaho ko?” tanong muli ni Marlon sa binata.
“Hindi ko kailangang kumustahin ka sa trabaho mo dahil sa pagkakaalam ko ay maayos naman ang ginagawa mo,” sagot naman ni Kahlil in an authoritative tone. “I am your boss kaya bawat galaw mo ay nakareport na sa akin.”
“I see,” naiiling na sabi ni Marlon. “So, alam mong tinanggal din ako kaagad sa trabaho ko?”
“Alam ko, because why not?” tanong ni Kahlil. “You were not doing your job properly kaya kahit na may backer ka, tanggal ka pa rin.”
“Ang sinasabi mo ba sa akin ay wala kang gagawin para mabalik ako sa trabaho? Paano mo na ako patatahimikin tungkol sa sikreto mo?” sunod-sunod na tanong ni Marlon sa binata.
Kumunot na lamang ang noo ni Kahlil sa narinig, “Pinagbabantaan mo ba ako?”
“Hindi naman kita pinagbabantaan, sinasabi ko lang naman ang pwedeng mangyari kapag hindi mo ako ibinalik sa trabaho ko.”
Napapikit na lamang si Kahlil nang sandaling iyon. Hindi niya inakalang magiging sakit pa sa kanyang ulo ang lalaking kinuha niya para lang magpanggap bilang lover niya sa paningin ni Faye. Hindi naman matatanggal si Marlon sa trabahong ibinigay niya kung pinagbuti nito ang ginagawa. Ayon na rin sa mga tauhan niya mismo, ipinakita ni Marlon sa kanila na wala itong kinatatakutan dahil sa naging deal nilang dalawa noon. Kahit na halos isang araw pa lamang si Marlon sa Milky Way mall ay hindi sila nagdalawang-isip na tanggalin ito sa trabaho. Hindi nila kailangan ng tauhang ignorante sa trabahong pinasok nito.
Kahit naaasar siya nang sandaling iyon ay hindi niya iyon pwedeng iparamdam sa binata. Once na napansin ni Marlon na handa siyang patulan ang bawat pananakot nito sa kanya ay siguradong gagamitin na nitong panakot ang sikreto niya para makuha ang gusto. He needs to hold his act together kung gusto niyang masiguro na hindi siya magagamit ni Marlon para lamang sa mga pansarili nitong interes. He is the boss kaya walang karapatan si Marlon na takutin siya tungkol sa mga nalalaman nito. But for now, kailangan muna niyang magpanggap na susundin niya ang kagustuhan nito habang nag-iisip siya ng paraan para mapatahimik kaagad ang binatang kausap niya.
“Ang sabi mo ay mananahimik ka na kapag ibinalik na kita sa trabaho mo, hindi ba?” tanong ni Kahlil in a negotiating tone.
“Of course, iyon lang naman ang kailangan ko,” sagot naman ni Marlon. “Wala nang iba.”
“Well then, I will see what I can do,” mabilis na sabi ni Kahlil. “But I cannot assure you na maibabalik ka kaagad dahil nakita na nila ang credibility mo bilang isang empleyado. Got it?”
NAPASANDAL na lamang si Kahlil sa driver’s seat natapos na ang tawag ni Marlon sa kanya. Aminado naman siyang dangerous ang ginawa niyang pakikipagkilala sa binata sa Omegle dahil hindi niya ito kilala nang personal. Kadalasan ay kinikilala muna niya on a personal level ang lalaking magpapanggap bilang boyfriend niya, pero iba iyon sa naging kaso ni Marlon. Minadali niya masyado ang pagkilala sa binata kaya ngayon lang niya nakikita ang komplikasyon sa ginawa niyang pakikipagkasundo sa binata. Isang mahinang ‘shit’ na lamang ang pinakawalan niya dahil sigurado na siyang susubukan ng binata na gawing mas komplikado ang buhay niya. Dahil sa bigla siyang na-stress ay nagpasya siyang tawagan ang isa niyang kaibigan, si Warren Spencer Gonzaga.
Warren Spencer Gonzaga is also the same Sir Warren na nakilala ni Faye mula sa webinar nito. Walang ideya ang dalaga na magkakilala ang dalawang lalaki lalo na at sa magkaibang college naman sila pumasok ni Kahlil kaya hindi nito alam ang koneksyon nila. Pasalamat na lamang si Kahlil dahil kahit busy ang binata sa ginagawa nito sa webinar ay may oras pa ito para makipagkita sa kanya. Itinext na lamang niya sa binata kung saan sila magkikita. Isang malalim na hininga na lamang ang pinakawalan niya. Kailangan niya ng makakausap tungkol sa bago niyang problema.
Ilang minute rin ang lumipas bago pa man nagpakita si Warren sa kaibigan niyang si Kahlil. Napailing na lamang siya nang nakita niya ang getup ng kaibigang guro. Ang akala pa naman niya ay may nabago na sa fashion sense nito dahil humaharap naman na ito sa mga bata. Iyon nga lang, pinatunayan ni Warren na weird talaga ang fashion taste nito kahit na sabihin pang may hitsura rin naman ito tulad niya.
“Hindi mo ako tatawagan kung wala kang problema,” bungad ni Warren sa binata nang nakaupo na siya sa designated seat niya. “Sabihin mo na kung ano ang problema mo at medyo busy ako ngayon. May presentation kasi akong ginagawa.”
Isang malalim na hininga lamang ang pinakawalan ni Kahlil bago pa man siya nagsalita, “I am fucked up right now.”
“What?!”
“I am seriously fucked up, and time only knows kung paano sasabog si Faye sa akin.”
ITUTULOY…