Kabanata 3
IMPYERNO. Iyon nga yata talaga ang tamang termino na dapat gamitin ni Raiah para sa Surgery Ward. Kapag dumarating kasi si Dr. Kavinski, pakiramdam niya palagi siyang iniihaw nang buhay. Dalawang araw pa lamang siyang naka-duty ngunit ang pagod niya, pwede niya nang sumahing pang-isang buwan.
"Chavez!" tawag na naman nito pagpasok pa lamang sa ward.
Napapitlag si Raiah. Muntik pa niyang mabuga ang kanyang iniinom na kape  nang marinig ang tinig ng doktor. Nilapag niya kaagad ang cup sa desk na para sa kanilang mga OJT students at dali-daling dinampot ang records na kakailanganin ng doktor.
Dr. Tash was behind Dr. Kavinski. As usual, may ngisi na naman ito sa labi pagpasok pa lamang sa ward. Kumpara kay Dr. Kavinski, mas mahilig maki-harot si Dr. Tash sa mga nurse at estudyante kaya naman laging natatapunan ng matalim na tingin ni Silver.
"Doc..." she called in a low tone as she handed him the records.
Kumunot ang noo ni Silver sa kanya pagkakuha nito sa records. "Para kang pusa magsalita, Chavez samantalang nang sigawan mo ko daig mo pa ang aktibista sa EDSA," anas nito habang ang mga mata ay nakatutok sa binabasa.
Napasimangot siya. Kailan ba ito magmo-move on? Uso ba iyon sa lalakeng ito? Kung sabagay. Natandaan nga nito lahat ng pinag-aralang medical jargons iyon pa kayang ginawa niya?
"Next time speak louder. You sound like you're lowkey seducing someone when your voice is that low," patuloy nito bago tinapunan ng tingin ang kaibigang doktor na nakikipagharutan na naman sa mga nurse. Mayamaya'y bumuntong hininga ito saka siya binalingan. "Come on. I don't have all the time in the world."
Mabilis itong lumakad patungo sa pinto. Wala tuloy nagawa si Raiah kung hindi ang bumuntot at piliting humabol sa malalaking hakbang ni Silver. Siya na naman ang bitbit nito sa pagra-rounds sa mga private room. Palibhasa yata naaaliw itong sermunan siya. Kung tutuusin daig pa nga nito ang sarili niyang nanay kung manermon.
They went to Mr. Teng's room. Ang silid na tila laging may bachelor's party. Paano ay palagi itong may dalaw na mga babae at ang chismis ng ilang nurse, mga kabit daw iyon ng negosyante palibhasa ang tunay na asawa ay nasa Singapore.
Napatakip si Raiah ng records sa mukha nang sa pagbukas ni Silver ng pinto, naabutan nilang nakikipaghalikan ang matandang negosyante sa isang babaeng hindi nalalayo ang edad sa kanya. As a matter of fact, kung hindi lang siguro ito naka-heavy makeup ay masasabing menor de edad pa lang ang babae ngunit kung makipagpalitan ng laway kay Mr. Teng ay ganoon na lang.
She didn't even mind letting her butt cheeks get exposed. Nang masulyapan si Silver ay lihim pa itong nagpakita ng interes sa doktor habang kunwari ay inaayos ang nalislis na mini skirt dahil sa pakikipaglampungan sa pasyente.
Napalunok si Raiah nang sulyapan siya ni Silver. Nakatakip pa rin kasi ang records sa mukha niyang pulang-pula. Nang mag-angat siya ng tingin dito, napansin niyang nakataas na ang isang kilay nito sa kanya at ang tinging pinupukol sa mala-kamatis niyang mukha, halatang nawirduhan.
Silver sighed while shaking his head. "Could you be any worse, Chavez..." Silver commented. Mayamaya'y inagaw nito sa kanya ang tanging pinantatakip niya sa kanyang mukha.
Napasimangot tuloy si Raiah. Nagsimula na naman ang magaling na doktor sa mga side comments nitong alam naman niyang may ibang kahulugan kaya nang lumakad si Silver patungo sa tapat ng kama, hindi napigilan ni Raiah na angilan ito.
She mimicked his words silently while making faces. Ngunit hindi niya inasahang titignan siya nitong muli. Nahuli tuloy siya sa akto.
Agad siyang pinaningkitan ng mga mata ni Silver. "Magtrabaho ka. Nurse ang kailangan ko hindi clown."
"BWISIT talaga 'yon. Alam mo guilty naman ako eh na may kasalanan ako sa kanya pero uso rin ang move on. Pinagtawanan tuloy ako kanina ng pasyente," asik ni Raiah saka siya naupo. Kakain sila ng lunch ni Vina sa cafeteria ng ospital pero sa inis pa lang yata niya kay Silver, busog na busog na siya.
Vina laughed softly. Magkatapat sila ng upuan kaya alam niyang kitang-kita nito kung gaano siya kagigil. "Ang cute kaya ni Doc kapag sinisita ka."
Humaba lalo ang nguso niya. Bihira siyang mainis sa isang tao at madalas umiral ang hiya niya, pero dalawang araw pa lang, mapipigtas na talaga ni Silver ang pasensya niya. Kung hindi kasi siya ipapahiya, sasampalin siya nito ng katotohanang hindi niya alam ang pinasok niya.
Parang kanina. He kept asking her about Mr. Teng's condition. Nagtataka ang marami kung bakit hindi kaagad pinasailalim ni Silver ang negosyante sa surgery. She was clueless, too pero kanina ay tinanong siya ni Silver kung anong tingin niyang dahilan. Malay ba niya sa observation nitong hirap ang lahat na sabayan?
Napairap siya sa kawalan. "Buti sana kung sinisita lang ako. Hindi eh. Pinagmumukha akong tanga. Sana kasi gets niyang hindi lahat kayang maisip na kaya nagkaganoon si Mr. Teng ay dahil sa diabetes mellitus."
"That's why we self-study and not just depend on what the school is teaching us."
"Kahit na, Vina." She sighed. Gusto niyang bumanat na hindi lahat kasing tyaga nitong mag-aral. Palibhasa gusto nitong maging Anaesthesiologist. "It's still not right to humiliate people that way. Akala mo naman pwedeng gamitin ang pogi card para i-invalidate ang kasamaan ng ugali."
Nagpigil ng tawa si Vina. Mayamaya'y may tinignan ito sa kanyang likod ngunit agad ding binalik ang tingin sa kanya. Sinangkal nito ang magkabilang siko sa mesa saka pinagsalikop ang mga palad bago muling nagsalita.
"Bakit, Raiah? Hindi ka ba talaga naga-gwapuhan kay Dr. Kavinski? Kahit kaunti?"
She hissed. "Gwapo ba 'yon mukha kaya siyang mumu."
Kumunot ang noo ni Vina...pati ang taong nakatayo sa likod ni Raiah kasama si Dr. Tash na todo ang pigil sa sariling bumungisngis ng tawa.
Silver's eyes narrowed. Sinenyasan pa nito si Vina na usigin ang kaibigang magsalita at iyon ang ginawa ni Vina hindi dahil hindi siya tunay na kaibigan kung hindi sa totoo lang, nakikitaan niya ng chemistry ang kaibigan at ang doktor.
"Paanong mumu? May mumu bang ganun ka-gwapo?"
Ngumuso si Raiah saka nito dinampot ang saging at tinutok kay Vina. "Kamukha niya si Danny Phantom." Pabalang nitong binalatan ang saging saka kinagatan. Mayamaya'y muling nagsalita si Raiah habang may nginunguya. "I don't like Danny Phantom."
Natawa si Vina. "Sinong gusto mo si Ben 10?"
Napatigil sa pagnguya si Raiah. Her eyes narrowed at her friend before she answered in a sarcastic way. "Hindi, girl. Si Barney. Si Barney ang type ko."
Tuluyang bumungisngis ng tawa si Dr.  Tash kaya napatingin si Raiah sa kanyang likod. Ngunit nang magtama ang tingin nila ni Silver, muntik na yatang matanggal ang eyeballs niya sa sobrang panlalaki ng mga mata niya.
"D—Doc..."
Silver clenched his jaw. Naningkit ang mga mata nito sa kanya habang ang mga labi ay mariing magkalapat. "I see. Kaya naman pala galit ka sa ginagawa ko. Because your mouth mirrors mine. Ang bait-bait mo kapag kaharap ako, Chavez. I really thought you were sorry for what you did tapos..."
Vina laughed. "Totoo, Doc. Mabait naman talaga 'yan. Nagiging ganyan lang naman si Raiah kapag nagugutom na."
Halos hindi na magalaw ni Raiah ang kanyang panga. Hindi niya na nga alam kung dapat ba niyang nguyain pa ang saging sa bibig niya o lunukin na lang ito. Bakit kasi ang laki ng kinagat niya? Problema pa tuloy niya ito ngayon!
Eh bakit kasi susulpot na lang bigla? Mumu talaga.
Nabaling sa umbok sa kanyang pisngi ang tingin ni Silver. Naroon na naman ang mapanghusga nitong tingin kaya alam niya na noong bumuka ang bibig nito, lalaitin at sesermunan na naman siya ng magaling na doktor na mas bagay pa yatang magpari.
Ngunit bago pa man makapagsalita si Silver, bumukas ang pinto ng cafeteria. Pumasok ang grupo ng mga babaeng doktor kaya siniko kaagad si Silver ni Dr. Tash.
Ganoon na lang ang gulat ni Raiah nang biglang inagaw ni Silver ang saging sa kanya. Lumapit pa itong lalo at walang anu-anong yumuko, ang baba ay sinangkal nito sa kanyang bunbunan.
"Dahan-dahan kasi. Balatan mo muna. Baka mamaya sabihin nila hindi ka nabubusog ng sa'kin," Silver said that made the other doctors, especially Crisma, stop to look at them.
Napakurap si Raiah. Ang mga labi niya ay umawang sa pagtataka dahil bigla ay ang lambing ng tinig ni Silver sa kanya. Ginalaw niya ang kanyang ulo upang tingalain ito. Sakto namang naglakad si Dr. Crisma palapit sa kanilang direksyon kaya ang loko-lokong si Silver, biglang sinubo ang saging sa kanyang bibig. Hindi iyon naputol na sakto lamang sa bibig niya kaya ganoon na lang ang gulat ni Raiah nang biglang yumuko si Silver. He took the excess using his own teeth and when his lips touched hers, Raiah felt like she just had a heart attack.
Ni hindi niya nakurap ang nanlaki niyang mga mata. Ni hindi niya naitulak si Silver matapos nitong aksidenteng ninakaw ang first kiss niya. At ni hindi man lang niya nagawang huminga habang malakas na tumatambol ang puso niya.
"So much for someone who hates office romance..." dinig ni Raiah na ani ni Dr. Crisma bago ito galit na nagmartsa palabas ng cafeteria.
Doon lamang tumuwid ng tayo si Silver. Inayos nito ang coat na suot habang nginunguya ang saging sa bibig, tila wala man lamang dito ang nangyari kani-kanina lang.
Dr. Tash chuckled. "Uy, Raiah. Ano nang nangyari sayo?"
Hindi siya nakaimik. Nang tignan niya si Silver, ngumisi pa ito sa kanya saka nito nilunok ang saging na nasa bibig. "Don't tell me you'll start liking me now?" Pinitik nito ang kanyang noo. "Wake up. That was just a kiss."
Naikuyom ni Raiah ang kanyang mga kamao. "That's my first kiss."
Lumawak ang ngisi sa mga labi ni Silver kasabay ng pagtaas ng isang kilay nito na animo'y hindi talaga ito nakonsensya.
"Well if you don't want your second kiss to be me, eat apples instead." He patted her head again like the first time they met before he stormed out with Dr. Tash as if nothing happened.
Great. Ngayon siguradong mas mainit na sa impyernong napadpadan niya dahil sa nangyari.