M e a g a n
Another week passed. Dahil sa mga OA at supportive friendship ko hindi talaga nakalapit sa akin si Ajax. Ganoon din pauwi dahil minsan sumasakay na lang ako sa trike pag hindi ko kasabay si Abby. Hindi makaporma si Ajax sa akin. Feeling ko nasasanay na ako na ganoon kami. Hanggang titigan na lang kami. Minsan naawa na ko sa kanya dahil wala na siya sa sarili, magulo ang buhok. Lagi na lang nakamukmok sa upuan niya, pero minsan nakikita ko siyang nakikipagbiruan kay Earl kaya baka okay na siya.
"Guys! Malapit na ang tour natin!." Nagulat ako nagtitili si Abby habang kumakain kami ng burger sa bench na malapit sa canteen. "Tabi tayo ha.!." Si Lance. "Sige pagkasyahin natin sa isang upuan ang mga sarili natin." Si Jhyll. Nag-uusap sila tungkol sa tour. Hindi ako nakisali sa usapan nila. Hayss sana bukas katabi ko si Ajax. Pero hindi pwedi dahil pepektusan ako ng mga lukaret na ito. Thankful din naman ako sa kanila. Dahil dinadamayan nila ko palagi sa lahat ng pagkakataon. At ganoon din naman ako sa kanila. Kulang na nga lang ay umuwi sila sa bahay namin para matawag ko na silang kapatid. Pero minsan OA na rin naman.
Days passed, same as usual. Ang iba excited para bukas. Para sa tour namin. At nag-uwian ang lahat na may ngiti sa labi at pait naman sa labi ang nasulyapan kong dala-dala ni Ajax. 'Gosh! I really miss him. Namimiss ko na siyang kasama. Namimiss ko na ang mga funny jokes niya at ang kakornihan namin. Hayys! This is killing me. I miss my boy.'
"Meagan!." Nanonood ako ng palabas sa TV na anime. Nakasalamapak ako sa upuan at may nginunguyang Snacku ng ginulantang ako ni mama. Let me introduce my mother first--  her name is Andria Ortiz Medrano, 48 years old. She's kind sometimes, she's beautiful syempre naman. Pero kuripot yan. "Po.? Baket maaa..?." Nagdidilig siya ng halaman sa may balcony. "May naghahanap sayo.!."
"Sino daw po?."Ako. "Classmates mo raw. Hihiram daw ng notes mo.! Lumabas ka.!."
"Sino nga po maaa..?! Pakisabi busy ako. Tsaka Tour namin bukas anong notes ang hihiramin ba niya.?!" Tamad na tamad ako tumayo kaya hindi ko pinansin ang pinagsasabi ni mama. Wala naman ako eneexpect na pupunta sa bahay. Malalayo ang bahay ng mga kaibigan ko. Si Abby naman ni  minsan hindi iyon nanghiram ng notes. Sino kaya yun.? Biglang pumasok sa utak ko si Ajax. Napatalon ako at tumakbo papunta sa maindoor namin. "Ma.? Asan na siya.?."
"Bata ka!." Nagulat si mama ng sumulpot ako sa likod niya. Tumingin ako sa paligid wala naman na tao doon. "Ma, pinaalis mo?! Sino kaya 'yon.?."
"Nagpaalam na!  Ayaw naman pumasok sa loob gawa ng nagmamadali raw siya. Ayaw mo naman lumabas. Sabi ko nanonood ka ng Cartoons."
"Anime po 'yon hindi cartoons.." Bulong ko habang papunta ako sa gate. Iginala ko ang mga mata ko. Left and right. Si Ajax yun!'  Nakasakay sa bicycle niya. Tinampal ko ang noo ko. 'Stupid! Stupid ka Meagan! Bakit hindi ako lumabas agad. Gusto ko mainis kay mama dahil hindi niya sinabi na si Ajax 'yon. Pero hindi ko pwedi ipakita na naiinis ako dahil mababatukan niya ako. Tuloy-tuloy na ko papasok sa loob. Hindi ko naman siya matawagan o matext dahil pahirapan humingi pangload. Nagkakaload lang ako pag tatawag sa mga kapatid ko. Apat kami magkakapatid may dalawa akong ate na pareho nasa maynila. Si ate Dessa at ate Ariel. Isang kuya nag-aaral ng college pero graduating na ngayong school year, si Kuya Jules na lagi kong kaaway!. 6years ang  agwat namin. Huminto siya ng dalawang taon sa kolehiyo pasaway kase. Nasa boarding house lagi. Kami lang dalawa ni Mama magkasama dahil si Papa nasa restaurant lagi nagbabantay ng mga empleyado niya. Halos 30 years si Papa nag abroad sa    Taiwan bilang isang Manager sa Hotel. Nang nakatapos na sila ate magkolehiyo ay nagdecide na umuwi at dito na lang siya magnegosyo. Hendry Ochoa Medrano,  50 na si Papa at sobrang sipag niya well, halata naman,.hindi ko siya ipagpapalit kahit kanino pang tatay sa buong mundo. Siya ang reason kung bakit may kaunting kasipagan na nakadikit sa katawan ko.
Kakauwi niya lang nang isang taon. Kaya halos hindi siya umaalis sa restaurant para isupervise ang mga empleyado. Meron naman siyang pinagkakatiwalaan na mga tao pero gusto niya pa rin manatili doon. Graduated si Papa ng HRM kaya pangarap niya talaga tumayo ng restaurant at sinuportahan naman siya ni Mama at nila ate. Ayaw niya pagtrabahuhin si Mama pero minsan ay pumupunta naman sa restaurant.
"Meagan sa maynila ka nalang mag- aral."  Kinausap ako minsan nila Papa at Mama. Pero todo tanggi ako. "Ayoko mama dito na lang ako sa probinsiya."
"Mas maganda doon Meagan. Nandoon naman ang mga kapatid mo. May bahay na tayo sa Maynila. Tapos na namin hulugan ang bahay sa isang subdivision doon." Si papa naman. Sige pagtutulong-tulungan na naman nila ko. Simula ng tumuntong akong fourth year ay lagi na nila iyon nababanggit. 'Di talaga ko nila titigilan- hanggang sa sinabi ko na lang na ."Opo."
Minsan narinig ko sila nag-uusap na balak nila ilipat ang negosyo doon. O gumawa ng branch doon kasu pinoproblema nila kung sino mamahala dahil hindi naman angkop sa restaurant ang mga kinuhang kurso nila ate at kuya. Si ate Dessa  Fashion Designer ang kurso, si ate Ariel naman Mechanical  Engineering mas lalo naman ayaw ni Kuya Jules, Criminology ang kurso.
They insist me to take HRM course para ako ang mamahala ng restaurant but I won't dahil nakafocus ang utak ko sa kukunin kong kurso. Tourism or Flight Attendant. I want to travel around the world. I love to breakfast in Paris, lunch in London and dinner in San Francisco. Si Ajax din Tourism din ang kukunin niyang kurso. Back to reality. Hindi nga pala kami okay. Baka hindi na namin matupad ang mga pangarap na 'yon. Hayyss baka maghanap na siya ng iba pag hindi pa kami nagkaayos. Ayoko mag-isip.! Mag-aayos na lang ako ng gamit ko at dadalhin ko para bukas sa tour. Inayos ko na ang bag ko. Nakita ko sa fridge na nakalagay na doon ang mga inilista ko na babaunin.
"Meagan..! " Nagising ako sa malalakas na katok ni mama. "Bumangon ka na!  Alas syete na ng umaga.!" Balikwas ako sa higaan. Nahihilo pa ako pero tuloy na ko sa banyo para maligo. Ilang minuto lang at nakabihis na ako. "Ma alis na ako. Alas-otso ang alis namin sa school."
"Mag-almusal ka muna!." Bulyaw ni mama. "Sa school na lang po." Kinuha ko na ang babaunin ko para sa tour at inilgay ko sa separate paper bag. Isang mineral water, dalawang bottle ng C2 apple--, dalawang Fita, dalawang Hamburger na nakalagay sa maliit na Tupperware, fried-chicken  legs at wings nakabukod din sa kanin. "Ma...?."
"Oh baket? May kulang pa ba.?."
"Ma andami na nito ei.." Reklamo ko. "Di mag-share ka sa mga kaibigan mo..-- ito oh pera."
"Wow.! Thanks ma!." Umalis na ko pakaabot ko ng binigay niyang yelong papel baka magbago pa isip niya. Dali-dali akong lumabas para mag-abang ng trike. "Meagan! Mag-ingat ka!." Nasa pintuan na siya. "Opo!."
"Ang sukli.!." Napangiwi ako sa huling sinabi niya. Sabi ko na nga ba. Damot-damot talaga ni mama pagdating sa pera. After 20 minutes nakarating na ako sa school. Dumiritso agad ako sa room namin para hanapin ko ang apat kong kaibigan. Natagpuan ko naman agad sila na nag-aayos ng mga sarili nakaupo sa kani-kanilang upuan. Halos busy din ang lahat at naghihintay kami na dumating ang lahat ng bus na sasakyan namin at kung saang  bus number kami sasakay. Nagkukumpulan ang mga istudyante sa mga kanya-kanya ng nilang seksyon at grupo. Maiingay at excited  ang lahat.
"Class! Sumunod kayo sa akin! Sa isang bus lang tayo." Pumasok ang adviser namin na excited din. At sabay-sabay kaming tumayo sumunod sa kanya. Ganoon din ang ibang batch at section sumasakay na rin sila sa nakareserve na bus para sa kanila. "Bus Number 3 tayo. Sakay na kayo. Huwag maingay okay class.?."
"Yes mam!! Sabay-sabay kami." Nag-uunahan pag-akyat sa bus ang iba sa hulihang pintuan na dumaan. Nasunod nga yung sabi namin na magkakatabi sa upuan. Sila Lance at Abby magkatabi sa pandalawahan. Ako, si Keith at Jhyll naman sa tatlohan na upuan. Hinahanap ko si Ajax pero hindi siya mahagip ng mata ko. Tumayo ako at nilalagay ng mga classmates ko ang pagkain na baon nila sa taas ng upuan. "Oh my!." Natutop ko ang bibig ko. "Baket megz.?.! " Gulat din si Keith. "Yung baon ko naiwan sa room.! Wait lang kukunin ko.!." Nagpapanic na sabi ko. "Bilisan mo.!." Si Jhyll. Lakad-takbo ang ginawa ko papunta sa room para kunin ang baon ko. Buti na lang nakabukas ang pintuan. Si manong guard na lang kase ang sasara dahil busy na ang mga teacher. Pumasok ako sa room nakita ko agad ang paper bag ko sa upuan. Dali- dali kong kinuha at lakad-takbo ulit ako palabas ng room at dumaan ako sa hallway. Nang biglang-- may humila sa akin galing siya sa isang room. Hatak-hatak niya ako pabalik sa room namin. 'Di ako nakapagsalita. Nagulat ako sa ginawa niya na halos masubsob na ako sa hallway. Pumasok kami sa classroom namin at isinara niya 'yon. Huminga siya ng malalim bago nagsalita. "Let's talk about us Meagan." Seryusong panimula ni Ajax.
"Baka iwanan tayo ng bus.." Humihingal na sambit ko. "Saglit lang please..?." Okey sige papayag na ako dahil gusto ko rin naman talaga siya makausap ng matino. Inilapag ko ang baon ko sa isang upuan at umupo na rin ako. Umupo rin siya., dalawang upuan ang pagitan sa amin. "Megz.. I'm sorry.."
"For.?."Ako. "May ginawa ako na hindi mo gusto. Alam kong iyon ang dahilan kung bakit ka nagkakaganyan."
"Totoo nga.." Confirmed. "Oo totoo iyon may nakausap akong babae.." Siya. "See.! Manloloko ka nga.!."Naiinis ako. "Totoo na may kausap akong babae. Pero hindi kita niluluko."
"Ano tawag mo doon Ajax.?." Hindi agad nakasagot si Ajax. 'Beeeeeeeep.' Nagulat ako ng may marinig na busina ng sasakyan. Ganoon din si Ajax. "Ang bus!."  Sabay kami. Mukhang paalis na. Kinuha ko ang paper bag na may baon ko at tinakbo ko ang pinto. Sumunod rin sa akin si Ajax pero-- "Shit! Nakalock sa labas!." Hinawakan ko ang doorknob at susubukan sana na buksan. "Patingin nga.." Tumabi ako at sinubukan rin buksan ni Ajax. "Naka lock nga.! Tao po! May tao ba dyan?! Nakalock ang pinto sa labas ng room! Patulong po.!." Hindi ako magkamayaw kakasigaw, nakasilip ako sa bintana ngunit wala talagang tao.
"Alis dyan.!."  Pinaalis ko si Ajax na sinusubukan buksan. Sinipa ko ang pinto ngunit hindi man lang nagalaw. "Kasalanan mo to!." Binalingan ko siya at binagsak ang dala kong paper bag. Dumausdos ako sa nakasarang pinto, umupo ako sa sahig at niyakap ko ang mga tuhod ko hindi ko mapigilan na hindi tumulo ang mga luha ko. Wala na kong narinig na tunog ng bus kaya sigurado ako na nakaalis na iyon. Hindi man lang napansin ng mga kaibigan ko na wala ako.
N a j e l l a  POVS
"Keith! Si Meagan wala pa.!."
"Ano?!!." Sabay na nagchorus si Lance at Abby sa kabilang side na upuan. "Hey! Huwag kayo maingay d'yan!." Napatingin kami lahat kay Earl na biglang sulpot ng ulo sa kasunod na upuan nila Lance. "Sigurado ako na katabi Iyon ni Ajax ngayon.!."
"What?! Ajax!!!???." Sabay-sabay kaming apat. "Oo. Nagpaalam sa akin na susundan niya si Meagan dahil nakita niya na bumalik sa classroom."
"Check mo nga Earl kung nandito sila sa bus..!.." Mataray na sambit ko. "Don't worry Jhyll. Huwag na naten sila istorbuhin." Sabay kindat ng walangya. Hindi talaga ko mapakali. Ganoon din sila Keith, Lance at Abby. Pero nanatili na lang kami sa mga upuan namin dahil mabilis ng tumatakbo ang bus. Halos 10 minutes na kaming nasa byahe ng mapansin naming wala si Meagan. Mamaya sa first stop ay hahanapin namin si Meagan.