AMARIS JEL'S POINT OF VIEW
Gaya ng nakasulat sa imbitasyon na binigay ng mga Head ay nag punta nga ako sa abandonadong building sa likod ng school.
Madilim. Syempre gabi. Tanging liwanag lang na nanggagaling sa buwan at mga bituwin ang nag bibigay liwanag sa madilim na kalangitan.
Pero syempre, mag papa-late ako ng kaunti bago ako pumasok sa loob. Mga 2 hours siguro, char!
Nandito pa ako sa labas ng building, tinatamad pa akong pumasok eh. Nag open ako sa messenger at nag chat sa group chat namin. May naaamoy kasi akong mabango... naaamoy ko kasi ang sarili ko. Hindi joke lang, may naaamoy akong ikabubuhay ng dugo ko
Amaris Valdez: Hi beshies! May laban ako ngayon. Mainggit kayo~.
Lindsay Marquez: Saan? Pwede sumama?
Amaris Valdez: Bawal eh. Ako lang daw :(
Sofia Umali: Saan? Ngayon na ba? Uuwi na ako ng pilipinas, now na!
Amaris Valdez: Sorry ako lang daw pwede.
Zheynn Alejandro: Can i join? Inip na ako dito sa bahay. Saan bang lugar? Uuwi na ako ng pilipinas.
Amaris Valdez: Secret!
Sofia Umali: Mabaril ka sana mga sampu!
Lindsay Marquez: Masabugan ka sana ng bomba!
Zheynn Alejandro: Tadtarin ka sana ng bala.
√seen.
Nakaka-touch naman sila. Ang sweet nila grabe!
'Yung tatlo kasi nasa iba't ibang bansa. Bored na daw sila doon, wala kasi silang magawa doon. Eh dito sa pinas, malaya sila. Naglakad na ako papunta sa may pinto, baka nakatulog na 'yung mga Head, inayos ko muna ang hitsura ko bago ko ito buksan at bago ako pumasok sa loob.
Ay! Akala ko naman kapag pumasok ako sa loob may pa-alikabok effect, kaso wala. Nakaka disappoint naman sila.
Ang inaasahan ko, makalat at madilim na silid. Pero ang nakikita ko ngayon, ay napaka linis at napaka liwanag. Kumikinang pa 'yung sahig! May mga couch at upuan. Parang Head Quarters ng mga agents! Tapos may stage kung saan may mga upuan na parang trono. Naka-upo doon ang mga TMARO Head. Bakit 8 lang sila? Nasaan na 'yung Rizzalyn?
"Akala namin hindi ka na darating," nakangising sabi ni Franz.
"Akala ko ba party? Ang inaasahan ko pa namang party ay may catering, balloons, cake, chocolate fountain, lechon or anong mga handa. Pero wala! Anong gagawin ko di—ay pusa!"
Gosh! Buti na lang nailagan ko 'yung dagger na papunta sa akin kung hindi baka nasugatan na ako. Rizzalyn...
"This is the party," sabi ni Nicolle.
May sinenyasan siya gamit ang kamay at may lumabas na pitong lalaking naka itim, hindi ko sila nakikita sa school. Sabagay, wala naman akong pakialam. Napangisi ako, masaya 'to!
"Yes, it is." Napangisi na lang ako ng sabay sabay sumugod 'yung tatlo. Buti na lang naka leather pants at simpleng red shirt lang ako. Ayos 'to!
Sinalubong ko ng mag kasabay na suntok 'yung dalawang lalaki at sinipa ko naman sa tiyan 'yung isa. Napa-atras sila pero agad ding naka bawi kaya sumugod na naman.
Susuntukin sana ako ng isang lalaki pero agad kong nahawakan ang kamay n'ya at pinilipit. Sana 'wag kayong mabalian ng buto. May lumapit pang isang lalaki kaya ibinato ko sa kan'ya 'yung hawak ko kaya natumba silang dalawa. Apat pa.
Sumugod ulit 'yung isang lalaki kaya yumuko ako at hinila ang paa n'ya. Boom, bagsak!
Hahahaha! Pangit n'ya bumagsak.
"Hindi ko alam na ganito pala ang pag welcome n'yo sa isang transferee. Ang exciting!"
AWUSHHHHHH!
Tumingin ako sa gilid at mabilis na sinalo ang dalawang dagger na papalapit sa akin. Muli akong humarap sa mga TMARO Head at ngumiti habang nakataas ang dalawang dagger na nasalo ko.
"Goo— fvck!"
"Nice— damn!"
Hindi na natuloy ni Kenneth at Richard ang sasabihin nila dahil mabilis kong ibinato sa pagitan ng mga hita nila ang dalawang dagger. Natamaan ba?
"Damn! Muntik na 'yon!"
"Baka hindi na ako magka-anak!"
"Oh my! Natamaan ba sila junior? Hala, sorry ah?" Napalabi ako at kinurap kurap ko pa ang mga mata ko.
"Fvck! Sugurin 'yan!" Utos ni Kenneth kaya sinunod naman siya ng tatlong nakaitim.
Pinalibutan ako ng tatlo at sabay na sumugod kaya ang ginawa ko ng makalapit na sila ay yumuko ako para magkauntugan sila ng ulo.
"Argh!" Daing ng tatlo habang hawak ang mga noo kaya eto na ang oras ko para patulugin sila. Lumabas ako sa bilog dahil hindi naman nila ako napapansin. Hanggang ngayon kasi naka yuko pa ako eh. Nang makalabas na ako sa bilog ay umupo muna ako sa upuang bakal.
"Hey, nandito ako!" Agad naman silang napalingon sa akin kaya tumakbo sila palapit sa akin. Tumalon ako paakyat sa upuan at itinaas ang paa para salubungin ang mga matitigas nilang mukha. Isa isa silang natumba pero agad ding tumayo. Umamba ng suntok 'yung lalaki, kaya bumaba ako sa upuan at binuhat iyon para ipangharang.
"Argh!" Namilipit siya sa sakit dahil ang sumalubong sa kamao n'ya ay 'yung bakal na upuan. Ang lakas pa naman no'n. Bali ang mga daliri mo kuya. Ikaw kasi eh!
Mabilis na lumapit sa akin 'yung dalawa at nakisali na rin 'yung nakatunganga sa gilid. Ibinato ko sa kanila 'yung upuan pero nailagan nila 'yon.
AWUSHHHHHH!
AWUSHHHHHH!
AWUSHHHHHH!
Inilagan ko 'yung tatlong dagger na lumalapit sa akin. 'Pag ikaw Rizzalyn nahanap ko, dudugo 'yang kamay mo.
AWUSHHHHHH!
AWUSHHHHHH!
Ibinuka ko ang mga daliri ko at humarap sa paparating na dagger. Sinalo ko ito at napangisi. Alam ko na kung saan ka nag tatago.
Binato ko sa dalawang lalaki 'yung dalawang dagger at nadaplisan sila sa braso, sinipa ko ang tuhod nila kaya napaluhod at napa daing sila sa sakit.
AWUSHHHHHH!
Gumilid ako para makuha ang isang dagger na papalapit na naman sa pwesto ko. Mag tago ka lang dahil mamaya naka benda na 'yang kamay mo.
Isang lalaki na lang ang kailangan kong patulugin!
Tumingin muna ako sa TMARO Head, ang seryoso ng mga hitsura nila. Lalo na si Crystal. Si Troy Van naman na feeling hari ay nakangisi lang sa akin, kaya nginitian ko siya at agad na napawi ang ngisi n'ya dahil agad akong tumalikod sa kanila at mabilis na binato ang dagger sa gitna ng mga boxes.
"Ouch!"
Nahulog si Rizzalyn sa lapag habang hawak niya ang kamay niyang dumudugo dahil may nakatarak na dagger rito.
"Izza!"
Mabilis siyang nilapitan ni Nicolle, Kennedy at Crystal. Pagharap ko para tingnan ang Head ay isang malakas na suntok ang tumama sa mukha ko. Aray ah! Hindi ko alam na game na pala ulit.
Sinuntok lang naman ako ni Marssie. Ang sakit ah! Nalasahan ko na ang dugo sa labi ko kaya pinunasan ko ito gamit ang likod ng palad ko.
"Game na pala?" Sumugod na naman si Marssie at handa na naman pangalawahan ang suntok n'ya sa akin kanina, pero mabilis ko itong iniwasan at hinila ko ang buhok n'ya.
"A-aray!" Daing n'ya.
"Ayan kase! Hindi pa kasi ako ready pero nanuntok ka na! Kaya ayan tikman mo ang higanti ko! Makalbo kang pusa ka!" Hinila ko pa ang buhok n'ya pero saglit lang iyon dahil malakas n'yang sinipa ang tuhod ko.
"Aray ah!" Daing ko kaya mabilis ko siyang nilapitan at sinipa sa panga! Kaya ayun, tumilapon at agad naman siyang nilapitan ni Franz at Troy Van.
Si Kenneth at Richard kasi naka-upo pa dahil nasa pagitan pa ng mga hita nila 'yung dagger na binato ko.
Iniinis n'yo ko mga impakto!
Lumapit ako doon sa isang lalaki na nakatunganga kanina pa at hinawakan ko siya sa kwelyo. Susuntukin ko na sana siya pero biglang bumukas ang pintuan pero alerto ako kaya agad kong kinuha ang isang dagger na naka kalat sa lapag at binato ko ito sa lalaking may hawak na bag.
"I'm back— fvck!"
Nailagan n'ya naman pero nabitawan ng lalaki 'yung hawak n'yang bag at nanlalaki ang mata niyang nakatingin sa akin. Gulat na gulat?
Sabagay, sinong bang hindi magugulat kung pagpasok mo may isang dagger agad na sasalubong sa'yo. At may mga lalaking nakaitim ang nakalupaypay sa sahig. Tapos dumudugo pa 'yung kamay ni Rizzalyn at naka tulog pa si Marssie.
Pero... familiar 'tong lalaking 'to. Saan ko ba 'to nakita? Familiar eh, saan nga ba? Sa... Saan ba? Sa singkit n'yang mata, sa moreno niyang balat—.
"Aris?!"
"Allen?!"
Patay na...
Dahan-dahan kong binitawan 'yung lalaki, napaupo pa siya dahil nanginginig ang katawan niya. Tiningnan ko naman 'yung lalaki sa pinto at ngumiti ng pilit kay Allen.
Peace tayo...
"Magkakilala kayo?!" Sabay na sigaw ni Kenneth at Richard. Napangisi naman si Allen at tinaasan ako ng kilay.
Subukan mong mag salita Allen, nakahanda na 'tong kamay ko para kunin 'yun sa bulsa ko. Subukan mo lang!
"Of course. Because she's—."
"Hello Zheynn? Hello?" Mabilis kong inilabas ang cellphone ko at nilagay sa tenga. Sinadya kong hinaan pero sinadya kong iparinig kay Allen, nakita ko sa peripheral vision ko na napatingin siya sa akin.
"Zheynn? Hey. Ah talaga? Sige titingnan ko. Bye!"
Binaba ko ang cellphone ko at tumingin kay feeling hari. Ngumiti ako sa kan'ya at tinaasan n'ya lang ako ng kilay.
"Na-enjoy ko 'tong party. Bloody party huh? Una na ako!" Kumaway pa ako sa kanila bago ko sila talikuran. Nginitian ko din si Allen na nasa pintuan pa. Syempre, paglabas ko sa pintuan ay napairap na lang ako sa hangin.
Sabi na nga ba eh! Marinig lang ang pangalan na 'Zheynn' natatahimik bigla, lakas talaga ng tama mo boy.
Pero anong ginagawa n'ya dito? Nakita n'ya 'yung ginawa ko, baka isumbong n'ya ako at lagot ako panigurado!
Bida-bida pa naman siya.
Mabilis akong nagpunta sa dorm, pagpasok ko sa loob ay kinuha ko ang cellphone at nag tipa ng text sa keyboard. Pagka send ay mabilis akong nagtungo sa banyo para maligo.
Tumingin ako sa salamin, nginiwi ko 'yung labi ko para makita 'yung sugat na kagagawan ni Marssie. Hindi pa kasi ako ready eh tapos sinuntok niya na ako agad. In fairness, malakas siya sumuntok.
Buti nga sinabunutan ko na lang siya, pero sinipa niya naman ako, e'di sinipa ko din pero sa panga!
10:00 pm na pala?
Pero grabe, nabuhay ulit dugo ko ah.