AMARIS JEL'S POINT OF VIEW
Hinatid ako ng siyam na humarang sa akin kanina dito sa Dean's Office. Tapos 'yung maliit 'yung buhok, tingin nang tingin sa akin! Nakakailang kaya, kapag naman titingnan ko siya, tatasaan n'ya ako ng kilay. Parang napaka seryoso naman ng babaeng 'yon, kung makatingin parang binabasa n'ya kaluluwa ko eh.
Alam ko namang maganda na ako, at hindi n'ya na kailangang titigan ako ng titigan para lang iparamdam sa akin na maganda ako.
Pag pasok ko sa office bumungad sa akin ang isang matandang lalaki. Hindi naman siya gano'n ka tanda dahil may kakisigan pa ang kan'yang pangangatawan. Parang si lolo lang.
Matanda na pero hindi halata.
"Good morning, Miss Valdez. Have a seat." Inalok sa akin ng Dean ang upuan na nasa harap ng lamesa n'ya. Ngumiti naman ako at sinunod ang gusto n'ya.
"Good morning din po."
"Miss Valdez. By the way, I am Dean Monyo the owner of this school."
"Ano po? Demonyo?"
"Hahaha! No. No. Dean Monyo, not Demonyo. Nakakatawa ka."
Eh? Dean Monyo? Bakit hindi nalang Demonyo? Char!
"Nice meeting you po. Sir, Dean Monyo. Hehehe."
"Nice meeting you too Miss Valdez." May kinuha siya sa gilid ng kan'yang mesa at sa pagkaka-alam ko, ayun 'yung registration form na pinasa ni lolo.
"Matataas naman ang mga grades mo pero bakit dito ka inilipat ng lolo mo?" tanong ni Dean, may pagka chismoso din pala 'to.
"Uhmm. Kasi po wala ng choice si lolo kundi ilipat ako dito."
"Oh? Sa dinami-dami ng school, bakit dito sa school ko naisipan ng lolo mo?"
"Kung ayaw n'yo po ako dito mag aral, sabihin n'yo na po agad. Dami n'yo pa pong cheche-buretche eh." Nanlaki ang mga mata n'yang singkit kaya napatakip ako sa bibig ko. "Hehehe, joke lang po!" Nag peace sign ako sa kan'ya at awkward na ngumiti.
Sa isip ko lang 'yun eh!
"Ha-Ha. Y-yeah joke..."
"Opo. Joke lang," nahihiya kong sabi.
"So anyway, mukhang nakilala mo na ang TMARO Head."
"TMARO Head po?"
"Yes. The Mirtol Academy Ranking Officers Head."
Nagsalita ng nagsalita si Dean Monyo at pinaliwanag n'ya ang mga dapat ipaliwanag. Daldal ng daldal! Mas grabe pa pala 'to kay lolo.
"So, kung may katanungan ka pa. Pwede kang pumunta sa TMARO Head Office. Have a nice day Miss Valdez." Ngumiti siya kaya ngumiti din ako. Wala nga akong naintindihan!
Tinuro n'ya kung saan ang Girls Dormitory at kung ano'ng room number ko. Agad akong pumunta doon at pumasok sa loob. Ang sabi ni Dean Monyo wala pa daw akong makakasama dito, dahil bagong gawa lang daw. Ayos 'di ba? Ako lang mag-isa!
Sakto lang naman ang laki ng dorm. May sofa, study table, kusina, at apat na kama. May banyo din. Pagkatapos kong i-ayos ang mga gamit ko ay humilata ako sa kama. Nakakapagod!
So, ang TMARO Head ay 'yung siyam kanina? Ang sabi ni Dean Monyo kanina ay sampu sila. 'Yung isa daw wala, may pinuntahan 'ata. Mga officers pala ang mga 'yon? Anong officer? Pulis ba? Pero mas mukha pa silang criminal eh. Joke lang. At saka ang sabi ni Dean, bukas pa daw magsisimula ang klase ko, magpahinga muna daw ako.
Lah~ Lah~ Lah~
Lah~ Lah~ Lah~
My phone rang so I took my phone and answer the call.
"Aris speaking."
["Hi Aris! Kumusta ka naman jaan? Nabalitaan ko hinatid ka ni daddy kanina sa bago mong school. Ayos ba ang lagay mo jaan?"]
"Ayos naman po ako tita Monika. Kayo po ba jaan?"
["Eto ayos lang din. Pasensya na kung hindi ako nakasama. Busy kasi dito sa hospital."]
"Hahaha. Ayos lang po tita."
["Nagalit na naman daw si Vanessa. Totoo ba?"]
"Opo. Pero hayaan n'yo po tita, sabi nga po ni lolo lalambot din 'yon."
["Oo nga. Huwag kang mag-alala, ihahanap ko na ng love life para hindi kana napag-iinitan."]
"Hahaha! Kung may papatol po sa kan'ya?"
["Ay naku! Kung narinig n'ya lang 'yung sinabi mo, siguradong pingot ang aabutin mo. Oh sige na. May mga pasyente pa akong aasikasuhin. Ingat ka jaan ah?"]
"Yes tita! Sorry po ulit."
["Huwag mo ng isipin 'yon. Okay lang. Sige na, bye!"]
"Bye po!"
At namatay na ang tawag. Hindi naman sa inaabuso ko si tita Monika ah? Mabait siya, sobra! Sa tuwing may nababalian ako ng buto o sa tuwing kailangan ma-hospital ng mga naka-away ko. Si tita na mismo ang nag sasabi sa mga magulang na siya na daw ang bahala at libre na.
Kaya nga lang, lagi-lagi akong napapaaway. Hindi pa lumalabas ang isa, may tatlo namang madadag-dag. Kaya ayun, galit na galit si tita Vanessa. Hindi naman sa kan'ya hospital.
Nag online ako para makita kung may bagong chat sa group chat namin.
+12 unread messages
Sofia Umali: Bakit kayo nag hiwalay?
Zheynn Alejandro: Ano pa nga ba? @Sofia Umali?
Sofia Umali: Aba, anong malay ko? Kayo 'yung magkasama.
Lindsay Marquez: Ang slow mo naman @Sofia Umali.
Sofia Umali: Paaano naging slow 'yon @Lindsay Marquez, eh hindi ko nga alam. si @Zheynn Alejandro 'yung kasama. Hindi naman ako.
Zheynn Alejandro: Affair.
Sofia Umali: Oh my! Sana binugbog mo! Walang panalo 'yon! Oh 'di kaya patikimin mo ng isang malakas na suntok sa tyan, sikmura, panga, at sa mukha 'yung pinalit sayo!
Lindsay Marquez: Oh 'di kaya binuhusan mo ng asido 'yung mukha!
Sofia Umali: Tapos tanggalin mo lahat ng kuko n'ya sa paa at sa kamay!
Zheynn Alejandro: Don't worry girls, pinatikim ko naman sa kan'ya ang mag-asawang sampal, plus ang kabit na sampal. And he's just my fling, wala ng iba.
Lindsay Marquez: Bet!😈
Sofia Umali: May fling bang gaganunin 'yung kabit? Utot mo blue.
√seen.
Ang bu-brutal ng suggestions nila! Kawawa naman pala kung nagka-taon 'yung kabit. Dapat ang ginawa ni beshie Zheynn, hiniwa n'ya 'yung leeg tapos nilagyan ng 'X' 'yung magkabilang pisngi. Oh 'di ba? Mas maganda pa 'yan!
Char!
Bumangon ako sa pagkakahilata at lumabas ng dorm. Gusto kong maglakad-lakad muna at libutin ang academy para naman may alam ako. May pasok ang iba kaya konti lang ang nasa labas niyan.
Ang laki naman ng school na 'to! Pero ayos lang, dahil sa tuwing ihahakbang ko ang paa ko ay sinasalubong ng hangin ang buhok ko.
Nakarating ako sa dulo ng corridor. Nakatingin ako ngayon sa bulletin board kung saan may mga nakapaskil na ewan. Pero may naka-agaw ng atensyon ko.
•The Mirtol Academy Ranking Officers Head•
Rank 1. -Troy Van Villanueva
Rank 2. -Franz Reyes
Rank 3. -Allen Vergara
Rank 4. -Crystal Lee
Rank 5. -. Kennedy Samonte
Rank 6. - Kenneth Samonte
Rank 7. - Nicolle Amirez
Rank 8. - Marssie Rivera
Rank 9. - Rizzalyn Sabina
Rank 10. - Richard Flores
"Takot ka na ba?"
"Ay pusang nalunod!" Napahawak ako sa dibdib ko ng biglang may nag salitang babae sa gilid ko. Anak ng! Bakit siya nang gugulat?!
"Nagulat ka?"
"Hindi. Umiyak ako." Pamimilosopo ko. Obvious naman siguro 'di ba?
Napailing siya sa sagot ko. "Ang tapang mo. Sino ka ba?" At nilipat niya sa akin ang tingin niya.
"Hindi na ba pwedeng maging matapang ngayon?"
Ngumisi siya at muling tumingin sa bulletin. "Ang lakas ng loob mong mamilosopo sa harap ng king kanina. Para ka lang namang pusang walang laban sa leyon."
Tumalikod na siya sa akin at naglakad palayo. Hala! Pagkatapos niya sabihin 'yon, aalis na agad siya? Naka drugs yata 'to eh.
"Anong ibig mong sabihin? Na isa akong pusa at siya ay leyon? Maaari ngang maliit ang pusa pero matapang siya. Kahit mag pakamatay siya may siyam naman siyang buhay na pwedeng gamitin. Parang ako, maliit. At ilang beses ng sinundo ni kamatayan pero ito nakatayo pa rin."
"Then... Good luck."
Weird.
Bakit isa ba siyang TMARO Head?
Ay nevermind. Ang dami na talagang weirdo ngayon.
Isa na 'yung feeling hari kanina! Mukha nga siyang kuko eh.