Nakarating na kami ni Kelvin dito sa basketball gym ng aming barangay. Walang naglalaro rito ngayon. Bakit kaya? Hayaan mo na nga. Siya ang pinakamatangkad sa mga lalaki kong kaibigan ay hindi yata, nasapawan na yata siya ng isa ko pang kaibigang lalaki.
“Kailan mo nakilala iyong tatlo?” tanong ni Kelvin. Nagtatanong na naman ang isang 'to.
“Kakikilala pa lang namin. Actually, nakita ko sila noon pero 'di ko alam pangalan nila. Hindi kasi ako lumapit sa kanila at nakipagkilalang lubusan.”
“Ah, gano'n ba? May gusto ka ba sa isa sa kanila? Meron 'di ba?”
“Wala —”
Tumingin sa akin si Kelvin na parang hindi convinced.
“Wala namang nagbabawal. 'Di ba? Kaya okay lang na magka —”
“Magka-boyfriend ka, Ate?”
Biglang lumitaw si Boy Liit. Boy Liit ang tawag ko kay CJ dahil mas matangkad ako.
“Sabat ka nang sabat! 'Di pa ako tapos magsalita eh. Kaparehas mo si Mr. Hey! Magkagusto iyon! Gusto hindi boyfriend!”
“High blood!” sigaw sa akin ni Kelvin, sa tainga ko mismo. 'Pag ako nabingi, 'wag naman.
“Doon na rin naman pupunta 'yon kung sakali,” sabi ni CJ saka tumawa. Hinayaan ko na lang.
“Ikaw kinakausap?” baling ko kay Kel.
“Calm. Calm down, Zian.”
“Okay!” tugon ko sa sinabi ni Clyde.
“Teka sino si Mr. Hey?” biglang tanong ni CJ na parang nag-iisip pa.
“Basta. Ang hirap mag-explain.”
“Okay. Nasaan si Cherolette?” tanong na lang ni CJ. Bakit na naman ba tinanong niya ang babaeng iyon? Pwede naman niyang i-chat!
“Hay naku, Clyde Jake Reyes. Hanapin mo kung gusto mo pero huwag sa akin dahil hindi ko alam kung nasaan iyang magaling mong crush!”
“Best friend mo, 'di mo alam kung nasaan,” dismayadong sabi niya at tumingin pa sa akin.
“Bakit? May communication ba kami? 'Di nga siya nag-re-reply eh. I-chat mo kaya siya!”
“Ano bang meron sa inyong mga babae, parang wala kayong pakialam sa mga bestfriend n'yo!” sabi ni Kelvin na disappointed.
“May pakialam ako. Siya iyong wala.”
“Si Fretlyn nasaan siya?” tanong ni CJ. 'Di niya na lang pinansin iyong huling sinabi ko.
“Bakit mo tinatanong? Akala ko ba nandito na siya?”
“I'm here! Kyah! Zian, I miss you!” pasigaw na sabi ni Fret at agad na lumapit sa akin saka niya ako niyakap. Niyakap ko rin siya pabalik.
“I miss you too!”
Kumawala na kami sa yakap nang tumikhim si CJ.
“So I guess, siya ang bestfriend mo talaga na babae?”
“Oo yata, CJ. Siya lang. 'Di ko alam kung pati pa rin ba si Cherolette,” sagot ko habang nakatingin kay CJ.
“Ano ba kasing nangyari?”
Naging tahimik ang paligid.
Naglakad na lang kami papunta sa puwesto namin. Pagdating namin dito ay nagsi-upo kami sa sahig.
“Ano ba kasing nangyari bakit 'di na kayo nagkakasama at nag-uusap ni Cherolette?” tanong ni Kelvin.
“Siya naman ang lumayo.”
“Bakit mo naman iyan nasabi?” taas-kilay na tanong ni CJ, para yata talaga itong babae eh. Mas mataas pa kilay sa akin.
“Nakisama sa ibang tao. Kahit sana gano'n ay pansinin niya naman ako. Ang sakit kaya maging OP.”
“OP?” tanong ni Kelvin.
“Last Saturday kasi inanyayahan niya ako na makisama sa kanilang lakad. Sumama ako dahil gusto ko siyang samahan. Noong nagkakasama-sama na kami. Nakaupo lang ako sa isang sulok tapos sila kwentuhan nang kwentuhan. 'Di ako sinali. Palibhasa may mga kasintahan sila at manliligaw. Sinubukan ko siyang kausapin kaso 'di ako pinansin. Umalis na lang ako pagkatapos kong magpaalam. 'Di ko lang alam kung narinig niya ba. The next day, nagulat ako sa sinabi niyang may kasintahan na siya. Meron na pala, mga isang buwan na sila. At first 'di ko siya kinausap at umalis na ako para pumunta sa simbahan. Buti na lang at sa ibang simbahan ako nagsimba.”
“'Di na kayo nag-usap that day?” tanong ni Fretlyn na parang may gusto pang malaman.
“Nag-usap kami noong hapon ng araw na iyon.”
“Anong sabi?” tanong ni Fretlyn. Mukhang excited na naman ito makinig.
“Ayon, sinabi ulit na may kasintahan na siya habang tumatawa pa na parang kinikilig. Tumawa ako that time.”
* * *
“Zianvhen, may kasintahan na ako. One month na pala kami.”
Tumawa ako. Seryoso ba siya? “Are you joking?” Anong kalokohan na naman ba ang pinagsasabi ng isang 'to?
“Hindi ah. Bakit halos lahat kayo 'di naniniwala?” Hindi naman kasi kapanipaniwala.
“Paano ako maniniwala huh?” Tumawa ako. “Sinabi mo noon sa akin na aral muna bago jowa. Ano ngayon? Huh? Tell me. Sino naman iyang kasintahan mo? Panigurado hindi si Clyde. 'Di ba?”
“Secret,” sabi niya at natawa nang mahina.
“Secret your face! Sige. Sige lang. Gan'yan ka. Hmm. Kala mo ah. Malalaman ko rin,” iritang sabi ko.
“Iyong... Iyong...”
“Iyong ka nang iyong! Sino nga?” inis na sabi ko.
“Iyong nakita mo kahapon. Siya iyon. Iyong kasintahan ni Belle noon.”
“Anong nakain mo? Aral daw muna pero anong nangyari? Hay naku.”
Natawa siyang pilit. “'Di ko nga alam eh.”
“Hayst. Diyan ka na nga. Wala ka namang pake sa akin.”
“Teka, teka lang.”
* * *
“'Di ko na siya pinansin.”
“Kaya pala umiiwas ka sa kan'ya,” may patangong sabi ni CJ, may pahawak pa sa panga.
“Oo, CJ.”
“Na-shock din ako when they told me that she has a boyfriend,” sabi niya at tinanggal ang pagkakahawak niya sa kaniyang panga at pinag-cross ang mga binti niya. Babae ka?
“Feel jealous?” pabirong tanong ko sa kan'ya habang tumatawa.
“'Di naman masyado. Kung wala akong chance. Okay, sige.”
“Kung sakaling maging kayo, susuko ka ba?” tanong ni Kelvin.
“Bakit naman ako susuko? I like her since I've meet her,” pagkasabi niya nito ay tumatayo siya saka hinarap kami.
“Woah. Bago iyon ah!”  namamanghang puna ko.
“I like her since I've meet her. Hmm.” Humawak ako sa panga ko. “Kung ako, I like him since I've seen him.”
May tumikhim. “The who is that?” tanong ni Fretlyn sa akin habang ngumingiti at siniko pa ako.
“Si crush,” sagot ko at tumawa nang kaunti.
“Sino? Isa sa tatlo?” masayang tanong ni Kel.
“Tatlo?” sabay at gulat na sambit nina CJ at Fret.
“Basta.”
“Okay. Gutom na ako. Kaya, let's eat na. I brought something.” Thank you Fret! Buti na lang ginutom ka. Pero alam ko na curious na rin 'to. Inuuna lang talaga ang pagkain.
“Yummy!” sabi ko.
“Kain na,” sabi naman ni Kelvin. Nagsimula na kaming kumain.
Habang kumakain nga kami, kung ano-ano ang pinag-uusapan nila. 'Di na lang ako nangi-alam. Ang sarap kaya kumain.
Natapos na kaming kumain at niligpit ang mga pinagkainan namin ay bigla na lamang nila akong tinukso.
“Marv pala ah,” nakangising sabi ni CJ. Ano na naman pinagsasabi nitong si Boy Liit?
“Huh?”
“Marv. Marv. Marv. Mas gwapo ako kaysa sa kan'ya.”
“Ew! CJ! Mas gwapo siya 'no!”
“Oh Gosh! Confirm! Ayieh! May crush na talaga si Bestie!” kinikilig na sabi ni Fret at sinundot-sundot pa ang tagiliran ko dahilan para mapahagikhik ako sa tawa.
Mayamaya'y tumigil na rin siya.
“So Marv nga? Ano apelyido?”
Tinignan ko nang masama si Kelvin. “Ba't ang sama ng tingin mo sa akin?” tanong niya.
“Kung 'di ka sana dumating, baka nalaman ko.”
Natawa naman sila sa tinuran ko.
“Marv plus Zian equals MaZi. Oh 'di ba? Ayos na ba?” masayang tugon ni Fret.
Napahawak sa panga si Kelvin. “Pwede rin namang MarZia.”
“Pinahaba mo lang! MarVhen na lang.”
Binatukan ni Kelvin si CJ. “Mas pinahaba mo lang eh.”
Nagtawanan naman kami ni Fret.
“Mas maganda iyong MaZi. Hay naku,” sabi ni Fret.
“Tama na nga iyan. Bakit napunta na kayo sa combination of names? 'Di kami magiging love team 'no!”
Tinawanan lang nila ako.
Mayamaya'y nagpaalam na kami sa isa't isa.
Bago iyan. Selfie muna.
“Group selfie guys!” Nagsilapit naman sila sa akin at pumwesto sa likuran ko. Agad kaming ngumiti sa harapan ng camera ng phone ko and then click!
“Okay. One shot is enough.”
“Tara na!” ani CJ na sinang-ayonan namin sa pamamagitan ng pagtango.
“Bye guys!” sabi ko at naunang umuwi na. Malapit lang naman ang bahay namin dito. Lalakarin lang.
Post to FB. Cover pic. Caption: Without you, I feel no joy. #MBFriends.
Posted. Ayan na tapos na.
Mayamaya, may notification. When I opened, it says Cherolette Aguillar commented on your photo.
Sabi niya sa comment niya: Where am I?
I did not reply. 'Di niya alam kung nasaan siya? Tsk. Doon na siya mag-stay forever!
Nakauwi na ako ngayon.
Mayamaya, may notif. Clayde Jake replied to Cherolette Aguillar comment on your photo.
Sabi niya sa comment niya: Sa damit mo.
Reply ni Cherolette: No, sa pic. Ba't wala ako?
Nagreply na nga ako: Why ask? Nasaan ka noong tinatawagan kita? Tsk!
Nag-offline na nga ako.
There. My best friends. I don't know if Cherolette still belongs. She moved away. However, there's something inside me saying that she still belong.
Nakauwi na ako at nakita ko ang kuyang pinsan ko na nanood ng TV sa sala.
“Saan ka galing, Bunso? Tara samahan mo akong manood.”
Napatingin ako sa TV. “Ang pangit ng pinapanood mo, Kuya. 'Di ko trip. Diyan ka na nga!”
“Mas pangit ka!” sigaw niya saka tumawa.
“Che!”
“Kailan pala uwi nina Tita?” tanong niya nang mahimasmasan siya sa katatawa.
“Ewan ko, kuya Mark,” sagot ko at umakyat na sa hagdanan papunta sa second floor ng bahay.
May sinabi pa siya pero 'di ko na narinig. Bahala na. Itatanong ko na lang sa susunod.