Jasmine's POV:
Grrr! Nakakainis, hindi ba naman kami papasukin sa 2nd to the last subject para lang sa lintik na detention na 'to! Sa pagkakaalam ko pa naman, ginagawa ito after ng klase 'di ba?
Nasa Dean's office kami ngayon ni Brixx nag aantay sa prof namin na nagawan daw namin ng kasalanan kahit hindi naman talaga.
"Since this is your first day, I decided na pag linisin na lang kayo ng cr ng mga faculty staffs." Ngiting-ngiti pa siya niyan habang sinasabi sa amin kung ano ba dapat ang aming gagawin.
"Pero, Ma'am. Hindi po ba dapat—" magrereklamo pa dapat ako pero pinutol niya na kaagad 'yon. Asar naman!
"Walang, pero-pero!" Grabe naman 'tong prof na 'to. Bitter ba 'to o sadyang mainitin lang ang ulo? Hindi man lang kami pinatawad, detention kaagad!
Si Brixx parang wala lang sa kanya na maglilinis kami ng CR . Like, hello? 6 bowls kaya lahat 'yong kailangan namin linisan!
Sa pagkakaalam ko pa naman may ano daw do'n, may multo!
"Last but not the least, no fighting, okay? Once na nahuli ko kayo hindi niyo magugustuhan ang pwede ko pang iparusa sa inyo. Good luck and be friends with each other. Is that okay?" Tumango na lang ako bilang pag sang-ayon.
Kaya pala may pa-globes at janitor uniform siyang ibinigay sa amin kasi paglilinisin kami. Kainis talaga!
"Oh, kunin mo 'tong mop. Ikaw mag-mop tapos ako magba-brush ng mga toilet bowls." Inabot ko sa kanya 'yong mop. Pero nangangalay na kamay ko hindi niya pa rin kinukuha.
Paglingon ko wala na pala siya. Binu-bwesit na naman ako ng lalaking 'yon. Nag-ikot ako at nakita ko ang bruho. May gana pa siyang mag headphone habang maayos na nakaupo. Parang wala kaming gagawin 'no? Dahil sa inis kaya nilapitan ko siya.
"Hoy! Bakit paupo-upo ka lang d'yan? May pa sound trip ka pa!" Inis kong sabi sa kanya.
"Ano naman ngayon sa 'yo?" Aba't lalo niya akong iniinis. Ang kapal talaga ng mukha!
"Maglilinis po tayo, hindi mag-rerelax!" Bulyaw ko sa kanya.
"Who told you na maglilinis ako?" Grr! Nakakapikon na talaga 'to!
"Ako. Bakit ayaw mo ba?" Mahinahon kong tanong pero deep inside gusto ko na siyang paluin sa ulo nitong hawak ko.
"Ayaw nga, eh!" Singhal niya sa akin.
"Isang tanong na lang, ah? I repeat, Brixx maglilinis ka ba o hindi?" Pag-uulit ko.
"Uulitin ko din, Jasmine, ayaw ko! Ayaw ko maglinis! Okay na ba?" Ayaw pala, ah?
"Final answer?"
Muli kong tanong, baka sakaling magbago isip niya, eh.
"Final!" Matigas talaga ang bungo ng isang 'to.
"Okay." Sa sobrang inis ko, pumasok ako sa CR at kinuha ang isang balde na may tubig at saka lumabas ulit.
"Gusto mo bang buhusan kita ng tubig?" Tanong ko sa kanya.
"If you can, then go!" Aba't sinusubukan niya talaga 'yong pasensya ko.
"Gagawin ko talaga!" Binuhos ko 'yong mga kalahating tubig yata na laman ng balde na bitbit ko ngayon sa ulo niya.
Halos patayin niya naman ako sa talim ng tingin niya sa akin.
"What the hell! Bakit mo ginawa 'yon?" Galit na galit niyang tanong.
"You told me, na kung kaya ko 'di ba? That's it, nagawa ko na. Another question, mag lilinis ka ba o hindi?" Pinandilatan ko na talaga siya ng mga mata ko dahil galit na ako.
"Okay, fine!" Bigla siyang tumayo at nag lakad papasok ng banyo. Good job!
"Good." Maglilinis din naman pala, eh. Pumasok na siya ng cr kaya pumasok na rin ako.
"Dahil ginalit mo ako. Ikaw lang ang mag lilinis. Titingnan lang kita. Opss!  Bawal mag reklamo." Inunahan ko na siya. Sasabat pa sana, eh.
"May oras ka rin sa 'kin."
Bulong niya pero dinig ko naman.
"Sige, hihintayin ko 'yang oras na 'yan." Buti naman at hindi na siya nag reklamo. Hindi ako tamad, ah? Galit lang talaga ako. Kung hindi niya sana ako ginalit, eh 'di sana kaming dalawa 'yong mag lilinis.
Brixx's POV:
Bwesit talaga! Babae ba talaga 'tong Jasmine na 'to o ano? Bakit ang sama niya, buhusan ba naman ako ng tubig tapos ako lang pinag lilinis niya. Siya patingin-tingin lang tapos kapag tumigil ako titingnan niya ako ng masama 'yong para bang pinapatay ka niya sa tingin pa lang.
Matapos ang dalawang oras, sa wakas natapos ko rin linisin 'yong isang toilet bowl.
"The fudge, Brixx! In two hours isang toilet bowl lang an natapos mo? For your information, anim ang kailangan mong linisan!" Galit na galit niyang sigaw sa akin kaya kinuha niya 'yong pang-linis ay siya na gumawa matapos lamang ang isang oras natapos niya lahat. Hindi nga? May power ba siya para malinis ang lahat ng iyon sa loob ng isang oras?
Kahit papano pala, may kaibaitan din siya pero hindi, ngayon lang 'yan. Hindi dapat ako magtiwala sa ipinapakita niyang 'yan, may pagka amazona ang babaeng 'yan, 'no!
___
Niko's POV:
Kanina ko pa pinagmamasdan ang dalawa. Si Brixx at Jasmine, natatawa ako kasi under na under si Brixx ni Jasmine.
Binuhusan ba naman niya ng tubig si Brixx akala ko nga magagalit si Brixx pero hindi siya nagalit sa halip pumasok siya ng cr saka nag linis. Hahaha! Kakaiba talaga ang babaeng 'yon, kaya pala unang kita ko pa lang sa kanya crush ko na kaagad siya.
___
Jasmine's POV:
Grr! Ang sakit ng likod ko!
"Ate bangon na po. Tanghali na!"
Tawag sa akin ni Josh. Tanghali na? Naku, pareho lang talaga sila ni mama masyadong exaggerated mag salita.
"Oo na. Babangon na kaya bumaba ka na do'n." Bumaba naman na si Josh. Masakit talaga likod ko.
Kainis kasi ang Brixx na 'yon, akala ko pa naman kahapon magagawa niyang linisan ang lahat ng toilet bowl, 'yon pala  sa loob ng dalawang oras isa lang ang malilinisan niya.
Kung hindi pa ako ang nag linis baka ginabi na kami doon. Hindi bale, babawi talaga ako sa animal na 'yon. Siya naman pagtatrabahuin ko kung ano man ang ipapagawa sa amin ni Ms. Cruz.
"Kailangan niyong pumunta sa Daycare center para pasayahin ang mga bata doon." Sabi ni Ms. Cruz, akala niya siguro nakakatuwa 'yong sinabi niya at nakangiti pa siya.
"What?" Tanging nasabi ko na lang.
"Bawal mag reklamo, remember?" Paalala niya kaya napasimangot na lang ako.
"Huwag kayong mag-alala dahil pag nagawa niyo ng maayos ang pag babysitting niyo sa mga bata ay matatapos na kaagad ang detention niyo." Bigla namang nag liwanag ang mga mata ko. Mabuti naman na matapos na kami dahil nakakasawa ng kasama si Brixx. Bwesit, eh!
"Okay." Sabi lang ni Brixx. Dahil nag okay siya kaya siya ang mag-alaga sa mga bata, bahala siya!
Narito na kami ngayon sa Daycare Center.
Pero nakakainis kasi ang gugulo nila. Feeling ko hindi ko kakayanin 'to. Tingin ko pa lang sa kanila nahihilo na ako. May nagbabatuhan tapos 'yong iba kinakalat mga laruan nila tapos may nagtatakbuhan.
"Brixx, ikaw na bahala sa kanila." Kalabit ko sa kanya. Mukhang nasisiyahan rin siyang panoorin ang magugulong mga bata na ito. Sabagay, pareho niya ang mga batang 'yan, pasaway.
"Tss!" tanging itinugon niya lang.
___
Brixx's POV:
Ano siya sinuswerte para ako lang ang pag alagain niya sa mga bata? Pero sige na nga, siya naman kasi ang nag linis kahapon. Magaling pa naman ako pagdating sa mga bata. Kaya, kaya ko na 'to.
Panay ang batuhan nila ng mga laruan nila kaya asar na asar na si Jasmine. Pa-simple akong napangiti. Ang cute niya kapag nagagalit.  Sandali, may sinabi ba akong cute? Erase! Hindi siya cute, nakakatakot siya. No'ng binuhusan niya ako kahapon ng tubig, natakot talaga ako no'n sa kanya. Pero syempre, joke lang!
"Aray! Ano ba?" Sigaw niya sa batang lalaki. Tinamaan kasi siya nito ng laruan. Akmang susugurin niya 'yong bata mabuti na lang at mabilis ko siyang napigilan. Babaeng 'to, baka mamaya madagdagan pa detention hours namin nito, eh. Pasaway!
"Jasmine ano ba? Bata 'yan. Pati ba naman bata papatulan mo? Ganyan ka na ba talaga kasama para walang palagpasin?" Sigaw ko sa kanya. Nakakainis kasi!
"Hindi ako masama. Bawiin mo 'yang sinabi mo!" Sigaw niya sa akin. Luh, totoo naman, ah? Sino bang matino ang papatol sa kinder na bata?
"Bakit ko babawiin, eh, totoo naman?" Inis kong sabi sa kanya.
"Bawiin mo sabi, eh! Hindi ako masama walanghiya ka! Kaya lang naman kita ginagawan ng mga bagay na hindi mo gusto kasi ikaw ang masama. Since first day of school pinag-initan mo na kaagad ako 'di ba?  Kaya kung mayro'n mang masama sa pagitan natin, ikaw 'yon at hindi ako!" Sabay takbo niya palabas kaya sinundan ko siya. Naabutan ko siyang umiiyak. Na-guilty ako bigla kaya nilapitan ko siya. Bwesit! Bakit parang kasalanan ko pa ngayon?
"Sorry." Humingi ako ng tawad sa kanya.
"I don't need your sorry! Bumalik ka na doon sa loob. Asikasuhin mo na 'yong mga bata." Hinayaan ko na lang siya  siguro nasaktan ko talaga siya kasi umiyak siya. Arte naman!
Jasmine's POV:
Kainis siya! Ang sakit niya magsalita. Naiyak tuloy ako. Walanghiya ka talaga Brixx, I hate you! Ako pa talaga ang masama, eh siya naman ang nag simula ng gulo. Siya 'yong nagtulak sa akin para gawin ang mga bagay na masama sa paningin niya.
Pagsisisihan niya talagang pinaiyak niya ako. Matapos kong pahiran ang mga luha ko ay bumalik na ako sa silid. Ngumiti na ako sa kanya, para kunwari tanggap ko na 'yong sorry niya. Kunwari, bati na kami.
Napatigil niya naman ang mga bata sa kakulitan nila at mukhang nalibang ang mga ito ni Brixx. Sa wakas tapos na yung 1 week detention sana namin, yes!
"Ayos na ba tayo?" tanong niya.
"Oo naman. Basta 'wag mo na ulit akong gagalitin, ah? Kasi naku, ewan ko na lang talaga!" sabi ko.
"Sure! Hindi na kita gagalitin." sagot niya. Mabuti naman!