Jasmine's POV:
Kakauwi ko lang galing sa school, bwesit talaga ang lalaking 'yon, akala mo naman kung sino.
"Kate, anak. Bakit gan'yan ang itsura mo?"
tanong ni mama pagkakita niya sa akin. Paano ba naman kasi, nakasimangot ako. Sino ba naman kasi ang matutuwa kung first day of school ko pa lang ay napag-tripan na kaagad ako?
"Mama, it's Jasmine, not Kate!" Pagtatama ko sa sinabi ni Mama.
"Ang arte mo talaga, ano? Siya sige na, mag bihis ka na at maghahapunan na tayo." Sabi niya.
"Sige po." Kaagad na sumunod ako kay Mama, mahirap na baka mamaya tamaan pa ako ng flying kick at sandok niya, joke lang mabait po ang mama ko.
Habang papasok ako sa kuwarto ko hindi ko maiwasan ang hindi mainis. Bakit kasi gabi na ako naka-uwi sa bahay hindi ko na tuloy maasar ang kapatid kong si Josh. Haha!
After ko mag bihis, lumabas din kaagad ako sa kuwarto ko dahil sabi nga ni Mama ay maghahapunan na kami.
"Tawagin mo na ang kapatid mo, nasa kuwarto niya yata." Utos sa akin ni mama. Napangiti ako. Akala ko kasi hindi ko na maaasar ang kapatid ko. Rawr!
Tok-tok!
Katok ko sa pintuan ng kuwarto niya.
"Josh, labas na d'yan at kakain na tayo sabi ni Mama." tawag ko sa kanya sa labas ng pintuan ng kuwarto niya.
"Later ate, I'm still busy. Tapusin ko lang itong nilalaro ko!" Dahil busy raw siya kaya pumasok ako sa kuwarto niya at kinuha ang pinagkaka-busy-han niya.
"Ano ba, ate!  Akin na 'yan, ibalik mo sa akin 'yan!" Inis niyang sabi.
"No, say please, muna?" Pang-aasar ko sa kanya. Haha!
"No!" Pagmamatigas niya.
"Okay, walang PSP!" Muli kong asar sa kanya. Ang cute kaya ng kapatid ko kapag naaasar.
"Ano ba, Kate!" Dahil sa itinawag niya sa akin kaya ako naman 'yong naasar. Kapatid ko nga talaga ang lokong bata na 'to, alam na alam kung paano ako aasarin.
"Sinong nag sabi sa 'yong tawagin mo akong Kate, huh?" Inis kong sabi sa kanya.
Bwesit! Siya dapat 'yong inaasar ko, hindi ba? Bakit ako yata 'yong naaasar ngayon? Dahil sa inis kaya tinapon ko 'yong nilalaro niya sa kama niya.
"Ano ba, Kate!" Sigaw niya sa akin dahil sa ginawa ko.
"I said, stop calling me Kate!" Asar kong sabi sa kanya bago ako padabog na lumabas sa lintik na kuwarto niya.
"Jasmine, bakit ba nag-aaway na naman kayo ng kapatid mo?" tanong ni Mama.
Hindi ko sinagot si Mama, sumimangot lang ako bago padabog na nag lakad papasok sa room ko. Nawalan na ako ng ganang kumain dahil sa sobrang pagka-asar ko. Naaalala ko na naman siya.  Bwesit siya!
Flashback.
1  year ago, may naging boyfriend ako. His name is Keith, I love him so much because he's my first boyfriend.
We're so sweet to each other before, but one day all about us had changed because of what he did. Hindi niya pala talaga ako mahal.
Dare lang pala ang lahat. Kaya nang malaman ko 'yon, sobra akong nagalit sa pangalang 'Keith' kaya kahit sariling pangalan ko na 'Kate' ay kinamuhian ko na rin dahil naaalala ko 'yong ka-buwesitan niya, ng ex ko! I hate him!
End of flashback.
Oo, gano'n lang ka-babaw ang dahilan ko kung bakit ayaw kong tinatawag ako sa pangalang 'Kate', pake niyo ba? Kanya-kanyang trip lang 'to, okay?
Natulog na lang ako na may sama ng loob. Naalala ko, may pasok pa ako bukas kaya kailangan kong matulog ng maaga. Babangon na lang siguro ako mamaya kapag nagutom ako.
Hindi na rin ako tinawag ni Mama sa kuwarto ko, kapag ganito kasi, alam na ni Mama na hindi na dapat ako guluhin sa kuwarto ko.
Bwesit, bakit hindi ako makatulog?
Bigla ko kasing naalala ang hinayupak na Brixx na iyon. Isa pa ang lalaking 'yon. Kay bago-bago ko pa lang sa school na 'yon tapos ginagalit niya na kaagad ako. Akala niya siguro hindi ko siya papatulan, pwes, mali siya do'n, 'no!
Kinaumagahan, nagising akong  ina-antok pa rin. Umaga na pala. Nakatulugan ko pala 'yong pag-iisip sa bwesit kong ex.
"Jasmine, anak, bangon na d'yan at tanghali na!" Sigaw ni Mama sa labas ng kuwarto ko.
Tanghali na? Tiningnan ko 'yong orasan na nakasabit sa may pintuan ng kuwarto ko.  6:30 AM pa lang naman, ah? Si Mama talaga! Bumangon na ako at pumasok ng CR para maligo. Pagkatapos kong maligo nag bihis na ako at bumaba para mag almusal.
"Good morning, ate." Bati sa akin ni Josh pero hindi ko ito pinansin.
"Anak, ano bang problema mo?" tanong ni mama.
"Wala naman po, Ma." Tipid kong sagot. Pagkatapos kong kumain ay kaagad din akong nagpaalam sa kanila na papasok na ako sa school.
Kakarating ko lang ng school. Sakto pagdaan ko sa corridor may dalawang lalaki na nakaabang sa akin.
"Good morning! Ako nga pala si Ethan." Sabi no'ng isa habang nakalahad ang kamay niya sa akin. Tiningnan ko lang ito.
"Hi, I'm Mark." Sabi naman no'ng isa pa.
Hindi ko alam kung anong mero'n at nagpapakilala  silang dalawa sa akin. Wait, sila 'yong mga kasama ni Mr. Sungit kahapon, ah, kung hindi ako nagkakamali? Hindi kaya ay may balak na naman sa akin ang lalaki na 'yon? Subukan niya lang talaga!
"Hello?" Alanganin kong bati sa kanilang dalawa at saka ko sila parehong nilagpasan.
"Ingat ka!" Magkasabay nilang sabi. Ang weird nila, huh!
Pagkapasok na pagkapasok ko sa classroom.
"Ah! Bwesit!" Halos napatili ako, I mean, literal na napasigaw ako. Kainis, 'yong p'wet ko ang sakit!
Walanghiya talaga! Bakit may langis dito sa sahig? Asar!  Natumba tuloy ako tapos may biglang bumuhos sa akin ng harina kaya 'yong itsura ko ngayon mukha na akong ipi-prito, hayop na 'yan!
"HAHAHA! Manok ka, girl? Iprito na 'yan!" Sabay-sabay na sigaw nila sa akin. Fvck you silang lahat! Akala ko pa naman mababait sila, na hindi sila bully. Nagkamali na naman ako ng akala. Kaasar talaga!
"Who the hell did this?" Galit na galit kong sigaw kaya napatigil silang lahat sa pag tawa.
"Ako!" Biglang nag pakita sa akin ang demonyo. Sinasabi ko na nga bang may balak na naman ang impaktong nilalang na 'to!
"Ikaw na naman? Ano ba talagang problema mo?" Kay aga-aga nakakagalit ang lalaking 'to! Gantihan pala ang gusto niya, ah?
"Sabi ko naman kasi sa 'yo 'di ba? Na h'wag mo akong susubukan." Sabi niya na para bang nanghahamon. Sino ba ang tinatakot niya? Ako ba? Parang hindi naman siya nakakatakot, nakaka-bwesit, pwede pa!
"Whatever! Tingnan mo nga 'tong ginawa mo. Bwesit ka talaga, mapapatay talaga kita ng wala sa oras! Ano bang gusto mong gawin ko para tigilan mo na ako? Bwesit ka!" Gigil kong sigaw sa kanya.
"Simple lang naman sana, gusto ko lang naman na mag sorry ka sa akin tapos lumuhod ka sa harapan ko." Sabi niya habang nakangisi. Wait, tama ba 'yong narinig ko na luluhod ako sa harapan niya? Like, wtf!
"Luhod!" Sabay-sabay na sigawan ng mga lalaki.
"Luluhod na 'yan!" Sabay-sabay naman na sigawan ng mga babae.
"Luhod!" mga lalaki ulit.
"Luluhod na 'yan!" mga babae naman.
"Luluhod na 'yan!" This time, sabay-sabay na silang lahat, boys and girls.
"Luluhod na 'yan!" muli nilang sigaw. Sandali nga lang, kampon din ba sila ng Brixx na 'to talagang trip lang nila 'yan?
"Luluhod lang? Iyon lang naman pala, eh. Kayo naman, hindi niyo na kailangang mag-chorous pa d'yan, luluhod naman ako." Walangbuhay kong sabi sa kanila na tila ba susundin ko nga ang gusto nila.
"Tama 'yan, Jasmine! Sige na, gawin mo na. Luhod na!" Sigaw sa akin ng halimaw na Brixx kahit na magkaharap lang naman kami. Ginawa pa akong bingi ng abnormal na 'to.
"Ito na nga 'di ba? Ito na, oh, luluhod na! 'wag kang magmadali!" Sabi ko sa kanya at akmang luluhod na dapat ako. Kung ibang tao siguro ako, kanina ko pa ginawa ang gusto niya, iyon lang naman, eh, napakadali lang no'n. Ang kaso, ako 'to, si Jasmine kaya imbes na lumuhod ay ito ang ginawa ko sa kanya.
"Fvck! Aray!" Sigaw niya habang namimilipit sa sakit. Sino ba naman kasi ang hindi mapapasigaw pagkatapos ng ginawa ko? Pinokpok ko lang naman ang paa niya ng baonan ko ng tubig, take note, bote ang baonan kong 'to buti nga at hindi iyon nabasag sa paa niya.
"Sorry, huh?"
Tumayo ako at nag sorry sa kanya.
BOGSH!
Sabay suntok ko sa mukha niya kaya kita ko kung paano siya tuluyang napabuga ng apoy. Deserve!
"Aray! Sumusobra ka na talagang babae ka! Humanda ka sa akin, bwesit ka!" Sigaw niyang muli. Nagkibit-balikat lang ako.
"Sabi ko naman kasi sa 'yo na hindi mo ako kilala, 'di ba?" Sabay takbo ko palabas ng classroom. Buti na lang at may baon akong extra-uniform. 'Yong mga kaklase kong tawa ng tawa kanina ayon, nga-nga na sila ngayon. Anong akala ng Brixx na 'yon, na luluhod talaga ako at mag-so-sorry sa kanya? Luh, asa siya!