"HAPPY birthday to you, Happy birthday to you..." Napaatras ako nang sabay-sabay silang magkantahan pagbaba ko galing sa aking kwarto.
Kakatapos ko lang magbihis para mkapaghanda na sa pagtulog, gusto ko lang sana uminom ng tubig sa kusina pero sinalubong ako nila Mama dala ang cake at nagpasabog pa si ninong at Justin ng confetti habang may bitbit na balloons si ninang.
"Surprise!!" sigaw nila at laglag naman ang panga ko.
Wtf!
"Akala ko tapos na? hindi pa ba iyon ang celebration ko?" ani ko at tinuro ang kaninang bakuran namin na puno ng mga bisita, malinis na ito ngayon at pati mga waiters ay nakauwi na.
"Cover up lang 'yon para sa tunay na surprise, 'di ka ba nakahalata? Saan ka naman ba nakakita ng party na
napag-iiwanan ang celebrant?" ngiwi ni Mama kaya nalukot ang mukha ko.
"We all know na ayaw mo sa mga gano'n inaanak, kaya nga na-bored ka diba? Aminin mo na, kung hindi ko yata pinalabas kanina si Justin ay baka nanghahaba na ang nguso mo sa pagsibangot" Si tita at nagtawanan sila.
"Isa pa walang cake sa labas kanina, puro kainan lang parang fiesta nga ang kinalabasan" Si ninong at yumakap ang braso kay ninang.
"Blow me, Sandragon" Si Justin kaya nakutusan siya ng Daddy niya at masama ang tingin sakaniya ni Mama at ninang.
Bastos!
"Joke lang, blow the candle pala, ayusin mo ang pag wish ah! napaso ako d'yan kanina habang sinisindihan ko" nguso niya at nagtawanan ang lahat.
"Tanga ka kasi" asar ko at nanlaki naman ang mata niya pero walang nagawa dahil siya na ang may hawak ng cake ngayon.
Sa isip ko lang ibinulong ang lahat ng hiling ko. Tapos ay hinipan ko na kaya nagpalakpakan sila. Turns out na pinag-aksayahan talaga nila ang kunwaring party na iyon, kung
sino-sino lang ang ininvite para gumanap sa palabas, pangpa-gulo lang daw 'yon habang hinahanda nila dito sa loob ang surprise.
Nagpunta kami sa likod-bahay. Kung saan may malawak na space at mga halaman. Nag ihaw-ihaw kami ng barbeque at nagtawanan.
Nagre-reminisce din sila ng college days nila habang may sarili kaming kwentuhan ni Justin.
"Eh yung kaklase natin during elementary na naihi sa shorts tapos amoy patay ang hininga, naaalala mo pa?" tawa niya at natawa kaming muli.
Masama talaga ang ugali namin, aminado naman ako kaya 'wag niyong tutularan.
"Si Regie ba? hanggang grade three ako binully no'n paano ko makakalimutan?" tawa ko at naghagalpakan kami.
"Inaasar ka niyang maasim without knowing na amoy patay ang hininga niya, bobo!" nagkakanda-tumba na kami sa pagtawang dalawa dahil sa
pang-iinsulto namin sa dating
nam-bully sa akin.
"Tapos nung naihi siya habang nagtuturo yung masungit nating teacher-Laugh trip 'yon!" sigaw ko at humagalpak nanaman kaming dalawa.
"Tapos during grade five..." hindi niya matuloy ang sinasabi dahil sa pagtawa kaya kahit wala pa ay natawa na rin ako.
"Ikwento mo na, hindi na ako makahinga, bwisit ka!" tawa ako ng tawa habang pinupunasan ang luha sa gilid ng mata ko, naiiyak na ako kakatawa amp!
"M-May umamin sa'kin na classmate natin, tapos-tapos sinabi mo na bakla ako at si Ricardo na siga sa klase natin ang gusto ko" Kwento niya habang inaalala ang araw na iyon. "Yung mukha niya parang nandiri sa akin bigla, gago ka!" Hagalpak niya at hinampas ang sariling hita.
"Naalala ko 'yon!!" masayang sigaw ko. "Eh si Ma'am Salvador? Naalala mo? Diba nahulog sa upuan 'yon habang nagsusulat sa board? Tapos napunit yung pants! LT!" Mas malakas na tawa ko nang maalala ang teacher na nagpadala sa aming dalawa sa principal's office.
"Oo, pink yung panty niya tapos may flowers na violet" hagikhik niya at muling humagalpak.
Napatitig ako sa mukha niya at napangiti. Hayy...kakamiss. Ngayon ko nalang siya ulit naka-kwentuhan at nakatawanan ng ganito. Medyo nagbago ang tunog ng tawa niya, noon ay matinis ito pero ngayon ay medyo malalim na. Masarap sa tenga ang tawa niya at nakakapagpa-tulala naman ang ngiti niya.
I'm so doomed.
Dati kapag uwian na galing sa school ay ugali naming pagkwentuhan ang nga bagay na ganito. Lahat ng mga umaway samin ay lalaitin namin pag-uwi.
Hindi kami nakikipag-away, lalo na siya. Pero sabay namin silang nilalait na lahat pag kaming dalawa nalang. Like my bullies, hindi ko 'yon pinapatulan pinagtatawanan lang namin sila. Hinihintay namin ang karma nila tapos tatawanan namin.
"Mga bata! Pasok na rito mag-uumaga na, ang lakas ng tawanan niyo ah!" Si Ninang at tinatawag na kami.
Nailing ako sa itinawagnito sa amin. Nsanay na sila sa pagtawag sa amin na bata.
Tama si ninang dahil nga 11:34 na ngayon ng gabi. Pagpasok ay naroon si Mama at nakangiti sa akin. Hinaplos niya ang buhok kong nakalugay na ulit ngayon.
"Happy birthday, baby ko" bulong nito at nakagat ko ang labi bago siya yakapin.
"I love you, Ma..." at hinalikan ko siya sa noo.
Hindi kami ganoon ka showy ni Mama sa isa't isa, pero mahal na mahal ko talaga siya. Dama ko rin naman ang pagmamahal niya lalo na pag binabara niya ako.
"Matulog na tayo at nang
makapag-pahinga, ikaw Justin ay hindi na pwedeng tumabi sa dalaga ko ah! malalaki na kayo hindi na tulad dati" Si Mama at seryosong bumaling kay Justin kaya maliit akong napangiti.
"Opo, tita" sagot nito at sabay-sabay kaming umakyat sa taas.
Dumiretso na si Mama sa kwarto niya, ako naman ay tumuloy sa dulong bahagi kung saan naroon ang kwarto ko, katapat nito ang guest room kaya sa tapat ko lang ang kwartong gagamitin ni Justin.
"Matulog ka na, birthday girl...good night" huling wika niya bago tumalikod. "Ang ganda mo ngayon, ngayon lang kasi birthday mo" dagdag niya at tumawa bago tuluyang isinara ang pinto ng kwarto niya.
"Ayaw pa aminin, ganda ko kaya" bulong ko at humahagikhik na pumasok sa room ko.
Binagsak ko ang sarili sa kama bago nagpagulong-gulong doon. Tinakpan ko ng unan ang mukha ko tapos tumili-tili. Ang gwapo niya talaga ngayon, kakainis!
"Parang dati lang ay ang payat-payat niya at ang liit, tapos ngayon..." napagulong ulit ako at napatili sa unan nang maalala ang height difference namin.
Ang tangkad na niya at madali na niyang nagugulo ang buhok ko kapag may nakakatuwa akong ginawa. Tapos ang bango pa! Ehhhh!
Naalala ko ang braso niya nang hilahin niya pataas ang sleeves niya. Medyo mabalbon pa rin iyon at may mga ugat na naka-bakat. Dati payat iyon pero ang hot na tignan ngayon, Napatili nanaman tuloy ako sa unan bago napa-padyak habang humahagikhik.
"Justin...Justin, kakainis ka!" kagat labing usal ko habang pinagmamasdan ang bracelet na bigay niya na nasa pulsuhan ko.
Sa sobrang saya ko tuloy ay nakangiti ako habang nakapikit ang mata. Antok na antok na ako pero muli akong napapangiti 'pag naaalala ang ngiti niya, yung dimples kasi!
Nababaliw na ako...
KINABUKASAN paggising ko ay wala na sila Mama. Ilang beses pa ako umikot sa bahay para hanapin sila pero wala talaga. Kaya naman kinatok ko na ang kwarto ni Justin.
"Hoy! 'Asan Mama ko?!" tanong ko habang kumakatok.
Binuksan naman niya agad ito at tumambad sa akin ang mukha niyang fresh na fresh. Bagong ligo kasi ito at nagtutuyo pa ng buhok.
"Oyy! Gising na ang Sandragon ko ah, Good morning" Energetic na bati nito kaya napanguso ako.
'Sandragon ko...'
"Good moring, sila Mama?" tikhim ko at kinagat ang labi bago nagpanggap na seryoso.
"Umalis na, tagal mo magising eh 'di ka na nila ginambala, sumama sina Mommy sakaniya, nandoon sila sa shop niyo" sagot nito at nagkibit-balikat.
Napatango naman ako at napakunot nang may naalala.
"May iniwang pagkain? Gugutom ako" nguso ko.
Natawa naman siya bago
tinapik-tapik ang tuktok ng ulo ko bago umiling. "Ipagluluto nalang kita, nagmamadali kasi sila kanina" tawa niya at napaiktad ako nang umakbay siya sa'kin.
"Weh? Marunong ka magluto?" Hindi naniniwalang tanong ko at tumawa naman siya bago tumango. "E-Eh, si Jonas kasama ba nila?" tanong ko nalang na ang tinutukoy ay ang kapatid niya, umiling siya bago sumagot.
"Dumedede sa baba, pababa na rin talaga sana ako kaya lang kumatok ka, tara na" aya niya at tinangay na ako kasama niya.
Pagbaba ay naroon nga si Jonas sa dining. Naka-upo sa high chair at may subo na bote ng gatas. Parang boss baby lang ah!
"Ilang taon na ba si Jonas?" tanong ko kay Justin pero nagulat ako ng ito ang sumagot.
"I'm three nyis old" sagot nito at tumango ako bago siya ngitian, pero umiwas lang siya at dumede na ulit.
Sungit, bulol naman.
Paano nga ulit? Three nyis old?
Natawa ako nang mahina at pinanlakihan naman ako agad ng mata ni Justin bago sinenyas ang kapatid niya. Nakasimangot ito at masama ang tingin sa akin kaya nakagat ko ang sariling labi.
Tinuon ko nalang ang paningin ko kay Justin habang nagluluto ito. Hindi ko maitago ang ngiti ko habang pinapanood ang pagbati niya sa itlog, galit na galit ang mga ugat sa kamay niya at kitang-kita ko ang mga ito dahil naka T-shirt lang siya ngayon at sa pang ibaba naman ay jersey shorts.
"You want me to put some tomatoes? Sa egg?" tanong niya at tumango naman ako. "Uhmm...should I fry hotdog and tocino too? Ano bang gusto mo?" tanong niya habang nakatalikod parin, nilalagyan na niya ng asin yung itlog.
Ikaw.
"Hotdogs nalang, ayos na 'yon" sagot ko at nangalumbabang pinanood ang likod niya.
"Where's your butter? Gawa tayo bread toast or ham sandwich, that's cool l, yeah?" aniya at nagsimulang maghanap sa ref namin. "Cheese...'yon! May ham dito lutuin ko na rin ah, ginugutom ako eh, anong oras na rin kaya, tanghali na" Mahinang aniya at tumawa kaya napangiti ako.
Pinanood ko lang siya kumilos doon, ang cute niya tignan sa pale pink theme na kitchen ni Mama. Suot pa niya yung apron ko na purple. Sarap gawing keychain, kakainis!
Maya maya ay kumalat ang mabangong amoy ng melted butter, sabay pa kaming natawa nang kapwa tumunog ang sikmura namin sa pagka-takam.
Binuhos niya sa pan na may melted butter ang itlog na binati niya kanina. He added one pinch of salt and pepper too. Nang matapos maluto ang egg ay naglagay siya ng oil sa pan ding iyon para naman i-prito ang hotdog.
Nilagay niya sa table ang niluto niyang itlog tapos binudburan ng hiniwa niyang onion spring. "Tulo mo lumalaway" tawa niya kaya inirapan ko siya.
"Balikan mo na yung hotdog doon, baka masunog" pagpapalayas ko sakaniya pero ang totoo ay gusto ko lang talaga siya panoorin mula rito.
"Yes, Ma'am" Sarkastiko ang pagkakasabi niya nito pero tumawa din naman nang makalayo na.
Inabala niya ulit ang sarili sa pagluluto tapos muling inilapag sa harap ko nang matapos. Napalunok naman ako agad dahil literal akong naglalaway.
"Konti nalang Sandragon, yung sandwich nalang tapos fried rice, then eat na tayo" kindat niya bago ginulo ang buhok ko.
"Are you okay, dude? Don't bite your nails, okay?" baling niya sa kapatid at nagulat naman ako nang mag ok sign ito na akala mo ay matanda na.
Ayos ah!