Joaqx
Naglalakad-lakad ako ngayon sa tabing dagat. Inaalala ang mga sinabi ni Zi sa akin kagabi.
"Im sorry Joaqx but Im setting you free. Hindi ako ang babae na para sayo, pero sana manatili ang pagkakaibigan natin hanggang sa huli. "
Di ako makapaniwala. Hanggang ngayon lutang pa din ako sa usapan namin kagabi. I know I should be hurting at oo, masakit talaga.
Masakit dahil hindi na pwedeng ibalik ang dating kami noon. Dahil hindi ka na mahal ng taong minsan ng nagmahal sayo ng lubusan.
"Fvk. Nasaan na ako?" masyado akong lutang. Kung saan-saan tuloy ako napadpad.
"H-Hindi mo ba talaga ako kayang mahalin? A-Ano bang m-meron kay Shane na wala sa akin? Pwede ko naman ibigay lahat ah? Kaya din kitang pasayahin. Please Kenneth, ako nalang piliin mo..."
Teka, parang boses ni Cindy yun ah. Anong ginagawa nila dito? Nag-aaway ba sila? Masilip nga.
"How many times do I have to tell I dont love you, di pa ba sapat yan para tigilan mo na ako? May respeto ako sayo Cindy pero sa ginagawa mong to, unti unting nawawala ang respetong yun. Kaya please, habang di pa ito nawawala umalis ka na at itigil mo na tong kahibangan mo bago ko pa makalimutan na babae ka." ani Kenneth.
Patalikod na sana siya ng bigla siyang niyakap ni Cindy. Yung yakap na napakahigpit.
"Please K-Kenneth, p-please ako nalang. Hindi ko kakayanin kapag iiwan mo ako" naiiyak niyang wika pero parang wala lang yun kay Kenneth.
Inalis niya yung mga brasong nakayakap sa kanya at lumayo ng konti saka tumalikod. Naglakad siya papalayo kay Cindy.
"Magpapakamatay ako dito kapag di ka mapapasaakin!!!!" sigaw niya na ikinagulat ko kaya naisipan ko ng lumapit sa kanya pero di ko pinahalata na nasa likuran niya lang ako.
Hindi man lang siya nilingon at pinansin ni Kenneth. Napaka-tigas talaga ng gagong yun.
"J-Joaqx?" tawag niya sa akin ng maramdaman niyang may humawak sa balikat niya. "A-Anong..." di ko na siya pinatapos dahil agad ko siyang niyakap.
At bumuhos na ang lahat ng kanyang mga luha. Ang lahat ng sakit na nararamdaman niya ay iniiyak niya na.
Ilang sandali lang ang tinagal namin bago siya medyo huminahon sa kakaiyak. Umupo kaming pareho sa buhangin habang nakatingin sa malayo.
"Ganyan talaga ang pagmamahal. Hindi sa lahat ng oras nakukuha mo ang gusto mo, lalo na ang taong mahal mo. Minsan kailangan mo din ibigay sa kanila ang kalayaan na hinahangad nila. Dahil kahit anong pilit mo, alam mo sa sarili mo na hindi mo siya mapapasaya at di ka niya matutunan pang mahalin..." pagsasalita ko habang nakatingin pa din dun sa malayo.
"Anong alam mo? Eh di naman ikaw ang iniwan at nasaktan." pagsagot niya.
Natawa ako ng mahina dun sa sinabi niya. Akala niya siguro di pa ako nakakaranas ng ganun.
"Yun ang akala mo. Maraming beses na akong iniwan, yung mama ng baby ko, ni Trixie, at ngayon... ngayon si Zi" napansin ko naman na nakatingin na siyasa akin kaya tumingin na din ako sa kanya.
May halong pagtataka at lungkot ang mga mata niya. Wala kasing nakakaalam sa nangyari kagabi.
"A-Anong ibig mong sabihin tungkol kay Shane?" tanong niya. Ngumiti lang ako sa kanya at yumuko agad para di mahalata ang lungkot sa mukha ko.
"She rejected me. Sabi niya di daw siya ang nararapat na babae para sa akin kaya pinapalaya niya na ako. Sabi niya rin na may dadating daw na mas mamahalin ko higit pa sa pagmamahal ko sa kanya at ganun din ang babaeng yun sa akin, at tanggap pati yung anak ko. Huh. Saan ko kaya mahahanap ang babaeng yun? Nabibili ba yun sa supermarket? Meron ba nun sa lazada?" pabiro kong sabi yung huling part para matawa siya pero parang ako lang yata yung natawa sa banat ko.
"Nakakatuwa nuh? Pareho pala tayong wasak at sawi ngayon. Di kaya tayo ang itinadhana sa isa't isa?" dagdag ko pa. Tinulak niya naman ako ng konti kaya medyo natumba ako, natawa na kaming dalawa dahil dun.
"Alam mo tama si Zi eh..."
"Na ano? Na ireject ka niya?" tanong niya sa akin.
"Hindi. Tama siya sa sinabi niya kung di kami nagkatagpo ulit ay hindi ko maiisip na balikan siya, dahil kontento na ako noon kay Trixie kasama ang baby ko. Kahit nagkakalabuan na kami ay pinipilit ko pa rin yung ayusin pero nung makita ko ulit si Zi parang bumalik ang lahat ng masasayang araw ko noong high school. Parang gusto kong balikan ang mga araw na yun kung saan masaya lang kami at walang iniisip na problema kaso wala eh, gago ako. Di sana kami magkakahiwalay kung di ko siya niloko, naging gago ako dahil pinairal ko ang kasikatan ko sa mga babae noon. Akala ko makukuha ko siya ulit ngayon pero wala, di na niya talaga ako kayang mahalin pa tulad noon."
Ang haba ng pov ko ngayon. Salamat Miss A, thanks for understanding.
Cindy
Habang nakikinig sa mga sinasabi ni Joaqx ay di ko mapigilan ang sarili ko na hawakan siya at icomfort. Ramdam ko din kasi ang sakit na dama niya ngayon.
"S-Siguro kailangan muna natin mahalin ang ating sarili bago natin mahanap ang taong magmamahal sa atin ng higit pa sa inaakala natin. Diba?" saad ko sa kanya.
Noon paman din ay mahal ko na si Kenneth. Ako sana dapat yung liligawan niya kaso biglang dumating sa eksena si Shane kaya nalipat sa kanya ang buong atensyon ni Kenneth. At hanggang ngayon ay nasa kanya pa rin ang puso't isipan ng lalaking mahal ko. Masakit, ang sakit-sakit.
Lahat ginawa ko para lang mapasin niya ako at makuha niya akong mahalin pero di niya talaga ako kayang mahalin at tingnan ng gaya sa pagkakatingin niya kay Shane.
"T-Tama na nga tong drama natin. Baka akalain nilang tayo yung n-naghiwalay. Nakakahiya sa mga artistang nandito." I faked a smile as he forced a laugh.
Tumayo siya at binigay ang kamay niya para makatayo din ako.
"Usap tayo ng usap di pa naman pala tayo ganun ka magkakilala, Im Joaqx Rojo Roble." nakangiti niyang saad.
"Tss. Buti naman narealize mo yan, Cindy Thornes. Ang tinik sa buhay mo" natawa kaming pareho sa sinabi ko.
Akala ko walang makakaintindi sa sitwasyon ko pero meron pa pala. Ang ironic pa dahil ex ng karibal ko ang taong yun.
"Tara bar tayo. Gusto mo?" yaya niya sa akin. Tumango naman ako at naglakad na papunta sa bar.
Just once, gusto kong makalimutan ang sakit na binigay ni Kenneth sa puso ko. Gusto kong kalimutan siya kahit ngayon lang.
Siguro kailangan ko ng sundin ang sarili kong payo. I guess I need to love myself first bago ko makita ang tamang lalaking para sa akin.