Binuksan ni Talya ang pinto ng kwarto ni Pollo. Nakita niyang nagkalat ang mga laruan nito habang may iginuguhit naman ito sa kwadernong nasa sahig.
Dahan-dahan niya itong nilapitan. "Pollo---"
"Shhh..." Pagpapatahimik nito sa kaniya na inilagay pa sa labi ang daliri. "Don't make any noise. Quiet." Pabulong nitong sabi saka ibinalik ulit ang tingin sa iginuguhit.
Nakaawang ang bibig na pinagmasdan niya ang bata. 'Anak ng---kahit bata, marunong magmura? Maturuan nga ng murang tagalog.'
Dahan-dahan siyang naupo sa tabi nito at sinilip kung anong ginuguhit nito. Gusto niyang mapatampal sa noo, hindi niya naiintindihan ang drawing nito. Marahil ay bata pa kaya't hindi ito marunong sa paghawak ng lapis.
Bumukas ang kwarto ni Pollo at bumungad ang bihis na bihis na si Cate. "I'm going na ha? Take care Pollo while we're not here."
Nangunot ang noo niya. "Minumura mo ba---"
"Hindi!" Agad na sagot ni Cate bago pa man niya itanong. "Aalis na ako. Bye!" Anito at nanakbo na paalis.
Nanlaki ang mata niya at agad na tumayo mula sa sahig. "S-sandali---" Nang tignan niya ang labas ay wala na ito.
Bagsak ang balikat na muli siyang naupo sa sahig, sa tabi ni Pollo. Gusto niya kasing sumama dito. Kahit isama nila si Pollo ay ayos lang. Hindi pa kasi siya nakakalabas ng mansyon. Gusto niyang makita kung ano ang buhay ng mga mayayamang tulad nito.
Tinignan niya si Pollo at ngayo'y kinukulayan na nito ang kaninang iginuhit na tila isda ang ulo at stick ang katawan.
Ngayon na kasi nag-umpisa ang pagbabantay niya kay Pollo. Umalis na rin kaninang umaga si Phemie at Primo, naiwan silang apat ni Oddy, Cate, Pollo at siya. Hindi naman literal na apat na lang sila dahil maraming katulong ang paparoo't parito.
Bumukas muli ang pinto ng kwarto ni Pollo ngunit sa pagkakataong ito ay nakasimangot na si Oddy ang bumungad sa kaniya. May dala itong bag na pumasok sa loob saka isinara ang pinto.
Tinignan nito si Pollo at nilapitan. Yumuko ito upang pumantay kay Pollo. "Pollo, do you want to come with me?"
Mula sa pagguguhit ay iniangat ni Pollo ang tingin sa nakatatandang kapatid. "Whewe awe you going?" Tanong nito na nagniningning na ang mata.
Ngumiti ng tipid si Oddy. "In my practice game."
Natuwa naman si Pollo at bigla itong napatayo sa pagkakaupo sa sahig saka nagtatalon-talon. "Yehey! I'll play basketball! Yehey! Yehey!"
Natawa ng mahina si Oddy at ginulo ang buhok ng kapatid. Siya nama'y pabalik-balik ang tingin sa kapatid ng nakakunot-noo.
Napatingin sa kaniya si Oddy at bigla siya nitong tinaasan ng kaliwang kilay na ikinamaang niya. Marunong pala itong magtaas ng kilay? Akala niya'y mga babae lang ang marunong no'n.
Tinaasan niya rin ito ng kilay. Hindi siya dapat papatalo. "Nagmumurahan kayo 'no?" Naniningkit ang matang tanong niya. "Pati bata tinuturuan niyo ng ganyan. Ang bata-bata pa kaya ni Pollo!"
Iningusan siya ni Oddy. "Tss. Stupid." Pabulong nitong anas ngunit hindi nakaligtas sa tainga niya. Bigla nitong binuhat si Pollo. "Come on, paliliguan kita." Anito sa kapatid, ibinaba ang bag sa kama at pumasok na sa palikuran.
Naiwan naman siyang naguguluhan. Ano bang sinasabi nito? Kung marunong lang siya ng ingles, mumurahin niya ito ng pinaka-sosyal na ingles sa lahat.
Siya ang nagpatuloy sa kinukulayan ni Pollo kanina. Wala siyang naiintindihan kaya't kung ano-anong kulay na lang ang ipinangkukulay niya.
Lumabas si Oddy na buhat si Pollo na takip ang buong katawan ng twalya. Itinayo ni Oddy si Pollo sa kama matapos ay pinunasan ang basa nitong katawan. Naghanap din ito ng damit sa drawer at ipinasuot kay Pollo. Nilagyan din nito ng bonnet ang ulo ng bata at pinagsapatos na.
Naalarma naman siya at agad na napatayo. "S-sandali. Hindi naman kami aalis ah?" Taka niyang tanong habang ang mata ay na kay Pollo na tuwang-tuwa.
"Stupid, kami ang aalis." Sagot ni Oddy na hindi man lang siya tinignan at pinulbuhan ang kapatid.
"Ano? Aalis kayo nang hindi ako kasama?" Gulat niyang tanong at hindi makapaniwala. "Ako ang yaya ni Pollo ng tatlong araw diba?"
Tinignan siya ni Oddy ng matalim. "I don't trust you."
"Pakyu!" Pinakitaan niya ito ng middle finger niya.
Agad na hinawakan ni Oddy ang kamay niya na ikinatalon niya hindi dahil sa gulat kun'di dahil sa kuryenteng naramdaman. "Nandito si Pollo. Talagang magmumura ka sa harap niya?"
Dahan-dahan niyang binawi ang kamay at napatingin kay Pollo na inosenteng nakatingin sa kanila. "Bakit? Nagmumurahan naman kayo kanina ah?" Lakas-loob niyang tanong.
"Are you serious?" Hindi makapaniwalang tanong nito at nang hindi niya ito sinagot ay inirapan siya nito. "Okay fine, bilisan mong magbihis. Hihintayin ka namin sa parking lot. Bilisan mo!" Sigaw nito na ikinataranta niya.
Mabilis siyang umalis sa kwarto ni Pollo at nagpunta sa kwarto niya upang maghanap ng maayos na damit. Sa wakas ay makakalabas na siya dito!
Nagsuot lamang siya ng jeans at t-shirt na kulay blue na naka-print ang salitang 'Hakdog'. Ini-ponytail niya lang ang buhok niya, nagsuot din siya ng rubber shoes at nagmartsa na palabas.
Nang marating niya ang parking lot ay pinasakay agad sila sa backseat habang ito ay naupo sa passenger seat, si Odolfo ang driver nila.
Habang bumabyahe ay nakatingin lang siya sa labas ng bintana at pinagmamasdan ang bawat madaanang gusali ng sasakyan. Nakangiti siya ng malaki. Hindi niya napansin na may mga matang nakatitig sa kaniya mula pa kanina.
Mabilis lang at narating nila ang hindi kalayuang court sa mansyon. Hawak niya ang kamay ni Pollo habang tumatalon-talon itong naglalakad. Medyo nakayuko pa nga siya upang maabot ng bata ang kamay niya dahil sa liit nito.
"Pasa mo kay Rei!"
"Ulol! Kay Dane na lang!"
"Hanep amputcha!"
"Wag kayong maniko! Kingina!"
"Foul na dapat yun eh!"
"Ugok! Ayusin mo kasi pag-drible!"
"Tangina, 3 points!"
Maiingay na players ang naabutan niya. Nasa sampu ng kalalakihan ngayon ang nag-aagawan ng iisang bola habang hindi naman matapos sa kakatalak ang mga bibig. Tatlong lalaki naman ang nakaupo sa bench at pinagtatawanan ang mga naglalaro.
"What's with the noise, fuckers? Ganito ba kayo maglaro kapag wala ako?" Biglang sabat ni Oddy na ikinatingin ng lahat.
"CAPTAIN!" Agad nagsilapitan ang lahat sa direksyon nila na ikinagulat niya. Sumaludo pa ang mga ito na tila mga sundalong handang-handa na sa gera.
"Woah! Who's the lady beside you, captain?" Lumapit sa kanila ang isang lalaki at nginitian siya. Tila isa itong modelo ng toothpaste dahil sa puti ng ngipin nito. "What's your name, miss? I'm Levi, by the way." Anito sa kaniya.
"Nagmumurahan ba tayo dito? Paki-import naman para may alam ako." May bahid ng inis niyang saad dito.
Natawa naman ang isang tila may katandaan na. "Joker din 'to no? Parang si Phemie noon!" Malakas itong humalakhak.
Umingos si Oddy. "She said she can't understand english. If you wanna say something, talk to her in tagalog." Anito at umalis na bitbit ang bag nito.
Natawa si Levi. "Hindi nga? You're a foreigner, right?" Tanong nito sa kaniya.
"Sapakan na lang oh? Sinong papalag?" Binitiwan niya ang kamay ni Pollo at pinatunog ang sariling kamay.
"Geez, what an amazona." Mahinang sabi ni Levi na nakangiwi bago dumako ang tingin kay Pollo. "Hey, young man, what are you doing here?" Itinukod nito ang kamay sa tuhod upang kahit papaano ay mapantayan si Pollo.
"I'll play basketball." Sagot ni Pollo at nanakbo patungong gitna ng court kung saan naiwan ang bola na pinag-aagawan kanina.
Balak niya sanang sundan si Pollo ngunit humarang sa kaniya ang mga kalalakihan na mga higante dahil sa tangkad at nakipagkilala. Dahil natural siyang maganda ay mabilis niyang naalala ang mga pangalan nito.
Bumalik si Oddy na suot na ang jersey at rubber shoes nito. Hindi naman niya maiwasang tignan ito dahil ngayon niya lamang itong nakitang nakasuot ng jersey.
12 ang players kasama si Oddy. Bangko na muna si Lark at Owen habang ang sasalang naman ay sina Oddy, Dane, Zach, Harry, at Hugo habang sa kabilang team ay si Gav, Rei, Vane, Kiko at Prick.
Nakaupo siya sa bench katabi ng coach ng mga ito na si Baxter, ang manager na si Levi at ang dalawang bangko habang si Pollo ay binigyan ng sariling bola at pinipilit na i-drible kahit masyado iyong malaki sa mga kamay nito.
Na kay Kiko ang bola at kasalukuyan itong hinaharangan ni Harry. Sa hindi kalayuan naman ay naroon si Vane na pilit hinaharangan ni Zach. Ipinasa ni Kiko ang bola sa malapit-lapit dito na si Prick. Ang akala ng lahat ay masasambot na nito ang bola ngunit may mga kamay na umagaw dito at iyon ay si Oddy.
Hindi niya naiwasang mapalunok nang makita ang hindi kalakihan nitong muscle na gumalaw nang sinambot nito ang bola. Bigla itong nanakbo sa kabilang bahagi ng court at humabol naman dito ang kalaban. Mabilis nitong ipinasa ang bola kay Hugo na ipinasa din agad kay Harry, nag-drible muna ang isa habang nakatalikod sa gawi ng kalaban nitong si Rei.
Dahil masyado pang malayo sa ring ay ipinasa nito ang bola kay Dane na naagaw ni Gav at mabilis na tumakbo sa kabilang bahagi ng court ngunit hindi pa man nangangalahati sa pagtakbo ay mabilis na naagaw ni Oddy ang bola kay Gav na pasalungat na ngayong tumatakbo at biglang ini-shoot ang bola sa ring.
Napamaang siya. Ang galing ni Oddy sa ganito. Napapahanga siya ng wala sa oras.
"Angas ni cap no?" Biglang bulong ng katabi niyang si Owen.
Iniwas niya ang mata kay Oddy at tumingin dito. "S-sus, mas maangas ako diyan." Mayabang niyang sabi dito.
"Ows? Marunong kang mag-basketball?"
Napahalukipkip siya at muling dumako ang tingin sa mga manlalaro. "Hindi, pero sapat na ang nakita ko." Aniya. Mabilis lang naman siyang matuto. Alam niyang magaling siya sa lahat ng bagay. Maganda na, magaling pa.
Natawa si Lark. "Talaga ba? Kaya mo na kayang talunin si captain dahil sa panonood mo lang?"
Inis niya itong nilingon. "Bakit? Minamaliit mo ba ako?"
"Maliit ka naman talaga."
Naningkit ang mata niya at napatayo na ikinatingin ng mga katabi niya. Itinaas niya ang manggas ng damit. "Sapakan na lang oh? Papalag? Papalag?"
"Woah!" Nagtaas ng dalawang kamay si Lark bilang pagsuko. "Hey, chillax. I'm just telling the truth, babe."
"Pakyu!" Pinakitaan niya ito ng kaniyang middle finger.
Natawa naman si Levi na katabi ni Lark at bigla itong siniko. "Wag mo ng pikunin yan. Patpating amazona pa naman." Naiiling na saad nito.
"FUCK, TARANZA! WHAT ARE YOU DOING?!"
Sabay-sabay nilang nilingon ang court at nakitang nakadapa si Prick. Galit man ang sigaw na iyon ni Oddy ngunit halata naman ang pag-aalala sa mukha nito.
"What happened? Bakit bigla ka na lang nadapa?" Tanong ni Oddy at tinulungan si Prick na tumayo ngunit ngumiwi ito nang iapak ang paa sa sahig.
"I sprained my ankle earlier." Sagot ni Prick.
"Tss. Dapat sinabi mo ng maaga." Tumingin si Oddy sa gawi nila, dumaan muna ang tingin sa kaniya bago dumako ang tingin kay Owen. "Gonza!" Tawag nito dito.
Tumayo na si Owen. "Oy, lalarga na ako!" Tuwang-tuwang saad nito at nanakbo na sa gitna ng court.
Inalalayan naman ni Oddy si Prick na maupo sa tabi nila. "Garcia, take him to the hospital later." Anito at tumango naman si Lark.
Sinusundan niya lamang ito ng tingin hanggang sa mabalik ito sa gitna ng court at muling nag-umpisa ang laro.
"He has a good spot to everyone kahit nakakatakot siya minsan." Biglang sabi ni Baxter sa tabi niya.
"Nagkakamurahan ba tayo dito?" Tanong niya na hindi naman ito nilingon. Busy kasi ang mga mata niya sa kung paano gumalaw ang muscle ni Oddy at hindi niya maiwasang mapalunok dahil sa kagwapuhan nito.
Natawa ng mahina si Baxter. "Ang hot niya no?" Bigla nitong tanong na tila napansin ang tinitignan niya.
Wala sa sariling napatango siya. Natumpak nito! Oo, ang 'hawt' nga ni Oddy.