Inabutan siya ni Melai ng juice at dali-dali niyang tinungga iyon. “Okay ka lang?” nag-aalalang tanong nito habang hinahaplos ang likod niya.
“Okay lang ako,” sagot niya at pasimpleng tiningnan si Nani.
Hinampas ni Melai si Nani sa braso. “Huwag ngang kung anu-ano ang ikinukwento mo tungkol kay Vermont. Ayaw na naming isipin ni Janis kung ano ang ginawa niya kagabi. Ni hindi man lang siya nagtagal sa bar, nambabae agad. Naku! Huwag na huwag ka lang magmamana diyan sa kaibigan mo. Puputulan kita ng kaligayahan.”
“I love you, babe. Ikaw lang ang mahal ko,” lambing ni Nani dito.
Nakahinga siya ng maluwag. Walang alam si Nani. Mabuti naman at di niya kailangang putulan ng dila si Vermont. Buburahin na niya sa isipan niya ang nangyari sa kanila ni Vermont. Isa lang iyong masamang panaginip. Napakasamang panaginip.
NAKAUPO sa lounging chair si Janis habang tahimik na pinagmamasdan ang dagat. Iniwan niya sa pool side sina Nani at Mhelai na halos di mapaghiwalay at sobrang sweet. Parang nanunukso sa kanya tuwing kumikindat ang engagement ring nito sa kanya.
Isa pang nakakabahala sa kanya ay di mawala sa alaala niya ang nangyari sa kanila ni Vermont. Mabuti na lang at hindi niya ito masyadong nakikita. Nang lumapit ito sa kanila habang nasa pool ay umalis agad siya. Hindi niya matatagalan ang presensiya nito.
Marami siyang ginawa at naibigay dito na di niya ibinigay kay JM. At ang masaklap doon ay di naman nito pahahalagahan kung anuman ang pinagsaluhan nila. Ang tanging excuse lang niya ay lasing siya at may pagkakahawig ito kay JM.
"Oh, gosh! Isn't he gorgeous?"
"Look at those abs," the women at the lounging chair near her uttered shamelessly. "Uhmm... Parang kutsara na lang ang kailangan ko para sa abs na 'yan."
Di niya maiwasang sundan ang direksiyon ng tingin ng mga ito. And there he was, rising like Poseidon himself - Vermont with his gorgeous body and to-die-for abs. Napainom agad siya ng buko juice. Nakakatuyo ng dugo ang ganda ng katawan nito.
Of course, JM had an equally gorgeous body. Kaya nga maraming babaeng inggit na inggit sa kanya. But was so angelic. Parang nagkakasala siya kapag iniisip ito sa makamundong paraan. Gaya nga ng madalas niyang sabihin noon, mas mahal niya ang magandang ugali ni JM.
Iba naman ang reaksyon niya kay Vermont. He was like the devil tempting her with the forbidden apple, offering her to take a bite.
You bit more than enough of him last night. Dont tell me you want some more? Nanunudyo ang boses sa isipan niya. Iniwas agad niya ang tingin nang nakangiti itong tumingin sa direksyon niya at nakangiting kinagat ang pang-ibabang labi. Cocky, tempting and oh-so-yummy.
Naputol ang akitan session nila ni Vermont nang marinig niyang tumili ang mga babae sa tabi niya. "Oh-em-gee!" sabay pang tili ng mga ito at nagkikisay sa kilig na parang inaatake ng epilepsy.
Of course, hindi sa kanya ang ngiti at pang-aakit nito. It was for those women and to whoever was weak enough to fall for his charms. She was tempted but she won't let him know that. Manigas ito. Wala itong ibang maririnig mula sa kanya kundi panlalait at inis.
In-adjust niya ang shades at nagkunwaring natutulog. "Hi, girls!" narinig niyang bati nito.
"Hi, Hotness!" sabay na bati ng dalawang babae at naghagikgikan pa.
Wala na siyang narinig pa matapos iyon. Hindi ba ito makikipagkilala sa mga babae? O baka naman umalis ito at tumuloy sa villa kasama ang mga babae; sa villa kung saan siya idinala nang nakaraang gabi. Baka doon gagawa ng kababalaghan ang mga ito. Mariin siyang pumikit. Kailangan na niyang burahin sa isipan ang susunod na kahindik-hindik na kabanata sa buhay nito kasama ang dalawang babaeng iyon. Wala talagang kahihiyan ang kumag.
"Hello, baby. Do you miss me?"
Nahigit niya ang hininga nang marinig ang boses ni Vermont. Nang dumilat siya ay malapit ang mukha nito sa kanya habang nakatunghay sa kanya. Nakaupo sa kabilang lounging chair. He was leaning at her direction. "Anong ginagawa mo dito?"
"I want to spend more time with my baby."
Great! Nagpunta ba talaga ito sa lugar na iyon para yamutin siya. Hindi pa ba ito nakaka-quota sa paninira sa araw niya? "Bakit di na lang 'yung mga babaeng nagpapa-cute sa 'yo kanina ang samahan mo?" aniya at muling humiga patalikod dito. “Huwag mo akong abalahin.”
Napapitik ito na parang may nadiskubre ito. "Aha! Sabi na nga ba't kanina ka pa nakasunod ng tingin sa akin. Nagseselos ka?"
Muli siyang bumalikwas ng bangon at tumayo. Tuluyan na siyang nawalan ng gana na mag-relax. Wasak na wasak na ang mood niya. "Pinasok yata ng tubig-alat 'yang utak mo. Please leave me alone. Gusto kong mapag-isa.”
Naglakad siya palayo dito. Baka kasi ano pang magawa niya dito kapag hindi siya nito tinantanan. Marami namang ibang taong mapepeste sa resort na iyon. Ang totoo nga ay ikatutuwa pa ng ibang mga babae kung tatapunan nito ng atensiyon. Bakit hindi na lang nito pansinin ang ibang babae? Gawan siya nito ng pabor at huwag siya nitong yamutin.