Hindi ko alam kung paano ako magrereact sa pangyayaring ito. Sasagutin ko ba siya ng oo? O sasagutin ko siya ng Yes? Ano ba dapat ang isasagot ko sa kanya?
"Oo naman. Yes. Payag ako."
Nagpalakpakan naman ang mga tao sa loob ng restaurant nang marinig nila ang sagot ko. Isinuot na niya sa akin ang singsing na hawak niya.
"I'm so happy." Anito at niyakap ako. Niyakap ko rin naman siya pabalik at mas mahigpit pa.
"Ang sweet... " Sabi no'ng isa.
"Sana all!" Tugon naman no'ng isa.
Kumain na kami matapos ng scenario na iyon at umuwi na rin bago mag alas-otso. Kahit napaka-iksi lamang ng oras namin doon, sobrang sweet naman namin sa isa't isa kaya sulit pa rin kahit ganoon.
"Anong ibig-sabihin ng singsing na 'yan?" Bungad agad sa akin ni Ralshé.
Wala na bang ililinaw 'yong mata netong nerd na 'to? Grabe! Kakapasok ko pa lang tapos nakita agad? Wow! Kakaibang tao.
"Engaged na kami ng kuya Relzé mo." Nakangiti kong sagot
"Wow ate! Congrats! Ayiieeee!!!" Kinuha niya ang kamay ko at nagtatalon na parang bata. Bata pa naman talaga siya.
"Teka. Teka. Saglit! Ang sakit ng kamay ko."
"Naku! Sorry! Excited lang." Nabigla ata siya sa pag-aray ko. "Pero ate ano ba kasi? Paano ba kasi? Ano ba talaga kasi 'yong totoong nangyari? Yiiieeeee!! Kinikilig ako!!"
"E basta. Do'n tayo sa taas magkwentuhan." Bulong ko at nanguna na papunta sa kwarto ko. Todo aunod naman siya sa akin hanggang sa makarating na nga kami roon.
"Oh, so ano na?" Muli niyang tanong.
"Ganito kasi 'yon." Panimula ko at dumamba sa kama.
"Kaninang umaga, 'di tinext niya ako." Todo tango naman siya.
"Pangiti-ngiti ka pa nga. Oh tapos?" Biglang sabat niya.
"Iyon na nga, kanina, sino'ndo niya ako at nag-dinner nga kami sa Pavillion Grills. Akala ko noong una, ordinaryong dinner lang iyon tapos hindi ko alam na mag-po-propose siya." Pagpapatuloy ko. "Nag–"
"Okay. Tapos?"
Natawa na lamang ako sa pagsingit niya. Ibang klase talaga.
"Nagtaka nga ako noong una kung bakit nakatingin sa amin ang lahat ng tao. Nasa isip ko siyempre dahil celebrities kami, pero habang tumatagal, kinukutuban na ako. Tumutugtog na kasi 'yong violist and napaka-romantic ng paligid. Kakaiba talaga. So hinayaan ko na lang muna hanggang sa maglabas na siya ng red box mula sa bulsa niya. " Natigil ako sa pagkukwento ko dahil sa biglaang pag-vibrate ng phone ko.
"Aish! Sayang naman. Sino ba kasi 'yan?" Nagmamaktol pa siyang humiga.
Kinuha ko ang aking phone at doon ko nakita ang pangalan ni mommy. Again and again and again. Ugh!
"Hello mom?"
Gaya kanina, hindi rin siya bumati pabalik at dumiretso na siya sa point niya agad-agad.
[Hera, pupunta jan ngayon si Richard para sunduin kayo ni Hershey papuntang Batangas.]
Nagulat naman ako sa sinabi niyang iyon.
[Kasama na rin niyong pupunta rito si Mr. Wilkins.]
"Pero bukas pa 'yong photoshoot, mom." Usal ko pero siyempre, hindi niya ulit ako pinakinggan.
[Dito na kayo magpahinga dahil bukas na ang protesta ng mga taga-BigBang kaya siguradong matatagalan kayo sa pagpunta niyo rito. Kaya mag-ayos ka na at ihanda mo na 'yong sarili mo.]
"T-teka teka mom! Paano 'tong si Ralshé?" Tanong ko.
[Iiwan mo na lang ulit siya kasama ni Yaya Feli. 'Di ba gano'n naman palagi ang nangyayari kapag wala ka? Ngayon, maghanda ka na dahil maya-maya lang, darating na sila.]
Ibinaba na niya ang phone niya matapos niyang sabihin ang mga bagay na iyon sa akin.
Pabagsak kong ibinaba ang hawak ko bago sumampang muli sa kama.
"Oh ano raw meron? Parang haggard ka bigla, ah." Aniya habang pinapaikut-ikot ang braided niyang buhok sa kanyang kamay.
Tumayo naman ako at binuksan ang walk-in closet ko para makapaghanap ng damit. Maya-maya pa'y may kumatok na sa pintuan. Ino'nahan naman ako ni Ralshé sa pagbukas noon at nakita nga namin si Hersh na may hawak na bag at folder. Pumasok siya sa loob at ibinigay sa akin ang folder.
"Ano 'to?" Binasa ko ang laman ng folder.
"Iyan po 'yong schedule niyo. In-email iyan sa akin ni Ms. Hyzelle para raw po maipakita ko iyan sa inyo." Paliwanag niya.
Isinara ko na ang folder at ibinalik iyon sa kanya.
"Sakal as always. Tara na. Bye Ralshé. Pakabait ka kay Yaya Feli."
"Sige, ate. Bye."
Naglakad n kami palabas ng bahay. Nang nasa gate na kami, sinalubong kami ni Mr. Dale Wilkins, ang manager ko. Gaya rin ni Hersh, almost five years na niya akong hawak.
"C'mon girls." Anyaya niya at aalalayan na sana ako papasok ng van nang unahan ko na silang pumasok doon.
Ganyan naman siya palagi, e. Palagi niya akong inaalalayan kahit ayoko namang hinahawakan niya ako. Psh. Hindi na siya nasanay sa akin.
Una akong pumasok sa van at susunod na nga sana siya nang bigla akong magsalita.
"Gusto kong katabi si Hersh." Usal ko at itinuon ang sarili sa pag-ce-cellphone.
Nahinto naman siya nang panandalian pero itinuloy pa rin niya ang pagpasok kaya agad kong binuksan ang pinto sa side ko nang makaupo na siya.
"Oh, saan ka pupunta?" Pa-inosente pa niyang tanong pero hindi ko lang siya sinagot.
Naglakad ako papuntang kabila at saka pumasok. Nasa tabi ko na ngayon si Hersh at komportable na ako. Hindi naman sa hindi ko siya pinagkakatiwalaan pero nga kang kasi parang may feeling ako na hindi komportable sa tuwing makakatabi ko siya. Nasa Mid-60's na siya at patay na rin ang asawa niya. Kakaiba rin ang tingin niya kaya kinakabahan ako sa tuwing kasama siya lalo na kung pupunta kami sa isang lugar na kami lang dalawa.
Nag-browse na lamang ako habang nagpapaantok hanggang sa makita ko ang new post ng Ceres patungkol sa new student.
What? May new student na naman?
Pero nasa second quarter na kami kaya hindi na pwedeng tumanggap ng mga bagong lilipat. Pwede silang tumanggap pero sa susunod na taon na dapat at hindi ngayon.
Nakatulog na ako makalipas lamang ang isang oras ng pagbabasa at nagising na lamang ako na madaling araw na. Kaming dalawa na lamang ni Hersh ang nandito sa kotse at hawak niya ang laptop niya.
"Miss, gising na po pala kayo. Tara na po." Anyaya niya at nauna nang lumabas ng sasakyan.
Binuhat niya ang aking bag at sinabayan akong maglakad patungo sa Main Building ng Monocco, Batangas.
"Nasa'n daw sila?" Kinusut-kusot ko ang mata ko.
"Nasa Meeting Room po sila sa may fifth floor." Sagot niya. "Tayo na lang po ang hinihintay doon."
Naglakad na ako papasok. Pero bago pa kami umakyat sa fifth floor, nagpunta muna ako sa Comfort Room bago naghilamos.
"We have ten minutes na lang po, miss." Pagpapaalala niya.
"I know." Bulalas ko at naglagay ng toner sa mukha. "Tara na."
"Why are you so late?" Bati sa akin ni mommy na nakaupo sa may couch na nasa left side ng room.
"And what's the problem? Eight pa naman ang photoshoot and six pa lang ng umaga." Sagot ko pero naka-poker face pa rin siya.
"Maghahanda ka pa, 'di ba? Bakit–-" Hindi ko na pinatapos pa ang mga pagdadada niya dahil mabilis na akong nakapagsalpak ng headphones sa aking tainga at agad na pinatugtog ang mga rock songs na nasa phone ko.
Wala na akong pakealam sa sasabihin ng iba. Nakakainis kasi siya. Bungad ba naman sa akin "Why are you late?" Oh 'di ba? Sino ba naman ang hindi maiinis doon? Kahit ba naman na palagi niya sa aking ginagawa ito, sana naman 'wag sa may mga tao. Ngayin, kung ganyan ang bungad niya sa akin edi ganito ang sagot ko sa kanya. Wala na akong pakealam kung sabihan man ako ng kung anu-ano ng mga nakakita sa akin.
'New student of the Ceres University'
Binasa ko ang headline ng newest post ng Ceres na nakita ko kanina. Bakit ba ganito ang feeling ko? Parang may kakaiba, e. Parang may mali.
"Miss, ready na raw po." Tugon ni Hersh at sinamahan ako sa Makeup Room na nasa bandang keft side ng Meeting Room.
Pagpasok namin doon, kumpleto na ang lahat at ako na lang talaga ng hinihintay. Ibinaba ko naman ang aking bag at umupo sa swivel chair na nasa harapan ng big mirror ng room. Pinaikot muna nila ang buhok ko at saka iyon itinali bago ako sinimulang makeup-an.
Light makeup lang ang ginawa nila sa face ko dahil lipstick naman ang i-e-endorse ko at siyempre kasama sa commercial ang paglalagay ko ng cosmetic sa aking labi.
"'yan, miss. Perfect na. Ready na!" Anang Kryshelle, ang makeup manager ng Monocco Team.
Inilugay na nila ang buhok ko at tumayo na ako. Ibinigay na rin naman na sa akin ng costume manager ng team na si Trisha ang susuotin ko.
"Ten minutes na lang po miss before 8." Paalala sa akin ni Hersh bago ako pumasok sa Fitting Room.
Napangiti naman sila paglabas ko.
"You're so beautiful po." Puri ni Kryshelle at lumabas na kami ni Hersh.
Nagpunta kami patungo sa rooftop kung nasaan naka-set ang lahat.
Inihanda ng staffs ang camera na gagamitin at pinapwesto na ako sa red spot kung saan ako kukuhaan.
After twelve shots, nag-break muna kami. Bumaba ako sa cafeteria at bumili ng hot choco gaya ng palagi kong iniinom tuwing umaga. Maya-maya pa'y pumasok din doon ang aking manager at naupo sa tapat ko. Katabi ko kasi ang PA ko at siya ang nasa harap ko.
"You're so hot in your photoshoot, Hera." He said and leaned forward. "Kaya hindi na ako magtataka kung maraming nagkakagusto sa'yo." He stretched his right hand to reach mine but I immediately put it back on my lap.
Bigla akong kinabahan sa ginawa niyang iyon. Anong trip niya at bakit niya gustong hawakan ang kamay ko? Ano 'yon, friendly touch?
I grabbed my drink and ran out of the cafeteria. Hindi ko na kayang magtagal pa roon kasama niya. I'm not comfortable everytime I'm with him. Himala na nga lang ata na nakatagal pa ako ng four years sa kanya.
"Miss, bakit po kayo nagmamadaling lumabas? E, wala naman pong malisya 'yong ginawa niyang 'yon." Bitbit niya ang drink at bag ko.
"Para sa'yo wala." Iyon lang ang tangi kong sinabi bago bumalik sa rooftop at doon na nagpahinga.
"Humahangos ka ata madam!" Bungad sa akin ni Freya, ang baklang staff manager ng team.
"May rapist sa baba." Sagot ko dahilan para matawa siya.
"Wow, miss may rapist ka na. Congrats!" Aniya na mas lalong nagpabusangot sa akin.
Maya-maya pa'y dumating na si Relzé kasama si Mr. Wilkins. Imbes na matuwa tuloy ako'y kinabahan pa lalo ako.
"Oh hi, Hera!" Bati niya sa akin at nakipagbeso sa akin.
Nabaling naman ang aking paningin sa aking manager na sobrang talim ng tingin sa akin kaya agad ko rin iyong iniwas at si Relzé na lang ang pinagtuunan ko ng pansin.
After several minutes, bumalik na kami sa shoot at makalipas lamang ang tatlumpung minuto'y natapos na rin ang photoshoot.
Inayos na ng mga staff ang mga gamit at umuwi na kami.
"How's the shoot, missSabay kaming pumasok ni Hersh sa van.
This time I felt more comfortable dahil hindi na namin kasama si Mr. Dale dahil may mahalaga pa siyang gagawin, saka magkaiba ang daan patungo sa mga bahay namin kaya mali talaga kung sasabay pa siya sa amin. Si mom and dad lang ang kasama namin pauwi and I'm sure na super excited na si Ralshé na makita sila.
"Good job Hera! For sure marami na namang bibili ng magazine and ng monocco lipstick dahil sa'yo." Papuri sa akin ni dad na nagpangiti naman sa akin.
"Thanks, dad." Tipid kong sagot at nakinig na muli ng music.
Kinabukasan, gumising ako nang maaga dahil may pasok na naman ako. Gaya ng palagi kong ginagawa, ligo muna bago kain, slight makeup, at pasok na. Kasama ko muli si Hersh sa pagpasok at hinatid na kami ni Richard sa Ceres.
Medyo nagpa-late na ako sa pagpasok para hindi na ako dumugin ng mga estudyante rito and mission accomplished naman dahil walang sumalubong sa akin sa pagpasok ko. Kaso nga lang, hindi pa rin talaga maiiwasan ang mga pagsulyap-sulyap ng iba sa bintana habang dumadaan kami patungong room.
Wala pa namang teacher pero natahimik na kaagad ang mga kaklase ko sa pagdating ko. May ibang kumakaway at may iba namang ngumingiti. Tinamad akong ngumiti kaya walang emosyon akong umupo sa aming pwesto.
Maya-maya pa'y dumating na ang History Prof. namin. Bumati siya sa amin at bumati rin naman sila pabalik.
"Okay, class. Siguro informed naman na kayo about sa new student dito sa Ceres." Panimula niya at tumangu-tango naman sila. "And fortunately, dito rin ang room niya kaya magiging classmate niyo siya"
Whuutt??
Lumabas naman siya at tinawag na ang new student. Makalipas lamang ang ilang minuto'y pumasok na siya dahilan para mapatunganga kaming lahat sa kanya.
He's not that campus heartthrob na mabibigyan ng second look kapag nadaanan ka.
"Why don't you introduce yourself to them?" Ani Prof. sabay turo sa amin.
He's just a typical cute and tall nerd na palaging nakatingin sa baba. Hindi ko alam kung shy type ba siya o sad'yang introvert lang. Siya na ba 'yong sinasabi nilang new student? Akala ko pa naman mala-celebrity ang datingan.
"I'm Sky Del Valle, 21."
Hindi ko alam kung matatawa ba ako sa introduction niya or what.
Hindi ko masyadong makita 'yong mata niya dahil bukod sa may nakaharang na salamin, halos natatakpan pa iyon ng long bangs.
And seriously? 21 na siya? Parang 16 lang siya, e. Baka naman naligaw lang siya sa Ceres.
"Okay, thank you. You may now sit on the mid-row." Sambit ng lecturer at tinuro ang row kung nasaan kami nakaupo.
Ang row na lang kung saan ako nandoon ang wala pang laman kaya naman iyon ang napili ng lecturer na ituro sa kanya. Tumango naman siya at dire-diretsong nagtungo sa mid-row without having a glimpse on anyone.
Akala ko naman tatabi siya sa akin dahil maganda ako, pero nagulat ako nang sa kabilang dulo siya ng upuan pumwesto.
Huh? Okay?