Spocky Pov
        Hindi ko mapigilan maawa sa mga batang namamalimos sa mga napapadaan na mga tao , pilit silang namamalimos ngunit walang pumapansin o nagbibigay sa kanilang limos. Napangiti ako bigla nang may isang mabuting samaritano ang nag magandang loob na bigyan ng nakaplastic na pagkain order mula sa sikat na food chain , tuwang tuwa ang apat na mga bata dahil dito hindi sila magkamayaw sa saya kitang kita sa mga ngiti nilaang tuwa sa nagmagandang loob sa kanila.
        Nanlaki ang aking mga mata nang makita kong hinintuan nila Kuya Brent at kuya Cedric ang mga bata at ang taong kausap ng mga bata.
      "Hoy para kang nanunuod ng pelikula jan nakangiti ka pa kumain ka na parating na sundo natin si Mang Poldo." Sita sakin ni Reyster.
      "Ikaw din Kiel vinivideohan mo pa magpapa trending ka na naman" bulyaw niya din sa katropa namin.
      "Eto naman talaga dapat magtrending sa social media hindi yun kung anu-ano mga kalokohan na napapanood natin,  photo bomber pa si Kuya Brent." Natatawang sagot ni Kiel
      "Tama ka nga si kuya Brent nga akala ko kamukha lang." saad ko.
       Akma akong lalabas ngunit pinigilan ako ng mga tropa ko.
      "O Aki, saan ka pupunta hindi ba kabilin bilinan ni Manager Inang Mamu na huwag na huwag tayo lalabas dito?" Paalala sakin ni Zeke.
      "Teka lang guys sasaglitin ko lang ang Kuya ko." pagpupumilit ko.
      "Hep, hep, hep, Saan pupunta Spocky Montecillo, Alin sa dalawa gusto mo mangyari ang dumugin ka ng mga fans mo sa labas o maiwan ka dito at paratin na si Mang Poldo?" Sabi ni Inang Mamu habang hinaharangan  niya ako sa paglabas.
        Naupo na lamang ako sa silya at agad na tumipa sa screen ng phone ko para tawagan si kuya ngunit di nito sinasagot ang tawag ko.
                   ************
       "Im very glad at pumayag kayo sa treat ko" Masayang bungad ni Aizen sa tatlo.
      "Matagal na kasi akong di nakakapag dine in sa ganito, nagsasawa na kasi sa mga tipo ng food na sini-serve sa hotel at casino". Pagpapatuloy ni Aizen.
       "Kaya pala sa karenderia ni Tita Mira busog na busog ka." si Cedrick na walang humpay sa pagkain ng big grilled burger.
        "Honestly naiba yun panlasa ko ng mga araw na yun sana makapunta ulit ako sa inyo, isasama kita doon Kiskey."
        Nakangiti pa si Aizen na nakaharap sa kanila. Kung kanina ay galit na si Brent habang inuutusan na niyang umuwi si Aizen ngayon ay naging kalmado na siya. Wala siyang choice na pakitunguhan ng maayos ang batang Vice President ng SC Corporation, inaya kasi silang kumain. Tatanggi pa sana si Brent ngunit game na game na magpalibre ang bestfriend niyang si Cedrick kay Aizen.
     "Pero alam mo ba yun gustong- gusto mo barbecue na kinain mo?" tanong ni Brent.
       "Oo favorite ko na ngayon yun eh, ano nga ba tawag dun?" tanong ni Aizen
      "Puwet ng manok"
      "Whaaattt?" napasigaw si Aizen ng malaman na puwit ng manok ang kinain niya sa karenderia ni Aling Mira.
        Di maintindihan kung mauubo o maduduwal si Aizen kaya naman binigyan ito ng isang basong tubig para makainom.
       "Hindi ka naman mabiro pork yun" saad ni Cedrick para maging okay si Aizen. Halatang kasing nandidiri ito nang malaman niyang puwit ng manok ang nakain niya.
     "Sir Aizen may mga ganoon naman di ba,  masarap na delicacy at  exotic food di ba. Naalala mo yun mga street food sa Hongkong yun mga inihaw na salagubang , scorpion at kung anu-ano pa." paalala ni Kiskey.
       "Maiba nga pala ko sana naman ito na yun huli na makikita ka namin na pakalat kalat sa kung saan saan. Mag iingat ka puwede." seryosong sabi ni Brent.
       Nalungkot naman ang mukha ni Aizen sa pagkakasabi nito sa kanya ni Brent. Nakatitig naman si Brent kay Aizen na walang kakurap kurap.
       "By the way, I almost forgot nahuli na mga pulis yun mga nandukot sa akin."  Malumanay na sabi ni Aizen.
      Naramdamn ni Brent ang pagbabago ng ihip ng hangin sa loob ng mamahaling resfaurant.
      "Ha kelan? Bakit di nabalita sa tv?" tanong ni Brent.
      "Inutos ng family ko sa mga legal counsel na ipa-news black out ang paghuli sa mga kidnappers ko. I also testified na walang taong may alyas na  brusko sa  mga kidnapper ko. ikinuwento kung pano ko nakatakas sa mga kamay ng mga yun. Dont worry Ipalalabas namin na fake news ang kumalat na balita tungkol sakin."
       Sinadya ni Aizen na huwag madawit si Brent sa krimen upang ganti ng pasasalamat sa kanyang pagkakaligtas.
      "Kaya there's no more thing to worry about."
       "Salamat naman kung ganoon " saad ni Brent.
        Saka lang napagtanto ni Brent ang dahilan kung bakit kumpiyansa si Aizen na lumabas na wala man lang kasama. Bukod dun ay nalaman din niyang madalas takasan ni Aizen ang mga bodyguard niya.
       Pa simpleng sumulyap si Aizen kay Brent nang makahulugan sabay tapon ng tingin kay Kiskey. Nais niyang huwag malaman ni Kiskey ang tungkol sa pagkakasangkot ni Brent sa pagdukot sa kanya.
      "May tatanong lang sana ako?" tanong ni Kiskey.
      Napatigil sa pagkain si Cedrick at natitigilan naman si Brent mukhang nahulaan na nila ang itatanong nito.
       "Kanina pa kasi tayo nag uusap, hindi ninyo pa nasasabi pano niyo nakilala ni Sir Aizen?"
        Si Cedrick naman ang nabilaukan sa pagkain dahil sa tanong ni Kiskey.
Flashback & Brent Pov
       Pagkatapos namin talian ang mga bodyguard ng target namin nakarinig kami ng ring ng phone mula sa driver ng van. Nagulantang kami at di namin alam ang gagawin.
      "Boss anong gagawin natin" sabi ng mataba kong kasama.
       "Sagutin mo." utos ni boss
       Akmang kukunin ng kasama ko ang phone ng batukan ito ng boss namin.
      "Hindi ikaw bobo! Ang panget ng boses mo parang boses ng tyanak ka".
      "Eh wala naman kayong binanggit na pangalan eh kaya akala ko ako inuutusan mo". Sabi ng isa sa mga kasama kong kidnapper.
       Awtomatik kong kinuha ang phone at sabay sabing.
       "Ano po sasabihin ko?" tanong ko
       "Kausapin mo lang kunwari ikaw yun driver."  Utos sakin ni Boss.
       "Hello".
       "Sige po." maikli kong sagot.
      "Anong sabi?" tanong ni Boss.
       "Magpapasundo na daw ang target bababa na ito sa basement parking." sagot ko.
       "Sige paandarin mo na ang sasakyan," mabilis na utos ni boss.
        Pinaandar ko agad ang van habang papalapit kami sa pintuan ng elevator nakakita kami ng taong nakatayo doon. Pagkahinto namin sa tapat niya ay agad siyang nilundagan ni boss at ng kasama ko para itali at lagyan ng tape ang bibig pagkatapos noon ay isinama siya sa mga nakagapos na bodyguard ng target.
End of Brent POV
     
      "Ah k-kwan saaaa..." saad ni Brent habang nagiisip ng maisasagot sa tanong ng secretary ni Aizen na si Kiskey
      Napainom naman ng tubig si Cedrick napansin ito ni Kiskey.
     "Sobra pagkasamid mo uminom ka pa ng tubig."  sabi ni Kiskey.
      Patuloy na uminom ng tubig si Cedrick maagaw lang ang atensiyon ni Kiskey at umaasang mailigaw ang usapan.Halata sa mukha ni Brent ang pag aalala dahil wala pa rin itong sagot kay Kiskey.
      "Ano? okay ka na ba?, dadahan lang kasi sa pagkain. Tanong ni Kiskey kay Cedrick.
      Nag thumbs up naman si Cedrick nang makaraos ito sa nang mabulunan.
      "So going back sa tanong ko? Paano nga pala kayo nagkakakilala ni Sir Aizen?" tanong ulit ni Kiskey.
      "Excuse me gagamit lang ako ng banyo." Paalam ni Cedrick.
       "S-sila yun nakakita sakin ng makalayo na ko sa mga holdaper, mabuti na lamang nadaanan nila ako at pinasakay sa sasakyan nila," alibi ni Aizen.
      "I see. So dapat kayo pala ang nakatanggap ng reward na makakapgturo kung nasaan si Sir Aizen."
      "Huwag na, maliit na bagay lang yun para samin lahat naman kasi tinutulungan ng kaibigan kong si Cedrick. Napakamatulungin niya talaga kaya hindi na dapat kaming mabigyan ng reward."  Nauutal na sabi ni Brent.
       Napatingin naman si Kiskey kay Aizen wari hinihingi ang opinion niya tungkol sa pagtanggi ni Brent sa reward.
       "Ako na bahala sa kanila Kiskey." Mabilis na sagot ni Aizen.
       "Puwede bang ikuwento niyo yun nangyari kung paano mo nakita si Vice President." Naninigurong tanong ni Kiskey.
         "Nang makatakas na ako nadaanan nila ako sa walang katao tao na kalye. Humingi ako ng tulong sa kanila so ayun kaya ako nakatakas." Wika ni Aizen.
      "Oo g-ganoon nga isinabay na namin siya pa Maynila dahil paluwas naman din kami ni Cedrick noong mga oras na iyon."  Sang-ayon ni Brent.
       "Naku mabuti na lang pala naroon kayo maraming salamat at nailigtas niyo ang Boss at kaibigan ko". Patuloy ni Kiskey.
      "Tama yun Kiskey kaya naman naiinis ako panay tanggi nila sa pasasalamat ko, ayaw nila tanggapin ang tulong ko".
       "Huh tulong anong tulong?" Nagtatakang tanong ni Kiskey.
       "I mean yun reward ko sa kanila." Mabilis na sagot ni Aizen kay Kiskey.
       Naalala ni Brent ang pagbigay ng pera ni Aizen kay Aling Berta ng singilin sila sa pagkakautang nila.
      "Ano nga pala ginagwa niyo dito?" tanong ni Aizen.
       "Naghahanap kasi kami ng trabaho ni Cedrick kaya napagawi kami dito" tugon naman ni Brent.
       "Oh really, resume ba yan dala mo? let me see baka matulungan ko kayo..." natigil sa pagsasalita si Aizen ng inilayo ni Brent ang long brown envelope.
      "Hindi ko kailangan ng tulong mo." Matigas na sabi ni Brent.
      "Excuse me pwedeng mag usap kami ng kami lang."
       Nababanaag ang emosyon sa boses ni Brent halatang naiinis o naaisiwa ito tuwing mag aalok ng tulong si Aizen sa kanya.
       "No problem, excuse me."Ani ni Kiskey.
      "Bakit ba pinipilit mong tulungan ako, Hindi ko kailangan ng tulong mo at hindi ba maliwanag sa iyo yan. Kaming mga mahihirap kaya din namin magsumikap para sa sarili namin , kaya namin tumayo sa sarili namin mga paa. At kung iniisip mo dahil tinulungan kita para makaligtas kay Boss may karapatan ka ng manghimasok sa buhay ko. Tandaan mo hindi ko kailangan ng tulong mo. Pwede bang hanggang doon na lang ang pag krus ng landas natin sa nangyaring pagkidnap sayo. Masyado kang makulit , nakukulitan na ko sa iyo kung ayaw mong tumigil sa pag gala at gusto mong mapahamak kargo mo sarili mo.
       "Im sorry kung yan ang iniisip mo pero hindi ko naman intention makialam. Im sorry." Tugon ni Aizen.
         "At isa pa sana ito na huli natin pagkikita ayaw ko nang makita kang muli." mariing sabi ni Brent kay Aizen.
       "Tol anong nangyayari dito?" tanong ni Cedrick na kanina pa pala napaparinggan ang usapan nila Brent at Aizen.
      "Halika na umalis na tayo!"
       Mabilis na tumayo si Brent at lumabas ng restaurant. Kitang kita ni Cedrick sa mga mata ni Aizen ang pagkabigla sa inasal ni Brent nangingilid ang mga luha nito.
       "Pagpasensyahan mo na ang kaibigan ko problemado lang siya ngayon hindi naman ganoon ang natural niya." Paliwanag ni Cedrick.
       "Naiintindihan ko. So paano ingat kayo sa pag uwi." Pilit na itinatago ni Aizen ang biglaang pagkalungkot dahil sa mga salitang binitawan sa kanya ni Brent.
        Iniisip niyang mali ang pagkakaroon ng ugnayan ng isang biktima sa kanyang kidnapper.
      "Pwede ko ba mahingi contact number mo para makapag kamustahan tayo pa minsan-minsan."
       "Sure here's my contact." kaagad na kumuha ng business card sa wallet si Aizen at inabot ito kay Cedrick
      "Thanks mauna na kami text, text na lang ah, Ingat kayo sa pag uwi" paalam ni Cedrick.
      Hindi maitindihan ni Aizen ang pinangagalingan ni Brent nakatanaw pa rin siya sa papalayong magkaibigan.