Chapter Five
HINDI MAIWASAN NI ELLA ang magtaka nang may nilapag na black envelop si Jinuel sa ibabaw ng lamesa nito. Kasalukuyan na silang nasa opisina nito. Sumunod siya rito dahil may ilang bagay raw itong idi-disscuss sa kanya about sa trabaho at kontratang pinirmahan ng kanyang magulang. 
"Basahin mo," utos nito.
Nagawa namang kunin ni Ella ang naturang envelop. Sinimulan niyang basahin iyon. Nakalahad sa kasulutang iyon ang tungkol sa mga gagastushin ng Papa niya sa hospital. Kasama na roon ang mga gamot pati ibang extended expenses tulad ng mga past utang nila. Magkakaroon rin ito ng thirty thousand na allowance every week. 
"Thirty Thousand Pesos?" gulat niya, "Masyado naman yatang malaki iyon? Baka umabot ng milyon ang utang namin sa'yo!"
"Kaya nga nandito ka kapalit ng mga iyan! Sa tingin mo magagawa mong bayaran ang lahat ng iyan kung ibebenta mo ang sarili mo?" seryosong tanong nito.
Napakuyom ang kamao ni Ella. 
"Alam mo bang muntikan mo nang ilagay ang sarili mo sa panganib kanina? May ideya ka ba kung sino ang lalaking pinatay kanina?" tanong ni Jinuel. 
"Aba, malay ko kung sino iyon!" matapang din niyang sagot at nagawa niyang makipagtitigan rito, "Iisipin ko pa ba iyon kung sino iyon?" 
"Siya si Doctor Henry Jimenez! Isang Pyschopath Doctor!" diin nito. 
"Pyschopath?" gulat niya. 
"Sa tingin mo kung sumama ka ngayon sa kanya? Magagawa mo pang makauwi ng ligtas? Baka nga sinisimulan na niyang pag-aralan niyang katawan mo!" tugon nito.
Hindi alam ni Ella pero naramdaman niya ang pagtaas ng mga balahibo niya sa katawan. Ibig sabihin kung natuloy pala siya kanina, posibleng isa na siya sa mga biktima nito? Lihim siyang nagpasalamat sa taong pumatay sa taong iyon. 
Bigla siyang napaisip. 
May ideya kaya sila Myrna at Kakay sa taong iyon? 
"Alam kong noon pa na pangarap mo nang maging doktor kaya ilalagay kita sa medical department balang-araw pero dahil trainee ka palang, at wala ka pa talagang alam sa magiging trabaho mo, dito muna kita ia-assign sa bahay," ani Jinuel, "May isa ka pang kontratang pipirmahan pero saka na iyon kung sakaling tanggap mo na ang magiging kapalaran mo!"
"Isa pang kontrata? Eh ano ito?" naguluhan niyang tanong rito. 
"Kontrata iyan ng mga magulang mo sa akin. Bukod iyong sa'yo," sabi nito saka may pinindot ito sa suot nitong wrist watch. 
Ilang saglit pa, pumasok roon ang tatlong babae na may bitbit na itim na kahon. Lumapit roon si Jinuel, at may dinampot ito sa loob.
Isang relo na katulad ng suot nito. At inibot nito sa kanya.
Nagtatakang kinuha naman niya iyon.
"Si Mimi na ang bahalang magdisscuss kung para saan ang relong ito. At kung paano iyan gamitin," paliwanag nito saka nagtungo ito sa isa pang babae. Sa muli ay may kinuha ito sa naturang kahon.
Isang cellphone. 
Nagulat si Ella nang inabot nito iyon sa kanya.
"Sa iyo iyan," anito.
"Akin?" gulat niya. 
"Nakainstall na d'yan ang cellphone number ng magulang mo. Pwede mo silang tawagan kapag tapos na lahat ng gawain mo rito. Nandyan na rin ang number ko. At ng mga kapatid ko," paliwanag nito.
"Sosyal!" napangiti siya dahil alam niyang hindi biro ang presyo ng cellphone na hawak niya, "Ang saya palang maging kasambahay mo!" 
"Every Week, isusurrender mo iyan for inspection! Ginagawa namin iyon sa lahat ng emplyado rito! Bawal rito ang personal cellphone. Tanging ito lang ang gagamitin mo, understand?" anito. 
"Sandali, walang privacy kapag ganun!" reklamo niya.
"Kapag dito ka nagtatrabaho, hindi uso ang privacy! Maski cellphone Number ng boyfriend mo, kailangan naming malaman!" mariin siyang tinitigan nito. 
"Wala naman akong boyfriend!"  kaagad niyang tanggi. Pero bigla rin siyang natigilan nang makita niyang nakatitig sa kanya ni Jinuel. 
"Masyado kang depensive," natatawang komento nito. 
"Masyado naman yatang maghigpit rito!" reklamo naman niya, "Maski number ng mga kaibigan ko, dapat mong malaman?"
"Alin iyong mga kaibigan mong nagbenta sa'yo sa bar?" balik na tanong nito. 
"H-Hindi lang naman sila ang kaibigan ko noh," pagtatanggol niya sa kanyang sarili. 
"Kailangang ng permit. Sa ngayon kung anong number lang ang nakaregister d'yan sa phone mo, iyan lang ang mga taong pwede mong tawagan," ani Juniel. 
"Luh!" tanging react niya, "Ganda nga phone ko, wala namang privacy!
"Malalaman mo rin iyan kung bakit!" tanging sagot ni Jinuel saka nilapitan naman ang isang babae at kinuha ang naturang kahon. 
Inabot nito sa kanya. 
"Iyan ang paunang uniform mo as trainee," anito. 
Sinilip ni Ella ang loob ng naturang kahon. At napakunot ang noo niya nang may nakita siyang handbook sa ibabaw. 
"Nandyan ang ibang rules and regulation rito. Nakatala na rin diyan ang mga magiging schedule mo. Basahin mo na lang!" utos nito. 
"Grabe, ah! Daig pa ang school sa dami ng rules and regulation sa bahay na ito, ah!" komento niya. 
"Mimi, pakisamahan siya sa silid ng mga new female trainees!" utos na ni Jinuel. 
"Copy, Sir!" anang babae na tinawag ni Jinuel sa ngalan na Mimi. Saka na ito tumingin sa kanya. 
Nakuha naman iyon ni Ella kaya nagawa na niyang sumama rito palabas ng silid ni Jinuel.
Habang patungo sila sa kanyang magiging silid ay nagawa nang ipaliwanag sa kanya ni Mimi kung para saan ang wrist watch na binigay ni Jinuel sa kanya. 
"Hindi naman ito lalayo sa walky-talky. Pero kapag may emergency, for example, kinidnap ang isa sa mga kambal, pindutin mo lang ang red buttom sa gilid. Halimbawa naman nadinig mo ang boses sa isa sa mga Seven Dwarfs na kinokontak ka, pindutin mo naman ang green para sumagot," paliwanag ni Mimi.
"Seven? Seven ano?" napakunot ang noo niya. 
"Seven Dwarfs," tugon nito, "Sina Sir Jinuel, Sir Yuki, Sir Arjhay, Sir Cobi, Sir Jimmy, Sir Tata at Sir Jun!" 
"Seven Dwarfs talaga?" natatawang komento niya, "Bakit Seven Dwarfs?"
"Malalaman mo rin iyan sa darating na araw! Sa ngayon, kung ano lang ang inutos sa akin ni Sir Jinuel, iyon lang muna ang masasabi ko sa iyo," sabi nito.
"Grabe talaga!" napapailing siya.
Ilang oras palang siya sa bahay ng mga Infantes bakit ang dami na kaagad niyang natutuklasan na kawirduhan? Ganito ba kahigpit ang napangasawa ni Ate Lyra? Daig pa nila ang nasa mundo ng Martial Law. 
Magagawa kaya niyang makatagal rito? 
Tapos pakiramdam pa niya, may mga nakamasid sa bawat kilos niya.