"Wala na naman," Nakabusangot na sabi ko.
"Anong wala na naman?" Nagtatakang tanong ni Adaly.
“Secret walang clue,” Binato niya ako ng tissue dahil sa sagot ko. Hindi naman ito mabiro.
“Ang alin nga?” Tanong niya ulit, “Subukan mong sagutin ako ng hindi matino, babato ko itong bag ko sayo,” Pagbabanta niya sa’kin. Highblood ka, beh?
“Iniwan na naman kasi ako,” Nakahalumbaba kong sagot.
“Boyfriend mo?”
“Alangan girlfriend,” Tinignan ko siya na parang obvious naman na boyfriend yung tinutukoy ko.
“Ah sorry ha?” Inirapan niya ako, “Bakit ka ba naghahanap? Jowang jowa lang ang peg?” Uminom siya ng coke pagkatapos niyang sabihin ‘yon.
Sinamaan ko siya ng tingin "Alam mo ang sagot diba?" Nasabi ko na nga sa kaniya dati eh.
“Magtatanong ba ako kung alam ko?” Tamo ito. Tinatanong ko siya tapos sinagot niya rin ako ng tanong. Apakagaling oh!
“Paano kapag nasaktan ka nang sobra? Hindi mo kakayanin ‘yon,” Napasimangot ako sa tugon niya.
Beh, wala kang suporta sa kaibigan mo ha! Ano ngayon kung masaktan ako? Gusto ko lang na maranasan yung pakiramdam na may nagmamahal sa akin. May magulang pa naman ako at mahal nila ako pero iba pa rin yung may nagmamahal sayo noh like special someone diba?
Alam ko nag-aalala lang siya sa akin pero malay mo diba? May taong magmamahal sa’kin at hindi ako iiwan. Pero sabagay, hindi ko siya masisisi. Nakakatakot naman talaga masaktan. Masasaktan ka kasi talaga dahil nagmamahal ka. Hindi pwedeng hindi ka masaktan kapag nagmamahal ka. Sabi nga ng teacher namin dati, “Hindi ka tunay na nagmamahal kung hindi ka masasaktan.”
"Mgaaa friiiiend!"
Sino ‘yon? Hindi namin kilala ‘yon. Charot lang. Lumapit sa amin si Feya at umupo sa tabi ko. Ininom niya yung tubig ko tsaka tumingin sa amin. Paano pala kung hindi ko ‘yon tubig noh? Iniinom na lang basta basta hindi nagtatanong kung sa amin ba yung tubig.
Nandito nga pala kami sa canteen. Break time namin kaya nandito kami ni Adaly kumakain pero si Feya may pinuntahan kaya nauna na kami ni Adaly kasi nagugutom na rin kami.
“Bakit?” Sabay na tanong namin ni Adaly. Nagtingininan kami at tumawa. Naks! Same vibes.
“Alam niyo ba—“
“Malamang hindi pa,” Sagot namin sa sinasabi ni Feya.
“Hindi ko pa kasi sinasabi kaya hindi niyo pa alam,” Sinamaan niya kami ng tingin, “Kasi nga may nabalitaan ako! May mga bagong transferee student daw na dadating ngayon tapos sa section natin mapupunta yung tatlong lalaki! Omg! Magkakalovelife na ba ako nito? Aaacccckk!”
Napangiwi ako dahil sa tinis ng boses niya. Nasa tabi ko lang siya ha. Hindi ba uso kumalma dito sa babaeng ‘to? Masyado bang gwapo yun para tumili siya ngayon? Hindi pa nga niya nakikita eh tapos tumitili na agad siya ngayon. Kapag gwapo talaga nako!
"Ayun yung pinuntahan mo? Ang makichismis?" Tanong ko sa kanya.
"Hoy, hindi ah! May pinuntahan talaga ako noh sadyang narinig ko lang yung sinabi nila habang papunta dito. So ayun nga, gwapo raw!!!" Tili ulit niya.
Tatapalan ko sa susunod itong bibig niya para hindi na makasigaw. Sakit sa tainga eh.
"Lumalaki palagi tainga mo kapag chismis eh," Nage-expand agad eh. Basta chismis, go siya.
"Bakit ba tuwang tuwa ka?" Tanong ni Adaly.
“Gwapo eh. Malamang tuwang tuwa ‘yan. Hindi ka pa nasanay diyan. Basta gwapo, hindi mapakali ‘yang bibig niya,” Kitang kita sa mga mata ni Feya kung gaano siya kasaya. Kinginang kaibigan ‘to.
Paano kung gwapo nga pero pangit pala ang ugali? Walang respeto. Napakayabang. Akala mo kung sinong umasta. Diba may ganoon naman ngayon? May mga lalaking gwapo na ganoon ang ugali. Gwapo pero walang modo. Gwapo lang ambag!
“Feya, hindi mo pa nga nakikita kung gwapo talaga sila eh,” Sita ko sa kaniya.
“Oo nga,” Sang-ayon ni Adaly sa sinabi ko.
Inirapan niya kami. Tusukin ko kaya mata nito?
“Huwag nga kayong mag-isip ng kung ano ano riyan! Epal kayo,” Tinuturo turo niya pa kami gamit yung kutsara ko.
“Paano yung nag-iisip?” Natawa na lang ako sa tanong ni Adaly kay Feya. Beh, wala tayong isip.
“Pumunta na nga lang tayo sa classroom. Malapit na rin matapos ang break time,” Sabi ko sa kanila kaya tumayo na kami para pumunta sa classroom.
Malayo pa lang pero naririnig na agad yung ingay galing sa classroom namin. Paniguradong dahil ito sa mga lalaking transferee raw kaya nagtitilian yung mga kababaihan na kaklase namin. Hay nako!
“Bakit sila nag-iingay?” Tanong ni Adaly sa’kin.
“Mukha bang alam ko? Magkasama tayo mula kanina pa,” Walang emosyong kong sinabi.
"Anong meron? Bakit kayo nagtitilian?” Tanong ni Adaly sa mga kaklase namin.
Magkakaklase kaming tatlo kaya nga nakakatuwa kasi bihira lang na nagiging magkaklase kami. Buti na lang talaga na maswerte kami ngayon dahil last year na namin dito.
“Ang gwapo kasi nung mga lalaki na magiging kaklase na raw natin!”
"Oo nga!"
“Makalaglag panty!”
Tumingin ako sa sahig. Buti na lang walang panty na nahulog. Masyado ba talagang gwapo yung mga lalaking ‘yon para pagtilian at pagkaguluhan sila? Asan na ba kasi sila? Para magkaalaman na kung mga gwapo ba talaga!
Napailing ako dahil sa sinabi ko. Pumunta na lang ako sa upuan ko pati na rin sila Adaly sumunod sa’kin. Saktong dumating na yung teacher namin. Kaya yung mga chismosa, nagsibalikan na rin sa mga pwesto nila.
“Class, nabalitaan niyo siguro na may bago kayong magiging kaklase at nandito na sila. Maaari ba kayong pumunta sa harapan upang magpakilala?” Sabi ni Ms. Angeline.
Pumunta silang tatlo sa harapan at nagsitilian na naman yung mga kaklase ko. Shocks! Infairness ha, gwapo nga talaga sila. Yanigin niyo nga buhay ko!
"I'm Green Rhett Carvajal,"
Matangkad siya, matangos ang ilong, medyo singkit mga mata niya at mapula ang kaniyang labi. Balita ko masarap daw halikan yung mapula ang labi. Hala, Tayla! Kung ano ano pinag-iisip ko.
"I'm Theodore Grant Fallaria"
Mas matangkad ito kumpara kay Green, matangos din ang ilong, singkit ang mata niya, mapula rin ang kaniyang labi pero pakiramdam ko suplado ‘to. Halata kasi sa awra niya, hindi katulad ni Green kanina na parang mabait.
"Hi! I'm Edvin Ryder Valerio," Kumindat sa akin. Tusukin ko mata nito eh. Sino ba siya para kindatan ako?!
Magkasing height lang sila ni Green, matangos ang ilong, medyo singkit din ang mata at mapula rin ang labi. So, mapupula talaga labi nila? Virgin pa kaya lips nila? Pakiramdam ko makulit itong si Edvin. Mukhang mabait naman katulad ni Green. Si Grant lang talaga may suplado vibes.
"Sige na, umupo na kayo. May bakanteng upuan doon sa likod ni Ms. Tazanna," Sabi ni Ms. Angeline sa kanila.
"Hala! Dito raw sila sa likod uupo. Omg! Paano ako makakapagfocus kung may mga gwapong lalaki sa likuran natin?!” Hindi na naman mapakali itong si Feya.
Mukha bang wala akong tainga para hindi ko marinig sinabi ni Ms. Angeline? Ano ngayon kung nasa likod namin sila? Oo, gwapo sila pero hindi dapat magpapadistract!
Habang papunta sila sa likuran namin, tumigil naman sa harapan ko si Green. Tanga! Hindi ka rito uupo pero pwede naman siyang umupo rito tapos kakandong ako sa kaniya. Shocks! Ano bang pinag-iisip ko? Pero come to me, baby! Rawr.
"Hi!" bati niya sa akin.
“Hi rin?” Patanong na bati ko sa kaniya.
Ang weird kasi bakit niya ako kinakausap agad? Friendly ba siya talaga? O sadyang maganda lang talaga ako kaya nahulog agad siya sa akin? Nice. Sariling puri, self. Keep it up!
“Ano? Natamaan ka na agad sa kaniya?” Tukso ni Grant kay Green.
“Nako, bro! Ikaw ha. Himala ito ang unang pagkakataon na nakipag-usap ka sa ibang babae. Mukhang natamaan ka nga talaga,” Panggagatong ni Edvin sa kaniya.
Nasa likod na pala sila, nakaupo. Bakit hindi ko napansin? Masyado ba akong nakafocus kay Green?!
“Sige, mamaya na lang kita kakausapin. May dalawang demonyo kasi na nasa likuran mo at sila muna ang tatamaan ko,” Nakangiti niyang sinabi sabay punta sa likuran ko.
“Ang epal niyo,”
“Binata ka na, pre!”
Naririnig ko pa na nagmumura si Green. Minumura ata sila Grant. Deserve.
"Huy, ano yun?" Bulong ni Adaly sa akin.
"Ang alin?" tanong ko sa kanya.
"Kay Green," Chismosang tanong ni Feya.
“Aba! Ewan ko,” Hindi ko naman talaga alam. Feeling close naman kasi sila.
“Baka siya na yung hinahanap mo,” Tukso ni Feya sa’kin.
Hinahanap? May nawawala ba sa’kin?
“Okay, class. Mayroon kayong big performance task ngayong taon. 4th year high school na kayo kaya naisipan ko na bigyan kayo ng hamon. Sa 4th quarter, doon niyo ipeperform yung play niyo. Sa February 16 na ‘yon.”
February 16? Medyo matagal pa pero kailangan na paghandaan dahil August 20 na ngayon. Napatingin ako sa likuran ko at saktong nakatingin na pala sa akin si Green. Wow! Alam ba niyang titingin ako sa kanila?
“Bakit ngayon lang kayo pumasok?” Curious na tanong ko sa kanila.
Chismosa ang peg ko noh? Curious lang ako, okay? Hindi sa nagmumukhang feeling close ako pero friendly ako! Hindi lang halata. Nagtataka kasi ako kung bakit ngayon lang ata sila nag-enroll?
“Hulaan mo raw,” Sabat ni Adaly.
“Ikaw na lang tutal ikaw nakaisip,” Mataray na sabi ko sa kaniya.
“Galing kami sa ibang bansa kasi doon kami nagbakasyon kasama mga magulang namin. Pagkarating namin dito, inasikaso agad namin para makapasok na rin kami,” Paliwanag ni Green kaya napatango ako sa sinabi niya.
“Bakit pa kayo lumipat ng school?” Tanong ni Feya.
Sayang isang taon tapos lumipat pa sila. Hassle rin yun ah. Dapat hindi na lang sila lumipat.
“Lagi kasing may nakakaaway si Theodore sa school namin dati.”
Tinignan ko si Grant na nakatingin lang sa amin. Halata rin naman na suplado siya base sa itsura niya. Parang konting mali mo pa lang ay sisinghalan ka na agad. Mainit ata agad ulo niya kaya marami siyang nakakaaway.
"Grant nga tawag niyo sa akin. Ang laswa pakinggan ng Theodore," Masungit na sabi ni Theodore este Grant nga raw.
"Daks ka ba?" Napatingin kami kay Feya na nakatingin sa phone niya na para bang may tinitignan siya roon.
"Pinagsasabi mo, babae?" Nakita ko kung paano tumaas ang isang kilay ni Grant.
Tumingin siya Feya kay Grant, “Sinearch ko kasi meaning nung name mo which is yung Grant. Tapos sabi rito ay big or large raw meaning nung name mo na Grant. Katulad ba nung meaning mo ‘yang ano mo?”
Napailing ako dahil sa sinabi ni Feya. Kaya pala parang may ginagawa siya sa phone niya, ayun pala nagsesearch na. Ang kalat mo, mare!
"Bakit hindi mo tingnan para malaman mo?" Panghahamon ni Grant sa kaniya. 
“Game,” Pagtanggap niya sa hamon nito. Ngumiti pa ito ng nakakaloko. Wow! Gusto talagang tignan.
Hinila ko ang buhok niya, “Ang kalat mo,” Pinandilitan ko siya ng mata para tumigil siya sa kalokohan niya.
“Buti nga dito kami napunta sa section niyo,”Singit ni Green.
"Bakit?" Nagtatakang tanong ni Adaly.
"Hindi kasi makikilala ni Green si Ms. Tazanna kung hindi kami dito napunta," Malamig na sabi ni Grant.
Grant, kamag-anak mo ba si Elsa? Ang cold mo eh.
"Tayla na lang tawag niyo sa akin," Masyadong formal kasi yung Ms. Tazanna. Jusme! Dinaig ko pa teacher ha.
"Tsaka kikilalanin namin yung mga kaibigan mo," Kinindatan na naman ako ni Edvin.
"Isa pang kindat mo sa kanya bubulagin na kita," Banta sa kanya ni Green.
Masama na ang tingin niya kay Green pero tinignan lang siya ni Edvin ng nakakalokong tingin. Hindi takot oh!
Tinapik ni Grant sa balikat si Green, “Kalma lang, bro. Napaghahalataan ka eh,”
"Ang gagawa nang script at magiging director para sa play niyo ay si...."
Humarap na ako ulit kay Ms. Angeline nung narinig ko yung boses niya. May binunot siya doon sa isang kahon. Kanina pa ata siya nagsasalita pero ngayon ko lang narinig boses niya. Ang ingay naman kasi nitong mga bagong dating eh!
"...Si Tazanna Keely Villegas"
"Huh?"
Pangalan ko yun diba? Bakit ako?!
"Ms. Tazanna, ikaw ang magiging director at ikaw ang gagawa nang script para sa play niyo. Inaasahan ko ito sa susunod na linggo dapat mayroon ka na nagawang script."
Ayoko nga!  Ako na ang director at ako pa ang scripwriter? Kagaling. Isa lang po ako! Hindi ko kayang pagsabayin lahat.