Meichii's POV:
Binabaybay namin ni Jin ang daan papunta sa kagubatan ng Goblin's Grove, kung saan ko kukunin ang quest para makapagpalit ng secondary class. Hindi namin kasama si Axel dahil nasa ibang area ang NPC na kukuhanan niya ng quest para din sa pagpalit o pag-upgrade niya ng class.
"Hay nako. Bakit ba kailangan pa kitang samahan?" Nababagot na saad ni Jin habang kinakamot ang kanyang matulis at mahabang tenga. Tch! Hilig talaga mag reklamo ng isang to!
"Dahil gusto ko ng kasama sa paggawa nang quest." Mataray kong sagot saka binilisan ang paglakad, nakikita ko na ang entrance ng kagubatan sa hindi kalayuan.
"Ano ka ba, Mei? Alam mo bang isang solo quest ang kukuhanin mo? Ibig sabihin hindi pwedeng may kasama ka, bawal yun." Paliwanag niya habang pinipilit na sabayan ang mabilis kong paglakad, alam ko naman ang lahat ng sinasabi niya, hindi ako noob sa mga RPG games!
"Sabi ko gusto ko ng kasama, hindi ko sinabing gusto ko ng katulong sa quest." Sagot ko saka umirap sa hangin. Ayaw ko lang kasi na nag-iisa, mabilis akong malulungkot pag ganon.
"Sus! Gusto mo lang talaga akong makasama eh." Nakangising saad niya. Aba! Kahit kailan talaga makapal tong si Jin eh noh?
"Aray!" Sambit niya pagkatapos ko siyang batukan sa ulo.
"Bagay nga yan sa'yo, Mokongjin." Inis kong tugon saka umirap ulit, nasanay na ako sa tinatawag ko sakanyang 'Mokongjin' mula sa pangalan niyang 'Mokujin'.
"Wag mo nga akong tawagin sa inimbento mong nickname?" Medyo galit niyang saad. Yes! Naasar na siya! Hahaha!
"Bahala ka, Mokongjin." Pang-asar ko pa saka dumila para mas lalo pa siyang mainis.
Mariin siyang nagbuntong hininga at biglang tumalikod.
"Bye." Mahina niyang paalam at sinimulang maglakad pabalik.
Ay nagtampo?
"Hoy! Saan ka pupunta?!" Sigaw ko pero patuloy parin siya sa paglalakad.
"Mokongjin! HOY!"
"Sorry na! Bumalik kana dito!"
"Jin!"
Sa wakas ay napahinto rin siya nung narinig niyang tinawag ko siya sa gusto niyang nickname, humarap siya at lumakad pabalik sa kinaroroonan ko.
Pinagod niya lang sarili niya... Abnormal.
"Sabi ko na nga ba eh, ayaw mokong umalis." Nakangiting saad niya saka ginulo ang brownish kong buhok. Tch! Nasira tuloy yung nakaayos kong bangs!
"Che! Hindi ako aso!" Mataray kong sagot saka hinawi ang kamay niya mula sa ulo ko, ayaw na ayaw ko talagang may ibang humahawak sa buhok ko.
"Tara na nga! Sayang ng oras!" Dagdag kong saad saka pumasok sa kagubatan.
"Haha! Aye aye, ma'am!" Natatawa niyang sagot habang nakasunod sa'kin.
Pagkapasok namin sa Goblin's Grove ay bumungad samin ang isang bulletin board kung saan nakasabit ang mapa ng buong area, dali-dali akong lumapit dun para tingnan kung saan matatagpuan ang village.
"Mabuti naman at may map guide na agad sa entrance pa lang." Komento ni Jin habang sinusuri din ang mapa sa board.
"Ayun!" Sambit ko at tinuro ang village area sa gubat.
"Dito ako kukuha nang quest para sa secondary class."
"Hmm...Mukhang dere-derecho lang dapat tayo. Tara!" Yaya ni Jin saka nauna nang maglakad papunta sa direksyon ng village, mukhang mas excited pa siya kesa sa'kin ah?
Tahimik lang kaming naglalakad dahil wala pa namang mobs na nagpapakita.
"Mei."
Bumaling ako sa kanya dahil sa biglaan niyang pagtawag sa'kin.
"Naguguluhan parin ako sa nangyari kaninang umaga, yung sa coronation ng bagong hari ng Etherion?" Kunot noong tanong niya sa'kin, totoo ngang nakapagtataka kung bakit isang player ang naging hari.
"Naguguluhan nga din ako eh, sabi niya pinili daw siya ni GM Meivu na maging hari. Para saan kaya?" Pagsang-ayon ko sa kanya.
"Kilala mo ba kung sino yun?" Seryoso niyang tanong, umiling lang ako.
"Si N yun, yung ikalima sa player rankings." Bahagyang kumunot ang noo ko.
"Wow! Kaya naman pala mukha siyang malakas habang nagsasalita kanina sa kastilyo ng Etherion." Bilib kong sagot sakanya. Pero ampanget naman ng pangalan niya, isang letra lang? Napakatipid! Hindi ba typo yun? Haha.
"Naguguluhan din ako sa mga sinabi niyang pagbabago sa laro, yun bang pag mamamatay daw tayo ay may mawawala sa mga ala-ala natin sa tunay na mundo. Nakakatakot isipin." Nakasimangot niyang saad. Tama siya nakakatakot nga kapag nangyari yun, paano nalang kung tuluyan mo nang makalimutan ang sarili mong pagkatao sa tunay na mundo?!
Hays! Ano ba kasi ang binabalak ng GM, sigurado ako na hindi maganda ang pinaplano niya. Tch! Ikulong banaman ang mga players sa loob ng larong ginawa niya?!
"Mas natatakot ako sa isa pa niyang sinabi, yung tuluyan talaga tayong mamamatay kapag siya o ang iba pang hari ang papatay sa'tin. Kaya dapat daw natin silang sundin." Seryoso kong wika sakanya na sinagot niya lang ng isang dismayadong pagtango.
Natigil ang aming pag-uusap ng nagsilabasan ang mga maliliit na kulay dilaw na halimaw na mayroong matutulis na tenga at ilong, pati narin ang kanilang mga ngipin at kuko. Mga Goblins.
Forest Goblin ( Lvl. 28 )
HP: 2,400/2400
"Andami nila ah?!" Angal ni Jin habang nakatingin sa halos trentang goblins na sumusugod samin sa hindi kalayuan, mabilis niyang in-equip ang kanyang helmet, kalasag at espada habang ako naman ay binunot lang ang aking pana mula sa likod dahil kanina pa ito naka-equip.
"Kaya ba natin to? Andami..." Tanong ko sakanya saka binuksan ang menu ko para i-summon ang bagong bili kong pet na Armored Puppy, pinangalanan ko siyang 'Haru', bigla siyang tumalon mula sa holographic screen at tumahol sa'kin.
"I need your help, Haru!" Nakangiting bati ko sakanya, muli siyang tumahol bago humarap sa mga kalabang Goblins.
"Tumira kalang mula sa malayo ah? Mukhang masakit ang mga 'to eh." Bilin ni Jin bago sumugod sa mga kalaban.
"Haru! Protektahan moko ah?" Wika ko sa aking pet habang tumitira ng arrows sa mga kalaban na busy sa pag-aatake kay Mokongjin. Haha.
"Quick Trigger!" Sambit ko para gamitin ang nag-iisa kong buff ability, nagbibigay ito ng malaking dagdag sa aking attack speed at critical chance rate. Kaya mas mabilis na ngayon akong tumira sa mga kalaban.
"Whoa whoa! Time out muna!" Sigaw ni Jin sa gitna ng pandudumog sa kanya ng mga Goblins. Malapit na siyang maubusan ng HP!
"Knight's Howl!" Sigaw niya dahilan para lumabas ang malakas na pwersa sa katawan niya, tumilapon ang nakapalibot sakanyang Goblins dahil sa malakas na hangin. Pagkatapos ay dali-dali siyang uminom ng mga HP potions.
Nagawa ko nang paslangin ang ibang kalaban pero marami-rami padin ang bilang nila. Habang umiinom si Jin ng potions ay biglang sumugod ang ilang kalaban papunta sa'kin, napunta sa'kin ang aggro dahil hindi na umaatake si Jin."Taunting Bark!" Sigaw ko dahilan para tumahol si Haru, sakanya napunta ang atensyon ng kalaban kaya nakapagfree-hit ako ng maayos. Konti lang ang nabawasan sa HP ni Haru dahil may taglay siyang katigasan.
GUGHHK!
GUURRRK!
Daing ng mga Goblins bago tuluyang bumagsak sa lupa at naglaho sa pagiging pixels.
"Shield Bash!" Sigaw ni Jin saka inubos ang natirang kalaban gamit ang kanyang umiilaw na kalasag.
Biglang nagliwanag ang katawan ni Jin at Haru pagkatapos ng laban.
"Nice! Level 27 na'ko! Haha!" Matagumpay niyang wika habang tinataas ang sandata.
"Congrats, Mokongjin! Haha!" Sigaw ko dahil medyo malayo ang distance namin mula sa isa't-isa, agad na nawala ang ngiti niya dahil sa sinabi ko. Haha!
Mang-aasar pa sana ako nang may lumitaw na notification sa harapan ko.
~
Pet Notification:
Haru ( Armored Puppy ) Leveled up!
Current Level: 2
Abilities: Taunting Bark, Headbutt
[ Close ]
~
Whoa! Level 2 na yung pet ko! Hihi ~
"Ang galing mo, Haru!" Puri ko sa cute kong pet bago ko siya in-unsummon pabalik sa menu ko, ayaw ko kasing napapagod siya.
"Tara! Malapit na siguro yung village." Yaya ni Jin kaya nagsimula na kaming maglakad ulit.
Ilang metro pa ang nilakad namin hanggang sa nakarating na kami sa isang nameless village, part kasi to ng gubat kaya walang pangalan.
Maliit lang naman ang village na'to, tiyak na hindi aabot sa 15 ang mga gusali o bahay dito. Lumapit ako sa isang matandang babae sa harap ng isang hut na gawa sa bamboo, siya na ata ang kukuhanan ko ng quest.
"Maligayang pagbisita sa aming munting village, Adventurer!" Bati ng matandang babae, pagkatapos nun ay lumitaw ang isang screen sa harapan ko. Mukhang tama nga ang nilapitan ko.
~
Elder Rushia:
[ Quests ] [ Exit ]
~
Pinindot ko ang quests tab dahilan para lumitaw nanaman ang isa pang holographic screen.
~
Quest: Archer's Challenge
( Secondary Class Application )
Quest Type: Solo Quest
Description: Test your skills as an archer by defeating the Goblin Grand Archer and return with it's bow ..
Requirements: Goblin Grand Archer's Bow - 0/1
Rewards: One of two secondary classes of an Archer with an extra reward of a weapon depending on the chosen class.
[ Accept ] [ Reject/Close ]
~
Agad kong pinindot ang Accept button dahilan para lumaho ang screen.
"Goodluck, Adventurer!" Nakangiti na paalam ng matandang NPC bago kami lumakad paalis.
"So? Ano yung quest mo?" Tanong ni Jin sa'kin.
"Boss fight." Matipid kong sagot.
"Whoa! Kaya mo ba yan, Mei?" Nakangising tanong niya, Tsk. May gana pa talaga siya para asarin ako.
"Sus! Ako pa!" Kampante kong sagot saka hinawi ang buhok ko.
"Edi Goodluck! Hihintayin nalang kita dito sa village." Nakangiti niyang wika saka umupo at sumandal sa ilalim ng puno.
"Salamat." Sabi ko bago umalis para hanapin yung Goblin Grand Archer nayun.
Lakad lang ako ng lakad habang umiiwas sa mga gumagalang goblins sa gubat, hindi ako sigurado kung saan ba talaga ako pupunta. Tch! Wala din naman kasing directions kung saan matatagpuan ang area boss dito.
Teka. Area boss? Kadalasan makikita ang mga area boss sa dulo ng area! Baka dun ko mahanap ang kailangan kong paslangin!
Ilang minuto din akong naglakad hanggang sa nakarating ako sa maliblib na parte ng gubat, nakarinig ako ng malakas na ungol ng goblin kaya sinundan ko ang pinanggalingan nito.
At sawakas nakita ko na ang halimaw na hinahanap ko...
Goblin Grand Archer ( Lvl. 32 )
HP: 5,500/5,500
Myghad! Level 32! Kaya ko bang talunin 'to?! Isang goblin na kasing laki ng normal na tao habang nakasuot na leather armor at may dala-dalang malaking tribal bow, sa unang tingin palang ay malalaman mong boss nga ito.
"Haru, tulungan mo'ko." Mahinang wika ko saka binuksan ang pet menu para i-summon si Haru.
Nagulat ako ng biglang pumito ang boss ng malakas, pagkatapos ay natakot ako sa sumunod na nangyari.
Biglang nagsilabasan ang maliit na bilang ng mga goblins sa kakahuyan at nagtipon sa harapan ng boss, tapos ay sabay sabay silang sumugod papunta sa'kin. Lagot!
"Taunting Bark!"
Tumahol si Haru dahilan para siya ang sugurin ng mga alipores ng boss, kailangan ko silang patayin agad dahil baka mapapatay nila si Haru.
"Arrow Volley!" Sigaw ko saka tumira ng walong palaso papunta sa mga kalaban, agad na nagsibagsakan sa lupa ang mga natamaan kaya tinira ko ulit sila para tuluyan nang mamatay.
"Ayo-" Napahinto ang celebration ko nang may bumaon na arrow sa braso ko.
"Ouch!"
Nakalimutan ko tuloy na may boss palang nakatayo dun sa hindi kalayuan. Buti nalang at hindi ganun ka sakit ang mga matatanggap mong damage sa larong ito, kaya kahit bumaon na ang palaso sa braso ko parang isang injection lang yung sakit. Haha.
"Grabe. 20% yung bawas?!" Angal ko habang tinitingnan ang HP ko sa menu. Ang sakit naman ng isang 'to!
Nagpakawala nanaman siya ng isang arrow na mabilis kong iniwasan, mabagal siyang gumalaw. Alam ko na ang dapat gawin.
"Paralyzing Shot!" Sambit ko saka tinira ang isang umiilaw na palaso na direktang tumama sa boss.
GUUUUH!
Napangisi ako nung nakita ko siyang naparalisa at hindi makagalaw.
"Charge." Mahina kong sambit habang inaasinta ang bow ko, pagkatapos ng tatlong segundo ay itinira ko na ang arrow at bumulusok ito papunta sa immobilized na boss.
Direkta itong tumama dahilan para umungol nanaman si panget.
Critical Hit yung tinira ko sakanya dahil sa ability kong Charge.
Muli nanaman siyang pumito ng malakas na nagpalabas ng kanyang mga kasamahang goblins. Tsk. Ayaw lumaban ng patas!
"Taunting Bark!"
Inulit-ulit ko lang ang ginagawa ko kanina, hinahayaan kong atakihin nila si Haru habang ako naman ay malayang tinitira sila. Pagkatapos ay pinaralisa ko nanaman yung boss at muling tinira gamit ang Charge ability ko, inuutusan ko rin si Haru na headbutt-in ang boss habang paralisa pa ito.
Pagkatapos ng ilang ulit ay natalo ko rin sawakas ang boss. 20% nalang yung HP ko dahil nahihirapan akong umilag sa mga atake niya, bumagsak siya sa lupa at tuluyan nang naglaho sa pagiging pixels.
1,650 Exp, 5 gold and 30 silver coins earned.
Goblin Grand Archer's Bow
( Quest Item ) earned. 1/1
Goblin Leather Vest ( Rare ) earned.
Whoa! May nakuha akong rare item! Ma check nga! Hihi!
"Open Menu." Binuksan ko ang aking menu at pinindot ang 'Inventory' tab para tingnan ang nakuha kong item.
~
Item Description:
Name: Goblin Leather Vest
Quality: Rare
Element Type: None
Class Req: Crossbowman/Hunter/Rogue
Level Req: 30
DEF Power: 350 - 500
M.DEF Power: 350 - 400
Bonus stats and effects:
Agility + 25
Total HP + 200
Crit Endurance - Reduce received critical damage from foes by 40%
[ Equip ] ( Cannot equip )
[ Close ]
~
Aww .. Level 30 pa dapat, itatago ko nalang muna 'to.
"Tara, Haru! Excited na akong magpalit ng class!" Nagagalak kong saad saka tumakbo pabalik sa village.
ARF!~
Tahol ni Haru habang tumatakbo din sa likuran ko. Ang cute niya! Haha!
Napahinto kami ni Haru sa pagtatakbo nang biglang may lumitaw na notification sa harapan ko, isang message.
~
[ Inbox ] ( 1 unread message )
~
Agad kong pinindot ang 'Inbox' tab para basahin ang message.
~
From: Axel
Message:
Yow Mei! Kakapalit ko lang ng class! Nasa'n na kayo?
[ Reply ] [ Delete ]
~
Napangiti ako sa mensahe ni Axel at agad pinindot ang reply saka nag type sa holographic keyboard.
~
To: Axel
Your Message:
Nandito parin kami sa Goblin's Grove, pero kakatapos ko lang din sa quest ko. Anong class yung pinili mo? Knight o Barbarian? :3
[ Send ] [ Cancel ]
~
~
From: Axel
Message:
Secret! Hahaha! Malalaman niyo din naman agad pag nagkita-kita na tayo, o baka naman balak niyo pang magdate ni Jin diyan? Hehehe~
[ Reply ] [ Delete ]
~
~
To: Axel
Your Message:
Ewan ko sa'yo! Hintayin mo nalang kami diyan sa Etherion Town!
[ Send ] [ Cancel ]
~
Pagkabalik ko sa village ay nadatnan kong natutulog na pala si Jin sa ilalim ng puno, hindi ko na siya inabala pa at dumerecho na kay Rushia para sa quest completion.
"Well done, my fellow archer! Please select your desired class, choose wisely for it cannot be undone." Puri sa'kin ng NPC sabay litaw ng isang screen sa harapan ko.
~
Secondary Class: ( Archer )
[ Crossbowman ] - Wield two crossbows with high attack speed and mobility.
[ Hunter ] - Wield a large bow with high precision and damage, with stalking buffs.
~
Napa-isip ako saglit habang nakatingin sa screen, alin kaya sa dalawang class na'to ang mas bagay sa'kin?
Astig ba ako tingnan kapag dalawang crossbow yung sandata ko?
‘O yung malakas pero mabagal na Hunter?
Heh! Ayoko ng maraming hinahawakan!
Pinindot ko ang 'Hunter' tab dahilan para lumiwanag ang buo kong katawan ng ilang segundo, nang nawala na ang liwanag ay muling nagsalita si Rushia.
"Congratulations! You are now a Hunter! Use your class well!"
Quest completed!
3 gold coins earned.
Average Long Bow earned.
"Open Menu." Excited kong sambit para tingnan ang profile menu ko.
~
Name: Meichii
Level: 25
Race: Beastial
Class: Hunter
Subclass: Chef ( Lvl. 2 Mastery )
HP: 890/13,800
MP: 400/2,500
Exp: 7,900/19,000
Guild: None
Title: Armor Piercer
Current Location: Goblin's Grove
[ Stats ] [ Pets ] [ Abilities ]
[ Inventory ] [ Quests ] [ Friend List ]
[ Inbox ] [ Rankings ]
~
Yey! I'mma Hunter now!
Agad kong in-equip ang nakuha kong long bow at sinabit ito sa likuran ko.
Bumalik ako sa kinaroroonan ni Jin, ang himbing ng tulog ng mokong. Haha!
"Gising, Mokongjin!"
"Ha?!" Bulalas niya at mabilis na tumayo, tiningnan niya ako ng masakit pagkatapos. Haha.
"Tara! Naghihintay na sa'tin si Axel sa town." Nakapamewang kong saad sakanya, kunot noo niya lang akong tiningnan bago nagtanong.
"Natapos mo na? Anong class yung pinili mo?"
"Hunter. Ayos ba? Hihi!" Nakangiti kong sagot habang umiikot nang mabagal para makita niya ang long bow sa likod ko.
"Parang wala namang pinagbago, humaba at lumaki lang yung pana mo." Nakangisi niyang saad habang inaayos ang kanyang buhok gamit ang kanyang kamay.
"Meron kaya!"
"O sige na. Tara!"
Sabay naming binuksan ni Jin ang aming inventory at ginamit ang Town Recall Scroll, isang item na magte-teleport samin pabalik sa town na aming huling binisita.
Umilaw ang aming katawan at unti-unting naglaho, pagmulat namin ay nasa central plaza na kami ng Etherion Town. Ambilis noh? Haha.
Agad naming natanaw si Axel na tumatakbo papunta samin.
"Barbarian pala yung pinili mo? Astig ah!" Hangang saad ni Jin habang nakatingin sa dalawang battle axe na nakasukbit sa magkabilang hita ni Axel.
"Oo. Gusto ko kasi maiba eh. Haha!" Tuwang-tuwa niyang sagot na parang nanalo ng lotto.
"Ikaw, Mei? Anong class yung sa'yo?" Dagdag niyang tanong sa'kin.
"Hunter." Sagot ni Jin sakanya. Panganga palang ako nakasagot na siya. Tch!
Tumango lang si Axel at umakbay kay Jin, tapos ay nagbulong-bulungan ang dalawang mokong habang nakangising nakatingin sa'kin.
Umirap lang ako sakanila dahilan para mapunta ang paningin ko sa nagkukumpulang players sa harap ng announcement board ng plaza.
"Anong meron dun?" Tanong ko na nagpatigil sa chismisan ng dalawa.
"Ewan. Tara tingnan natin!" Yaya ni Axel saka nauna nang tumakbo patungo sa board, sumunod naman kami agad ni Jin.
"Excuse me."
"Padaan."
"Excuse po."
Wika namin habang nakikisiksik sa mga players hanggang sa nakapunta kami sa harapan ng board.
Maraming poster ang nakadikit dito at iisa lang ang nakasulat...
May Wanted na player, tapos may bounty pa na isang milyong gold coins sa makakahuli sakanya plus meron pang isang legendary class na sandata. Grabe naman ang atraso neto.
"Huh? Bakit wanted siya?" Kunot noong tanong ni Axel habang nakatingin sa poster.
"Tamang tama! Hunter na ako! Tara i-hunt natin ang player na yan!" Excited kong yaya sakanila pero nanatili silang seryoso, bumaling si Jin sa'kin at nagsalita.
"Loko. Hindi natin kaya 'to." Sabi niya na mayroong matipid na ngiti sa labi.
"Bakit naman? Sino ba yan?" Tanong ko habang nakaturo sa poster, bumaling si Axel samin at sumagot.
"Siya lang naman ang pinakamalakas na player sa larong ito...
Si Squain."