N's POV:
"Knuckle Blitz!" Sambit ko sa sarili saka nagpakawala ng mga sunod-sunod na sumisigrab na suntok sa kalabang Cursed Knights.
Agad namang tumilapon ang mga nakabaluting kalaban sa lupa.
Nandito ako ngayong nagso-solo sa area ng Cursed Castle para magpataas ng level.
Kung hindi lang nag-anunsyo ang GM kahapon na mayroong event ay hindi talaga ako mago-online ngayon, naantig kasi ako sa pangalan ng event eh. The Dark Age daw.
Kaya eto ako ngayon, nagpapalakas muna habang hinihintay ang event na inanunsyo ng GM.
Pagkaubos ng kalaban sa kinaroroonan kong hallway ay binuksan ko muna ang profile menu ko para tingnan ang progress ng experience ko, gusto ko na kasi maging level 90.
"Open Menu."
~
Name: N
Level: 89
Race: Beastial
Class: Brawler
Subclass: Bruiser ( Lvl. 5 Mastery )
HP: 65,522/130,000
MP: 5,000/15,000
Exp: 388,762/550,000
Guild: Beastial Legends
Title: Combo Master
Current Location: Cursed Castle
[ Stats ] [ Pets ] [ Abilities ]
[ Inventory ] [ Quests ] [ Friend List ]
[ Inbox ] [ Rankings ] [ Log out ]
~
Grabe. Ilang wave na ng Cursed Knights ang natalo ko pero parang di lang gumagalaw ang experience ko. Hays.
Ganito talaga halos sa lahat ng RPG games, kapag napakataas na ng level mo ay lalong humihirap magpataas nito. Challenge kumbaga.
Kaya nga hindi biro ang rank ko sa larong ito na ikalima sa mga pinakamalakas, nakakaproud isipin! Haha.
Umupo muna ako at sumandal sa haligi ng castle hallway saka uminom ng large hp potions para mapuno ulit ang Health points o HP ko.
Pagkaubos ko ng pulang likido na lasang strawberry sa bote ay hinagis ko ito dahilan para mabasag ito sa sahig.
"Hays, mukhang hindi na ako makakasali sa event." Malungkot kong wika, may klase pa kasi ako sa major subject ko mamayang hapon. A-absent sana ako kaso may quiz eh, mahirap na baka bumagsak ako.
Oh well. Sayang.
Binuksan ko ulit ang profile menu ko at pipindutin na sana ang logout tab nang biglang...
*BEEP*
~
[ Inbox ] ( 1 unread message )
~
Kunot noo akong tumingin sa nakalutang na notification, pero pinindot ko din naman agad, nanlaki ang mga mata ko sa nakasulat na mensahe.
~
From: Game Master (GM)
Message: Hello N! I'm inviting you to a special conversation. I hope you're not busy and will come and meet me at the peak of Ironspike Mountain, I'll be expecting you.
- Meivu
[ Reply ] ( Cannot reply to GM )
[ Teleport ]
[ Delete ]
~
Kahit naguguluhan ay agad kong pinindot ang 'Teleport' tab sa message screen, gusto akong kausapin ng GM? Totoo ba'to?
Part ba'to ng event?
Unti-unting lumiwanag ang katawan ko at naglaho, pagkamulat ko ay nandito na ako sa entrance ng dungeon na Ironspike Caverns, kung saan ang dulo nito ay ang tuktok ng Ironspike Mountain.
Pero kumunot ang noo ko dahil hindi lang ako ang nandito sa entrance.
Kasama ko ang tatlong top players ng larong ito...
"Sa wakas. Kompleto na tayo." Walang buhay na wika ng lalakeng may mahabang puting buhok na nakasuot ng itim na robe, may hawak din siyang astig na black staff.
Kung di ako nagkakamali, si Rakel ang lalakeng 'to...
Ang pangalawang pinakamalakas sa Medievus Online.
"Ikaw si N, tama?" Tanong naman ng chinitong lalake na nakasuot ng pulang kimono habang nakasukbit sa kanyang belt ang nag-uusok niyang dual swords. Si Kiyoshi, ang 3rd ranker.
"Oo. Pinatawag din pala kayo ng GM." Nahihiya kong sagot, grabe na-overwhelmed kasi ako sa mga presensiya nilang tatlo.
"Bakit apat lang tayo? Hindi ba mi-nessage ng GM ang 1st ranker?" Kunot noong tanong ng isa pang lalakeng kulay ginto ang buhok. Nakasuot siya ng gray na vest at leather pants habang iniikot ang kanyang dalawang baril sa bawat kamay.
Si Dash, ang 4th ranker, ako naman yung nasa baba niyang rangko.
"Tara. I hate wasting time." Malamig na wika ni Rakel at pumasok sa cave entrance ng dungeon, nagkibit-balikat lang ang dalawa at sumunod. Shempre sumunod din ako. Haha.
Pagpasok namin sa Ironspike Caverns ay agad nagsi-hulog ang malalaking mga bato sa itaas ng entrance at tinakpan ito, kapag may pumasok kasi sa isang dungeon ay hindi na pwedeng pumasok ang ibang players. Paunahan dapat, kung huli ka edi maghintay kang matapos ang unang mga pumasok. Haha. 'First come first serve'.
Easy lang ang dungeon na'to para sa'kin, lalong-lalo na sa tatlong kasama ko. Ang level kasi ng mga mobs dito ay from 56 - 60 lang, sobrang layo sa mga level namin.
"Ilang zones nga ba ulit ang meron sa dungeon na'to?" Natatamad na tanong ni Dash habang tinututok-tutok ang mga baril kung saan na parang nagpo-pose.
"7 zones lang, kasama na ang boss zone." Mahinang sagot ni Kiyoshi.
Zones, yan ang mga area levels sa loob ng isang dungeon. Bawat zone ay may iba't ibang difficulty dahil sa iba ang mobs bawat zone, at ang panghuling zone ay ang lugar kung saan naghihintay ang dungeon boss.
"Let's go."
~*~
"Bullet Barrage!" Sigaw ni Dash saka nagpakawala ng di-mabilang na bala sa mga kalabang Steel Moles, parang naging machine gun yung double pistol niya.
Isa siyang Gunslinger, one of the rare classes sa larong 'to. Taglay ng kanyang class ang bilis sa paggalaw at precision sa bawat tira, mataas din ang critical chance ng class niya. Wina-one shot niya nga lang mga kalaban dito, habang ako ay tatlo o apat na sapak pa ang dapat gawin.
Nandito na kami sa 6th zone ng dungeon, at pagkatapos nito ay ang boss zone na. Ambilis lang. Haha. Anlalakas kasi ng mga kasama ko.
"Ubusin mo na yan, Zeke." Malamig na utos ni Rakel sa kanyang legendary class na pet na isang Dark Phoenix, yung pet niya lang ang lumalaban para sa kanya simula pa kanina. Natatamad ata siyang makipaglaban ngayon.
Umungol ang kanyang alaga at agad na lumipad patungo sa mga natirang kalaban, mga Spikey Golems.
"Dark Fire." Mahinang sambit niya, pagkatapos ay bumuga ng itim na apoy ang kanyang itim na ibon at sinunog ang mga kalaban hanggang sa naging abo ang mga ito. Grabe ang lakas! Level 10 nadin kasi ang pet niya, max level na kumbaga. Tapos legendary class pa!
"Ang lakas naman ng pet mo." Sabi ko kay Rakel na mayroong paghanga sa aking boses, tumango lang siya sa'kin at nagpasalamat.
Bumukas ang steel door sa dulo ng cavern hudyat na wala nang dadating na wave ng kalaban, agad kaming pumasok sa boss zone.
Pagkapasok namin ay tumambad samin ang isang higanteng metallic na golem, pinapalibutan ng mga tusok ang kanyang katawan. Konting taas nalang ay maaabot na ng ulo niya ang bato-batong ceiling ng cavern.
GRAAAAH!~
Ironspike Giant ( Lvl 60 )
HP: 30,000/30,000
Gaya ng naalala ko, maliit talaga ang HP ng boss na'to, kaso sadyang matigas lang kaya matagal paslangin.
GRAAAAH!~
Ungol ulit ng higante habang nakatingin samin, hindi siya sumusunod kasi kagaya ng lahat ng mobs sa larong ito, alam nito ang difference sa level namin kumpara sakanya, kaya nagiging defensive type siya. Kung normal monster lang 'to at hindi dungeon boss, malamang tumatakbo na siya palayo samin kagaya ng ibang low level mobs.
"Ako na ang bahala, para naman makapagpasikat din ako." Nakangising saad ni Kiyoshi saka binunot ang kanyang dalawang pulang katana.
"Be my guest." Nakangisi ding wika ni Dash sa kanya.
Tumango lang si Kiyoshi bago sumugod ng mabilis sa boss, grabe ambilis niya! Ilang pulgada nalang agad ang pagitan nila.
Bumaba ang bumubulusok na kamao ng higante at iniwasan naman ito ni Kiyoshi na parang wala lang, pagkabagsak ng suntok ng boss sa nawasak na lupa ay agad na tumalon si Kiyoshi paakyat sa kanyang kamay at ginawang daanan ang braso ng higante para makalapit sa ulo nito.
Pagkarating niya sa balikat ng boss ay agad siyang tumalon ng mataas bago pa makabaling sakanya ang kalaban, pagkatapos ay bumulusok siya pababa sa leeg ng higante.
Kasabay ng pagbukas ng kanyang bibig ay biglang umilaw ng kulay blue ang blade ng kanyang dalawang espada.
"Haaaaaah!" Sigaw niya saka pinugutan ng ulo ang higante.
Wow! Na one-hit niya lang yung dungeon boss! Iba din talaga ang lakas ng class na Swordmaster. Grabe.
Bumagsak ang higante sa lupa kasabay ang kanyang ulo bago lumaho sa pixels.
7,280 Exp, 8 gold coins and 20 silver coins earned.
Ironspike Chainmail ( Rare ) earned.
"Oh look! May nakuha akong basura." Natatawang wika niya habang pinapag-pag ang suot niyang kimono para matanggalan ng dumi.
"Paanong..." Hanggang ngayon di parin ako makapaniwala na isang basic attack lang ang pinakawalan niya para matalo ang boss nayun.
"Swordsman's Entrance." Seryosong sambit ni Rakel dahilan para bumaling ako sakanya.
"Isang buff ng mga Swordmaster na nagbibigay ng 100% critical chance rate at additional 50% damage sa kanyang isang atake." Dagdag niyang paliwanag. Grabe alam niya yun kahit hindi naman ganyan ang class niya.
"Bumukas na ang pinto papunta sa dulo ng dungeon, kung saan naghihintay ang GM." Sabi ni Kiyoshi saka nauna nang maglakad patungo sa bukas na steel door, sumunod naman kami agad.
Binabaybay na ngayon namin ang kahabaan ng malakwebang hallway, ang tanging nagbibigay ng liwanag ay ang mga nakahilerang torch na nakasabit sa bato-batong haligi.
Tahimik lang kaming naglalakad hanggang sa narating na namin ang dulo ng dungeon, isang malaking steel door.
Hindi na kami nagsayang ng oras at agad na tinulak ang pinto at pumasok, sumalubong samin ang mahangin na kapaligiran at magandang veiw na makikita mula sa cliff na'to.
Pero napunta ang lahat ng atensyon namin sa batang babae na umuupo sa itaas ng nakasarang treasure chest, nakasuot siyang violet robe na bagay sa kanyang kulot na buhok.
Anong ginagawa ng isang bata dito?
"Hi! Mabuti't nandito na kayo. Shall we start?" Nakangiting bati ng bata saka inikis ang kanyang maliliit na hita. Siya ba ang GM?!
"Start with what?" Seryosong tanong ni Rakel na tila'y hindi naguguluhan sa pangyayari.
"Ikaw ba yan, GM Meivu? Ang cute naman ng avatar ninyo." Nakangiting saad ni Kiyoshi. So avatar lang pala ng GM ang nakikita namin, yung virtual appearance niya lang sa loob ng laro.
"Oo ako nga ito." Malamig niyang sagot na parang di lang narinig ang puri ni Kiyoshi.
"I summoned the four of you here because I want to offer you something."
"Special rewards ba ito para sa mga top players?" Excited na tanong ni Dash. Kumikislap pa talaga ang mga mata niya. Haha.
"Uhmm...Parang ganun na nga." Ang cute ng boses ng GM. Haha.
"Gusto niyo bang mamuno ng isang kaharian?" Bahagya kaming nagulat sa tanong niya, pagkatapos ay tumawa siya ng mahina na tila'y inexpect na niya ang magiging reaksyon namin.
Mamuno ng kaharian?
"Uhh...Parang isang hari?" Kunot noong tanong ko, bumaling naman si Meivu sa'kin saka sumagot.
"Yup! That's exactly it! Alam niyo naman kung ilan ang mga kaharian sa larong ito."
"Apat." Mahinang sambit ni Rakel.
"Tama! At sino pa ba ang gagawin kong mga hari? Diba ang pinakamalakas na players ng mundo ko?" Excited niyang wika.
"How about Squain? Yung first ranker?" Takang tanong ni Kiyoshi.
"I have a separate meeting with him later, I will ask him to be the emperor of my world." Nakangisi niyang sagot. Emperor Naguguluhan na ako.
"He will rule over the four kingdoms and the lands of Medievus."
Pagmumunuhan kami ng first ranker na si Squain?
"What's all this for? Para ba'to sa event?" Tanong ni Rakel, makikita ko nang naguguluhan nadin siya. Minsan lang kasi magpakita ng emosyon ang isang 'to.
"Honestly...Inanunsyo ko lang ang event na yun para maraming players ang mago-online ngayong araw." Nakangisi nanaman niyang sagot.
"Pero pwede ding isipin na part to ng event, a permanent event." Dagdag niya saka mahinang tumawa. Ano ba talaga ang binabalak niya?
Tahimik lang kaming nakikinig sakanya, dahil naguguluhan na talaga kami.
"To make the long story short, gusto kong pamunuhan ninyo ang mga players ng larong ito. Lead them under your kingdom's banners."
"Sorry pero hindi ako pwede diyan, hindi kasi ako active maglaro ngayon dahil may trabaho na akong pinapasukan." Mabilis na pagtanggi ni Kiyoshi.
Ako? Magiging hari? Pwedeng pwede!
"Oh don't worry, hindi mo na kailangang mag trabaho...
Dahil dito na kayo mamumuhay sa mundo ko."
Sabay sabay na lumaki ang aming mga mata dahil sa narinig.
"What are you talking about? May kanya-kanya kaming buhay miss." Angal ni Dash. Totoo naman eh, anong pinagsasabi niyang mamumuhay kami dito?
"Not anymore. This is your new life now."
Biglang uminit ang ulo ko, sino siya para kontrolin ang mga buhay namin?! He announced that fake event para mas maraming players ang makulong?!
"So what do you prefer? To live in this world among the normal players? Or to live like royalties and have the power to command them?"
Sandaling nanaig ang katahimikan sa aming apat, nagkatinginan kami na nakakunot ang noo.
"Ibig mong sabihin, hindi na kami makakaalis sa mundong ito? Hindi makaka-logout?" Tanong ko kay Meivu, tumango lang siya ng mabagal para ma-absorb ko ito ng lubusan. Tsk.
"Habang buhay?!" Dagdag kong pasigaw na tanong. Hindi to pwede! Paano na ang pamilya ko sa totoong mundo?
"Ewan. Malay natin baka bukas makakapag-logout na kayo." Nakangising sagot niya. Bwesit.
"So what's it gonna be?" Dagdag niyang tanong habang palipat-lipat ang tingin niya sa aming apat.
No choice kami, mas mabuti nang maging hari kesa sa maging normal na mamamayan.
Muli kaming nagkatinginan at sabay na tumango sa tanong niya.
"Good."