Squain's POV:
Nakaamoy ako ng baho na parang kanal kaya idinilat ko ang aking mga mata.
Bumungad sa'kin ang isang maputik, mabaho at malumot na lugar. Nasa swamp pala ako nung nag log out ako kahapon.
Nag-inat ako ng mga kamay saka mahinang sinambit ang salitang...
"Open Menu."
Biglang nagkaroon ng pixelated screen sa harapan ko saka naging holographic screen pagkatapos ng ilang segundo.
Verbal Settings, yun ang tawag sa control system ng larong ito. Sa pamamagitan ng pagsabi ng key commands, maaari mong magamit ang iyong mga menus, abilities at iba pa.
Tiningnan ko ang aking profile menu na nakalutang ngayon sa harapan ko sa holographic screen.
~
Name: Squain
Level: 95
Race: Human
Class: Swordmaster
Subclass: Tracker ( Lvl. 5 Mastery )
HP: 170,000/170,000
MP: 30,000/30,000
Exp: 0/900,000
Guild: None
Title: Lone Wolf
Current Location: Lagranda Marsh
[ Stats ] [ Pets ] [ Abilities ]
[ Inventory ] [ Quests ] [ Friend List ]
[ Inbox ] [ Rankings ] [ Log out ]
~
Oo nga pala, nandito ako sa Lagranda Marsh para mag ipon o mag 'farm' ng materials na kailangan ko para makapag enhance ng aking sandata.
Nakaramdam ako ng may papunta sa'kin kaya agad kong na-close ang profile menu at lumingon para makita ang sumusugod na malaking halimaw na gawa sa putik at batong nilulumutan na, isang Marsh Golem. Nakalimutan ko tuloy na aggressive pala ang mobs sa area na ito.
Napabunot ako ng ang aking nakasukbit na dual swords sa belt at inabangan ang papuntang kalaban.
Marsh Golem ( Lvl. 93 )
HP: 30,000/30,000
Nakita ko na lumulutang sa taas ng ulo niya ang mga letra at numerong yun. Ngumisi ako habang nakatingin sa total HP niya, ilang 'basic attacks' ko lang ang mokong na'to.
Nung ilang pulgada nalang ang pagitan namin ay iwinasiwas ko na ang dalawang manipis na espada na hawak ko sa kanya.
Ang class ko na Swordmaster ay isa sa mga rare classes sa larong ito, dahil hindi ito konektado sa main classes at pinaghirapan ko talaga para makuha ang class na'to. Taglay ng class na ito ang pambihirang bilis sa pag galaw at atake, dahil mataas ang agility at critical chance nito.
Agad na namatay at nagkawatak-watak ang katawan ng halimaw sa lupa sa loob lamang ng tatlong segundo, tatlong slash kasi ang magagawa ko sa isang segundo. Ni hindi lang yun naka execute ng atake niya dahil sa bilis ng chained attacks ko.
1,115 Exp, 20 silver coins and 55 copper coins earned.
2 Mucked Vines earned.
Yan ang lumutang na pixelated texts mula sa labi ng Marsh Golem.
Napabuntong hininga ako at iginala ang tingin sa paligid, maraming gumagalang mobs sa paligid pero medyo malayo naman sila para pansinin ako. Puro mobs lang ang nandito, walang ibang players.
Sabagay, 88 to 93 kasi ang level ng mga mobs dito at mabibilang palang ng isang kamay ang mga players na nakaabot na ng 90 pataas. Isang player pa lang ang nakaabot sa max level na 95 sa larong 'to, at ako yun. Napakahirap magpataas ng level sa larong 'to, pagkalampas mo ng level 40 ay aabutin ka na ng mga buwan para umakyat sa 41. Dagdag mo pa na mababawasan ka ng experience kapag mamamatay ka.
"Open Menu." Binuksan ko ulit ang profile menu at pinindot ang 'Rankings' tab sa ibaba para tingnan ang mga nangungunang players ng Medievus Online.
Pagkatapos nun ay may lumabas na isa pang holographic screen at makikita dito ang player rankings.
~
Player Rankings: Philippine Server
1.) Squain - ( Lvl. 95 ) ( 177 W - 1 L )
2.) Rakel - ( Lvl. 93 ) ( 105 W - 20 L )
3.) Kiyoshi - ( Lvl. 92 ) ( 92 W - 15 L )
4.) Dash - ( Lvl. 89 ) ( 85 W - 0 L )
5.) N - ( Lvl. 89 ) ( 90 W - 17 L )
[ See Others ]
~
Mukhang safe pa naman yung posisyon ko sa itaas. Nice!
Kahit dalawang level nalang ang lamang ko sa 'Rakel' na'to, panatag parin ako na tatagal ako sa first rank kasi ang layo ng agwat ng PvP Record namin. Hindi lang kasi level ang pinagbabasihan sa ranking kundi pati narin ang record ng player pagdating sa 'Player versus Player' battles.
At base sa record ko, isang beses palang ako natalo sa PvP battles. Swerte ng isang yun, medyo mahina pa ako nun eh. Haha.
Sa ngayon ay gusto ko munang makalanghap ng sariwang hangin, at sigurado akong hindi ko makukuha yan sa mabahong lugar na'to. Bukas ko nalang ipagpapatuloy ang pag 'farm' ng materials.
"Swiftness." Mahina kong sambit saka isinukbit ang dalawang espada sa lalagyan nito sa belt ko bago tumakbo nang napakabilis paalis ng marsh.
Ang Swiftness ay isang buff ability ng subclass kong Tracker, ang buff na ito ay nagbibigay ng 50% additional agility para sa user sa loob ng isang minuto, kaya ang gaan-gaan ngayon ng katawan ko habang tumatakbo. Bagay na bagay talaga ang kinuha kong subclass para sa pagiging Swordmaster ko.
Mabilis akong nakaalis sa marsh at dumaan sa Tiki Forest, ilang segundo lang ay lumabas na ako sa kabilang exit nito at sumalubong sa'kin ang malawak na bungad ng damuhan sa labas ng gubat, ang Grassy Meadow.
Sakto rin na pagdating ko dito ay nawala na ang buff kong Swiftness. Nag-inat muna ako ng mga kamay at lumanghap ng preskong hangin bago humiga sa malinis na damuhan.
"Aaaah...Sarap." Bulong ko sa sarili habang nakatingin sa asul na langit, ang ganda talaga ng pagkakagawa ng larong ito dahil parang hindi virtual yung lahat. Mula sa hangin, ulap at kiliti ng mga damo sa katawan ko, parang totoo ang lahat.
Sa mundo ng Medievus ay maraming matatagpuang Grassy Meadow, ginawa kasi ito para mayroong tambayan o pahingahan ang mga manlalaro. Wala kasing mobs sa lugar na'to kaya maganda para sa pagpahinga at para makapag relax.
Simula noong narating ko na ang max level ay dito ko na parati inuubos ang oras ko. Alam kong pwede pa akong lumakas pero para saan pa? Ako na yung pinakamalakas na player dito, hindi naman sa mayabang ako pero yun talaga eh. Gamer talaga ako, kaya sa lahat ng video games na nilalaro ko ay ginagalingan ko talaga para umangat sa iba.
Sa totoo lang, di ko na alam kung ano pa ang pwedeng gawin ko dito sa larong 'to. Lahat ng maisip kong achievements at challenges ay nagawa ko na.
Kung sasali kaya ako sa isang guild? Para mas maging interactive ako sa ibang players? Hmmm..Nah, para saan pa ang pinaghirapan kong titulo na 'Lone Wolf' kung hindi ko papanindigan. Haha.
De bale na, kahit wala na akong mapapala sa larong to okay lang. Mabuti na kasi to kesa sa tunay na mundo kung saan puro problema lang ang naghihintay para sa'kin. Haays.
Kelan pa ba magkakaroon ng event ang larong 'to? Wala na talaga akong maisip na gawin sa mundong ito eh.
*BEEP*
Napadilat ako sa narinig kong mechanical beep. May notification na lumulutang sa harap ko habang nakahiga parin ako.
~
[ Inbox ] ( 1 unread message )
~
Pinindot ko ang lumabas na tab gamit ang hintuturo kong daliri at agad na lumabas ang message sa isa pang screen.
~
From: Game Master (GM)
Message:
Announcement to all adventurers! We will be having an event called: "The Dark Age" tomorrow! So please be online to experience it! - Meivu
[ Reply ] ( Cannot reply to GM )
[ Delete ]
~
Napangiti ako sa mensaheng natanggap, mukhang nabasa ata ng GM yung utak ko. Hehe. Pero parang ang creepy nung title ng event ah, 'The Dark Age' daw. Creepy na may pagka-astig!
Sa wakas! Merong bago na magaganap!