Nero's POV:
"Hold it right there, Mr. Villaflor!"
Bulalas ng psychology teacher ko nang hahakbang na sana ako papasok sa classroom, napahinto ako at nanatiling nakatayo sa labas.
"Bakit po, ma'am?" Walang buhay kong tanong sa guro na nakakunot ang noo.
"Ika-limang araw na'to na late ka nang 30 minutes or more sa klase ko! And this time, hindi na kita papapasukin sa classroom na ito kung wala kang maibibigay na excuse letter galing sa dean niyo!" Madiing sermon ng guro, ang mga kaklase ko naman ay nakalingon lang sa'kin habang binabato ang kanilang mga mapanghusgang tingin.
"Sige po." Mahina kong sambit saka tumango bago maglakad palayo ng room kung saan narinig kong pinatuloy ng teacher ang kanyang nili-lecture.
Hays. Napakabuwisit talaga nitong kolehiyo. Stress lang talaga ang dulot ng university na'to sa buhay ko.
Habang nilalakad ko ang kahabaan ng hallway ay wala na akong ibang iniisip kundi ang maka-uwi, nawalan na ako ng gana para pumasok sa iba ko pang klase ngayong araw.
Ang dahilan lang naman kung bakit ko pinipilit ang sarili ko na pumasok ay dahil kina mama't papa, bukod na dun ay wala na akong ibang dahilan para manatili sa university na'to.
Nangibang bansa kasi sila para lamang sa finances ko dito sa private university at sa allowance ko every week. Tsk. They insisted na kailangan kong makapagtapos ng kolehiyo para may magandang buhay ako, kaya sila nagpapakahirap sa ibang bansa.
Magandang buhay?
Ano nga ba ang ibig sabihin nun?
Hindi ko din alam eh.
THUD!
Natigil ang malalim kong iniisip dahil sa may nakabangga na pala ako sa hallway, dahilan para huminto ako sa paglalakad saka lumingon sa lalakeng patuloy parin sa paglalakad.
"Watch where you're going, nerd." Narinig ko pang sabi niya, sosyal talaga ng mga students dito. Sabagay, private university nga eh. Hindi ako nababagay dito.
Napabuntong hininga nalang ako at in-adjust ang salamin ko pa itaas saka muling naglakad hanggang sa makalabas na ako sa building.
Napagkamalan akong nerd ng isang yun dahil siguro sa makapal kong salamin at magulo kong buhok, tinatamad lang talaga ako magsuklay eh.
Nerd? Ano nga ba ang qualities ng isang nerd? Hindi naman ako matalino o mahilig mag-aral. I think I’m more of a loser than a nerd.
I have no friends.
Always sits at the back row.
And for them, it feels like I'm not even there.
I'm a nobody.
Kakalabas ko lang sa gate ng may nakita akong lalakeng kumakaway sa'kin, pagkatapos ay tumakbo palapit sa kinaroroonan ko.
"Ikaw si Nero diba?" Tanong sa'kin ng lalake. Kunot noo naman akong tumango.
"Inutusan kasi ako ng teacher natin sa Programming na ipaalam sa'yo na idra-drop ka na raw niya sa klase, dahil sa 8 straight absences mo." Seryosong sabi niya. Shit! Dropped out na ako sa isang major subject. Bwesit!
Tumango nalang ako sakanya at iniwan na siyang nakatayo lang. Sumakay na kasi ako sa jeep na naka park lang sa harap ng university, hinihintay pa atang mapuno yung pasahero niya bago umalis.
Dagdag problema nanaman.
"Pare alam mo ba yung bagong sikat na VRMMORPG ngayon?"
"Yung Medievus Online?"
"Oo yun nga."
"Sus! Magtatatlong taon na ang larong yan, ngayon lang talaga sumikat kasi nalaman nilang mas unique kasi ang Medievus Online kesa sa iba pang VRMMORPG games."
Napangiti nalang ako habang pinapakinggan ang usapan ng dalawang estudyante sa jeep. Lalo tuloy akong nainip at gusto nang makauwi agad.
Pagkatapos ng ilang minuto ay bumaba na ako sa baranggay namin. Lumakad pa ako ng ilang metro para makarating sa bahay. Kinuha ko yung susi ng front door mula sa bulsa ko at binuksan ko ito.
Sa ngayon ay walang nakatira sa bahay na'to maliban sa'kin, dahil nga nasa ibang bansa ang mga magulang ko.
Agad kong hinagis ang hinubad kong bag sa sofa at agad na umakyat sa kwarto ko. Pagkabukas ko ng pinto ay bumungad sa'kin ang magulo at makalat kong kwarto. Pero di bale na.
Gusto ko nang pansamantalang makatakas sa stress at problema sa buhay.
Agad kong pinaandar ang computer unit ko at isinalpak ang 'Nerve Gear' sa unit, ang helmet na nakakapag manipulate ng brain waves mo para ma visualize mo ang larong nilalaro mo para akalain mong nasa loob ka ng mismong laro. Basta, mahirap explain eh. Hehe.
Agad kong pinindot ang Medievus Online application icon sa desktop ng computer ko gamit ang mouse. Pagkatapos ay nag fill up ako sa login form na lumabas at pinindot ang enter key.
Agad namang may lumabas na pop-up window na may nakasulat na:
"Please equip the Nerve gear to start."
Kaya agad na humiga ako sa kama at sinuot ang nerve gear, bahala na kahit di pa ako nakapagbihis. Mamaya nalag pag naka logout na ako.
"Activate Nerve Link." Mahina kong sambit habang nakapikit ang mga mata. Ilang sandali pa ay may narinig akong robotic na tinig ng isang babae.
"Activating Nerve Link...
Chosen game, Medievus Online...
Server, Philippines...
Avatar, Retrieved...
Activation finished...
Prepare to be transferred."
At ayun nga, nakaramdam ako ng paghihilo pero nananatili parin akong nakapikit.
Ang mundong papasukin ko...
Where I'm not a nobody...
Kung saan maraming tao ang gustong makilala ako...
Kung saan masaya at malaya akong gumawa ng kung ano-ano...
Kung saan hindi ako mahina at pinaghuhusgahan...
Kung saan ako ang pinakamalakas...
Dahil sa mundo ng Medievus...
Ako si Squain...
Ang top player ng larong ito.