KALIA'S POV
Napatitig ako sa lalaking nasa harapan ko ngayon. Ang saya niya habang kumakain ng spaghetti. Para lang siyang batang napagbigyan kumain sa jollibee. Umupo siya dito sa table namin kahit na hindi namin siya inaalok. Wala pa nga siyang pasabi nang bigla siyang umupo sa harapan ko na katabi ni Dustin.
Kunot noong nakatingin si Dustin sa kanya. Para bang nakikita niya sarili niya sa taong ito. "Ashton, right?"
Nakangiting inilahad ni Ashton ang kamay niya kay Dustin. Wala namang pag-iisip pa inabot niya ito. Nakangiti silang nagpakilala sa isa't-isa. Parehong may sapak. Sabi na nga ba eh!
And yes, it's Ashton. It's been two weeks since our d-day passed by. Walang nangyari. We're both safe. I don't know how it happened since it was my first time. At first, hindi ko mapaliwanag ang nararamdaman ko. Hindi ko alam kung dapat ko pa bang sabihin sa mga kaibigan ko pero hindi nila ako tinigilan hanggang sa wala akong choice kundi sabihin sa kanila.
And now I'm glad that it didn't happen kasi merong dalawang tao na alam kong hindi kaya na mawala ako.
And Ashton?
Akala ko doon na matatapos ang lahat ng ugnayan namin but seems like it's a no. He's now part of clan 1, he's my classmate and lastly mukhang makakasundo niya pa ang mga kaibigan ko.
Looking at them right now, ang komportable nila sa isa't-isa. Nakisali na din sa Aisha sa usapan nila na hindi ko naman maintindihan kasi malalim ang iniisip ko. Nagtatawanan na sila na para bang ang tagal na nilang magkakakilala.
Natigil sila sa pagtatawanan ng biglang may sumigaw ng pangalan ko.
"Kalia!" malakas na sigaw nito dahilan para tumingin ang mga tao sa table namin. "Kanina ka pa namin hinahanap ah."
Nag-angat ako ng tingin at nakita kong malaki ang ngiti ng bakulaw sa harapan ko. Kasama niya ang iba pa naming kagrupo.
"After class ang usapan." walang ganang tugon ko sa kanya.
"Oo nga pero nagbago isip ko kaya tara na." nakangiti si Uno ng nakakaloko.
Yes, si Uno ang lalaking umaarte na parang walang kasalanan sa akin. Hanggang ngayon, sa tuwing nakikita ko siya ay nag-iinit ang ulo ko dahil sa ginawa niya kay Sky. Kung meron mang dapat manakit kay Sky, ako lang 'yon.
Like what I've said before, normal na students kami everytime new semester starts. Clans don't exist at all pero syempre may mga matitigas ang ulo na halos hindi sumusunod sa rules at walang iba kundi ang clan 1 na kinabibilangan naming magkakaibigan at ang clan 2 na pinamumunuan ni Uno. Walang designated names ang bawat clans kasi mas mahalaga dito ang ranking.
Which is ang nagbibigay ng dahilan kung bakit nag-aaway ang lahat. Marami kasing perks ang rank 1 clan na natatanggap naming lahat na miyembro lalo na ni Supremo na siyang namumuno.
"Leader ka? Paladesisyon eh." sarkastikong tanong ni Aisha.
"Hindi ikaw kausap ko kaya 'wag kang umepal dyan." angil naman ni Uno kaya nakatanggap siya ng isang irap kay Aisha.
"Hindi ko naman tinatanong opinyon mo." pabalang na sagot ni Aisha. Natawa naman si Dustin at Ashton dahil doon.
Nawala ang ngiti sa mukha ni Uno. Ayan mas mabuti yan. Nakakatakot mukha niya kapag nakangiti eh.
"Kalia..." mahinang tawag sa akin ni Amy na kagrupo ko. Tinignan ko naman siya na nakatayo sa gilid ni Uno. Sumesenyas siya na para bang ayaw niyang sumunod kay Uno.
Si Wally ang leader namin pero mas sinusunod nila ako dahil top student ako. Gusto nilang ako maging leader pero ayoko ng responsibilidad.
"5pm sharp at green field." walang emosyong sambit ko.
"Paano ba 'yan, Uno? SI Kalia na nagsabi." sabi ni Wally at agad na hinatak papalayo ang kanyang girlfriend. Hindi na niya pinansin si Uno na galit na tinatawag siya.
"Don't act like you own them." I warned him. Wala siyang karapatan na gamitan sila ng authority dahil in the first place, wala din naman siyang iaambag na maganda sa grupo.
"Me? Or you? You're being bossy, Kalia and not me." angil niya sa akin.
"Si Kalia? Or you?" napatingin ako kay Ashton na biglang umepal sa usapan. Kunot noo siyang nakaangat ang tingin kay Uno. "You're the one who dragged your groupmates here. For what? To bully them?"
Napasinghal naman si Uno dahil sa sinabi ni Ashton. Balak niya pa sanang sumagot ng tumayo na ako at kinuha ang tray. Sinadya kong banggain siya sa balikat dahilan para hawakan niya ako sa braso. Tinignan ko ang kamay niyang nakahawak sa braso ko at saka nag-angat ng tingin sa kanya. Nang magtama ang mga mata namin, bigla niya akong binitawan dahil masama na ang tingin ko sakanya. Alam na niya ibig sabihin non.
"Ay natakot." tatawa-tawang parinig ni Ashton.
"Si Kalia lang talaga katapat mo." dagdag pa ni Dustin.
At ayun nga, nakahanap na si Dustin ng kakampi niya na hindi siya bubulyawan sa katangahan niya kasi parehas lang sila.
Napasinghal nalang si Uno at nauna ng umalis kesa sa amin.
Bumalik na kami sa kanya-kanyang classroom. Syempre si Ashton lang ang kasama ko kasi hindi ko kaklase ang magpinsan.
Tahimik lang siya habang nauunang naglalakad pero bahagyang nagkakandirit na para bang may magandang nangyari sa kanya.
Nangunot ang noo ko ng bigla siyang huminto sa paglalakad at saka humarap sa akin. Tinawag niya ako pero hindi ko siya pinansin.
Pero bigla siyang may tinanong na ikinakuyom ng kamao ko at napatigil ako sa paglalakad.
"May gusto ba si Uno sayo?" mukha siyang seryoso kaya nilingon ko at walang emosyon siyang naghihintay ng tanong.
Mas lalong nangunot ang noo ko. "It seems like you have death wish."
Nagkibit balikat ito at lumapit sa akin, "I just notice he's different when it comes to you."
Napahinga ako ng malalim at napapikit. I need to control my feelings. Baka masapak ko siya.
"Enough. Nambabadtrip ka lang eh." walang emosyong sambit ko.
"Ano nakakabadtrip doon? Just yes or no lang naman sagot."
Magsasalita pa sana ako pero nauna na siyang maglakad papasok sa classroom. Kunot noo ko siyang sinundan ng tingin.
I saw him na sinadya niya talagang dumaan sa harap ni Uno at bahagyang binangga ang table nito dahilan para mapatayo si Uno. Nagpeace sign lang si Ashton at dumiretso na sa table niya.
Napapailing nalang ako na pumasok sa classroom habang nakapamulsa sa jacket. Baka biglang may humigit na naman ng kamay ko. Wala ako sa mood at baka lalong mawala pa sa mood.
Nginuso ako ng kaibigan ni Uno sa kanya dahilan para mapatigil siya. Hindi ko nalang sila pinansin at umupo na sa table ko na katabi ng table ni Ashton. Isinubsob ko nalang ang ulo ko sa table ko dahil parang shunga ang katabi ko. Tahimik siyang humahagikgik habang nakatingin sa inis na inis na si Uno na tatlong table ang layo mula sa amin sa kabilang linya ng tables.
"See? Nakita ka lang kumalma na." bulong ni Ashton mismo sa tenga ko.
Napakuyom nalang ako ng kamao dahil sa inis. Kakambal ba siya ni Dustin?
Imbis na pansinin pa siya, nagbingi-bingihan nalang ako.
What his deal?
----
Naramdaman mong may mahinang sumipa sa paa ko. Wala sana akong balak na pansinin kaso bigla akong may naramdamang mainit na hininga sa tenga ko bago pa man makapagsalita si Ashton ay bigla akong nag-angat ng ulo at nakita ko ang mga groupmates kong nakatayo sa harapan ko.
Nakita kong ang sama ng tingin ni Uno kay Ashton kaya nilingon ko ito. Nakasandal lang siya sa upuan niya habang ang dalawang kamay ay nasa kanyang batok. Nakangisi niyang sinuklian ang masamang tingin ni Uno.
"Natulog ka lang, Kalia?" nagtatakang tanong ni Wally.
"Sus. Kailan ba nakinig sa classes si Kalia?" sabi naman ni Amy at nagtawanan ang iba.
I checked my wrist watch at nangunot ang noo ko nang makitang almost 5pm na pala.
Tinignan ko si Ashton. Siya 'tong seatmate ko pero wala manlang ginawa para gisingin ako
"I woke you up." Kunot noong sambit nito. "But you're in deep sleep."
"Ginising ka pa ni sir Almond." dagdag naman ni Kris, girlfriend ni Wally.
Hindi nalang ako nagsalita at kinuha na ang bag ko.
"Sama ako!" sambit ni Ashton sabay kuha sa bag niya.
Hindi na ako umangal kasi hindi naman siya makikinig at umoo na din kasi ang mga groupmates ko kaya wala akong choice pwera sa isang tao
"Bakit ka sasama? Groupmate ka ba namin?" kunot noong tanong ni Uno.
"Hindi pero payag sila at ikaw lang hindi." inakbayan niya ako bigla at bahagyang binangga si Uno sa balikat. Narinig ko namang napamura si Uno pero hindi na din siya pinansin ng groupmates namin at sumunod na sa amin.
Hindi ko alam pero hinayaan ko lang si Ashton na nakaakbay sa akin. Parang nanigas lang ako at walang balak tanggalin ang kamay niya sa balikat ko.
Bakit ang komportable ng pakiramdam ko?
ASHTON'S POV
"Don't mind me guys. Iidlip lang ako dito." sabi ko sa kanila.
Wala naman talaga akong gagawin dito. Gusto ko lang bantayan si Kalia kaya sumama ako. Dapat may gagawin kami ng groupmates ko but since ako leader nila sabi ko ay magkanya-kanya nalang kami para makasama ako kila Kalia.
Pipikit na sana ako ng biglang may tumayong unggoy sa harapan ko. "Bakit ka pa sumama? Hindi kami makakapagfocus niyan eh."
Tsk. Hindi ka lang kasi makakalapit kay Kalia dahil nandito ako.
"As if you'll help them." nakangising sambit ko.
Natawa naman sila pwera kay Kalia na busy ng mangalikot ng laptop niya.
Hindi ko na pinansin pa si Uno at pumikit na ako. Dito sila nakapwesto kung saan ko unang beses na nakita si Kalia. Nasa likod ako nila ako habang nakasandal sa puno.
Wala naman akong balak manggulo eh. Nandito lang ako para magbantay.
Pero syempre nakapikit lang ako. Wala akong balak matulog. Kapag natulog ako baka bigla nila akong iwan at mawala sa paningin ko si Kalia.
"Where's yours, Manzano?" rinig kong tanong ni Kalia kay Uno.
"Ah. Hoy Wally, nasan na?" tanong naman ni Uno.
Sure akong nakabusangot na ngayon si Kalia.
"Ha? Ang alin?" sambit ni Wally.
"Yung pinatago ko sayo." mariing sambit ni Uno.
Natawa ako dahil sa sinabi niya. Sumilip ako sa kanila at nakita kong masama na ang tingin sa akin agad ni Uno. Sinilip ko naman si Kalia at tama nga ako. Nakabusangot na siya at masama na ang tingin kay Uno.
"Sabi na eh! Wala kang iaambag." pang-aasar ko sa kanya. "Atat na atat ka pa kanina, wala ka namang gawa."
May reporting kami sa sa physics 2 namin at first group sila Kalia bukas. Gusto ko nga sanang makipagpalit ng grupo kay Amy o Kris kaso hindi sila pumayag eh. At ayaw din ni Kalia kasi kagrupo niya si Uno. Baka imbes na gumawa kami ng report namin eh baka daw mag-away lang kami dahil mainit ang ulo ni Uno sa akin dahil sa ginawa ko sa kanya.
Hindi ko nga maintindihan dito sa school na 'to. Nakakagulat na parang wala lang sa mga estudyante ang mga nangyari noong bakasyon. Normal na nag-aaral lang sila at napakatahimik. Pwera nalang kapag may nagkasagutan na galing sa magkaibang clan lalo na kung ito ay clan 1 at clan 2.
Napapahanga ako ng school na 'to. Napapahanga ako ng may-ari ng eskwelahan na 'to.
"Ako ba pinapagawa mo sa part mo?" takang tanong ni Wally sa kanya. "Sabi ni Kalia, wag ka daw namin gawan in case na magpagawa ka eh. I just did what she said."
Tinignan niya si Kalia na masama na ang tingin sa kanya. Tahimik naman akong natawa dahil bigla siyang napayuko nang mapagtanto niyang galit na si Kalia.
"We'll take care to the contents and you take care to the presentation." seryosong sambit ni Kalia.
"Ayoko." mariing sagot ni Uno. "I never do that that's ---"
"That's why you never know how to do it?" pagpapatuloy ni Kalia sa sasabihin niya.
Nagtawanan naman kami dahil pahiyang-hiya na siya. Ang tapang tapang pag-clan war, ayun naman pala wala siyang silbi sa groupmates niya.
Malas niyang kagrupo niya si Kalia.
"You'll do it or no grades?" walang ganang tanong ni Kalia.
"Or repeat again for the 7th time." pang-aasar ko naman sa kanya.
Napasinghal naman ito at biglang tumayo. Lumapit siya sa akin at hinatak ang polo ko.
"Ano bang pinagmamalaki mo?" galit na usal nito. "Mayabang ka purket alam mong hindi kita papatulan?"
Tinignan ko si Kalia. Nakasandal na siya sa puno at parang boring na boring na nakatingin sa amin. Si Wally at Kris naman ay tahimik lang ding nakatingin sa amin habang si Amy ay busy na nakasubsob sa laptop niya. Halatang sanay na sila sa ugali ni Uno.
"Chill!" tatawa-tawang usad ko. "Hindi kita papatulan."
"You're wasting our time." walang emosyong sambit ni Kalia.
Akala naming parehas ni Uno na ako ang sinasabihan ni Kalia kaya napangisi siya at inuntog pa ako sa puno. Napaungol naman ako ng mahina dahil sa ginawa niya.
"Manzano..." pagpapatuloy naman ni Kalia sa kanyang sinabi.
Napangiti ako at agad na tinulak si Uno upang mabitawan niya ako. Lumapit agad ako kay Kalia para hindi na siya makapanakit pa. Sinabing hindi ako nandito para manggulo eh. Gusto ko lang mabantayan si Kalia.
Napasabunot siya sa kanyang sarili ng dahil sa inis.
Ang yabang yabang kasi! Wala naman palang binatbat kay Kalia.
"As a leader, you'll do the presentation for tomorrow, Manzano." maotoridad na sambit ni Wally.
Wala din naman siyang nagawa kundin sumunod nalang. Ayan kasi, tamad ka ha. Ako nga kahit walang meeting sinigurado kong susunod sa akin ang mga groupmates ko eh.
Kunot noong lumingon sa akin si Kalia. "At ikaw, umalis ka na muna."
Napakamot nalang ako sa ulo ng dahil doon. Nakakainis! Pati tuloy ako nadamay.
Sasagot pa sana ako kaso baka magalit pa siya sa akin kaya nagpaalam na ako sa kanila. Ayaw pa akong paalisin ni Wally pero wala akong magawa dahil sinamaan ako ng tingin ni Kalia. Medyo close na kami ni Wally kaya magaan na ang loob ko sa kanya hindi tulad nitong si Uno, napakainit ng ulo sa akin. Ako naman eh wala naman ako ng sama ng loob sa kanya. Trip ko lang talagang mang-asar sa kanya at isa pa dapat hindi pinapakitang takot sa kanya kasi sosobra siya sa pangbubully eh.
Iniwan ko na sila sa green field pero bago tuluyang makalayo sa kanila, nilingon ko muna sila. Naoangiti ako ng makita kong nakasunod ng tingin sa akin si Kalia kahit alam kong masama ang tingin niya sa akin. Natawa nalang ako sa naisip ko.
Nakasalubong ko si Dustin na nakabusangot at parang malalim ang iniisip. Inakbayan ko siya dahilan para bahagya siyang magulat.
"Ikaw pala." bati nito sa akin. "Nakita mo ba si Kalia?"
"Yeah, I'm with her just a couple of minutes ago." tugon ko sa kanya.
"Alam mo ba ginagawa niya? May meeting ba sila?"
"Yeah. Bakit?" pag-usisa ko naman sa kanya.
Napakamot siya sa batok niya at saka seryosong tumingin sa akin. Natawa naman ako kasi hindi ganitong Dustin ang palagi kong nakikita.
"May problema ba, bro?" muling tanong ko sa kanya.
"Ano kasi eh." pag-aalinlangan niya. "I need Kalia's help."
"About?"
"Pre-calculus." nahihiyang sagot nito.
Natawa naman ako dahil doon. Akala ko naman kung ano. Nangunot ang noo niya dahil sa pagtawa ko.
"Bro, you don't need Kalia 'coz I'm here."
"Marunong ka sa calculus?" namamanghang sambit nito.
Para namang iniisip niya atang mahina ako dahil may pagkaloko-loko ako at nandito ako sa school na ito dahil ang reason kung bakit nandito ako eh dahil sa kalokohan na ginawa ko sa labas.
Binatukan ko siya ng mahina at sinabing sumunod siya sa akin. Inaya ko siya sa green field para makita ko ulit si Kalia.
Nangunot ang noo ko ng makita kong may iba silang kasama doon at mukhang nagulo na ang ginagawa nilang meeting about sa report nila.
"Supremo..." bahagyang yumuko si Dustin upang batiin si supremo na ginaya ko nalang kahit nawala na ako sa mood.
Tinignan ako ni Kalia, "Why are you here again?"
Si Dustin ang sumagot para sa akin. "Hindi ikaw ang pinunta namin dito. 'Wag kang feeling. Tuturuan niya ako sa pre-calculus. Dyan ka na."
Hinatak niya ako sa green tables na hindi kalayuan kila Kalia. Nagpaalam na din sila supremo kila Kalia kaya nakapagpatuloy na sila sa ginagawa nila.
"Close ba sila supremo at Kalia?" walang pag-aalinlangan na tanong ko habang nakatingin sa gawi nila Kalia.
"Hindi." natatawang sambit nito. "Hindi komportable si Kalia sa tabi ni supremo. Nakita mo naman siguro nung assembly natin 'no?"
"Eh bakit kung makaasta si supremo parang close na close sila?" pag-uusisa ko pa.
"Supremo is our leader. Walang makakatanggi sa kanya." nagkibit balikat nalang ito at nilabas ang tatlong libro at scientific calculator niya.
Napatitig nalang ako sa gawi nila Kalia habang daldal ng daldal si Dustin kahit hindi ko na maintindihan mga pinagsasabi niya.
So paano naging part ng clan 1 si Kalia?