KALIA'S POV
Nakapanghalumbaba ako habang pinapanuod ang mga kaklase kong papasok sa classroom. Sa tuwing nakikita nila akong nakatingin sa kanila, sila naman ang iwas ng tingin pwera sa tatlong tao na sunod-sunod ang pagpasok sa classroom.
Nakangiting kumaway si Ashton habang papunta sa table niya habang si Uno naman ay nakangiti din at kumindat pa. Si Sky naman ay sinalubong ang paningin ko sa kanya habang walang emosyong papunta siya sa table niya.
Hindi ko alam kung bakit magkakasunod silang tatlo na pumasok sa classroom pero feeling ko, may kakaiba.
Pinakahuling pumasok si Amy na may dala-dalang saklay at kasunod niya ang unang instructor namin para sa araw ng friday.
Nakita ni Amy na nakatingin ako sa kanya pero agad din siyang umiwas ng tingin at para bang nataranta pa dahil natalisod pa siya kahit wala namang nakaharang sa dadaanan niya. Kunot noo ko siyang sinundan ng tingin. Kahit hindi kami gaanong close ni Amy, palaging nakangiti 'yan na sasalubungin ang tingin ko sa kanya. But today, it's different. Para pa siyang naiilang na malamang nakatingin pa ako sa kanya.
Kunot noo ko siyang pinanuod habang papunta siya sa table niya. Bandang likod siya nakaupo at katabi niya si Alexa, leader of the sluttery at girlfriend pa din ata ni supremo, halatang hirap na hirap siya dahil sa pilay niya sa kaliwang paa at mapapansin ang mga galos niya sa mukha at pasa. Nagtataka naman si Ashton kung bakit nakatingin ako kay Amy kaya sinundan niya tinitignan ko.
Nang magsalubong ang paningin ni Alexa at Amy, napansin kong napabuntong hininga muna si Amy bago siya tuluyang umupo. Nakangising lumingon naman sa akin si Alexa na para bang may gustong iparating.
"Anong problema non?" takang tanong ni Ashton sa akin nang lingunin niya ako.
Hindi ako sumagot at ipinagkibit balikat ko lang ito. Ipinatong ko sa magkabilang braso ko ang ulo ko habang nakapatong sa table habang nakatingin sa bintana nang marinig ko ng magsimulang maglecture ang instructor namin.
Wala sa sariling napabuntong hininga ako ng maalala ko na naman ang usapan namin ni Sky.
All this time I want to keep him safe and away from something na ikakapahamak niya. I did my best pero mas naunan pa siyang matuklasan ang mafia kesa sa akin na matagal na silang hinahanap.
Si nana lang pala ang sagot sa mga katanunga ko.
Kaya pala ganoon nalang ang galit ni nana nang malaman niyang pumasok ako dito sa St. Simon. She planned to run away with me. Gusto niyang magkalayo-layo kami tutal wala namang pakialam sa akin si Daddy pero mas pinili kong pumasok dito at hanapin ang pumatay kay mommy but all this time around she knew who killed my mom.
Hindi ko nga talaga kilala ang sarili kong pamilya.
Sarili kong pamilya na nagawang itago sa akin ang katotohanan.
Matapos ang klase, agad akong lumabas ng classroom pero narinig kong tinawag ako ni Amy kaya hinintay ko siyang makalapit sa akin.
"Anong nangyari sayo?" pag-usisa ko. After two days simula nang mangyari ito sa kanya, ngayon ko lang siyang nakita ulit. Nakalabas na siya ng hospital dito sa school pero sabi ni Aisha ay hindi pa siya papasok.
Umiwas siya ng tingin. Parang naiilang siya sa akin. "Wala 'to. Kalia..."
"Wala? Eh nabalian ka ng buto ah?" kunot noong usal ko sa kanya.
Napatingin naman siya sa akin. Mukhang hindi niya inaasahan na alam ko ang nangyari sa kanya.
"Aksidente lang ang nangyari." sambit nito. Tumango nalang ako at tinanong kung ano ba ang kailangan niya.
May kailangan akong gawin sa dorm ko bago magsimula ulit ang klase. Hindi ako mapapakali hangga't hindi ko makita 'yung documents na pinadala ni nana noon.
"Gusto ko lang sana humingi ng copy ng mga lectures natin." napapahiyang sambit niya.
Nawala ang emosyon sa aking mata dahil sa sinabi niya. Halatang nagsisinungaling siya. Alam niyang hindi ako nagsusulat at wala akong copy ng mga lectures namin. Alam niya kung ano lang ang ginagawa ko sa loob ng classroom.
"Hi Kalia!" bati ni Alexa nang huminto siya sa tabi ni Amy at saka inakbayan ito. "I'm glad you're okay na."
"Ah... Hehe thank you." Amy said na halatang iwas sa pagdikit ni Alexa sa kanya.
Amy looked at me na para bang nanghihingi ng tulong para mapaalis si Alexa sa tabi niya pero imbes na paalisin si Alexa ako ang umalis.
Hindi ko alam kung ano ba ang gusto niyang mangyari. If she needs help, magsabi siya. Hindi ako manghuhula.
Nakakairita.
"Kalia!" sigaw ni Amy.
Hindi ko na siya pinansin at nagmadali na akong bumalik sa dorm unit ko.
I need to know kung tama nga ba ang hinala ko.
Nakita ko na ang mga documents na 'yon pero hindi ko inisa-isa itong mga 'to. All I know is for nana' properties. Pero may nag-uudyok sa akin na i-check ulit ito.
Agad kong kinuha sa butas na pinagtaguan ko sa terrace ang documents. Inisa-isa ko ito at binasa ng maigi pero wala namang kakaiba sa ibang papers hanggang sa marating ko ang pinakahuling document.
It's a lot compilation of papers na five pieces din.
Halos hindi ako makapaniwala sa aking nakikita.
Deed of sale
Lot title
At kung anu-ano pang makakapagpatunay na property ni nana ang St. Simon University.
And yes, this school was owned by nana.
Napasinghal ako dahil sa aking nalaman.
I really don't know my grandmother anymore. Hindi ako makapaniwala na ang ganitong bagay ay itinago niya sa akin. Ano pa bang aasahan ko? 'yung mga taong pumatay nga kay mommy ay nagawa niyang isikreto sa akin, ito pa kayang bagay na 'to?
Alam niyang halos buong buhay ko ay wala akong gustong gawin kundi ipaghiganti si mommy. She even trained me to fight.
Tapos in the end, betrayal lang pala ang aabutin ko?
That's why I was trained to kill?
Halos lukutin ko na ang mga papel na hawak-hawak ko dahil sa galit na nararamdaman ko. Hindi ko nga alam kung galit pa nga ba ito o poot na.
Paipon ng paipon ang kadismayaduhang nararamdaman ko sa taong pinakapinagkakatiwalaan ko.
Ngayon naiintindihan ko na kung bakit mas gusto niya akong sumama kesa pumasok dito. Ngayon alam ko na kung bakit ayaw niya akong pumasok sa school na 'to.
Ang tanong...
Nandito nga ba talaga ang pumatay kay mommy?
O ang taong nakakaalam lang ng totoong pagkatao ko at nahanap ko na siya? At walang iba kundi si Wally.
Nang marinig ko ang school bell na hudyat para sa susunod na klase, agad kong nilisan ang star building pero imbes na dumiretso sa classroom ay nagtungo ako sa classroom nila Wally.
"Wally, I need to talk with you." seryosong tawag pansin ko sa kanya kahit na alam kong may instructor na sa harapan.
"Ms. Jung, you can do that later. I will start our class now." pormal na usal ni Miss Ruth. Tinignan ko lang siya. Nagulat pa siya dahil sa ibang tingin na binigay ko sa kanya.
Imbes na umalis, pumasok ako ng tuluyan sa classroom nila at hinatak ko sa pulsuhan papalabas si Wally. Wala kong pakialam kahit pagalitan ako o madetention.
Gusto kong maintindihan lahat.
Gusto kong malaman lahat ng nalalaman ni Wally.
"Kalia, ano bang problema?" naguguluhang tanong nito habang sinusubukang hatakin ang kamay niya na mahigpit kong hawak.
"Kalia!" huminto ako sa paglalakad ng marinig ko ang malakas na sigaw ni supremo. "What do you think you're doing?"
Bago ako sumagot, tinignan ko muna si Wally at saka tumingin sa kanya. Binigyan niya ng makahulugang tingin si Wally at tumingin muli sa akin.
"Get lost! Hindi ikaw ang kailangan ko." walang emosyong usal ko.
Suminghal si supremo at tinignan ako ng masama, "You know you'll be detention because of this."
"So?" napangisi ako. "If you're worried, pwede ka namang sumama para malaman mo ang pag-uusapan namin."
Tinignan ni Supremo ng masama si Wally at muling tumingin sa akin. Mukha lang siyang kalamado pero alam kong kinakabahan na yan sa loob-loob niya.
Kahit ilang beses niya ako samaan ng tingin o angilan, wala akong pakialam. Kahit anong gawin niya, hindi ako matatakot sa kanya.
"Ano bang nangyayari sayo?" pagtataka ni Wally.
Tumingin ako sa kanya at napasinghal. Akala ko nasabi na niya sa akin lahat ng dapat kong malaman pero hindi pa pala.
"Kalia!" nangunot ang noo ko ng makita kong papalapit si Miss Ruth kasama si Dustin at Aisha. "What are you doing?"
Tinignan ni Aisha ang kamay kong mahigpit na nakahawak pa din sa pulsuhan ni Wally kaya inis ko itong binitawan. Agad naman niyang tinignan ang kamay ni Wally na namumula na dahil sa pagkakahawak ko.
Napabuntong hininga ako at napahawi ng buhok dahil sa inis.
Si Wally lang naman ang kailangan ko. Bakit nandito din sila?
Sa totoo lang, hindi na ako makapagpigil sa nararamdaman ko. Gusto kong.manakit para mawala ang galit ko ngayon.
Pero alam kong hindi tama 'yon kaya mas mabuting makausap ko agad si Wally dahil hindi ko kayang ipagmamaya ito.
Tama na ang mga sikreto. Gusto ko na magkaroon ng tahimik na buhay.
"Since you're here Miss Ruth," bumaling ako kay Miss Ruth. "Just tell me everything you know about my grandmother."
Hindi makapaniwalang na tumingin silang lahat sa akin. Halata naman kay supremo na hindi niya alam ang sinasabi ko. Nakakunot lang noo niya at naghihintay ng susunod kong sasabihin pero wala akong balak na ipaalam sa kanya. Wala akong tiwala kaya maigi ng hindi niya malaman kung ano ba ang tinutukoy ko.
"Come to my office now." maotoridad na utos niya sa akin. Binalingan niya naman sila Aisah na halos hindi pa din makapaniwala sa narinig. "And you all, go back to your classroom. May iniwan akong activity doon."
Hinatak ako ni Miss Ruth sa pulsuhan papunta sa office niya pero inagaw ko ang kamay ko at nauna ng maglakad sa kanya.
Narinig kong tinawag ako ni Dustin at Aisha pero hindi ko na sila nilingon pa at dire-diretsong nagpunta nalang sa office ni miss Ruth.
Tama, mas maraming alam si Miss Ruth tungkol kay nana kesa kay Wally. Tama na din ito para matapos na ang paghihinala ko ng hindi maganda kay nana.
I want to know every single thing about her. Kung bakit niya nagawang itago sa akin ang mga ito. Kung bakit nagawa niyang pagtaksilan ang mafia para lang sa aming dalawa ni Sky.
"What you did is so unforgivable." seryosong saad ni Miss Rurh nang makarating na kami sa office niya. "You can go to detention room because of that. Alam mo kung gaano nakakatakot madetention, right?"
Detention is another word for torture. Lahat ng mga estudyante na nahuhuling sumasalungat sa rules ng school ay dinadala sa detention room upang parusahan. At sa tuwing lalabas sila sa kwartong iyon, halos hindi mabilang latay at galos sa katawan ang inaabot nila.
Napasinghal ako. "Are they allowed to touch me?"
I just realized. Sa daming against the rules na nagawa ko, I've never been in the detention room. Palaging sinasabi ni Supremo that all thanks to him and to the clan which is pinaniwalaan ko naman. But the heck, it's all a lie.
I have a strongest connection after all.
"Lady Cynthia owns this school." walang emosyong sambit ko.
Unti-onting namuo ang gulat sa kanyang mga mata. Napatitig lang siya sa akin imbes na itanggi ang sinabi ko.
"She owns you until now." dagdag ko pa at ngumisi.
Mabilis siyang umiwas ng tingin at umupo sa swivel chair niya.
"I don't know what you're talking about, miss Kalia." pagmamangmaangan niya.
I put my hands on top of her table at mariing tumingin sa kanya. "And you're the one who's in-charge in this school kasi ayaw ipaalam ni nana sa mafia na may interes pa siya sa St. Simon University dahil sa amin ni Sky. Am I right, Miss Ruth?"
Galit siyang napapalo sa table niya at saka tumayo ng tuwid. Sinuklian niya ng seryosong tingin ang ngisi ko sa kanya. Akala niya matatakot ako sa pagpalo niya sa table pero napaiwas lang siya ng tingin sa akin at tumikhim. I just crossed my arms over my chest habang hinihintay ang kasinungalingan o anumang sasambitin niya.
Muli siyang tumikhim at tumingin sa akin, "When did you know all this?"
"Eh 'di tama nga ako." napangisi na lang ako. Hinuhuli ko lang naman siya. Hindi ko naman talaga alam na siya ang ginawang in-charge ni nana sa school na 'to. Nanlaki ang mata niya dahil sa narinig. "I'm just confirming my doubts. Mabilis ka namang nahulog."
"Kalia, why are you doing this?" hindi makapaniwalang sambit niya.
"I need the truth, Miss Ruth. Are students here belong to the mafia?" maotoridad na usal ko.
Umiwas siya ng tingin at napabuntong hininga, "Not all but some. Those students who are in top list are not aware about the mafia. Their parents are the only who was part of the mafia. And some of the students are part of the mafia themselves."
Huminga ako ng malalim upang ikalma ang sarili ko. "So lahat ng reasons na alam ko like why this school is existing wasn't true at all? And my mom's killers are really here hiding all this time."
Mariin siyang tumingin sa akin, "Lady Cynthia wanted to keep everything secret from you. Alam niya kung gaano ka nakakatakot kapag nalaman mo ang lahat. She knows that no one can stop you when you turn into monster."
Hindi na ako nagsalita pa at galit na lumabas ng office niya. Sinubukan niya pa akong habulin pero mabilis akong naglakad papalayo sa kanya.
Siya nagbigay buhay sa akin...
Siya ang dahilan kung bakit maaari akong maging isang halimaw dahil sa ginawa niyang pagsisikreto sa akin.
I need to finish everything now! I need them to pay what they owe me.