Volleyball
Seryosong seryoso ako sa paggawa ng assignment namin para sa last subject nang bigla akong tinawag nila eveth na nagkikwentuhan sa likod.
"Jham!" ani eveth.
"Oh?" sagot ko naman habang seryoso pa rin sa pagsusulat.
"Hoy!" kulbit naman ni lovely sa akin.
"Oh?" simpleng sagot ko nang hindi pa rin sila nililingon.
"Jham!" sigaw naman ni lean na ikinainis ko kaya napalingon na ko sa kanila.
"ano ba yun?" inis na tanong ko sa kanila.
"wala tawag lang" sagot naman ni eveth kaya sinimangutan ko sila.
Mga bruha kitang busy ako eh.
"mga walangya!" inis na sigaw ko sa kanila habang ang mga bruha tumawa lang.
I just rolled my eyes at them then went back to my business.
"eh bakit ka ba kasi seryoso dyan?" narinig kong tanong ni rowie, pero hindi ko na sila pinansin.
Maya maya naramdaman ko na nagdidilim yung kapaligiran ko, parang may humaharang sa liwanag na nakukuha ko. Kaya naman tumingala ako para makita kung ano yun at ang bumungad sa akin ay ang mukha ng mga bruha kong kaibigan. Pinalibutan na pala ako hindi ko man lang naramdaman. Nakatingin sila sa ginagawa ko.
"Aha!" sigaw ni eli. "ngayon mo lang ginagawa ang assignment natin sa Econ." dugtong pa niya.
" eh nakalimutan ko eh" sagot ko naman, ang mga bruha nagtawanan nanaman tuwang tuwa talaga sila sa akin.
" sige na nga! mamaya ka na namin kukulitin, tapusin mo muna yan at baka magklase ka sa labas kapag wala kang naisubmit kay sir mamaya." sabi ni rowie habang tumatawa tawa pa.
Umiling iling lang ako tapos ay bumalik sa pagsusulat para matapos ko na yung assigment, sila naman ay bumalik na sa pwesto nila kanina at nagpatuloy sa pagkikwentuhan dahil break time pa rin. Nilingon ko kung nasan sila at nakita kong kausap na rin nila sila chinits at nagtatawanan pa sila.
Hay! bakit ba naman kasi nakalimutan kong gawin to hindi ko tuloy maenjoy yung break time ko.
Babalik na sana ako sa pagsusulat pero napatigil ako dahil sa lalakeng nakatayo sa harap ng upuan ko,nakatingin siya sa ginagawa ko.
"Problema mo? hambog?" inis na tanong ko sa kanya.
hindi siya nagsalita, tiningnan niya lang yung ginagawa ko tapos tumingin siya sakin at umirap.
bading ata talaga to irap ng irap dukutin ko mata nito eh.
Pagkatapos ay naglakad na siya papunta kila lean. After kasi nung "Bonding" daw sa bahay nila lean mas naging close sila jeff sa barkada ko. Okay lang naman sakin kasi syempre kasama si chinits, kaso myghad! kung pwede lang na hindi na kasama yan si jeff eh pero wala, gustong gusto din ng mga friends ko si jeff kasi nakakatuwa daw. kung para sa kanila nakakatuwa, para sa akin naman nakakasuka.
Yes! kung gaano naging kaclose namin sila chinits at papa bear eh mas tumindi din naman ang pagkainis ko sa hambog na kulot na yun. Simula noon walang araw na hindi kami nagbabangayan at nag iirapan, pang asar kasi.
Pagkaupo niya sa tabi ni eugene ay tumingin pa siya sa akin na parang nang aasar, inirapan ko na lang siya at tsaka nagpatuloy na lang sa ginagawa ko. Pasalamat kang hambog ka busy ako kundi sira araw mo!
Nang matapos ko ang ginagawa ko sakto naman na dumating ang teacher namin sa P.E at sinabihan kami na pumunta na sa gymnasium. Pagadating namin doon agad naman kaming pinapila para sa warm up bago mag start sa volleyball class.
"Alternate daw ang pila ah!" sigaw ni mark, ang president ng section namin. " kaya girls wag kayo magdikit dikit dyan, magbigay ng space sa boys" dugtong pa niya
"boy, girl, boy,girl,boy!oyy move na, kilos kilos na yung iba dyan." sigaw niya habang palakad lakad sa unahan.
Agad naman kaming naghanap ng kanya kanya naming pwesto sa pila. Nasa gitna ako ni lean at lovely na katabi si ivy sa kabilang side niya tapos nasa likod namin si eli, rowie at eveth
Nakikipagkwentuhan ako kay lean nang makita ko si chinits na papalapit sa amin. OMG! agad kong naramdaman yung pag init ng pisnge ko kasi alam ko na ang mangyayari. OMG!!! Lord, why so good to me talaga!! Nang makarating siya sa tapat namin agad siya tumayo sa pagitan namin ni Lean, ngumiti siya sakin pagkatapos ay tumingin na sa harap.
Napangiti ako kasi shet!!! nginitian niya ako tapos katabi ko pa siya OMG!!! Agad akong lumingon kay lovely para sana ilabas yung kilig ko kaso napawi yung ngiti ko sa mukha nang makita kung sino yung nasa kabilang side ko, sa pagitan namin ni lovely.
"anong ginagawa mo dito?" masungit na tanong ko
"dito pila ko bakit?" masungit din na sagot niya sakin
"bakit dito? sinusundan mo ba ko? lipat ka nga!! kairita" singhal ko sa kanya na ikinataas naman ng kilay niya.
"Hoy! ang feeling mo naman, sadyang dito lang ako pinapwesto ni mark noh!" sagot niya sa akin.
"eh bakit di ka nagprotesta? lipat ka nga naiirita ako sa mukha mo" sagot ko ulit sa kaniya.
"Hoy! kung naiirita ka sa kagwapuhan ko dahil panget ka, hindi ko na problema yun! manigas ka dyan" mayabang na sabi niya sa akin.
"Ha! ang kapal di naman talaga eh noh? gwapo saan?" pang inis na tanong ko, naramdaman ko na rin na nakatingin yung mga kaibigan namin sa amin. "tsaka ako panget? hoy! mag salamin ka nga! Ang ganda ganda ko kaya." mayabang na dugtong ko sa sinabi na may paghawi pa ng buhok.
"WOW!! grabe! Lintek na confidence yan! san mo naman narinig yang kasinungalingan na yan?" kunot noong tanong niya sakin.
Grabe talaga tong lalakeng to patola ang walangya!
lumapit ako sa kanya para bumulong
"ang sabihin mo inggit ka lang sakin, kasi bakla ka, insecure!" saad ko pagkatapos ay nginitian ko siya, tsaka lumayo ulit sa kanya. Mahirap na aba! baka magkapalit kami ng mukha lugi ako sa mukha ng hambog na to.
Habang dinadama ko pa ang Victory, nakita ko naman ang pag igting ng panga niya. Tanda na napipikon na siya.
"Anong sabi mo?" inis sa sabi niya habang dahan dahang lumalapit sa akin, napa atras naman ako dahil yung mukha niya parang may gagawing masama.
" B-bakla i-ikaw!"nauutal na sagot ko tapos umatras pa ko kasi ang lapit niya na.
Ngumiti naman siya ng nakakaloko tapos dahan dahang hinaplos yung mukha ko.
"bakit nauutal ka?" nakangising tanong niya.
agad ko naman tinabig yung kamay niya, pero lalo pa niyang nilapit yung mukha niya sa may tenga ko ramdam na ramdam ko yung katawan ko na nanigas dahil sa ginawa niya.
"baka pag may pinatunayan ako sayo, mabaliw ka sakin." mahinang bulong niya at tsaka hinipan yung tenga ko, kaya agad ko naman siyang tinulak. Masama ko siyang tiningnan habang siya nakanigisi lang.
akmang susugurin ko siya para masaktan ng biglang nagsalita si lean.
"Nag aaway nanaman kayo! naku pag kayo talaga nagkatuluyan tamo!" pang aasar niya sa amin kaya agad kaming napatingin sa kanya, pati na rin sa mga kaklase naming malapit sa amin at nasaksihan ang pag babangayan naming dalawa.
"NEVER!" sabay naming sigaw sakanya.
"Kilabutan nga kayo!!" sabay ulit naming sabi kaya naman lalo pang sumama ang tingin sa kanya at ganun din siya.
"tingnan mo!! sabay pa! naku destined ata talaga kayo" saad naman ni eveth na tumatawa tawa pa.
uunatin ko ang kulot na buhok nito eh!
"Oh easy!" sabi naman ni eugene kaya napatingin ako sa kanya.Mga ngiti niya agad ang sumalubong sa akin eyy ano ba!
"nang aasar ka nanaman dude ikaw talaga." sabi ni eugene dun sa hambog na si jeff kaya napatingin ulit ako sakanya na seryoso nang nakatingin sa amin.
at ang hambog, aba!! umiling lang at tinalikuran na kami kaya naman tumingin ako ulit kay chinits.
Nakangiti pa rin siya, agad namang nawala yung inis ko dahil doon. Ngumiti ako pabalik sa kanya. Makikipag usap pa sana ako nang bumaling na siya bigla kay lean.
Nang bumaling ulit ako sa side niya kumulo nanaman yung dugo ko. Pag nakikita ko talaga ang pagmumukha ng hambog na to nasisira agad araw ko, buti na lang may pang balanse kaya naman sa side na lang ako nila chinits tumingin. Kainis naman para tuloy akong may katabing Angel at Devil.
"Arms sideward" sigaw ni mark.
Agad naman naming ginawa yung sinabi niya, tumama pa nga ng konti yung daliri ko sa daliri nung hambog kaya nagkatinginan kami ng masama.
Agad na nagkaroon ng space para hindi magkatamaan, tapos ay nagsimula na kaming mag warm up. Malapit na kaming matapos nang biglang sumigaw ulit si mark.
"Okay face your partner" aniya.
anong face your partner? eh wala naman kaming pinili kani......ahhh Omo!!! shocks!! choose your own partner ito! agad akong napangiti at hinarap si chinits, pero pagharap ko likod niya na lang yung bumungad sakin at nakaharap na siya kay lean, nagtatawanan pa sila. Agad na nawala yung ngiti ko at napayuko na lang ako.
"OY!!! kayong dalawa dyan! sabi ko face your partner bakit magkatalikuran kayo?" sigaw ni mark.
nakayuko lang ako kaya hindi ko alam kung sino nanaman ang sinisinghalan ng presidente namin.
"OY!!!" sigaw ulit niya.
"jham" mahinang tawag sakin ni lean.
"Jhamila Gonzales!" sigaw ni mark kaya agad akong napatingin sa kanya. Nakalapit na pala siya sa akin.
"you're spacing out!" saad niya at nagsnap pa siya malapit sa mukha ko.
"Ah?!" anas ko.
"Ah?!!" paggaya niya sakin. "okay ka lang ba? sabi ko face your partner" dugtong pa niya tapos naglakad papunta sa harap namin ni jeff.
"kayong dalawa na lang ang hindi sumusunod oh!" saad pa niya ulit kaya napatingin naman ako sa mga kaklase namin na nakatingin na din samin.
"Face your partner" sigaw niya samin.
"Ha?!" sagot naming dalawa.
"tita!!!! pigilan mo ko!" nanggigil na sabi ni mark na nakatingin kila lean habang hawak ang batok niya.
"pigilan nyo ko! paliliparin ko yan!" gigil na nakaturo sakin na sabi ni mark habang sila lean naman ay tumatawang lumapit kay mark, naramdaman ko din na nasa likod ko na sila eveth.
"Jham, jeff harapin nyo na ang kapalaran nyo!" sabi ni eveth.
"wala kayong magagawa magkapartner kayo" sabad naman ni rowie.
Mga sinungaling! alam kong may magagawa para hindi kami magkapartner pero dahil trip nila kami kahit makipag usap kami para makipagpalit, alam naming walang papayag.
I just rolled my eyes then turn around to face him. He also did the same.
bumalik naman si mark sa unahan at nagsimula nang mag instruct.
"okay!! hands on your partner's shoulder" saad ni mark.
"What?!! mag sasayaw ba tayo?" reklamo ko kaya napatingin sila sa akin.
"hindi! pero kung gusto nyong dalawa jham pwede naman! sasayaw kayo?" sagot ni mark sakin.
"wag ka na nga mag reklamo pag ako nadamay dyan sa kaka reklamo mo lagot ka sakin." inis na sabi sakin ni jeff.
"eh kita mong power tripping na yan eh" sagot ko naman sakanya.
"kaya nga! power tripping na nga! at ikaw ang pagdidiskitahan niyan lalo kapag hindi mo tinikom yang bibig mo!" saad niya tsaka kinuha yung mga kamay ko at nilagay sa balikat niya.
Agad naman nanlaki yung mata ko at ramdam kong nanigas ulit yung katawan ko. Nakatingin lang kami ng diretso sa mata ng isa't isa. Shocks!! ano ba to? feeling ko kaming dalawa lang yung nandito sa gym
bigla lang ako bumalik sa katinuan ng sumigaw si mark.
"OKAY! joke lang! bitawan nyo na mga kapartner nyo at pumunta na kayo sa grupo nyo mag volleyball na tayo.
Mga baklang to! tuwang tuwa naman kayo! haharot nyo! tapos na warm up! sige na! " sagot ni mark habang tumatawa pa.
Narinig ko naman na sari saring mura ang natanggap niya galing sa mga kaklase ko.
"Hoy! bitaw na daw! nag eenjoy?" sabi ni lean nang tumapat siya sa harap namin. Napatingin lang ako sa kanya at iniisip kung anong sinasabi niya pero nang marealize ko kung ano iyon, para akong napasong napabitaw kay jeff at ganun din siya na parang ngayon lang din napansin na nakahawak pa kami sa balikat ng isa't isa.
"lika na nga!" sabi ko kay lean sabay hila ko sa kanya papunta sa side ng mga girls.
"oy may naramdaman ka ba?" tanong sakin ni lean habang nag lalakad kami papunta sa court ng girls.
"galit!" simple sagot ko
"asus! kaya pala ayaw mo pang bumitaw." pang asar naman niya.
Agad naman akong tumingin sa kanya.
"Galit sayo mars." sagot ko ulit.
"Bakit? kasi naistorbo ko kayo?" natatawang tanong naman niya sakin.
"hindi!" sagot ko at tumigil pa ko sa paglalakad para makaharap siya. Dahil sa ginawa ko napatigil din siya at seryosong nakatingin sakin.
"what is it?" seryosong tanong niya.
"eh kasi naman!! bakit kayo yung magkapartner ni eugene? sa kanya nga ako humarap eh pero pagharap ko naman nakaharap na siya sayo! mars naman eh!" paghe hysterical na sabi ko sakanya.
At ang bruha tumawa lang.
"hindi ko alam, i was expecting na haharap siya sayo kasi ikaw naman nakakausap nun, pero nagulat na lang ako nang sakin siya humarap, eh syempre naman alangan naman talikuran ko ang rude ko naman, and isa pa, nakita ko si jomar nakaharap na siya kay rina kaya humarap na lang din ako sa kanya." dire diretsong paliwanag niya at tsaka nagatuloy sa paglalakad.
Nagpout na lang ako at nagpatuloy sa paglalakad habang nagmamaktol pa rin.
Nang makarating kami sa pwesto namin agad kaming hinila nila elli, practice daw kami. Nagpahila naman ako at pumunta na sa gitna ng court. I love this class kasi mahal ko ang volleyball, hindi ako varsity sa school, kinukuha nga ako, kaso hindi ako masyadong confident na mapagsasabay ko yung studies at sports kaya tinanggihan ko, pero naglalaro naman ako tuwing intrams.
"mine" sigaw ko nang makita kong nagserve na si lean mula sa kabilang side at papunta sa akin yung bola.
Agad ko namang naibalik sa kabila yung bola at nasagot din nila agad. pagbalik sa amin ng bola nagbigay ng assist si elli sakin at nakakita ako ng magandang pagkakataon para magspike. Pagpunta ng bola sa ere ay agad akong tumalon at malakas na hinampas ang bola. Ngunit pagkahampas ko ay nakarinig agad ako ng sigaw.
"Jeff!!!" sigaw nila lovely.
"Brad!!!!" si Eugene.
Shet! nakita kong papunta sa kanya yung bolang hinampas ko, bago pa siya makailag nakita ko na kung paano malakas na tumama sa ulo niya yung bola at paano siya tumumba at nawalan ng malay.
End of Chapter 3