"Excuse me?!," I exclaimed, hindi makapaniwala sa narinig ko. 
"My stalker," pag-uulit n'ya kaya sinamaan ko s'ya ng tingin.
"Hoy, excuse me, Mr. Transferee pero I'm not your stalker," mataray na sambit ko bago naglakad palayo sa kan'ya. Naramdaman ko namang nakasunod s'ya kaya lihim akong napairap.
Nang makaakyat na kami sa floor namin ay nakita kong naglalakad na ang sunod naming teacher at malapit na s'ya sa room namin. 
Nagmamadali akong tumakbo at 'yung lalaking 'yon? Ayon, nakitakbo rin kaya napairap nalang ulit ako.
Pero tila walang kwenta ang pagtakbo namin dahil nasa loob na ng room si Ma'am nang makarating kami. Hinapo ako sa pagtakbo kaya napahampas ako sa pintuan ng room nang makalapit ako dito.
Nakuha ko tuloy ang atensyon ng teacher namin at mga kaklase ko kaya naglingunan sila sa akin. I mean sa amin, dahil nakatingin sila sa akin at sa kasama kong tumakbo na ngayon ay parang hinahapo na rin.
"Ms. Funtanilla? Mr. Vegaz? Saan kayo nanggaling?," nag-aalalang tanong ng teacher namin.
"Baka po nag-date. Ayieee," sagot ng isa naming kaklase kaya sinamaan ko sila ng tingin.
Dahil sa sinabing 'yon ng mga kaklase ko ay nang-asar na silang lahat at tumawa si Maverick.
Nilingon ko s'ya saka inirapan at saka nagpatuloy paupo sa upuan ko.
"Hindi mo naman sinabi na magde-date na pala agad kayo ni Maverick," rinig kong bulong ng katabi kong si Harper. 
"Shut up," I mouthed. 
Buong klase tuloy ay napilitan akong mag-focus at makinig. Though, nakakaantok ang klase namin. Syempre sino bang hindi aantukin eh math ang subject, hindi naman ako magaling sa subject na 'yon!
"Class dismissed!," doon lang nabuhayan ang loob ko nang marinig na tapos na ang klase namin.
Agad akong tumayo para mag-unat. Grabe, nakakapagod umupo sa loob ng isang oras at ipamukhang nagegets mo ang itinuturo pero hindi.
"Tara na sa canteen," sabi ko kay Harper at kay Sky na ngayon ay lumapit na rin sa amin. Nagugutom na rin kasi ako eh.
"Tara!," energetic na namang sabi ni Sky. Napailing na lamang ako, saan kaya n'ya kinukuha ang energy nya?
"Maverick, right? Tara, sama ka sa amin," friendly na pag-aaya ni Harper kaya pinanlakihan n'ya ako ng mata. Tiningnan naman n'ya ako innocently.
Agad din napaling ang tingin ko sa tranferee na hinihintay nilang sumagot, sa isip ko ay hinihiling na tumanggi s'ya.
"Sure!," nakangiting sabi n'ya kaya napatili si Sky at napangiti si Harper.
Napairap ako sa kan'ya pero nginitian n'ya ako. Naglakad na ako palabas at hindi sila inintay.
Nang makarating sa canteen ay ako ang naghanap ng mauupuan namin, habang silang tatlo ay nasa likod ko at naguusap-usap.
Nang makahanap ng mauupuan ay iniwan ko na lang ang bag ko doon para malaman ng iba na may nakaupo doon. Alam kong maya-maya ay susunod na rin sina Harper at Sky sa akin.
Hindi rin naman ako nagkamali dahil sumunod nga sila at iniwan din ang bag nila sa table namin. At kung minamalas ako sa araw na 'to, nakasunod sa amin yung transferee na 'yon.
Hindi ko na rin alam, normal naman na mainit ang dugo ko sa mga lalaki pero 'pag sa kan'ya parang gusto ko manuntok bigla.
Sabagay, sino ba naman ang hindi? Muntik na akong mabangga kahapon dahil sa kan'ya. Well, technically ay hindi n'ya kasalan pero kasalanan n'ya parin para sa akin!
"Hoy, focus, sis. Kanina pa hinihingi ang order mo," bulong ni Sky sa akin kaya nagising ang diwa ko dahil kanina pa ngang hinihingi ang order ko. 
Bumili na lamang ako ng isang egg sandwich tsaka dere-deretsong nagtungo sa table namin. Na-order pa sina Sky at Harper kaya hindi muna ako nagsimulang kumain. Kinuha ko muna ang cellphone ko pero naalala kong wala nga pala akong facebook dahil binura ko ito.
Maya-maya rin naman ay dumating na yung dalawa. I mean, tatlo. 
Kapag talaga nakikita ko si Maverick ay parang gusto kong umirap nang umirap. 
Hindi ko nalang s'ya pinansin dahil nag-focus nalang ako sa pagkain ko. Naririnig ko naman ang kwentuhan nilang tatlo. Paminsan-minsan ay natawa ako dahil nagpapatawa si Sky.
"Hello po, kayo po ba si Ate Sky at Ate Harper?," tanong ng isang estudyante na sa tingin ko ay mas bata sa amin.
"Yes, kami nga. Bakit?," nakangiting sabi ni Harper.
"Pinapatawag po kasi kayo sa Glee Club, may meeting daw po"
Agad na itinago ni Sky ang sandwich sa bag n'ya saka hinila si Harper paalis.
"Enjoy the dateee!," sigaw pa ni Sky nang makalayo. Bwisit talaga ang babaeng 'yon!
Dahan-dahan kong nilingon ang kasama ko only to find out that he's staring at me. Pinagtaasan ko tuloy s'ya ng kilay. Nakita ko naman ang pagngiti n'ya kaya natigilan ako.
"Alam mo, I'm curious about you," sabi n'ya bago kumagat sa sandwich n'ya. 
"Hindi ko alam kung bakit parang galit na galit ka sa akin eh in the first place, ikaw yung nag-stalk sa profile ko," agad akong nabulunan sa sinabi n'ya. Inabutan n'ya ako ng tubig pero sinamaan ko lang s'ya ng tingin.
"Excuse me! Hindi ako stalker ng profile mo!," I exclaimed.
"Eh bakit mo ni-like yung picture ko? Sa pagkakaalala ko, 2009 pa ang picture na 'yon ah?," inosenteng tanong n'ya kaya ako napa-irap.
"Kahit pa ni-like ko hindi, I'm not stalking you," pinadalhan naman n'ya ako ng nagdududa at the same time ay nang-aasar na mukha.
"I'm just... checking on you," I said. Nakakahiya! Halos pabulong ko na sabihin ang pahuling tatlong salita na sinabi ko.
"Hmm, checking on me? Bakit?," pagpapatuloy n'ya. Nakakainis! Naaasar ako sa presensya n'ya.
"Whatever! Bahala ka d'yan, ayaw kitang kausapin!," I said as I stood up and left the canteen. Narinig ko pa ang tawa ng loko na 'yon! Kainis.
Nagderetso nalang ako sa room saka nagbasa ng libro. Maya-maya rin naman ay pumasok na ang ilan sa mga kaklase namin dahil malapit na matapos ang recess.
"I'm just curious..," may narinig akong bumulong kaya nabitawan ko ang libro ko sa gulat. Agad kong hinarap ang katabi kong si Maverick na inosenteng nakatingin sa akin.
"What?," mataray na sambit ko.
"I'm just curious if you want to be friends with me," he said, once again, innocently.
"No," direkta kong sinabi dahil ayaw ko naman talaga. Pinulot ko na lang ang libro ko saka nagpatuloy ng pagbabasa.
"Why?," narinig kong sabi n'ya. Hindi ko s'ya nilingon at pinanatili ang pagbabasa sa libro.
"Kasi ayoko. Kaya manahimik ka nalang at 'wag mo na akong kausapin," I said harshly. Hindi rin naman ako na-guilty dahil gan'on naman sadya ako makipag-usap sa mga lalaki. Maswerte pa nga s'ya at kahit papaano ay sinasagot ko ang mga tanong n'ya eh.
Dumating na rin ang sumunod naming teacher. Hindi na rin ako kinausap ni Maverick the whole time. Hindi pa rin bumabalik sina Sky at Harper mula sa meeting nila kaya mag-isa ako at wala ring kausap.
Nang mag-lunch na ay saka lang bumalik ang dalawa.
"Napakatagal naman ng meeting n'yo!," sabi ko nang makabalik sila sa room. Aba, mapapanis na ata ang laway ko dahil wala akong kausap eh!
"Syempre kanina pa tapos pero tinatamad kami um-attend ng klase kaya ngayon lang kami bumalik," sabi ni Sky, proud pa sa ginagawa n'ya kaya sumimangot ako. Kailangan ko rin atang gawin 'yon kapag nag-meeting ang club namin.
"Tara na mag-lunch, gutom na kami ni Sky and I'm sure gutom ka na rin Reign," sabi ni Harper kaya tumango kaming dalawa.
"Andrei, tara?," nakangiting tawag ni Sky. Wow, Andrei ang tawag n'ya ah, close na agad sila?
Nginitian din s'ya ni Maverick sabay tingin sa akin kaya pinagtaasan ko s'ya ng kilay.
"Pass nalang muna," nakangiting sagot ni Maverick. Mabuti naman. Nakita ko naman na napasimangot si Sky at Harper pero maya-maya rin ay nagpaalam.
Buong lunch ay nagkwentuhan lang kami tungkol sa mga bagay-bagay. Paminsan-minsan nga ay inaasar nila ako kay Maverick pero sinasamaan ko lang sila ng tingin.
Nang makabalik sa room ay as usual, nagbasa lang ako ng libro habang si Sky ay nasa teacher's table at nagtatambol gamit ang lamesa. Ang iba ay tulog, ang iba ay nagbabatuhan ng papel, may ibang gumagawa ng assignment, at may iba na kumakain pa rin.
Napalingon ako sa tabi ko at napansin si Maverick, wala s'yang kausap at tahimik lang din na nagmamasid sa mga kaklase namin. Napatingin din naman s'ya, naramdaman sigurong may nakatingin sa kan'ya, kaya naman inirapan ko s'ya.
Sa natitirang maghapon ay nakinig lamang ako sa discussion ng teachers kahit nakaka-distract ang ingay na nagmumula kay Sky at sa katabi n'ya. Paano kasi ay nagdadaldalan habang nagtuturo ang teacher.
Nang uwian ay nagpaalam ako sa dalawa kong kaibigan na maaga akong uuwi dahil gusto kong magpahinga.
Katulad ng nakagawian kong gawain, naglakad ako papunta sa paradahan ng jeep. Nang nasa may stoplight na ay tiningnan kong mabuti ang mga nadaang sasakyan. Nasa green pa ang stoplight ng mga sasakyan kaya hindi pa ako makatawid.
Habang nagmamasid ay napansin ko ang isang sasakyan at nakita sa loob ng sasakyan na 'to ang isang pamilyar na mukha. Nakita kong nakatingin din s'ya sa akin pero agad ding umandar ang sasakyan n'ya.
Pinagsa-walang bahala ko na lamang ito at nagpatuloy sa paglalakad papunta sa paradahan, hindi pa rin mawala sa isip ko ang nakita ko kanina. "Anak mayaman pala s'ya," bulong ko.
Sabagay, sino ba naman ang mag-aaral sa Southville High kung hindi ka mayaman. Sa akin kasi, umaasa ako sa scholarship para kahit papaano ay mabawasan ang babayaran para sa tuition ko. 
Nang makarating sa bahay ay wala pa si Mama kaya dumeretso nalang ako sa kwarto ko para matulog saglit.
Nagising ako ay bandang alas-7 na kaya naligo muna ako saglit bago bumaba sa kusina. Nasa hagdanan pa lamang ay naaamoy ko na ang luto ni Mama.
"Hi, Ma!," nakangiting bati ko. Maya-maya rin ay kumain na kaming dalawa habang nagtatawanan at nagku-kwentuhan.
Nang matapos ay umakyat na ako sa aking kwarto para gawin ang mga natitirang assignments na ipapasa rin bukas. 9:00 pa lamang ay tapos na ako dahil hindi rin naman ganoon kadami ang kailangan kong gawin. 
Napaaga tuloy ang paghiga ko sa kama ko pero dahil nga maaga pa ay kinuha ko muna ang cellphone ko. Muli akong nag-install ng Facebook. 
Maverick Vegaz sent you a friend request.
Agad akong napairap. Seriously? Kababalik lang ng Facebook app ko ay friend request n'ya kagad ang bubungad sa akin?
Agad ko muling binura ang friend request n'ya. Maay-maya ay may lumabas na notification sa screen ko.
Maverick: Hi, pa-accept po, Idol.
Hindi ko na lamang ito pinansin hanggang sa may sumunod na namang notification.
Maverick: Sige na po, pls!!!!
Maverick: Pa-accept po!!!
Hindi ko nire-replyan ang mga chats n'ya pero paulit-ulit s'yang nagmemessage at paulit-ulit din na lumalabas ang notifications sa akin kaya napabuntong-hininga ako bago pinindot ang accept button sa friend request n'ya. 
Labag man sa kalooban ko ay mukhang wala naman akong magagawa d'on dahil kung hindi ko ia-accept ay tatadtarin n'ya ng messages ang account ko.
Muling nag-notif ang chat n'ya kaya napairap ako. "Thanks sa pag-accept, Idol," mahinang basa ko sa chat n'ya kaya sumimangot ako.
"Idol your face," inis na sambit ko.
Para antukin ay nanood ako sa Facebook ng mga mukbang videos. Natuwa ako sa isang video kaya agad ko ring pinindot ang share button. To my surprise, makalipas lang ang ilang minuto ay may natanggap akong notification.
"Wow. That's nice," pagbasa ko muli sa comment ng asungot naming transferee.
Sobrang inis ko na kaya hindi ko na napigilan na imessage s'ya.
Me: Hoy asungot! Ano bang problema mo at gabing-gabi na ay nangbi-bwisit ka pa?
Ilang segundo palang ang nakakalipas ay may natanggap na akong reply.
Maverick: Huh?
Muli na naman akong umirap. Nakakainis naman, makakailang irap ba ako sa isang araw dahil sa lalaking 'to?
Me: Don't react and comment on my posts. Don't chat me. 'Wag kang gumawa ng kahit ano kung ayaw mong i-unfriend kita.
Nakita ko namang na-seen n'ya na at hindi s'ya nag-reply. Mukhang na-gets naman na n'ya ang nais kong sabihin kanina kaya hindi na nag-reply.
Well, buti naman para kahit papaano ay mabawasan ang inis at pagka-badtripk ko sa kan'ya.
10:40 nang matapos ako sa panonood at nakaramdam na ako ng antok kaya bibitawan ko na sana ang cellphone ko nang makatanggap na naman ng notification galing sa asungot na 'yon.
Maverick: Pero pwede ba akong makipagkaibigan?
"Ughh, seriously?!," inis na sambit ko.
Me: Sure, basta 'wag sa akin.
Ang with that, in-unfriend ko s'ya saka nagpatuloy sa pagtulog.