➡️ **TIARA'S POINT OF VIEW** 🌷🌷
"MABUTI PA SIYA!!" nagulat ako sa pagkalampag ni Hazel sa lamesa. "Bakit kasi walang pumapatol sa akin na kasing guwapo ni Dominick?!"
"Kaniya-kaniyang kuwentong pag-ibig kasi 'yan." Komento ko habang pinapanuod ang kasweetan nila Dom at Shine.
"Sana may mag-abot din sa akin ng bulaklak, nakakainggit!"
"Darating din ang para sa iyo."
"Hay, naku, eh ikaw naman kasi may Joed."
"Sinabing magkaibigan lang kami."
"Pero may amnesia ka baka nakakalimutan mo? Ay, oo nga may amnesia ka nga pala kaya--hays basta."
"Feeling ko nga kahit wala akong maalala kapag si Joed kasama ko nagiging safe ako."
"Eh kasi nga bago mangyaring mabagok ka sa banyo niyo eh hindi lang pagkakaibigan ang namumuo sa inyong dalawa, parang ganito." Pinaglapit ang dalawang hintuturo.
"Base sa sinabi ni Joed ay magkaibigan lang kami at may iba itong nagugustuhan." Hindi sinasadyang nakita ko si Joed palabas ng canteen. "Di ba sabi mo may bibilhin ka pa sa kabilang canteen?"
"Oo bakit?"
"Bumili ka na may pupuntahan lang ako." Patakbo kong sunod kay Joed. May sinasabi pa si Hazel pero hindi ko na maunawaan dahil naka focus ako kung saan nga ba tutungo ang kaibigan kong ito.
"Sa greenhouse?" Bulong ko ng makitang pumasok siya roon at dumiretso sa imbakan ng fertilizer. Papasok din sana ako sa kuwarto ngunit kaagad kong narinig ang pagtangis nito habang sinasambit ang pagmamahal kay Shine.
Hindi siya okay. Nasasaktan siya sa kaligayahan ng dalawa. Nakakaawa ang kaibigan ko. Kung alam ko lang kung paano siya patahanin ay ginawa ko na ngunit wala akong ideya. Baka makasama lang ang paglapit ko kung makikialam ako.
Bumalik ako sa puwesto namin kanina ni Hazel wala pa rin ito. Sinundan ko siya sa canteen at doon naratnan kong nakikipagkuwentuhan ito sa ibang estudyante. Paglapit kaagad silang bumulong kay Hazel.
"Tiara, dali."
"Bakit?"
"Gusto mo raw ba sumali sa club nila?"
"Club?"
"Oo, club, isang samahan. Flowers club ang pangalan ng samahan nila. 'Di ba nga mahilig ka sa mga bulaklak?"
"Ako?"
"Ay," napatapik ito sa noo, "Sorry ako yata may amnesia, nakalimutan kong may amnesia itong kaibigan ko."
"Pero sabi ng iba temporary lang so ibig sabihin may possible na bumalik kaagad, di ba guys?" Usisa ng parang leader.
"Tama." Sang-ayon ng mga kasama.
"Sa susunod na lang kapag okay na okay na siya ha?" Inilayo ni Hazel ang mga ito sa puwesto ko bago bumalik sa akin.
"Si Joed nakita ko,"
"Saan?"
"Sa greenhouse."
"Tara puntahan natin..." pinigilan ko.
"Hayaan na muna natin siya mukhang nasasaktan sa pag-iibigan ng dalawa."
"Kina Dom at Shine?" I nodded, "Hay, nakalulungkot...pero teka bumalik na si Kelsey di ba?"
"Oo kaya lang totoo ba na mag-ex sila?"
"Oo, matagal din naging mag-jowa 'yong dalawa."
"Bakit sila naghiwalay?"
"Dahil kay Dom, nagselos ba naman 'yang kaibigan mo kay Dom eh hindi niya alam magkapatid pala sina Dom at Kelsey."
"Pagkatapos?"
"Hay, ayoko nang magkuwento puwede ba kapag bumalik na ala-ala mo para hindi na ako magpaliwanag?"
"Grabe ito."
"Si Joed lang nagtitiyagang ipaalala sa iyo lahat."
"Kasi magbest friend kami."
"Tama siya."
"Sana bumalik na kaagad ala-ala ko."
"Pero alam mo Tiara sulitin mo muna hanggat wala kang maalala kasi kapag dumating ang araw na 'yon baka magsisi ka lang sa huli."
"Bakit??"
"Ayoko sana kasi magsalita pero baka magalit ka kung hindi ko ito banggitin."
"Ano ba 'yon?"
"Bago ang insidente kausap pa kita sa phone, at umiiyak ka nga. Sinabi mo sa akin na 'yong kinakasama ng dad mo ay may ibang lalaki."
"Talaga??" She nodded, "Bakit ngayon mo lang ito sinabi??"
"Maraming beses ko nang tinangka pero natatakot ako sa mga posibleng mangyari."
"Sinabi ko ba kung sino ang ibang lalake ni tita?"
Umiling, "Hindi pero parang grabe ka lang umiyak that time, medyo kakaiba."
"Paanong kakaiba?"
"Hmm, paano ba ito ipapaliwanag, hmm parang may halong galit, ganoon."
"Syempre talagang magagalit ako dahil niloloko niya ang daddy ko."
"May sasabihin ka pa nga sana pero nawala ka sa linya."
"Hay, sa tingin mo ano kaya iyon?"
"Ewan ko, tiyak 'yang tita mo ang nakakaalam ng buong pangyayari. Kaya nga mas mainam wala kang maalala baka kasi kung ano gawin sa iyo ng babaeng 'yon. At least alam nilang may amnesia ka hindi ka nila magagalaw."
"Kung ako nga ay nadulas sa banyo namin sino nakakita sa akin? Bakit si Joed ang nakita ko pagkagising?"
"Siguro baka nakita ka ng dad mo, ewan, kasi nga tikom ang bibig ng dad mo sa mga nangyari. Mainam pa siguro itanong mo kay Joed."
"Eh paano ko nga matatanong kung brokenhearted."
"Mainam nga dinadamayan mo siya."
Buntong-hininga, "Tama ka nga. Sige babalikan ko siya sa greenhouse."
"Iparamdam mo sa kaniyang may isang tulad mo na masasandalan."
"Salamat, Hazel." Pareho kami tumango bago ako bumalik kay Joed ngunit wala na ito sa greenhouse.
Pumasok ako sa room namin ng section tulips. Nandoon siya habang abala sa pagbabasa ng libro. Kinuha ko ito itinago sa ilalim ng armchair nito.
"Pasensya ka na pero kanina kasi nakita kitang umiiyak sa greenhouse." Yuko ko.
"Nakita mo tuloy kung paano ako umiyak."
"Hindi 'yon kabawasan sa pagkalalaki, Joed."
"Alam ko, kaya nga iniiyak ko na lang kaysa mamuo itong sakit sa dibdib ko. Hindi ba nga at sinabi mo sa akin na kaya ka madalas umiyak dahil ayaw mong makulong ang sakit sa dibdib mo?"
Hindi ko 'yon maalala pero naniniwala akong sinabi ko talaga sa kaniya.
"Hindi man kayo ang endgame ni Shine malay mo si Kelsey 'di ba?"
"Naaalala mo na si Kelsey?"
"Nabanggit lang sa akin ni Hazel pero hindi lahat ay kinuwento niya. Mukhang nagsasawa nang ipaalala sa akin ang lahat dahil sa kalagayan ko."
"Sabi ko naman kasi sa iyo kung may nais kang malaman puwede mo akong lapitan. Ano pa silbi ng pagkakaibigan natin kung sa iba ka naman lalapit?"
"Pasensya ka na."
"Oh, kumusta kayo ni Jim?"
"Dumadalaw-dalaw sa bahay."
"Ayos naman ba trato niya sa iyo?"
"Ang sweet nga eh."
"Grabe, hindi ako makapaniwala kung kailan ka nagka amnesia ay babalik siya para maging sweet. Samantala dati magsusumbong ka sa akin dahil niloko ka niya."
"Paano ba panloloko ang ginawa niya?" Hindi na ito kumibo, "Kung wala kang alam ayos lang."
"Basta sinasabi ko sa iyong hindi mo siya mapagkakatiwalaan."
"Tatandaan ko 'yang sinabi mo."
"Ayos na ba kayo ng daddy mo?"
"Nag-uusap pero madalas wala sa bahay."
"Ang tita mo?"
"Isa pa nga 'yan sa inaalala ko kasi si Hazel may sinabi tungkol kay tita. Bago raw ako maaksidente tinawagan ko siya habang umiiyak. At sinabi ko nga raw na nagtataksil si tita kay daddy."
"Sinabi niya rin sa akin 'yan eh. Mabait ang tita mo sa tuwing sinusundo kita at kapag may practice ay siya ang abalang magbigay sa akin ng meryenda kaya nakakapagtaka lang sa kuwento ni Hazel."
"You mean, nagsisinungaling si Hazel?"
"Hindi ko alam kasi may posibidad din nagsasabi siya ng totoo."
Bahagya kong tinuktok ang ulo ko, "Nakakainis bakit ba nawalan ka pa ng ala-ala."
"Huwag mo saktan ang sarili." Yakap nito sa ulo ko. "Walang may gusto sa pangyayari, isang aksidente lang ang lahat."
"Sana makabalik kaagad." Luha ko.
"Alam mo may isang bagay lang akong na pansin kahit may amnesia ka."
"Ano?" Iwas ko rito.
"Iyakin ka pa rin," pinunasan ang luha ko, "Paano pala kung mawala ako sa iyo eh di kawawa ka dahil walang magpapahid ng luha mo."
"Joed naman."
"Pero hindi ako mawawala sa iyo." Muling yakap nito pero this time katawan ko naman ang niyakap.
"Joed." Tawag ni Kelsey. Nakita niyang magkayakap kami kaya hindi maipinta ang mukha, "Puwede ba tayo mag-usap?"
"Kung tungkol ito sa nakaraan natin hayaaan mo at naka move on na ako."
"Tungkol ito kina Kuya Dom, at Ate Shine."
"Oh, bakit?" Hindi man lang ito lumilingon.
"Alam kong nasasaktan ka."
"Eh ano kung oo?"
"Puwede pa naman natin---" 
Sumenyas si Joed na tumigil sa pagsasalita, "Okay na ako Kelsey, sapat na sa akin malaman na magkapatid kayo. Alam mo ba sa paglayo mo saka ko lang na realize hindi lang ikaw ang babae na kaya kong mahalin."
"At si Shine 'yon di ba?"
"Oo."
"Pero kay kuya na siya."
"Alam ko rin, kaya nga ako lalayo."
"Aalis ka?"
"Didistansiya lang pero hindi mawawala," kinuha ang palad ko saka hinawakan ng kaniyang palad, "Masaya ako sa piling ni Tiara."
"Ano?" Bulong ko.
"Akala ko ba magkaibigan lang kayo?"
"Oo."
"Hmm...okay nauunawaan ko." Walang lingon-lingon naupo si Kelsey at hindi na muling nagsalita.
"Kung may pag-asa pa para sa inyo dapat gumawa ka nang paraan di ba?"
"Ayoko na magkaroon ng ugnayan sa kanila," nakita ko ang luha nito pabagsak ngunit inagapan ko ng ito gamit ang panyo. "Tulungan mo ako Tiara, tulungan mo ako."
Sunod-sunod tumango ang ulo ko dahil sa nakikitang kalagayan ng aking kaibigan. Hindi ko pa man nararamdaman itong nararamdaman niya pero tagusan naman kung ako'y saktan.
➡️ ART ROOM. Dalawang oras matapos ang klase ng mga estudyante.
"May balak ka pa ba umuwi?" 
"Pasensya na nawala sa isip kong kasabay kitang umuwi."
"Kung plano mo magpakasubsob diyan walang problema. Ayoko maging kontrabida sa mga gusto mong gawin."
"Hindi na mauulit," niligpit ang mga gamit. "Okay na ba gamit mo?"
"Oo."
"Tara." Nauna itong lumabas.
"Joed, ano ba magagawa ko para mawala 'yang lungkot sa puso mo? Wala kasi akong ideya na gagawin dahil maski ako kailangan ko ng gabay...gabay mula sa iyo. Noong nasa hospital ako ang sabi mo sa akin wala akong boyfriend pero bakit sinabi ni dad mayroon at si Jim."
"Wala ka dapat gawin, Tiara." Sabay kami nagtitigan, "Huwag ka sana magagalit dahil magsasabi ako ng totoo. Si Jim, ex-boyfriend mo na lang 'yan dahil sabi mo ay niloko ka niya. Base kay Caloy totoong nag cheat si Jim pero wala siyang makuhang impormasyon kung sa anong dahilan. Pakiusap, kung sakali man babalik na talaga si Jim, maaari ba huwag ka nang pumayag?"
"Parang ang hirap mangako."
"Basta huwag mo kalilimutan mga sinabi ko. Ayokong masaktan ka na naman."
"Salamat."
"Mahangin ngayon," kinuha ang jacket sa bag nito at isinuot sa akin, "Baka magkasakit ka."
"Salamat." Nakatulala ito sa mukha ko, "Bakit?"
"Naalala ko noong araw na isinugod ka sa hospital." Pareho na kami sumakay ng bike, "Ang tita mo naratnan ko sa room at hindi ko inaasahan na nandoon si Jim. Gusto ko sana magtanong sa kaniya pero baka sagutin lang ako ng kung ano."
"Nandoon si Jim?"
"Oo, nandoon siya."
"Wala akong maaalalang magkasama kami."
Dinig kong ngumisi, "Huwag mo masyado alalahanin baka nagkataon lang nandoon siya dahil may sakit ang kapatid niya at pagkatapos dumaan sa room mo."
"Si dad, nasaan si dad no'n?"
"Nasa trabaho, siya ang tumawag sa akin na puntahan kita sa hospital. Nagulat nga ako dahil hindi ko akalaing ipagkakatiwala ka niya sa akin. Nakakapanibago ang araw na 'yon."
"Tingin mo may dahilan?"
"Baka nagkataon lang."
"Masaya ka ba nang tawagan ka niya?"
"Sobrang saya...pero malungkot dahil sa kalagayan mo. Kahit ako ay gusto kong bumalik na ala-ala mo ang hirap kasi mag-adjust pero kung para sa iyo kakayanin ko. Gagawin ko ang lahat, ipapaalala ko sa iyo ang lahat."
"Alam mo napapaisip ako sa mga sinasabi mo parang pang-protagonist."
"Hindi, hindi ako protagonist...baka isa lang akong antagonist sa kuwento."
"Kontrabida sa kuwento nila Dominick at Sunshine." napatakip ako ng bibig dahil sa pagkabigla. "Sorry hindi ko intensyon saktan ka."
"Iyon naman talaga ang totoo."
"Pero sa kuwento natin maaari ka maging confidant! Best friend o pinagkakatiwalaan ng bida."
"So sinasabi mo ikaw at si Jim ang protagonist dito?"
"Or... puwede naman tayong dalawa na lang ang protagonist, puwede naman 'yon di ba?" Umiling ito habang seryosong nagbibisikleta. Wala na akong narinig na salita mula rito basta kumapit na lamang ako nang mahigpit sa beywang nito.
"PUMASOK ka na kaagad sa bahay niyo." sambit nito nang makababa ako sa bike.
"Oo, salamat sa paghatid. Ah, Joed..." tumingin ito na tila hinihintay pa ang sasabihin ko, "Hindi natin puwede diktahan ang bawat oras ng tao pero may magagawa pa tayo kung gugustuhin natin baguhin ito."
"Oo na, nagka amnesia ka lang naging makata ka na."
Tumawa ako bago ito hampasin sa balikat, "Mag-ingat ka pauwi." He nodded at tuluyang lumayo.
PAGPASOK ko sa bahay naratnan ko si tita nasa sala at umiinom ng wine. Tumayo ito at pinasadahan maigi ang suot ko.
"Mag-shower ka at magbihis may darating kang bisita."
"S-sino po?"
"Si Jim," kinuha ang wine glass sa center table bago muli lumapit sa puwesto ko, "Sasabay daw siya sa atin magdinner. Tamang-tama may dinner date kami ng dad mo sa amin na lang kayo sumabay."
"Gagawin ko muna po ang assignment namin."
"Mamaya na lang 'yan huwag mo paghintayin si Jim baka magalit pa ang daddy mo."
"S-sige po."
"Bilisan mo na." Irap nito bago tuluyang mawala sa paningin ko.
Iba ang pakiramdam ko kay tita lalo at sa sinabi ni Hazel tungkol sa gabing maaksidente ako.