"Rise and shine baby! It's already morning." Nahihirapang imulat ni Heaven ang kaniyang mata.
Antok pa siya at nais niyang matulog maghapon. Tinakpan niya ang kaniyang mukha ng masilayan ang liwanag galing sa balkonahe ng kaniyang kwarto.
"Can I sleep the whole day, Chris?" Inaantok na wika niya. Instead na bumangon humilata ulit siya.
Lalong siniksik niya ang kaniyang mukha sa unan ng mas niluwagan ni Chris ang pagbukas ng kurtina.
Lumapit si Chris sa kama ni Heaven at pinilit na pinabangon. "No baby, kailangan mo ng bumangon may appointment ka pa na pupuntahan."
Pinaupo niya si Heaven at inayos ang magulo nitong buhok. "Maligo ka na magluluto lang ako ng breakfast," ani ni Chris. Akmang lalabas na siya ng kwarto ng magsalita si Heaven.
"Chris hindi mo na kailangan gawin 'to. Kaya ko naman alagaan ang sarili ko." Mahinahon na wika ni Heaven kahit papano nawawala na ang pagkaantok niya.
Napahinto si Chris sa paghakbang at lumingon sa gawi ni Heaven. "It's ok baby, pinangako ko sa parents mo na aalagaan kita kaya no more buts. Maligo ka na then bumaba para sabay tayong mag-breakfast."
Walang nagawa si Heaven kung hindi sumunod na lang. Naligo siya pagkatapos bumaba papunta sa dining area. Sapat lang ang laki ng bahay para sa kanila. Pagkababa niya nakaupo na si Chris at hinihintay siya.
"Wala ka bang appointment ngayon?" Bungad na tanong ni Heaven kay Chris pagkaupo.
"Mayron pero hindi naman gano'n hectic kaya maluwag ang schedule ko ngayon. After ng appointment mo hintayin mo ako at susunduin kita." Nilagyan ni Chris ang plato ni Heaven ng pagkain. Pinanood lang niya ang ginagawa ni Chris, nilagyan niya ng sausage at bacon ang plato niya.
"Chris kaya ko na, kumain ka na lang." Hinawakan niya ang kamay nito para pigilan.
Tinignan lang siya ni Chris at pinagpatuloy ang paglalagay ng pagkain sa plato niya.
"Ilang beses ko bang uulitin sa'yo na ok lang. Ayokong biguin ang parents mo, sige kumain ka na. Ihahatid din kita bago ako pumunta sa lakad ko."
"Hindi na kailangan susunduin naman ako ni Mia."
Huminto sa pagsubo si Chris at tinignan siya nito. "Tumawag sa akin si Mia may pinuntahan daw siya kaya ako na lang ang maghahatid sa'yo."
Hindi na nakapagsalita si Heaven at kumain na lang. Kahit anong pakiusap naman ang gawin niya hindi ito pakikinggan.
**********
"Ok nice one." Papuri ng isang professional photographer kay Heaven.
Isa siyang famous model sa US, ito ang naging trabaho niya magmula ng nagpunta siya sa ibang bansa. Limang taon na siyang namamalagi sa US at sa pananatili niya do'n nagbuga lahat ng paghihirap niya. Natupad ang pangarap nito bilang isang modelo, malayo man siya pamilya kailangan niyang magsakripisyo, mabuti at naunawaan siya ng mga ito. Masakit man para sa kaniya na bitawan at iwan ang taong malapit sa puso niya ginawa pa rin niya dahil kagustuhan din mismo ng taong 'yon.
Kumusta na kaya siya? Nakalimutan na kaya niya ako? Tanong niya sa kaniyang isipan. Kahit may photoshoot siyang ginagawa wala naman do'n ang focus niya.
"Heaven, are you with me?" Ani ng photographer kay Heaven pero tila wala siyang narinig.
Bumalik siya sa reyalidad ng lumapit sa kaniya ang kaniyang manager. Tinapik siya nito sa kaniyang balikat.
"Kanina ka pa wala sa sarili, may iniisip ka ba?" Napatingin siya ng marinig niya ang tinig ng kaniyang manager, pero walang lumabas na salita sa kaniyang bibig.
Sinenyasan ng kaniyang manager ang photographer na mag-break muna dahil wala talaga sa sarili si Heaven. Dinala niya ang alaga sa isang upuan para makapagusap sila.
"Ok ka lang?" Hinawakan niya ang kamay ni Heaven na nilalaro ang daliri.
"H-hindi ba ako ok sa tingin mo?" Instead na sagutin niya ang tanong ng kaniyang manager tinanong niya rin ito pabalik.
"I know you Heaven, you are lying to me. Do you think of him?" Agad na napayuko si Heaven sa tanong ng kaniyang manager.
Kahit hindi sumagot si Heaven alam niya ang kasagutan. Magmula ng magkasama nilang pasukin ang trabaho kilala na niya ito kaya hindi siya makapagsisinungaling sa kaniya.
Napabuntong hininga ang kaniyang manager at sumandal sa kinauupuan habang hinihintay ang sagot ni Heaven. Katahimikan ang namayani sa dalawa panay ang tingin niya sa alaga. Maya-maya ay umangat ang mukha ni Heaven at pinatitigan ang kaniyang manager.
"Do you think he forgot me?"
"What do you think?"
Umiling si Heaven sa balik na tanong nito sa kaniya.
"I don't know Mia. Do you think it's time to go back?"
"Only you can answer that Heaven. The question is, are you ready to see him again?"
Hindi agad sumagot si Heaven. Tumayo siya sa pagkakaupo at panay lakad nito sa harapan ni Mia. Hindi mapakali at parang natatakot dahil sa kinikilos niya.
"Hey! Tumigil ka nga ako ang nahihilo sa'yo sa ginagawa mo." Hinila niya si Heaven pabalik sa kinauupuan kanina at pinaupo.
"Uminahon ka nga muna, ano ba gumugulo sa isip mo?" Hinahagod niya ang likuran ni Heaven para kumalma.
"Natatakot ako Mia, paano kung nakalimutan na niya ako? Paano kung may asawa na siya? Paano kung-" Napahinto si Heaven sa pagsasalita dahil pinatigil siya ni Mia.
"Saka mo na isipin ang mga what if na 'yan kapag nagkita na kayong muli. Ang dapat mong gawin ngayon ay tapusin na ang photoshoot mo."
Hindi na nakapagsalita si Heaven dahil hinila na siya ni Mia. Sinenyasan niya ang make-up artist at hairstyle para ire-touch. Tinawag na rin niya ang photographer para ipagpatuloy.
"Sorry for that, Jake, you can continue." Ani ni Mia sa photographer.
Nagmadali rin puwesto ang photographer at inayos ang kaniyang professional camera.
"Ready Heaven?"
Ngumiti siya kay Heaven na parang nagpapa-cute.
"Yes, Jake sorry about earlier."
Iniwas na lang ni Heaven ang tingin dahil nakaramdam siya ng pagkaasiwa sa titig sa kaniya ni Jake.
"It's okay. Heaven give me a beautiful pose."
Sinunod naman ni Heaven ang utos sa kaniya ng photographer niya. Dahil bihasa na siya sa ganitong trabaho hindi na siya nahirapan.
"Yes! That's right Heaven, perfect!"
Puri ulit sa kaniya at nakailang shot pa ng iba't ibang pose hanggang matapos ang photoshoot niya ng araw na 'yon.
Nasa dressing room na siya para magpalit ng damit ng nilapatan siya nito ni Mia.
"Heaven, tumawag sa akin ang company at nakausap ko mismo ang big boss. May bagong project daw sila para sa'yo," wika ni Mia na parang hindi mapakali.
"Oh! Really? Nice! Pero ba't parang hindi ka masaya?"
Napahinto si Heaven sa pagpapalit ng damit dahil hindi kumibo si Mia. Matamang nakatingin lang siya sa kaniya.
"May problema ba, Mia?"
Umupo si Mia sa upuan na katabi lang ni Heaven. Tinitigan niya muna ito bago nagsalita.
"Masaya ako Heaven, pero kasi ang project hindi rito gagawin."
Nakakunot noo na tinignan din siya nito. Hindi siya agad nagsalita at binabasa ang nais ipahiwatig ng mata ni Mia.
"Anong ibig mong sabihin na hindi rito?"
Kinuha ni Mia ang kamay ni Heaven at pinisil-pisil.
"Hindi rito ang next project mo kung hindi sa Pilipinas. Nag-aalala ako baka-"
Napatigil sa pagsasalita si Mia dahil sinenyasan siya ni Heaven gamit ang pagtaas ng kamay.
"Alam ko na ang gusto mong sabihin Mia. Mas ok nga 'yon matagal na rin tayong hindi nauwi sa Pilipinas."
Tumingin si Heaven sa salamin para alisin ang make-up niya.
"Alam ko rin 'yon pero kasi baka magkita kayong dalawa nag-aalala lang ako sa'yo."
Napahinto si Heaven sa ginagawa at napalingon ulit kay Mia.
"Imposible 'yon sa lawak ng Pinas baka hindi rin kami magkita. At saka hindi naman ako natatakot makita siya maayos ang pagpapaalam namin dalawa no'n."
Binalik niya ulit ang tingin sa salamin para ipagpatuloy ang ginagawa niya kanina.
"Ok sige nando'n na tayo, pero paano mo 'to sasabihin kay Chris papayagan ka ba niya?"
Tinignan ni Heaven si Mia sa repleksiyon nito sa salamin. Nag-uusap sila habang tinitignan ang bawat isa.
"Huwag mong problemahin si Chris maintindihan niya 'yon. Ako na ang bahala magpaliwanag sa kaniya."
Hindi na umimik si Mia at hinintay na lang si Heaven na matapos sa kaniyang ginagawa.
"Ano pa lang project 'yon Mia?" Bungad na tanong niya pagsakay nila sa elevator.
"Model ng isang perfume. Iyon ang nakasulat sa kontrata." Mabilisan na sagot niya kay Heaven.
Napaisip si Heaven sa sinabi ni Mia, magtatanong pa sana siya ng bumukas ang elevator hudyat na nasa ground floor na sila.
Paglabas nila ng building namataan nilang naghihintay si Chris. Nang makita sila sinalubong niya agad ang dalawa.
"Hi baby! Hi Mia!" Pagbati niya sa dalawa sabay halik sa pisngi ni Heaven.
**********
"Sir, nandito po ang private investigator niyo papasukin ko po ba?" Wika ng secretary niya na nasa bungad ng pinto.
"Yes!" Dumagundong ang boses niya sa loob ng kaniyang opisina.
"Mr. Davis may ni-report sa akin ang tauhan ko gusto mo bang malaman?" ani ng kaniyang private investigator na hindi niya tinapunan ng tingin.
Pagkarinig niya sa binalita nito agad siyang napaangat ng mukha at tinignan ng masama ang lalaking nasa harapan niya.
"I pay you to do your job. Now if you can't do well what I'm asking you to do, I'll just fired you! You're just wasting my money!"
Mababakas sa mukha niya ang galit, dahil sa lakas ng boses niya napaigtad sa takot ang lalaki at agad na napayuko.
"What is it?!" Galit na tanong pa rin niya sa kaniyang private investigator.
Nag-angat ng mukha ang lalaki at natatakot na tumingin sa mukha ni Mr. Davis.
"Sir, binalita sa akin na may lalaking malapit kay Miss Ricafuerte at tinatawag pa niya itong baby."
Napatigil sa pagtitipa sa kaniyang laptop at tinapunan ng tingin ang lalaki.
"Is it true?" Mahinang tinig na tanong niya sa lalaki pero hindi pa rin nawawala ang pagkaawtoridad sa boses niya.
"Yes sir, heto po 'yong kuha na sinend sa akin."
Nilapag ng lalaki ang cellphone niya sa mesa ni Mr. Davis na agad naman niyang tinignan.
"You can go now." Kanina malakas ang tinig niya ngayon halos pabulong ang pagkasabi.
Nang mag-isa na lang siya sumandal siya sa kaniyang swivel chair at tumingala sa kisame ng kaniyang opisina.
"Kinalimutan mo na ba ang pangako mo sa akin na wala kang ibang mamahalin kung hindi ako lang? Bakit?" Kausap niya ang kaniyang sarili, naikuyom niya ang kaniyang kamao at nagtatagis ang kaniyang panga.
**********
Pagdating nina Heaven at Mia sa airport agad silang dumiretso sa company na pagtratrabahuan niya. Pinaliwanag na rin niya kay Chris at naintindihan naman niya. Hindi siya sumama pabalik sa Pilipinas dahil may tinatapos pa siyang trabaho sa US. Susunod na lang daw siya kapag ok na ang schedule niya.
Pagtapak nila sa floor ng opisina ng CEO agad silang pinapasok ng secretary nito.
"Pakihintay na lang po rito si sir nasa meeting lang po siya pero mabilis lang po 'yon." Parehong mabilis na tumango sina Heaven at Mia.
Naghintay lang sila sa loob ng opisina nito nang tumunog ang cellphone ni Mia. Agad naman niya itong sinagot pero hindi na nakinig si Heaven kung sinuman ang kausap nito.
"Heaven, maiwan muna kita rito may aayusin lang ako babalik din ako agad."
"Ok mag-ingat ka."
Nang mag-isa na lang si Heaven halos nabasa na niya lahat ng magazine na naroon. Kaya naisipan niyang tumayo at ginala ang kabuoan ng opisina. Napadpad ang mga paa niya sa mga trophy at larawan na naka-display. Napako ang tingin niya sa mga ito at namanhid ang buo niyang katawan sa nasaksihan.
"Are you the model sent by the model agency from the US?" Lumaki bigla ang mata ni Heaven at nanlamig ang katawan. Matagal na niyang hindi narinig ang boses na 'yon pero kilalang-kilala pa rin niya ang nagmamay-ari nito. Kahit namanhid ang buong katawan niya pinilit niyang humarap sa lalaki.
"H-Heaven.."
"Y-yes it's me. I'm back...William.."