Kairi's P.O.V
"AYOKONG may namboboso sa'yo baka makapatay ako."
Gulat ko siyang tinulak. "Anong pinagsasabi mo?" nagtatakang tanong ko.
"Pinagpipiyestahan ka ng mga kumag buti pinatigil ko kung hindi nasilipan ka na." Tumingin siya sa mga taong nakapaligid sa amin. Napansin ko nga nakangisi ang mga kalalakihan. Kahit saan talaga nagkalat ang mga manyakis.
Tumingin ako kay Drei. "Sorry, kasalanan ko hindi ako nag-iingat." Ngumuso ako sa kaniya.
"Huwag mo nang isipin 'yon nandito naman ako para protektahan ka." Ginulo niya ang aking buhok. Napaisip tuloy ako naging masamang tao sa kaniya. Pinag-iisipan ko siya ng masama, ang taong tinatawag ko na hudas siya pala ang magiging night and shining armor ko. Kung hindi dahil sa kaniya baka tuluyan na akong binusuan ng mga manyakis. Nagkamali ata ako ng pagkakilala sa pagkatao niya, sabi nga nila don't judge the book by it's cover. Napapatitig ako sa kaniya baka nga mali ang inakala ko. Kung ako hinuhusgahan ng karamihan dahil sa estado ko sa buhay ba't ko gagawin na husgahan din ang isang tao na wala naman ginagawang masama sa akin.
"Ok, Love birds gawin na natin para matapos na," malanding wika ni beki. Love birds daw? Baka kay Drei niya gusto iparating dinadamay pa ako.
Ginawa na lang namin ang last scene hindi na ako nag-alala pa, dahil alam ko proprotektahan ako ni Drei.
Ang ginawa na lang naming part ay ang eksena kung saan nagpagulong-gulong kami, pero bago namin gawin 'yon may binulong siya ulit sa akin.
"Huwag kang matakot nandito lang ako para sa'yo." Saka niya ako hinalikan sa noo. Sa mga pinapakita niya sa akin kahit ayokong bigyan ng kahulugan pero ang isip ko iba ang pinapahiwatig. Mahirap kasi mag-assume dahil masasaktan ka lang sa bangang huli kapag mali ka ng hinala.
Si Drei ang gumabay sa akin habang nagpagulong-gulong kami. Nakasunod sa amin ang props, ilaw at ang video cam. Mga limang beses lang kami nagpagulong-gulong huminto at nagkatitigan. Pinagmasdan ko buong mukha ni Drei, bakit gano'n lahat ng nakikita kong lalaki na makakapal ang kilay g'wapo? Kahit nakaramdam ako ng konting hilo dahil sa pagkagulong namin hindi hadlang sa akin para makita ng malapitan ang maamo nitong mukha. Kahit saksakan ng kulit, bilib sa sarili at sobrang papansin hindi maikakaila na may mala anghel itong mukha. Kaya mali ako sa part na tinatawag ko siyang hudas, dapat sa mga manyakis kanina itawag ang pangalan na 'yon.
"Hoy! Tama na 'yan pack up na!" Tinapik kaming dalawa. Pero nakahiga pa rin kami sa may damuhan. Malayang pinagmamasdan namin ang isa't isa.
Ramdam ko na naman ang nagririgodon kong puso sabayan pa ng pagka-magnet ng aking titig sa kaniyang mata. Parang ang sarap lang pisilin at halikan ang pisngi nito.
"Huwag kang matakot na mag-isa dahil doon mo malalaman kung sino ang maglalakas loob na mag effort para lang makasama ka," wika ni Drei. Hinihimas-himas ang aking buhok at nakatingin sa aking mata. Narinig ko ang sinabi niya kaso hindi umayon ang isip at katawan ko na tumugon dahil naka-focus lang ako sa mukha niya.
"Babangon ba kayong dalawa diyan o dadanganan namin kayo!" malakas na pagbanta ng aming kasamahan. Bigla kaming natauhan dahil sa malakas na boses nila.
Kumukurap-kurap akong napatingin kay Drei at sa mga kasamahan namin. Tinapik ko siya hudyat na babangon na, hindi ako makaalis dahil nakadagan siya sa akin. Agad naman siyang bumangon at inalalayang makatayo.
Pagkatayo ko tinignan ni Drei ang buong katawan ko para niyang iniexamine. Parang nagsisitalunan ang puso ko dahil sa mga gestures na pinapakita niya.
"Okay ka lang ba wala masakit nung nagpagulong-gulong tayo? nag-aalalang tanong niya. Kahit sino siguro mabalis ma-fall sa lalaking tulad niya. Pero prinsipyo ko nga sa buhay huwag madalian ang lahat at huwag basta maniwala.
"Wala po dahil sa'yo." Kinurot ko ang kaniyang pisngi kaya nagkatinginan ang iba pa naming kasamahan.
"Sabihin niyo lang kung nakakaistorbo kami sa inyong dalawa." Nakapameywang na sabi ng tatlo. Masisisi ba namin ang ibang tao kung pag-isipan kami ng iba dahil kung umasta si Drei ay parang kami kahit hindi naman. Iyong tipo na parang kami pero hindi.
"Kayo naman wala kaming sinabi na gano'n tampo agad, heto nga oh titignan ko na 'yong last scene patingin ah!" Hinablot ko agad 'yong video cam na may kasamang gigil, pinagiisipan ba naman ng masama tsk.
"Beks, galing mo ah! Ginamitan mo ng high angle shot at panning shot. What do you think guys?" Nagthumbs up lang sila, parang mga lantang gulay pagod na rin siguro.
"Hanggang dito na lang muna tayo, sa final filming nakaproper costume na kayo, dapat winter outfit ang susuotin dahil winter sonata nga theme natin."
"Areglado sissy!" Nagsalute pa ako sa kaniya. Tinignan kami pareho ni Drei na nakakalokong tingin.
"Huwag niyo ng pigilan para lang 'yan na utot, kahit pigilan mo lalabas at lalabas pa rin." Umakbay siya sa akin na nakanguso.
Umalis na silang tatlo at naiwan kami ni Drei, ako lang ba ang naguluhan do'n sa huling sinabi ni beki?
"Anong pinagsasabi no'n?" Nakacross arm na sabi ko na pinapanood sila palayo.
"Alam mo kung ano problema sa'yo ang slow mo, ako nga pagod na kakatakbo kakaisip sa'yo." Bigla niya akong niyakap pero hindi yakap kasi nasasakal na ako.
"Drei nasasakal ako baka pwede mo luwagan kung hindi makakatikim ka sa akin!"
"Sorry, nadala lang ako." Hinawakan niya mga kamay ko. Bumitaw ako sa pagkahawak niya sa kamay ko at binatukan ko siya, hihirit pa sana pero pinandilatan ko na.
"Heto na jacket mo hindi ko naman ito pagmamay-ari." Tipong huhubarin ko na ng pigilan niya ako.
"Hindi mo nga 'yan pagmamay-ari pero ikaw pagmamay-ari ko na." Kumindat siya sa akin sabay ng flying kiss.
"Umayos ka kung ayaw mo sipain ko ulit 'yan pagmamay-ARI mo." Tinignan ko ang kaniyang pangibaba at saka ko tinalikuran.
"What the heck," rinig kong sabi niya. Napakamot na lang sa ulo.
Pagdating ko sa acting room nandoon na rin iba naming kaklase, hindi ko na binigyan ng pansin si Drei malaki na siya alam na niya papunta sa room, ba't ko ba iniisip? Tsk.
Ilang minuto ang lumipas dumating siya na nakabusangot ang mukha. Ngayon ko lang napansin na marumi damit niya, dahil sa paggulong-gulong namin kanina.
Pagupo niya binigay ko sa kaniya ang jacket niya na lalong nagpabusangot sa mukha niya.
"I told you, kung ano pagmamay-ari ko pagmamay-ari mo na rin kasi pagmamay-ari na kita," wika niya na nakakunot ang noo.
"Pagmamay-ari your ass! Marumi damit mo kaya isuot mo 'yan!" Inirapan ko siya sabay pagbato ng jacket niya sa kaniya.
"Someone is concern about me." Nakangising wika niya at binulong pa sa aking tenga.
"Asa ka! Sa damit mo ako concern at hindi sa'yo!" Tinaasan ko siya ng kilay sabay flip ng aking hair.
Sasagot pa sana siya nang dumating na si prof at agad nagannounce ng surprise quiz, mabuti na lang palagi akong nagaadvance study.
Bago kami magsimulang sumagot may binulong na naman sa akin si Drei, napapansin ko kanina pa siya bulong ng bulong, bubuyog ba siya?
"Ang mahalin ka parang pangongopya ng quiz at exam bawal pero ginagawa ko," wika niya. Humiwalay siya sa akin at inakto ang labi na parang hahalik.
"Puwes, bahala ka sa buhay mo!" mataray na tugon ko at hindi na pinansin.
Nagpatuloy kami sa pagsasagot ng pagsusulit minsan napapatingin ako sa kaniya akala ko mahihirapan siya, bilib din ako sa isang 'to puro kalokohan ang alam gawin pero matalas din pala ang utak. Siya pa nga ang unang natapos sa aming lahat.
Pagkaalis ni prof binigyan ko siya ng isang nagtatakang itsura. Panay din ang pagkurap niya sa akin na parang hinihintay ang aking nais sabihin.
"Kung mahal mo ako sabihin mo na baka kapag inunahan kita kiligin ka pa."
"Utot mo," wika ko. Tinampal ko siya sa kaniyang balikat.
"Eh ba't kasi ganyan ka makatingin hindi masama ang pag-amin ng feelings Kairi."
"Hindi rin masama na gumising sa katotohanan Drei!" Pinandilaan ko siya.
"Oo, Kairi gising na gising ako sa katotohanan, buti na lang nilayo ang X sa keyboard para magkatabi ang U and I."
"Heto rin sasabihin ko sa'yo capital W as in wala akong pakialam!" Tinuon ko na ang aking mata sa pag-aayos ng aking gamit.
"Ano ba kasi gusto mo sabihin kanina? Alam ko mayron spill it." Pumunta siya sa harapan ko at tinigil ang pagaayos ko sa aking gamit.
"Are you cheating?" tanong ko sa kaniya. Halatang nabigla dahilan para napaatras.
"What?! No I'm not cheating on you!" malakas na pagkasabi niya na may kasamang pag-iling.
"Syunga," wika ko at humalakhak sa tawa.
"What's funny?" Nakasimangot dahil pinagtatawanan ko siya.
"Ang ibig ko sabihin kanina sa quiz kung nag-cheat ka." Humagikhik na tawa ko.
"Sorry, I thought between you and me." Napakamot siya sa ulo dahil sa pagkahiya.
"Feelingero mo naman." Sinuntok ko siya sa dibdib ng mahina lang, pero hinula niya ang aking kamay.
"Kinikilig ka naman," bulong niya. Natahimik ako bigla.
"Hindi ako nag-cheat dahil ang totoong nagmamahal ay parang matinong estudyanteng  nag-eexam. Hindi tumitingin sa iba, kahit nahihirapan na."