Maaga akong gumising ngayon araw na ito, tapos na kasi ang weekend at simula na naman ng pasukan. Hinanda ko muna ang aking mga gamit at damit na susuotin sa trabaho. Nang makita kung maayos na ang lahat ay kinuha ko ang aking tuwalya saka ako bumaba para makaligo. Pagbaba ko nakita ko agad ang aking kaibigan na si Kystal na kumakain ng umagahan. Tatlo kami nakatira dito sa apartment, para na kami magkapatid. Simula high school pa kami magkakaibigan hanggang sa makapagtapos kami ng pag-aaral at nakipagsapalaran sa Manila upang makahanap ng trabaho.
"Kain ka muna bes, naliligo pa si Yanna," bungad sa akin ni Kystal. Kaya naupo na lang ako at nagsimula na kumuha ng pagkain.
"Kanina pa ba si Yanna d'yan?" tanong ko kay Kystal at sinimulan ng kainin ang pagkain.
"Oo, sigurado ako lalabas na din 'yan." At tumayo na ito dahil tapos na siyang kumain. Hinigusan muna niya ang kanyang pinagkainan saka nagpaalam na umakyat para makatulog. Call center kasi trabaho ni Kystal at night shift siya ngayon kaya umaga na siya natutulog. Maya't maya nakita ko na si Yanna na lumabas sa banyo kaya agad ko hinugasan ang aking kinainan saka ako pumasok sa banyo upang makaligo dahil kaunting oras na lang at late na ako sa trabaho. Nagmadali akong naligo at pagkatapos umakyat na ako sa kwarto upang magbihis at maghanda na.
Naglagay lang ako ng light make-up at kinuha ko aking gamit saka bumaba na. Nadatnan ko si Yanna na naghihintay sa akin at tapos na rin ito nakaayos. Magkatrabaho lang kasi kami ni Yanna, pareho kaming private teacher sa Southville Learning Academy na isa sa tanyag na paaralan dito sa Manila. Lahat ng nag-aaral doon ay galing sa mayayaman na pamilya. Maswerte na rin kami dahil isa kami sa napili na makapagtrabaho doon.
"Kystal, alis na kami," sigaw namin saka lumabas sa apartment at nagtungo sa sakayan ng jeep. Mabuti na lang at hindi gaano kahaba ang pila ng kami ay dumating doon. Pag-alis ng una na jeep ay nakasakay naman agad kami sa sumunod na jeep. Narinig ko pa si Yanna na nagrereklamo dahil masikip na raw at nagtawag pa ng isang pasahero. Nang mapuno na ang jeep ay umalis na ito agad.
"Sa Agustin Street po kuya," sabi ko sabay abot ng pamasahe namin. Ilang minuto din ang biyahe namin bago kami dumating. Bumaba na kami ni Yanna at naglakad ng kaunti bago kami nakarating sa school. Binati kami ng guard at pinakita namin ang Id upang ma-scan para kami makapasok.
Pagpasok namin ay naghiwalay na kami upang pumunta sa kanya-kanya naming room. Grade 1 teacher kasi ako habang siya naman ay Grade 4 teacher. Pagdating ko sa classroom ay nakita ko agad 'yong mga bata. "Good morning children," bati ko agad sa kanila sabay ngiti.
"Good morning, Teacher Leign," masigla na bati sa akin ng mga bata. Pinatayo ko muna sila para sa aming morning prayer bago kami magsimula sa aming klase.
"Now, take your seat. Get your assignment and pass in the front," sabi ko sa kanila at sinunod na man ng mga bata.
"Teacher, teacher. " Sigaw ng isa sa mag-aaral ko habang nakataas ang kamay.
"Yes, Enzo?"
"She don't have an assignment po," nahihiyang sumbong ng bata sabay turo sa kanyang katabi. At yumuko naman agad 'yong sinabihan na walang assignment dahil na rin sa hiya at takot na mapagalitan.
"Merila, why?" mahinahon kung sabi sa bata, sabay lapit dito.
"I forgot po teacher kasi po nag-away si Mommy at Daddy." Maluha-luha na ang mata nito.
"It's okay Merila don't cry," hinawakan ko ito upang sabihin na huwag matakot dahil parang maiiyak na ito.
"Lets talk later," sabi ko sabay balik sa harapan. Marami beses ko na naranasan ang ganitong pangyayari kaya kinakausap ko na lang ang kanilang guardian upang masabihan ng problema nila sa loob ng klase ko.
Hinanda ko na ang mga bata saka ako nagsimula sa klase ko. May pinapakita akong larawan na may mga kulay ng primary colors. Pinaliwanag ko sa kanila ng maigi at lahat naman ay nasa akin lang ang atensyon habang nakikinig sa aking mga sinasabi. Pagkatapos ay nagbigay ako ng activity sa kanila upang malaman ko kung naiintindihan ba nila.
"Finish?" sabi ko sa mga bata sabay tingin sa oras.
"Yes ma'am," mahinahon na sagot ni Daniel. Kaya lumapit ako sa kanya, upaang tingnan 'yong gawa niya.
"Very good. Just keep silent okay. We will wait for your classmate to finish their activity," sabi ko kay Daniel at kinuha na ang gawa niya. Siya ang pinakamatalino na bata sa klase ko at nakikita ko na kaya na niyang makipagsabayan sa Grade 2.
"Yes teacher." At may kinuha siyang drawing book sa kanyang bag at sinimulang kulayan ito. Hindi din pasaway na bata ito sa klase. Tahimik lang din ito, kaya lang hindi ito palakaibigan na bata.
"Martina, are you done?" sabi ko kay Martina, kasi nakita ko na kinukulit na naman niya ang kanyang katabi.
"Not yet teacher, " nahihiyang sabi nito sabay balik sa kanyang upuan. Ito naman ang pinakapasaway na bata, hindi matahimik sa isang lugar at sobrang kulit.
"Okay finish your work. Don't disturb your seatmate."
Ilang minuto ang lumipas ay natapos na rin ang lahat sa kanilang activity. Kaya kinuha ko mo na ang kanilang mga gawa saka ko sila pinalabas para sa kanilang snack. Agad na man sila sinamahan ng kanilang mga yaya sa kainan.
"Teacher Leign, snack muna tayo habang wala pa ang mga bata," tawag sa akin ng isa sa mga guro dito si Ms. Belle na isang Grade 2 teacher. Kaya nagtungo kami sa canteen para sa mga teachers. Magkahiwalay kasi ang kainan ng mga bata at guro dito sa school. Pagdating namin doon, kumuha mo na kami ng pagkain bago kami naghanap ng maupuan. Nakita ko si Yanna kumakain kasama ang ibang guro at may bakante pa sa kanila kaya inaya ko si Ms Belle na magtungo doon.
"Hindi man lang ako hinintay." Nagtatampo na sabi ko kay Yannah at umupo sa tabi n'ya at sa may gilid naman si Ms. Belle naupo.
"Bes nagutom talaga ako, kaya hindi na kita nahintay. Stress ako sa mga pasaway na bata ko," paliwanag na man niya sa akin. Kaya nginitian ko na lang siya. Naiintindihan ko rin siya.
"Bakit may nagpasaway na ba sa mga estudyante mo?" Nagsimula na akong kumain.
"Oo, kainis nga e. Lalo na 'yong apo ni Congressman, grabe ang sobrang kulit buong klase ko. Lagi ko na lang pinagsasabihan," inis na sabi nito sa akin. Kaya natawa na lang kami dahil halata na pagod ito.
"Naku! Makulit talaga 'yan si Diego. Dati pa 'yan noong naging guro din ako n'yan," pagsang-ayon ni Ms.Josie na isang Grade 3 teacher.
"Hindi na lang ako magsasalita sa mga bata ko. Habang nagtuturo ba naman ako naghaharutan," pagbahagi naman ni Ms. Daisy sa kanyang dinanas ngayon araw.
"Inggit ka lang Ma'am, dahil may lovelife mga bata mo," pagbibiro naman ni Mr. Hanz nito kaya hindi mahitsura ang mukha ni Ms. Daisy.
"Wow, nagsalita ang may jowa." Pang-aasar ni Yanna kay Hanz. Kaya natawa na lang kami lahat lalo't hindi maipinta ang mukha ni Hanz.
Magsasalita pa sana si Hanz kaya lang tumunog na ang sign na tapos na ang snack time. Kailangan na namin bumalik sa classroom namin. Kaya nagsitayuan na kami para bumalik doon.
Pagdating ko doon nakita ko ka agad ang mga bata. Kaya nagsimula na ako magturo sa kanila. Nagpalaro ako sa kanila para mas mag-enjoy sila habang natututo at hindi makaramdam ng pagkabagot. Pagkatapos ay may quiz ako binigay sa kanila at lahat ay nakakuha ng mataas na marka. Bago matapos ang klase ko ay binigyan ko mo na sila ng assignment.
Nang umuwi na ang mga bata ay ginawa ko mo na ang aking lesson plan at mga dapat kailangan ko gawin para bukas upang wala na akong gagawin sa apartment at maka pahinga na ako. Hinintay ko na lang na matapos na si Yanna dahil sabay kami umuwi. Ilang oras din nakita ko na si Yanna na papunta rito kaya niligpit ko na ang aking gamit at sinalubong na siya.
"Maputla ka yata ngayon," nag-alala na sabi ko sa kanya.
"Masakit lang ulo ko. Mawawala din ito,"sabi niya sa akin. At lumabas na kami sa school. Nakikita pa namin 'yong ibang bata na kinukuha na ng kanilang sundo sakay ng mamahalin na sasakyan.
Pumunta na kami sa sakayan ng jeep at umabot din ng isang oras ang paghihintay namin bago kami nakasakay dahil laging puno ang jeep dahil uwian na rin kasi. Pagdating namin sa apartment ay hindi na namin nadatnan si Kystal. May nakita nalang kaming note sa pintuan.
Hey girls, nauna na ako. Nagsaing na rin ako kaya ulam nalang problems n'yo ha. Ingat kayo bukas ng umaga pa ako balik. Need ko mag OT kasi malapit ng tuition ni bunso ehh. Need ng ate kumayod.
Love,
Ganda
Natawa nalang kami ni Yanna ng makita namin ito. Mahilig talaga mag-iwan ng note si Kystal kapag umalis para alam namin kung saan siya pumupunta. Pagpasok namin nagpaalam na mo na si Yanna na aakyat sa taas upang makapagpahinga dahil masakit ang kanyang ulo. Kaya nagbihis mo na ako bago ako magluluto ng hapunan namin. Pagkatapos ko magluto ay ginising ko mo na si Yanna upang makakain.
Nang tapos na ito kumain ay pinainom ko mo na ng gamot dahil medyo mainit siya. Ako nalang ang nagligpit ng aming kinainan.
Pagkatapos ay nagpasya na akong umakyat sa kwarto. Tumawag mo na  ako sa amin upang makumusta ang kalagayan ng aking pamilya  bago ako nagpasya na matulog.