Organization Series #1: The Merciless Lincoln
"He deserves better, and She deserve Him..."
DISCLAIMER:
The Merciless Lincoln by Asulanai / mariya / marya, is work of fiction, Names, characters, businesses, places, events, and incidents are either the products of the author's imagination or used in a fictitious manner. Any resemblance to actual persons, living or dead, or actual events is purely coincidental. Do not distribute, publish, transmit, modify, display or create derivative works from or exploit the contents of this story in any way.
Please obtain permission.
©All Rights Reserved. Mariyarsg. 2021.
Ang istoryang ito ay purong romance at action. Iyon lang salamat!
Ating tunghayan ang unang serye ng Organisasyon! TML!
November 25, 2021
PROLOGO :
Si Darkino Collins Gonzaga ay may pagka-spoiled ang ugali. Spoiled brat man ay hindi maipagkakailang may taglay itong sariling kagwapuhan na tinitilian at pinagpapantasyahan ng mga kababaihan, sa labas man o loob ng paaralan. Hilig niya ring mangbuyo ng mga hindi niya nagugustuhang  kapwa niya estudyante. Ngunit sa huling taon niya bilang isang Senior Highschool Student, ay sa wakas ay napagpasyahan niya nang tumigil sa pangbubuyo. Sa kadahilanang, ayaw niyang dumating sa puntong malaman ng kaniyang nobyang si Luna Crane ang mga pinaggagagawa niya sa loob ng paaralan.
Ngunit sa hindi inaasahang pangyayari ay napako ng binata ang kaniyang pangako na hindi na muli siya mangbubuyo ng kaniyang kapwa estudyante.
At, ang kaniyang napiling bulasin ay ang misteryosong babae. Sa sobrang misteryoso ng babae ay hindi na napigilan pa ni Darkino na alamin ang buong pagkatao ng dalaga.
Napaka-pribado ng mga impormasyon tungkol sa misteryosong dalaga na kahit triplehin mo pa ang halaga para malaman ang kahit isang katiting na impormasyon ay wala kang makukuha, kahit pa sa isang magaling na imbestigador.
Para kay Darkino, ay isang malaking tanong ang buong pagkatao ng dalaga. Ngunit hindi alam ng binata na ganoon rin ang nasa isip ng dalaga magmula nang magkamuwang ito sa mundo.
***
"Dark! Puta 'dre hindi ka makakapaniwala sa sasabihin ko!" bungad sa'kin ni Timo.
"Ano ba 'yon?" inis kong tugon at padabog kong kinamot ang leeg ko. Paano ba naman ay labing-dal'wang minuto na n'ya akong pinaghahantay dito sa tapat ng mall.
"'Dre nakita ko sa loob ng mall si Solana!" eh?
"O? Eh, ano naman?" bara ko sa kaibigan ko.
"Hindi mo kasi naiintindihan 'dre!"
"Paano ko maiintindihan? Hindi mo naman sinasabi ng ayos!" napakamot naman siya sa batok niya.
"Nakita ko nga kasi si Solana 'dre!-"
Hindi ko na pinakinggan pa ang sumunod na sinabi ni Timo nang makita kong palapit sa gawi namin si Achiro kasama ang nobya niya.
"Achiro!" tawag ko sa pangalan ng kaibigan ko nang makalapit sila. Nagtapikan kami ng balikat, tinanguan ko naman ang nobya n'yang si Aina.
"Ginagawa niyo dito?" natatawa n'yang wika t'yaka sumulyap sa bugnot na bugnot na si Timothy dahil hindi ko raw pinapakinggan ang tsismis niya tungkol kay Solana.
"Naghahanap ng mabibingwit. Hahaha!" si Timo na ang sumagot t'yaka nang-aasar na tumingin sa'kin, nakitawa naman magnobyo sa biro niya.
"Nakita niyo na si Solana? Putsa 'dre! Magugulat ka na lang!" nakangiting saad ni Achiro at'yaka lumingon sa gawi ko, umiwas naman ako ng tingin.
Ano ba'ng meron kay Solana at puro iyon ang bukang-bibig nila? Tch!
"Ano ba'ng meron-" naputol ang sasabihin ko nang nabaling ang paningin ko sa entrance ng mall at natanaw ko ang taong kanina pa'ng bukang-bibig ng dal'wa kong kaibigan.
Napaawang ang labi ko nang mapasadahan ko ang kabuuan niya. Nakasuot s'ya ng kulay itim na dress na sobrang hapit sa katawan niya at may kulay puting coat ang nakapatong sa may balikat niya.
Napakalayo ng suot niya ngayon sa nakasanay kong makita tuwing nasa loob kami ng paaralan. Hindi pa kasi naipapadala ang uniporme niya at ng mga iba pa niyang kapwa transferee kaya civilian muna ang mga sinusuot nila kapag napasok. At ang style ng civilian na sinusuot ni Solana ay yung mga pangbaduy, tch!
"Oy, Darkino Collins! Baka matunaw ang Boss Solana n'yan!" kantyaw ni Timothy nang mapansin n'yang nakatitig ako kay Solana. Agad ko naman itong sinamaan ng tingin at pabirong siniko ang tiyan niya.
"Nayyy! Pumapag-ibig ang Master! Ayiiie!" muling kantyaw ni Timothy nakisama naman ang magnobyo sa pang-aasar.
"Manahimik ka nga Timo! May girlfriend ako." Pagpapatigil ko sa kaniya. Tatawa-tawa naman itong tumigil at binigyan pang muli ako ng nang-aasar na titig.