Kinakabahan man ako ay isinantabi ko nalang iyon. Pumasok ako sa isang mamahaling restaurant sa isang hotel at nakita ko agad si Theo na naroon na sa loob. Malawak na ngumiti siya pagkakita sa akin kaya lumapit agad ako sa kaniya.
“Wow! Akala ko magda-dahilan ka nalang na hindi ka makakapunta ngayon,” salubong agad niya sa akin.
Inirapan ko siya. “At sino bang dahilan kung bakit ako nasa ganitong sitwasyon? Hindi ba ikaw naman? Pinilit-pilit mo akong sumama pagsundo—“
“Okay! Okay! I’m sorry. Ilang beses ba ako dapat humingi ng sorry?”
“Tsk! Ewan ko sayo!”
“Hindi ko naman akalain na aabot sa ganito eh. Sorry na,” sagot parin ni Theo sa akin. Akala mo boyfriend ko siya na naglalambing.
Bigla ay nakita ko ang pagpasok ni Anne at Jace sa restaurant. Napakaganda ni Anne sa suot na red dress. Favorite siguro niya ang red? Lumipad naman ang tingin ko kay Jace at napigil ko ang paghinga. Ang guwapo niya lalo. Para silang mga artista! Or model sa magazine! Natuon ang paningin ko sa magkahawak na kamay nilang dalawa. Parang kumirot ang puso ko habang pinagmamasdan iyon.
“Ang bibig mo Trish, pakisara. Kanina ka pa nakanganga.” Narinig ko ang bulong sa akin ni Theo sa puno ng tainga ko. Tiningnan ko lang siya ng masama habang tumatawa siya. Akmang hahampasin ko siya pero maagap niyang nahuli ang kamay ko.
“Hi guys! Hi Theo!” masayang bati ni Anne sa amin kaya napalingon ako sa kanila. Napansin kong dumako ang mga mata ni Jace sa magkahawak naming kamay ni Theo. Noon ko lang napansin na hindi pala niya ako binitawan. Humalik sa aking pisngi si Anne at niyakap naman si Theo.
“Hey, Trish! Mukhang nagpaganda ka ng todo ngayon, ah!” Pasimpleng bulong sa akin ni Jace at ginulo ang buhok ko.
“Eh! Wag mo gulohin ang buhok ko!” reklamo ko at inayos ang nagulo kong buhok.
“Wow Trish! Ang ganda mo ngayon,” bati sa akin ni Anne. Maganda talaga ako ngayon dahil pinaghandaan ko ang araw na ito. Syempre ayoko naman magmukhang basahan sa tabi ni Anne. Maganda din naman ako, daig lang niya ako sa porma. Hindi ko naman kasi hilig ang mag-ayos.
“Thank you. Lalo ka na, mas maganda ka,” puri ko kay Anne. Nakita ko ang pag-ngisi ni Theo sa tabi ko dahil sa sinabi ko. Makahulogan ko siyang tiningnan pero hindi manlang naapektuhan ang walanghiya!
“Sabi ni Jace ay masasarap daw ang pagkain dito. Well, ano pang iniintay natin?” masayang turan ni Anne.
Naupo na kaming apat sa isang table. “Paano kayo nagkakilala?” maya-maya ay tanong ni Theo sa dalawa. Natigil ako bigla sa pagpili sa menu at nakita ko si Anne na nakangiting lumingon kay Jace.
“We met in Singapore. Sa isa sa mga conference na pinuntahan ko, she was there. We talked at nagkapalitan kami ng contact. We became really close since then,” mahabang paliwanag ni Jace.
“Love, you missed the part where we go to this one bar in Singapore. We got really drunk, and as a result, we had the best night of our life!” makahulogang bulalas ni Anne.
Nanlaki ang mga mata ko sa narinig. Nagkatinginan kami ni Theo. Parehong nanlalaki ang mga mata namin sa pagkabigla. Siya ang ang naunang nakabawi.
“Hmmm, I guess you really did feel the connection that night,” natatawang biro nito.
Nakatingin ako kay Jace pero iniwasan niyang magtama ang aming mga mata. Really? Was it one night stand and he fall for her? Sabagay, madalas naman iyon sa mga love story na nababasa ko. Kaya lang ang sakit. Ilang taon ko siyang minahal, at naagaw siya ni Anne sa akin sa isang gabi lang.
Biglang dumating ang in-order naming pagkain. Tahimik lang akong kumakain habang nagkwentuhan ang tatlo.
“What do you think of the food, Trish?” tanong sa akin ni Theo.
“Huh?” maang na tanong ko dahil hindi ko naintindihan ang sinabi niya.
“Sabi ko kung masarap ba ang pagkain?”
Paano ako masasarapan sa pagkain eh nasa harapan ko ang mahal ko at ang babaeng mahal niya! Bulong ko sa isip.
“Hindi…I mean oo! Masarap! Oo! Masarap ang pagkain” nauutal na sagot ko.
Natawa si Theo sa akin. “May dumi ka sa bibig,” sagot niya saka lumapit bahagya sa akin at pinahid ng daliri ang gilid ng labi ko. Alam kong namula ako sa ginawa niya kaya nahihiyang tumungo nalang ako. Ano ‘to? Bakit ang bilis ng tibok ng puso ko?
“Ay nag-blush siya!” biglang sigaw ni Anne. Kaya lalo akong napahiya.
Pagsulyap ko kay Theo ay nakita kong natatawang nakatingin siya sa akin. Ang gwapo niya kahit side view lang, samantalang seryosong nakamasid sa akin si Jace at tila may malalim na iniisip. Bumalik na naman sa pagiging seryoso nya. Siguro trabaho na naman ang iniisip nya.
“Hindi ah! Ang…ang…ang anghang! Ang anghang nitong pagkain ko,” palusot ko.
Natawa lalo si Anne at Theo. Nagpatuloy sa kwentuhan ang tatlo habang tahimik akong kumakain.
“Ano kaya kung mag-beach tayong apat? Gusto ko ng samantalahin ang pagkakataon na nandito ako para makapag-relax! Next week, what do you think?” excited na tanong niya.
“Ahh. I’m sorry Anne, may project ako na kailangang bantayan,” mabilis na sagot ni Theo.
Tumingin sa akin si Anne. “A-Ako din kasi Anne eh—“
“Please guys. Ngayon lang naman. Please, Trish?” pakikiusap ni Anne. Tumingin ako kay Theo na nakamasid lang din sa akin. “Trish, lets go. Punta tayo sa beach, I swear last na ‘to. Ito na ang last time na kukulitin kita habang nandito ako sa Pinas. Please, pagbigyan mo na ako.”
Hmm, hindi naman siguro masama kung pumunta kami ni Anne sa beach. Sige na, para matigil na siya sa pangungulit sa akin. Pagbibigyan ko na siya ng matapos na. Sana lang ay talagang huwag na niya akong kulitin after this.
“Ahh, sige,” sagot ko.
“Talaga? Oh gosh! Trish I am so happy!” sigaw ni Anne. Nakita kong nagtatakang nakatingin sa akin si Theo. Napataas pa ang isa nitong kilay.
“K-Kailan mo ba gusto magpunta sa beach?” tanong ko.
“Kailan ka pwede, love?” tanong ni Anne bigla kay Jace. Nagpa-panic na napatingin ako kay Theo pero nagkibit-balikat lang siya.
“Next weekend is fine with me,” seryosong sagot ni Jace.
“Great! Next weekend Trish?” tanong ni Anne!
Napipilitang tumango ako. OMG! Bakit pumayag ako?