Mischell's POV
"You're late again miss Flor," blankong emosyong sabi ni prof nang ito ang unang bumungad sa akin ng makapasok ako ng silid.
Sinusubukan ko naman talaga e' sinabi ko sa sarili ko na kailangan kong baguhin ang nakasanayan ko dahil scholarship ko ang nakasalalay rito ngunit hindi ganoon kadali na kung kinakailangan lang ay gagawin kong dalawa ang sarili ko para magawa ang mga bagay-bagay ng mas madali.
Akala ko maaga na ako makakapasok ngayon dahil doon natulog si Aling Gemma sa bahay kaya hindi ko na ito hihintayin pa, pero na late pa rin ako dahil kailangan kong linisin ang dumi ni mama dahil ayoko na pati iyon iasa ko pa kay Aling Gemma na abala na rin sa mga gawaing bahay.
"Naku prof sabi ko nga po sa inyo laging puyat 'yan si Mitch kaya late na naman," saad ni Nath.
"Baka may ka-bebe time kaya ganoon," saad naman ni Zoey na nakikisabay na rin sa pang-aasar na dati ay si Nath lang ang gumagawa.
"Kung bebe time ang pag-uusapan wala akong gano'n," sagot ko kay Zoey.
"Then why are you late again?" tanong na ni prof.
"Traffic po." tipid na sagot ko.
"Traffic na naman kahapon din na traffic ka ah wala ka na bang ibang maisip na palusot?"
"Wala na po eh." Napapakamot sa ulong sabi ko dahil totoo nga naman ang sinabi niya.
"Nalaman ko na scholar ka sa university na 'to." Tumango ako bilang sagot kay prof saka ito nagpatuloy sa pagsasalita.
"Gawain ba ng scholar ang palaging late at hindi nakakasagot sa klase ko?" tanong pa nito.
"No po," tugon ko naman.
"Hindi, eh bakit mo pa rin ginagawa?" nahihimigan ang pagiging istrekto ng boses nito kaya mas pinili kong hindi na lang sumagot, kakaiba naman ang mood ni prof naaasar ko pa ito kagabi e' tapos kapag sa klase na apaka sungit.
"Sa susunod na ma late ka ulit hindi ka na makakapasok ng klase ko," dagdag pa nito na ikinagulat ko naman.
Alam ko kasi na mahirap gawin iyon lalo na sa sitwasyon ko.
"Prof naman wala pong ganyanan, aral na aral po ako sa subject niyo eh," ubod ng tamis akong ngimiti pa rito baka madala siya sa ngiti at pakiusap.
"No that's final, kapag late hindi na makakapasok sa klase ko."
"Kahit minuto pong palugit para makaya kong makapagmadali," hirit ko pa habang nagsisimula na namang matawa ang ilan.
"You are unbelievable miss Flor," hindi makapaniwalang saad nito na halata namang pigil na ang inis.
"15 minutes po, pag lumagpas na ako sa 15 minutes 'di na ako papasok sa klase mo."
Ako na ang nagbigay ng minuto para makapasok pa rin ako kahit late basta hindi pa lumalagpas ng 15 minutes.
"Kaloka ka talaga Mitch," saad na ni Nath.
"Seat down." Pagpapaupo na nito sa akin.
"Prof beke nemen 15 minutes lang po."
"I said seat down," pag-uulit nito kaya nagmadali na lang akong sumunod rito.
"Bakit ba kasi palagi ka na lang late?" tanong ni Nath ng makaupo na ako katabi nito.
"Traffic nga kasi, ikaw bakit hindi mo na ba kasi ako hinihintay para naman may kadamay ako?"
"Gosh idadamay mo pa talaga ako, college na tayo girl nagbabagong buhay na ako," mataray itong sumagot sa akin.
"Same naman tayo ah nagbabagong buhay na rin naman ako," pero sadyang mahirap talaga. Hindi ko na naisa-tinig ang huling salitang sinabi ko.
"Tologo bo, bagong buhay wala namang pinagbago late ka pa rin," Buntong hininga ko na lang ang nagawa kong isagot rito.
"Ano pang pinagbubulungan ninyong dalawa riyan baka pwede n'yong iparinig sa lahat." Ikinagulat namin pareho ni Nath ng mapansin na kami ni prof habang kanina pa kami nagbubulungan.
"Sorry po." Paghingi na lang ng patawad ang nasabi ni Nath saka kami tumahimik.
THE NEXT DAY
SCHOOL
"Hindi pa ako lagpas sa 15 minutes prof kaya makakapasok pa ako sa klase mo hehe."
Bungad kong sabi iyon ng makapasok ako sa klase kagaya ng sabi ko kahapon papasok pa rin ako kahit late basta hindi pa ako lagpas ng 15 minutes. 8 ang start ng klase at 8:13 pa lang ng iksaktong nakapasok ako sa room namin.
"Tsk." Ngumisi lang si prof sa'kin na tila hindi makapaniwala sa mga inaasta ko.
"Proud ka pa talagang late ka girl ang galing mo," sabat na naman ni Nath.
"13 minutes pa lang 'no kaya nakahabol pa ako," saad ko.
"Seat down," pagpapaupo na ni prof sa'kin. Sa tono ng pananalita nito mukhang wala siya sa mood.
"Ang pogi mo today prof." Ngumiti pa ako rito bago ko ipinagpatuloy ang paglalakad patungo sa upuan ko.
Ngunit nagtama ang paningin namin ni prof na hindi ko maipaliwanag kong anong reaksyon ang makikita sa mukha nito, mukhang hindi na nito gusto ang madalas na pagiging late ko.
Unang linggo pa lamang ngayon ng pasukan ngunit parang mape-perfect ko ang pagiging late sa hirap ba naman sitwasyon ko.
FRIDAY
SCHOOL
As usual late na naman ako lintik na buhay 'to talaga ayoko na sa earth.
"Okay everyone let us congratulate miss Flor, she perfect the record for this week for being late." Bumungad sa'kin ang mga sinabing iyon ni prof para icongratulate ako dahil sa pagiging late ko.
May bago pa ba sa'kin na tuwing papasok ako sa klase nakukuha ko ang atensyon ng lahat ng mga kamag-aral ko.
Imbis na mahiya ako sa sinabi ni prof ay sumilay sa labi ko ang ngiting ubod ng tamis, ngumiti pa ako mismo sa harap nilang lahat.
"Palakpakan naman natin siya guys," dagdag pa ni prof at sunod na umalingawngaw ang ingay ang palakpakan ng lahat na may kasama pang sigaw ni Nath na parang proud na proud sa isang bagay na nagawa ko.
"Salamat, maraming salamat pinaghirapan ko talaga 'to kaya salamat sa inyong lahat." Masayang-masaya kong sabi habang nakalapat ang kamay ko sa dibdib at nag bow pa sa kanila na para bang nakatanggap ako ng isang mataas na parangal kaya subrang ipinagmamalaki ko, sunod na napalitan ng halakhak ng lahat ang kaninang palakpak nila dahil sa mga sinabi ko.
"Ikaw lang ang istudyanteng kilala ko na late na nga masaya pa." Napalingon ako kay prof ng muli itong magsalita.
"Masaya pa rin ako kasi sa tuwing papasok ako ikaw ang makikita ko," sabay kindat ko rito na para bang isa akong lalaki na nang-aakit ng babae.
"Ayiee may dahilan naman pala kasi kaya masaya." Pangangantiyaw ni Zoey.
"Baka naman Mitch aminin mo na sa'min crush mo ba si prof? Ikaw lang nakakasagot sa kanya ng ganyan e," wika ni Atom na nagpabilis ng tibok ng puso ko, hindi ko akalaing masasabi niya iyon sa harap namin at hindi ko alam kung ano na ang sunod kong gagawin kung aamin na ba ako ngayon kahit limang araw ko pa lang naman nakakasama si prof sa klase kaya paano ko masasabing crush ko nga ito.
"Aamin na 'yan, aamin na 'yan!" nagsimulang isigaw ni Nath ang mga salitang iyon upang humingi pa ng kakampi sa mga kaklase namin at hindi nga ito nabigo ng sabayan siya ng lahat habang sinasabi ang 'aamin na 'yan'.
"Enough everyone, let's proceed to our discussion," pagpapatigil ni prof sa ingay at pangangantiyaw ng lahat sa aming dalawa.
"Sige aamin na ako," saad ko na dahilan upang ikinatahimik ng buong klase. Nakangising liningon ko si prof, ngayon ay masasabi kong hindi na maipinta ang itsura ng mukha nito.
"Aamin na ako na ang cute ko 'di ba prof?" dagdag ko at ang sunod na narinig ang panlulumong tinig ng lahat.
"Ay weak." Narinig ko ang sinabi ng isa kong kaklase pero hindi ko na lang pinansin, gustuhin ko mang umamin alam kong mali ito e' istudyante lang ako at proffesor ko siya.
"Wala kaming pakialam kong cute ka, ikaw lang nakakaalam niyan, mauupo ka ba o lalabas ka sa klase ko?" saad na ni prof.
"Lalabas ako sa klase basta ba papapasukin mo 'ko sa buhay mo." Malanding sabi ko rito ngunit wala paring epekto ang banat kong iyon upang magbago manlang ang ikspresyon ng mukha nito.
"Bagsak ka sa subject 'yan ang ibibigay ko sa'yo." Ikinagulat ko ang sunod na sinabi nito.
"Wala prof, walang ganyanan."
"That's final MISS LATE, you're failed."
Namilog ang mata ko sa gulat ng tawagin ako nitong 'MISS LATE' na pinakadiinan pa talaga niya ang pagkakasabi nito, sunod nitong niligpit ang ilang gamit niya sa table sa unahan.
"Good bye everyone see you on monday," huling sinabi pa nito saka kami tinalikuran, habang hindi ko na lang namalayan na naka-awang pala ang bibig ko dahil sa hindi makapaniwala sa mga narinig kong sinabi nito.
"Iyan ang napapala ng kalandian, harot pa girl hahaha." Natawang saad ni Nath sa'kin upang asarin ako.
Sana joke lang 'yon ayoko ko pang mawala ang scholarship ko lintik, hindi na nga ako naka imik pang muli at naupo na lang sa upuan ko.
Hindi pa tapos ang time ni prof sa klase namin pero lumabas na ito, mukhang napikon ko na ata.
"Sabog ka ba today mukhang humithit ka na naman ng katol sa bahay niyo burikat ka."
"Hindi bakla lamot ang hinithit ko hayop ka." inis kong sagot rito.
"Paano ka na niyan bagsak ka na?" saad naman ni Zoey sa akin.
"'Wag kayong maniwala dun kay prof, nag jo-joke lang 'yon palabiro ang taong 'yon e," saad ko pa habang natatawa.
"Paano mo naman nasabing palabiro e' laging seryoso nga ang mukha at mga sinasabi no'n." saad pa ni Nath.
Tama nga naman si Nath hindi ko pa nga narinig na tumawa 'yon kahit ang pagngiti ay laging sapilitan pa.
Pero malakas pa rin ang kutob ko madadala pa 'yon sa pakiusap.