"Ang astig naman!"
Manghang-mangha na sabi ni Elle habang kini-kwento ko sa kaniya ang nangyari sa amin kahapon sa manila. Manghang-mangha siya habang ako namamaga. Dito ako dumiretso sa bahay nila Elle. Ikamamatay ko atang bumalik doon.
"Gusto ko rin!"
Napangiwi ako sa sinabi ng pinsan ko. Ako nga ayaw ko na, tapos siya gusto.
"Pektusan ka ni tito," sabi ko.
"Ang angas kaya!"
Umiling ako. "Hindi kaya! Ang sakit ng katawan ko!"
"Eh, bakit 'di ka kasi umilag?"
"Siraulo ka ba?!"
Inirapan niya lang ako at idiniin ang pagdadampi ng cold compress sa pasa ko. Hindi naman ata ako magtatagal dito, kung mahanap kami. Ang sakit ng katawan ko, wala pa akong pahinga. Gabi nung sinugod kami roon sa mansyon. Diretso akong nag-drive papunta rito, ang layo pa nitong Isabela.
"Ukininam!" Sigaw ko nang idiniin niya.
"Bibig mo! Marinig ka ni papa!"
Umirap ako at kinuha na lang sa kamay niya. Tago ito kaya panigurado na hindi nila ako mahahanap. Ilang sandali pa nang lumabas papunta sa amin si tito na may dala ng meryenda. Bata pa ang itsura ni tito, dahil siguro hindi na i-stress. Ako kasi stress na stress na.
"Oh, kumain muna kayo." Binaba ni tito sa harap namin ang spanish bread 'tsaka umupo. Nakabilog kami sa pabilog na lamesa sa hardin nila.
Kumuha ako at kumagat na.
"Bakit ikaw lang? Nasaan sila?"
Taka ko siyang tinignan. Ayaw mo po ba tito na ako lang? Joks. Pinagpag ko muna ang kamay ko at kumuha ulit.
"Nasa tago sila. Hindi ko na sinama, baka madamay."
Tumango si Tito habang si Elle umiiling.
"Hindi! Dapat damay din sila, ang unfair!" Kumagat siya at nagtaas ng kilay.
Manang mana talaga siya sa mama niya. 'Yung kapal ng kilay, maputing balat, matangos na ilong at mapulang labi. Babaeng-babae! Kawawa naman ako!
Hindi ko sila sinama sa akin dahil baka madamay lang sila. Ako lang naman ang kailangan nila, walang kwenta naman sila sa kanila. Sa kanila lang, ah! Hindi sa akin.
"Nasa kanila kapatid ko," sabi ko.
"Dapat dinala mo na rito. Mas ligtas dito na kasama ka nila," sabi ni tito.
Bumuntong-hininga ako.
"Pero kung sa tingin mo naman mas ligtas sila roon... edi wow."
Natawa kami ni Elle sa paraan nang pagsabi ni tito. Kung ano-ano na naman tinuturo ni Elle sa ama niya. Habang tinitignan ko silang dalawa naalala ko sina mama at papa. Miss ko na sila. Kailan kaya ulit ako makakadalaw ng walang nagaabang. Hindi na ata mangyayari 'yun.
Pinapunta na ako ni tito sa kwarto para daw makapagpahinga na raw ako. Masakit talaga ang katawan ko sa nangyari kahapon. Buti na lang pinauna ko na sila, kung hindi baka patay na ako. Ang arti pa naman ng isang 'yun!
Mahaba ang naging tulog ko. Ha-haba pa sana nang biglang may dumagan sa akin. Hindi ko na kailangan alamin kung sino.
"Lex! Turuan mo ako!"
Inalog alog niya ako habang nakahiga siya sa mismong likod ko.
"Sabing delikado nga, eh!" Humilata ako at tinulak siya. Nahulog siya sa kama kaya napa-daing siya sa sakit.
"Ang sakit!" reklamo siya.
"Mas masakit pa diyan dadanasin mo."
Pumikit ulit ako at sinubukang matulog nang may narinig akong kasa ng kung ano. Napamulat ako at ang pellet gun toy ang nakatutok sa mukha ko. Tinabig ko ito at dumapa.
"Walang epekto sa akin 'yan."
Bumuntong-hininga siya at lumabas na ng kwarto. Hay salamat. Aga aga nambubulabog. Ilang sandali ay nakaidlip ulit ako.
Bumangon na ako at nag-ayos. Bumaba ako at maririnig mo talaga ang mga langaw. Walang tao sa baba. Inikot ko ang paningin at nang napadaan si manang tinanong ko na.
"Manang, nasaan sina Elle?"
Inayos niya muna ang hapag kainan bago ako tinignan.
"Umalis. Bibili raw ng baril," marahan niyang sabi.
Umiling na lang ako at nilantakan ang pagkain. Nagpaalam si manang na may gagawin lang. Ta-tatlo lang ata ang kasambahay dito, may dalawang guard at sandamakmak na tauhan nila tito ang nakapalibot sa buong mansyon.
Pagkatapos kong kumain ay dumiretso ako sa kusina para hugasan. Hindi ko na tinawag si manang baka marami ang ginagawa. Nagpunas ako at medyo sumilip sa bintana na kita mo ang likod. Natutop ko ang bibig nang makitang nakaupo si manang at mang eddi, driver nila, sa isa sa mga bangko.
Itong dalawang 'to! Tatanda na kinikilig pa rin. Pero ayos lang naman kahit matanda, basta masaya ka.
Lumabas ako sa hardin at sinet up ang gagawin ko. Tinayo ko ang parang tao na board at pumwesto sa malayo habang dala ang laruang baril. Pag totoo ang ginamit ko baka maalarma ang mga tauhan ni tito. Ipinikit ko ang isang mata at itinutok sa puso niya. Ako na lang ang mauuna kay kupido. Pinutok ko na ito nang biglang may nag doorbell. Pinabayaan ko na 'yun at tinignan kung natamaan ba. Natamaan naman kaya lang hindi eksakto dahil sa pisting nag doorbell.
Tumayo ulit ako sa malayo at itinutok ulit.
Isa...
Dalawa...
Tatlo...
Itinutok ko na sa gate ang baril nang tumunog ulit ito. Nakatutok pa rin ang baril sa gate habang nililibot ko ang buo, bakit walang sila manang?
Huminga ako nang malalim at inis na ipinutok sa pekeng tao, tumama ito sa ulo niya. Binaba ko sa table ang baril at nagdadabog na papunta sa gate. Wala namang sinabi sina Elle at tito na may darating.
"Saglit nga lang 'di ba?! Makulit?!" Sigaw ko.
Bakit walang guard dito? Sumbong ko nga sila kay tito mamaya. Binuksan ko na ang gate at dalawang lalaki ang nakita ko.
"What the fck!" Sigaw nung isang lalaki sa akin.
"What the fudge!" Sigaw ko pabalik.
Nanlalaki ang mata nilang tumititig sa akin. Itong dalawang ito, hindi ko naman kilala minumura ako. Pabalik-balik ang tingin nila sa akin habang nagtititigan sa isa't isa.
"Sino ba kayo?!" Nagtaas ako ng kilay. "Minumura nyo pa ako!"
Hindi sila nagsasalita nagtititigan lang sila sa isa't isa at bumabaling sa akin. Umirap ako at tumalikod. Pasarado na ng gate nang tinulak nung isa.
"Aray! Makatulak, Bahay mo?!" Umirap ako.
"Pasensiya na," sabi nung isa at pinasadahan ako ng tingin.
'Wag mo akong tinititigan diyan, baka kunin ko mata mo.
"Ano magtititigan lang kayo riyan? Ano ba kasi ang sadya nyo rito?" Wala akong pasensiya. "Wala sina tito, chupi!"
winagayway ko ang kamay ko, motion them to leave.
"We'll wait," sabi niya at pinasadahan ng mga daliri ang buhok niya.
Napatingin naman ako roon sa isang minura ako kanina nang ti-nap niya ang balikat nung lalaki.
"She's in front of you, pare," makahulugang sabi niya at bumaling sa akin bago kumindat.
Umirap ako.
Dumating 'yung naka assign dito sa gate. Matalim ko siyang tinitigan, yumuko lang siya. Iniwan ko silang tatlo roon at umakyat sa taas para sabihan na may dumating na BWISITA.
ᥬ😌᭄