Lunch Break
Pinauna ko na muna sina Sonja at Gello kasama ang iba, nagpa-iwan kami ni Mark sa classroom dahil sa sinabi n'ya kanina na meron daw s'yang ipapakita. Si Colin naman hindi na nagpakita sa amin matapos ang break kanina, hindi ko alam kung saan nag-cutting ang taong iyon.
"Anong ipapakita mo?" kaagad kong tanong kay Mark nang masiguro kong kaming dalawa na lang ang nasa room.
"Bakit, ano 'yon?" tanong ni Daldalita, tatlo pala kami. Inilabas ni Mark ang recorder, ang ginamit namin nang sinubukan namin na kausapin ang multo sa old building. Nagsulat siya at iniabot sa akin.
Pakinggan mo ang na-irecord, noong isang araw ko lang naisipang i-check ang nirecord natin dahil wala naman tayong narinig na nagsalita nang gabing iyon
"Ooh, exciting mukhang may progress na ang pagdiskubre mo sa kung sino talaga ang multo ang nanggugulo sa school." natutuwang sabi ni Daldalita. Inilagay ko ang earphone at pinindot ang play button. Idinikit rin ni Daldalita ang kanyang tenga malapit sa akin upang marinig ang mga nakarecord na pangyayari. Katahimikan lang ang naririnig kong tunog mula sa recorder. Naghintay pa ako ng ilang minuto dahil sa pagkakatanda ko ay hinayaan ko munang mamayani ang katahimikan nang gabing iyon. Ilang sandali pa ay narinig ko na ang boses ko mula sa recorder na nagsalita.
Mayroon bang espiritu sa gusaling ito?
Nagpatuloy ang pakikinig ko sa mga pangyayari mula sa simula hanggang sa pagyaya ni Jay-ar sa amin na umuwi na.
"Ano naman ang meron doon? Wala naman akong narinig na kakaiba?" reklamo ni Daldalita nang i-pause ko ang recorder. Tama naman siya, wala namang kakaiba sa mga nai-record na nangyari. Muling nagsulat si Mark sa papel at ipinakita sa akin.
Ituloy mo lang ang pakikinig, hindi ko pinatay ang recorder hangga't nasa loob pa tayo ng classroom.
Sinunod ko ang sinabi ni Mark at muling pinindot ang play button. Kung saan nagyaya si Jay-ar na umuwi at sinegundahan naman ni Marianne at Sonja, Iniutos ni Roselee kay Jay-ar na kunin si Chi-chi mula sa upuan kung saan namin ito nakita ngunit tumanggi si Jay-ar.
...ooooo...
Ano 'yon? May mahinang tunog na nasagap ang recorder. Nagtama ang mata namin ni Mark at mukhang alam n'ya ang dahilan ng pagtingin ko sa kanya. Tumango lang s'ya at isinenyas na ituloy ko lang ang pakikinig.
"Nakakainis, wala akong marinig!" yamot na sabi ni Daldalita dahil hindi naman kalakasan ang narinig kong tunog. Muli, itinuloy ko ang pakikinig.
Walang may gusto sa mga babae na kunin si Chi-chi sa upuan kaya si Gello na lang ang nagkusang kunin ang teddy bear.
....lllooooooo.....
Medyo malakas na ang tunog na nasagap ng recorder kumpara sa kanina. Parang malungkot ang boses na ito at iba sa tinig ng multo noon na puro galit ang tono ng pananalita.
Nagpasalamat si Roselee kay Gello nang iabot n'ya ang teddy bear at nagyaya na ang lahat na lumabas.
...Gelllooo....
Kinilabutan ako sa narinig kong pagtawag ng boses mula sa recorder dahil mas klaro na ito kumpara sa naunang tunog kanina. Malamig, malungkot, umiiyak at parang nagmamakaawa ang tinig na narinig ko.
...Gellloooooo......
"Ano 'yon?!" narinig na rin ni Daldalita ang boses mula sa earphone dahil mas malakas na ito at malinaw na ang pagkakabigkas ng pangalan.
Si Gello ang tinatawag ng multo? Tumigil na ang pagplay ng recorder at ilang saglit din akong natulala. Bakit tinatawag ng multo si Gello? Inalis ko ang earphone at ibinalik ang recorder kay Mark.
"Si Gello..." mahinang sambit ko nang abutin ni Mark ang earphone mula sa akin. Nagsulat muli siya sa papel.
Maliban kay Miss Abegail na namatay, Isang grade 7 din ang namatay noon na kaklase ni Gello mula sa section Rizal.
Tumango ako, alam ko na ang bagay na iyon pero hindi ko lang ipina-a-alam kahit kanino. Si Barbara ang tinutukoy ni Mark. Siya naman talaga ang pakay ko noong gabing iyon at aksidente lang marahil na si Abegail ang sumagot sa ouija.
Barbara Tiangco minsan na rin n'yang natalo sa ranking ng top spot si Mr. Angelo noon.
"Ah, alam na namin 'yan, nasabi na sa amin ni Robi ang impormasyon na 'yan." sagot ni Daldalita matapos n'yang basahin ang isinulat ni Mark.
"Ano ba ang balita mo noon kung bakit namatay si Barbara?" tanong ko kay Mark. Kinagat ko ang hinlalaki ko habang iniisip ang mga pangyayari.
Suicide.
Nagpakamatay? Uso na ba ang suicide ngayon sa mga estudyante rito sa Sacred Morning? Parang ganoon din ang sinabing dahilan ng pagkamatay ni Valentin Crisostomo. Bakit tinatawag ng multo si Gello? Siguro kailangan kong ipaalam sa kanya ang tungkol dito.
"Lunch na tayo." pag-iiba ko ng usapan kay Mark habang nag-iinat. Medyo naghikab pa ako saka inayos na namin ang gamit namin at itinabi.
"Ang sinabi mo kanina tungkol kay Colin," pag-iiba ko ng usapan ng nasa pintuan na kami ng classroom. "anong ibig mong sabihin?"
"Hala!" napapitik ng daliri si Daldalita. "Oo nga pala Trick, may nakalimutan akong sabihin sa'yo tungkol doon sa tatlong mokong ng earth!" pagbabalita n'ya sa akin. Hindi ko na muna s'ya inintindi dahil alam kong wala naman talagang mabuting plano ang kapatid ni Mr. Morgan.
"Bakit ako ang sinasabi mong target ni Colin?" tanong ko ulit kay Mark.  Nagpatuloy kami sa paglalakad at nagsusulat siya habang pababa kami ng hagdan, Bakit kasi hindi na lang s'ya magsalita? Kailangan pang isulat?
Gagamitin ka ni Colin para sa mga plano n'ya, ikaw ang sasalo sa mga kasalanan na plano n'yang gawin dahil ikaw lang ang nakikita n'ya na kayang tumapat kay Mr. Angelo.
Taga-salo ng mga kasalanan n'ya? Mas lalo tuloy akong naguluhan sa sinabi ni Mark.
"Colin ba 'yong lalakeng tinatakpan ng buhok ang mata ang kausap ninyo?" singit ni Daldalita. "Parang hindi gagawa ng mabuti ang isang 'yon mukhang mas malala pa siya sa mga adik sa kanto." Komento ni Daldalita.
"Sa itsura n'yang iyon kaya ba n'yang gumawa ng kalokohan?" tanong ko ulit habang nasa hallway na kami sa ibaba.
Wag kang magpapalinlang sa itsura n'ya, kahit payat at mukhang lampa ang isang iyon. Kaya n'yang gumawa ng mga bagay na hindi mo dapat asahan.
Talaga lang ha? Bulong ko sa sarili ko. Huminto si Mark at tinanggal ang butones sa kanyang polo.
"Hoy, anong plano mong gawin?" sigaw ni Daldalita, nagtakip pa siya ng kanyang mata. Anong ginagawa ni Mark? Matapos matanggal ang butones ay itinaas niya ang kanyang puting t-shirt at mula sa kanyang tiyan ay may mahabang pilat akong nakita. Nagdikit ang kilay ko sa nakita kong pilat ni Mark sa katawan, muli n'yang ibinaba ang t-shirt at ibinutones muli ang kanyang polo saka nagsimulang magsulat.
Si Colin ang may gawa ng pilat na nakuha ko noong grade 6 ako. He made me stab myself.
Napahinto ako sa paglakad nang mabasa ko ang sulat. Sinaksak ni Mark ang sarili n'yang katawan? Napatingin ako sa kanya. Hindi ako makapaniwala, paano mo sasaksakin ang sarili mo kung hindi ka naman suicidal? Muling nagsulat si Mark.
"Hala, sobra naman makabintang 'tong kasama mo Trick? Sasaksakin na lang ang sarili nagturo pa ng iba." nakangusong komento ni Daldalita. Hindi ko alam kung maniniwala ba ako sa sinabi ni Mark, ngunit kung iisipin, sino ba ang mas kapani-paniwala sa kanilang dalawa?
May pinainom sa akin si Colin, hindi ko alam kung anong hinalo n'ya sa inumin basta noong oras na 'yon, parang gusto kong gawin ang lahat ng sinasabi n'ya sa akin.
Matapos kong basahin ang mga notes na isinulat n'ya ay pinupunit n'ya iyon at tinatapon kaagad. Bakit n'ya pinupunit ang mga sinulat n'ya Nasagot ang tanong ko nang muli s'yang mag abot ng sulat sa akin.
Mahirap na kung mabasa ng iba, maraming mata si Colin sa school sa iba't-ibang grade.
Iba't-ibang grade? Paano nagagawa 'yon ng isang pasobra? Ang pagkaka-alam ko kapag pasobra ang isang estudyante sa school na ito ay madalas mabully ng iba't-ibang section. Anong ginawa ng isang katulad ni Colin para upang magkaroon ng ganoong klaseng impluwensya sa ibang estudyante?
Nakarating na kami sa canteen at kaagad kaming sinalubong ni Sonja. "Akala ko hindi na kayo bababang tatlo, susunduin ko na sana kayo eh." hinila ni Sonja si Mark papunta sa tabi n'ya sa kanyang upuan.
"Tatlo?" takang tanong ni Daldalita, saka ngumiti. " Nakikita ako ng babaeng 'yan?" napapalakpak agad si Daldalita sa kasiyahan.
"Dalawa lang kaming nagpa-iwan." sabi ko kay Sonja habang umuupo.
"Tatlo kayo, nagpa-iwan din si Elyon kanina, may sinusulat pa kasi s'yang notes para sa quiz bukas." sagot ni Roselee doon ko lang napansin na nasa likuran ko si Elyon at paupo na rin sa tabi ko.
"Kanina pa..." simula nito habang itinataas ang isang daliri.
...
...
...
...
...
"ako... nasa room..." pagtatapos niya sa kanyang sinabi. Bakit hindi ko man lang s'ya napansin? Tumingin ako kay Mark upang alamin kung kasama ba talaga namin si Elyon sa classroom kanina. Umiling rin s'ya. Hindi din n'ya napansin na kasama namin si Elyon kanina?
"Sigurado ka?" Paniniguro kong tanong sa kanya, hindi ko alam kung bakit pero kinikilabutan ako sa personality n'ya na hindi napapansin ang presence n'ya at parang lagi lang s'yang nagmamasid sa paligid.
Pumihit ulit ang ulo nya katulad ng sa pagpihit ng ulo ng kwago. "Nakita ko kanina...."
Ang alin? Lumipas na ang ilang segundo hindi pa rin s'ya nagsasalita. Nakaabang kaming lahat sa sasabihin n'ya.
"...may pinakikinggan ka..." pagpapatuloy ni Elyon matapos ang pitong segundo, ewan kung gano'n kahaba ang delay ng pagsasalita n'ya, basta ang tagal ng delay.
"Pwede ba bilhan n'yo to ng broadband parang free data lang ang gamit, ang bagal ng loading." inis na sinabunutan ni Daldalita ang sarili. Anong alam ng multo sa broadband?
"...sa recorder... ni...." sa wakas nagka progress na ang sasabihin ni Elyon. "Mark..." pagtatapos niya matapos ang tatlong segundo.
Okay, naroon nga siya, hindi na ako nagtanong pa ulit dahil masyado nang matagal ang paghihintay namin.
"Nasan si Gello?" pansin ko
Wala si Gello at si Colin, maging si Jason ay wala rin ngayong lunch break.
"Ewan, nag meeting siguro ang mga anak ng kadiliman." komento ni Sonja.
"Sobra ka naman, kadiliman talaga?" pagsasaway ni Jay-ar habang kumukuha ng pochero na inorder ni Marianne.
"Naku, di n'yo pa kasi kilala si Gello, lagi lang 'yan nakangiti pero section Earth din ang ugali n'yan, simula lang nang dumating si Cloud naging mukhang friendly 'yan." sabat ni Roselee habang hawak pa ang kutsara sa kanyang kamay.
"Ewan ko ba, paanong nakasundo ni Colin 'yan, eh ang bait naman ni Colin, lumalabas lang ang sungay at buntot ni Colin kapag Earth na ang pinag-uusapan." dagdag ni Sonja. Nagkatinginan lang kami ni Mark.
"Malay n'yo gusto nang magbago." pagkampi naman ni Marianne kay Gello.
"Tama, wag kayong judgemental, mabait si Gello. Wag kayong pampam, maka-judge kayo, sobra ha." sabat ni Daldalita. Wow. May tagapagtanggol pala si Gello rito.
"Ewan lang, pero minsan na rin akong nilapitan noon ni Gello ng bagong transfer ako rito, nasa section Earth kasi ako noon." si Jay-ar naman ang nagsalita habang puno ng pagkain ang bibig. Pwede lunukin muna bago magsalita?
Gano'n din ang ginawa ni Gello sa akin noon, s'ya ang panay lapit ng bagong dating ako sa Sacred Morning.
"Tinigilan n'ya pagsunod sakin nang nalipat ako sa Mercury pagdating ng second ranking last year." dagdag pa ni Jay-ar saka uminom ng softdrink. "Teka! Ngayon ko lang ulit naalala!" napalakas ang boses ni Jay-ar saka tumingin sa akin, karamihan sa mga estudyante napatingin sa amin. "Ang sabi mong pangalan mo dati, Emrys Ambrose." magkasalubong ng kilay na tinitigan ako ni Jay-ar. "Sinungaling." lumaki ang butas ng ilong n'ya sa inis.
Tsh. Move on ang tagal na no'n.
"Ako..." nagtaas ng kamay ang babaeng katabi ko, ano nga ulit pangalan niya? nasa dulo na ng dila ko pero hindi ko masabi... Eon... Eron... Elyon... tama, Elyon...
Natapos magsalita si Elyon matapos ang tatlong minuto at dalawang sentence lang ang nabanggit n'ya na hindi ko na natandaan ang ibang words. Hinayaan na rin ng iba ang sinabi niya kahit halatang wala sa amin ang nakagets nito, paano, ang haba ng delay sa bawat salita.
Napatigil ang kwentuhan ng lahat nang pumasok sa canteen ang matanda naming teacher na masungit, na binigyan ni Jay-ar ng codename na panot. Parang hindi na naman kailangan pa ng codename dahil halata naman na panot na si sir. "Lahat ng pasobra mula grade 7 hanggang ten, pinapapunta kayong lahat sa guidance office. After lunch break." anunsyo ni Sir Panot.
Wala gano'n talaga, madalas naman sa estudyante magbigay ng ibang tawag sa pangalan ng isang teacher lalo na kung kinaiinisan nila.
"Mister Alegre, pagkatapos mong mag break pumunta ka sa office namin." kaagad na tumalikod si Sir Panot matapos sabihin ng gusto n'yang sabihin. Anong kailangan sa akin bakit kailangan kong pumunta sa office nina Sir Panot?
"Bakit kaya pinapatawag tayo sa guidance?" nag-aalalang tanong ni Marianne.
Bakit lahat ng pasobra kailangan ipatawag?
**************************
Tumunog na ang bell hudyat na natapos na ang lunch break kaya naman nagsitayuan na isa-isa ang mga estudyante.
"Wag ka mag-alala, kami ni Mark bahala sa'yo." pagpapalakas ng loob ni Jay-ar kay Marianne.
"...S..." si Elyon ang sumagot. Napatingin kaming lahat. "a...la...ma...t..."
"Uh..." napatingin sa kisame si Jay-ar. "ok...?"
Nagpaalam na sina Jay-ar kasama ang ibang pasobra mula sa ibang grades at sabay-sabay na silang nagpunta sa guidance office.
"Mukhang tayong dalawa na lang ang natira sa atin." nakangusong sabi ni Sonja habang iniinom ni Roselee ang juice.
"Mauna na ako." pagpapaalam ko kina Sonja at Roselee upang pumunta sa office ng mga teacher sa building na ito.
"Trick, may masamang plano si Angelo sa mga section Mars. Kakuntsaba pa niya ang buong Earth." pagpapaalam sa akin ni Daldalita habang naglalakad na ako palabas ng canteen. Wala namang bago sa sinabi niya.
"Narinig kong sinabi ni Angelo na kailangan daw gumanti sila sa ginawa ni Anthony kay Aya." Gaganti huh... para naman ginusto ni Anthony ang ginawa n'ya kay Aya? Hindi pa ba sapat na patay na ang tao at kailangan pa niyang gumanti sa buong section na wala namang may kasalanan. "May sinabi rin siyang nakausap daw niya ang Daddy niya, may pinag-usapan daw tungkol sa mga pasobra atnagtalo pa nga raw ang kuya niya at ang Daddy niya." dagdag pa ni Daldalita. Nakipagtalo si Mr. Morgan sa tatay niya?
Ano kayang pinagtalunan nila? Na curious tuloy ako.
Nakarating na ako sa office at naabutan kong nag uusap-usap ang tatlong teacher sa kani-kanilang mesa, kulang sila ng isa dahil kasalukuyan pang nagpapagaling si Sir Sanico. Mukhang hindi nila ako napansin kaya tuloy lang sila sa kanilang usapan.
"Ngayong buwan na pala gaganapin, anong petsa ba ang event?" narinig kong tanong ni Sir Panot sa nag-iisang babaeng teacher sa building na ito na si Miss Magdalaga.
"Third week or last week ngayong month yata, iyon ang balita ko." sagot ni Miss Magdalaga habang nagli-lipstick. Isa na ring may edad na dalaga si Miss Magdalaga nasa early forties o late thirties na yata siya, Ma'am Dora the explorer naman ang tawag sa kanya ni Jay-ar dahil sa buhok niyang katulad ni Dora.
"Tsk, tsk." napailing lang ang isa naming teacher na si Mr. Clemacor na nabigyan ni Jay-ar ng codename na Butete dahil sa malaki nitong tiyan. "Kawawang mga bata, sila pa talaga ang napili." dagdag pa niya. Mabait naman si Sir Butete kumpara kay Sir Panot, medyo istrikto nga lang kagaya kanina nang sinaway niya si Colin.
Ano kaya pinag-uusapan nila? Kahit curious akong malaman ang pinag-uusapan nila na mukhang involved ang mga estudyante ay mas minabuti kong tapusin ang pakikinig sa usapan ng matatanda at kumatok na lang upang makuha ang kanilang atensyon.
"Good afternoon Sir, good afternoon Ma'am." bati ko sa kanilang tatlo na nagpatigil sa kanilang usapan.
"Sayang naman, baka kung ano na ang pinag-uusapan nila, malay mo importante." nagkakamot sa ulong sabi ni Daldalita.
TSISMOSA.
"Oh, Mister Alegre, kanina ka pa ba d'yan?" napatayo si Sir Panot at saka may kinuhang envelope sa mesa ni Sir Sanico.
"Kadarating lang po Sir." sagot ko sa kanya at nanatili akong nakatayo sa may pinto. Lumapit si Sir Panot at saka ibinigay sa akin ang makapal na brown envelope.
"Tutal may service ka naman, ikaw na lang magdala nito sa ospital at ibigay mo iyan kay Mr. Sanico para matapos na niya ang dapat niyang gawin, mga quizzes at periodical exam result ang mga 'yan." paliwanag ni Sir Panot sa akin. Ako pa talaga ang inutusan para maghatid ng mga test papers? Ano ako messenger?
"S-Sige po..." iyon nalang ng naisagot ko at hindi na ako nakatanggi.
"S'ya nga pala Mister Alegre, kunin mo na rin ang list of student record ng section Mars na nasa registrar ngayon at isama mo na sa pagbigay kay Mister Sanico." Si Sir Clemacor naman ang nagsalita.
"Sige po." hindi na ako makareklamo sa kanila, Wow ha. Power tripping na yata ito ah. Nagpaalam na ako sa kanila at naglakad na papunta sa registrar office.
"Utusan ka na pala ngayon, na promote ka nang messenger mula sa pagiging estudyante." nang-iinis na komento ni Daldalita habang lumilipad s'ya kasunod ko.
"Tumahimik ka." inis na saway ko namab sa kanya.
Parang ayaw pa ibigay sa akin ng registrar ang record na hinihingi ko dahil confidential daw ito at dapat teacher daw ang kukuha. Nakarecord kasi sa listahan ng estudyante ng section Mars ang grades nila sa nagdaang first ranking. Ipinaliwanag ko na lang na nasa ospital pa ang adviser namin at ako na ang inutusan ng mga teacher ng trash building na maghatid ng envelope kay Sir Sanico. Napapayag ko naman ang registrar pero sinelyuhan niya ang envelope na pinaglagyan at saka pinirmahan.
"Papirmahan mo na lang din 'yan sa guidance counselor para makasiguro, wala naman ngayon si Mr. Morgan medyo busy sa mga board meeting. Wala akong nagawa kundi ang sumunod kahit ayaw ko pang makita si Mrs. Mendoza. Ilang araw na 'yang board meeting na 'yan.
Tuloy lang ako sa paglalakad papuntang guidance office at tuloy rin sa pang-aasar sa akin si Daldalita. Dapat kasi, silang mga teacher ang nag-aasikaso ng mga papel na ito, Bakit ako pa?
Kakatok pa lang ako upang pumasok ay pinagbuksan na kaagad ako ni Mark. Mukhang busy si Mrs. Mendoza sa mga pinagsasasabi niya kaya hindi niya napansin na pumasok na ako sa office.
"...Ang badge na'to ang mag-i-identify sa inyo that you are one of the odds of this school in your respective grades. It is also compulsory to wear this at all times or suffer the consequences." itinaas ni Mrs. Mendoza ang badge na may iba't-ibang kulay base marahil sa grade ng estudyante, may naka emboss rin na ODD at may number sa ibaba. Sobra naman kung ipamukha nila sa estudyante ang pagiging mababa nila sa ranking.
Tinignan ko ang mga pasobra na narito sa loob ng office, hindi ko alam kung kumpleto ba ang lahat ng pasobra o may absent pero nakita ko na iilan lang ang pasobra na meron sa grade 10.
Tatlo lang ang pasobra sa grade 10
Anim sa grade 9
Lima sa grade 8
Lima sa grade 7.
Mukhang kaming grade 9 lang ang pinakamarami pero sa pag-ikot ng mata ko, lima lang silang narito.
Si Mark, Marianne, Colin, Jay-ar at si... uh... Elyon. Buti nakita ko kaagad siya, akala ko hindi ko siya mapapansin.
Nagtaas ng kamay si Colin upang magtanong, nasa tabi lang niya si Marianne. "Paano po Ma'am kung silver card holder, kailangan pa rin po ba isuot ang badge ng mga odds?"
"Card holder or not, required pa rin kayong magsuot ng badge na ito." sagot ni Mrs. Mendoza habang inaayos ang kanyang salamin. "Third week of this month magkakaroon ng event ang school kasama ang mga alumni ng Sacred Morning." nagkaroon ng bulong-bulungan ang mga estudyante.
Ito marahil ang pinag-uusapan doon sa faculty office sa building namin kanina.
"Reunion?" tanong sa akin ni Daldalita.
"Ano naman po kinalaman namin d'yan sa event?" tanong ng isang taga Archimedes.
Ngumiti si Mrs. Mendoza at naupo sa kanyang swivel chair at inayos muli ang salamin bago sumagot. "Ang mga pasobra ang nakatoka na magserve sa mga estudyante sa event na iyon."
Hindi maganda ang event na pinaplano ng school na ito, kung babalik ang mga dating graduates ng Sacred Morning, tapos mga pasobra pa ang magse-serve sa kanila. Siguradong kaguluhan ang mangyayari rito.
"Ano naman kaya mangyayari sa event na 'yan?" tanong ni Daldalita. Mangyayari sa event? Isa lang ang nasa isip ko, gagawing pansamantalang impyerno ng ibang estudyante ang gabing iyon para sa mga pasobra, joined force pa talaga ang mga kasalukuyan at ang mga graduate nang estudyante ng Sacred Morning.
Isang grade 8 ang nagtaas ng kamay upang magtanong kay Mrs. Mendoza, medyo nag-aalangan pa siyang nagsalita. "P-Pwede po ba na hindi um-attend sa event, Ma'am?"
"I'm sorry but it's compulsory for the likes of you Mister, unless you have a proxy who's willing to take your place for the night. I doubt na merong estudyante rito sa Sacred Morning ang willing makipagpalit sa posisyon mo as an Odd kahit pa temporary lang ito." sagot ni Mrs. Mendoza saka ngumiti.
Si Colin naman ang sumunod na nagtaas ng kamay upang magtanong. "Paano po kung makakuha kami ng proxy? Are we still welcome to attend the event?"
"Yes, yes, it's fine." mabilis niyang sagot kay Colin na tila sigurado siya na walang willing na pumalit sa pwesto ng isang odd para sa event. Ngumiti lang si Colin at wala nang iba pang muling nagtanong.
"All right, additional information will be posted tomorrow at the school bulletin, be sure to read the details specially for the odds." may kinuhang papel si Mrs. Mendoza sa table at saka binasa. "Sino sa inyo si Mr. James Colin Coulby, section Mars?" hinagilap ng mga mata ni Mrs. Mendoz kung nasaan si Colin, nagtinginan ang ilang estudyante sa isa't-isa.
"Ma'am?" bahagyang itinaas ni Colin ang kanyang kamay upang ipaalam na siya ang hinahanap nito.
"Right." maikling sagot ni Mrs. Mendoza at muling ibinalik sa papel ang kanyang mga mata. "Ang sabi rito, ipinatawag ka raw ni Mr. Ronnel Atienza ng section Earth and yet you didn't show up?"
Nagbago ang ekspresyon ng mukha ni Mrs. Mendoza na tila isa nang leon na handang sunggaban ang kanyang pagkain. Hindi sumagot si Colin.
"Wow ha, report agad sa guidance kapag hindi sumunod sa pagpapatawag? Eh di, wow na wow na." iiling-iling pa na sabi ni Daldalita habang pinapanood ang nangyayari.
"Magutom." reklamong bulong ni Jay-ar sa akin, hindi ko na napansin na katabi ko na pala s'ya. Katatapos pa lang ng lunch break gutom na agad s'ya.
"Ang sabi sa time-in record mo rito, 7:04 AM narito ka na raw sa school so it's impossible na hindi mo malaman na pinapatawag ka, any explanation?" tanong ni Mrs. Mendoza.
Naging tahimik ang buong office at hinihintay ng lahat na sumagot ang tinatanong ni Mrs. Mendoza.
"Narinig ko po ang pagpapatawag Ma'am, but—"
"But what? Iniisip mo ba na kaya mong lusutan ang lahat kapag magbigay ka sa akin ng unjustifiable reason? Anong sasabihin mo? Nasa clinic ka? Nahihilo ka? Masakit ulo mo? Gasgas na ang mga ganyang dahilan Mister Coulby. Give me a good reason." hamon ni Mrs. Mendoza kay Colin halos tumaas na ang boses n'ya na halatang nagpipigil pa ng galit kahit wala namang dahilan para ikagalit.
Binalot muli ng takot ang buong kwarto, parang nasa loob na kami ng hawla ng leon na ano mang oras ay pwede na kaming meryendahin nito sa bagsik. Nakita ko pa na may grade 7 na babae na halos nanginginig na ang tuhod dahil sa takot.
Paano makakapagbigay si Colin ng sagot kung pinutol n'ya agad ang sasabihin nito?
"Pwede pagpaliwanagin mo muna?" tanong ni Daldalita, halatang nairita na rin sa ginawa ni Mrs. Mendoza.
"I was at the registrar, processing the silver card I received." tila hindi natinag si Colin dahil naghikab lang muna ito sa harap ni Mrs. Mendoza.
"Mind your manner Mister. Hindi ka dapat naghihikab sa harapan ko habang nakikipag-usap sa akin." tila may lumabas pang ugat sa noo ni Mrs. Mendoza sa ginawa sa kanya ni Colin.
"Ayos din pala 'yong patpating classmate natin, hindi natitinag sa galit ng teacher, parang ikaw lang." bulong sa akin ni Jay-ar na tila amuse pa sa mga nagyayari.
"Sorry Ma'am, but it's better for you to be a good model of good manners and right conduct to youngsters like us." sagot ni Colin na nakapamulsa. Inilabas niya ang silver card niya bilang patunay. Saan kaya siya kumuha ng mag i-sponsor sa kanya?
"Anong sabi mo?" kahit nakangiti si Mrs. Mendoza ay halatang pigil ang galit nito sa ginawang pagsagot ni Colin.
"Hindi mo PO dapat pinuputol ang pagsasalita PO ng isang tao lalo na PO kung hinihingian mo PO ng paliwanag." talagang diniinan ni Colin ang pagsasabi ng po kay Mrs. Mendoza.
"Ayon PO sa patakaran, bawal PO utusan ng isang top section student ang silver card holder because the card give it's holder an immunity against the specially privileged student regardless of the holders rank." parang pina-paalala pa ni Colin ang rule kay Mrs. Mendoza. "Pwede PO akong magreklamo kapag pinilit pa rin akong pasunurin sa kagustuhan nila kahit may card na PO ako." pagtatapos ni Colin. Para siyang isang gladiator na nagtagumpay sa laban kung saan napaslang niya ang isang leon.
Kung pwede lang literal na umusok ang ilong ni Mrs. Mendoza sa ginawa sa kanya ni Colin ay siguradong napuno na nito ang guidance office. "I'll check the records of the silver card holder to see if you're telling the truth." humina na at naging malumanay ang boses ni Mrs. Mendoza pero may bakas pa rin ng pagka-irita sa tinig nito. Tatayo na sana si Mrs. Mendoza nang muling magsalita si Colin.
"No need to check the records Ma'am, narito naman po sa office ang sponsor ko."
Narito sa guidance office? Akala ko puro pasobra lang ang pinatawag dito? Isa-isang naglingunan ang mga estudyante na tila hinahanap kung sino ang sinasabi ni Colin. Saka ko na lang na-realize kung sino tinutukoy n'ya nang sa akin s'ya lumingon.
"Binigyan mo si Colin ng silver card?" pabulong na tanong sa akin ni Jay-ar.
"Anong sponsor? Anong silver card?" naguguluhang tanong ni Daldalita, wala kasi siya noong pinag-uusapan ang tungkol sa silver card nang nagpalipat ako sa section Mars.
"What are you doing here Mr. Alegre? You're not one of the odds of your grade." sa akin na ngayon nakatingin ang lahat ng mata. Bwisit 'tong Colin na 'to ginamit pa talaga ako sa kasinungalingan n'ya. Hindi ko naman s'ya binigyan ng silver card.
"Ma'am, nautusan lang po na magpasign sa inyo, may dadalhin po kasi akong documents para kay Sir Sanico." lumapit ako sa kanya sa tapat ng table n'ya at nagkatabi na kami ni Colin na nakatayo sa harapan ng mesa ni Mrs. Mendoza.
"You gave me the card or else mapapahamak si Marianne, sa kanya ko kinuha ang card na hawak ko, now you do the talking to convince the old hag."
Mahina ngunit klaro ang pagkakabulong ng bawat salita na sinabi sa akin ni Colin. Ngumiti s'ya sa akin ngunit hindi ito pangkaraniwang ngiti, isang ngiti na alam mong hindi gagawa ng mabuti, kung ikukumpara ang ngiti n'ya sa ngiti ni Gello, lalabas na amateur lang si Gello. Dark Magician, paano kaya n'ya nakuha ang silver card ni Marianne?
Sleight of hand, isang skill na ginagawa ng mga magician sa bawat trick nila. Trick, isang trick
"Hinahamon ka ng patpating iyan Trick." nakangiti at mukhang excited pa si Daldalita sa nangyayari. "ngayon mo ipakita sa kanya kung bakit kita tinatawag na Trick."
Napangiti ako sa sarili ko, tama... hindi n'ya ako tatawaging "Trick" kung hindi ako marunong ng isang simpleng trick."
★★★★★ITUTULOY★★★★★