CHAPTER 6
Isang nakakagutom na umaga ang bumungad sakin. Ba namang magising ka na nalalanghap mo ang amoy ng lutong mukhang masarap kainin? Hindi ko alam kung ano ang amoy na iyon pero dahil nga sa nakaramdam ako ng gutom ay tumayo ako kahit ayaw pa dumilat ng mga mata ko.
" Sana mabilaukan ang may ari ng nilulutong yan, tsk! Nagbabahagi ng amoy pero hindi ng niluto. Tsk!".
At dahil sa alam ko namang walang lutong makakain sa kusina ay dumeretso na lang ako sa ref. At dahil sa nagugutom ako ay kakainin ko ang ref. Bweset na bahay to. Kalaki wala namang makain! Kumuha ako ng tubig mula roon.
"Kaya ka payat kasi ang aga-aga malamig na tubig na agad sumasalubong sa naghihingalo mo nang lamang loob." Anang boses dahilan upang malaglag ang hawak kong baso. Tang ina! Babasaging baso pa naman.
"Anong ginagawa mo dito?!" Galit kong tanong. Kung nagtataka ka kung sino ang tinarayan ko sa ke aga ay pwes, ang gwapong demonyong best friend ko po. Si Gino Reyes.
" Well, nagluluto ng agahan para sa mahal kong prinsesa." Nakangiti pang turan nito.
"At sino nag sabi sayo na pinayagan kitang magluto sa kusina ko, ha? Pakialamero ka! May kusina kayo dapat doon ka nag luluto, hindi dito sa loob ng pamamahay ko." Galit ko paring sabi dito.
" Excuse me? Bahay mo? Correction. Bahay nina Tita Sylvia at Tito El. In short, bahay ng parents mo. Sabihin mong bahay mo kung ikaw ang bumili ng mga materyales na siyang ginawang bahay. Okay?" Pananabla naman nito.
" Ah, basta! Umalis ka na pwede? Ayokong makita pangit mong pagmumukha!" Sabay tulak ko palabas sa kaniya ng bahay.
" Ops! Correction again. Gwapo po ako. Yun ang sabi ni Mama and even Kath." Anitong malapad ang pagkakangiti.
Natigilan ako bigla nang marinig ko ang pangalang Kath. Ang girlfriend niya.
" Umalis ka na pwede ba? Ayokong makita pagmumukha mo." Seryoso kong sabi sa kaniya.
"Hey? A-anong problema?" Nagtatakang tanong nito.
Tsk! Malamang, wala talaga siyang alam sa nararamdaman ko kasi nga noong hinahanap ko siya at kailangan ko siya ay kasama niya ang Kath niya. Sino nga ba naman pala ako sa buhay niya? Isang hamak na best friend niya lang ako. Best friend na para sa kaniya ay bobo sa pag-ibig kaya ako ang laging iniiwan.
"Anong problema? Hindi mo alam kung ano ang problema?" Balik tanong ko sa kaniya. Iyong tono ng boses kong pikon na may halong inis at galit.
"Bakit? Magtatanong ba ako sayo kung alam ko?" Pananabla niya sa tanong ko.
" Pwede bang lumayas ka na? Bumalik ka na lang kapag alam mo na kung ano ang problema ko." Sabi ko sa kaniya sabay hila palabas sa kaniya at sara ng pinto. Sumandal ako sa pinto kung saan si Gino nasa labas niyon.
" Pwede bang sabihin mo na lang sakin? Hindi naman ako manghuhuula, eh." Angal pa nito kahit nasa labas na ng pinto.
"Hoy, Steph! Best friend!" Anito sabay ng pagkatok ng pinto ko. But hell, wag ako ngayon Gino Reyes. Galit ako sayo. Level one hundred fifty degree ang init ng ulo ko ngayon.
*****
After how many hours ay umalis na rin si Gino. Nag antay pa nga itong pag buksan ko ng pinto kaya tiniis nitong umupo sa sa may tarangkahan. At dahil sa maldita ako ng araw na iyon ay tiniis ko na hindi siya pag buksan. May karapatan rin naman akong magalit at mag tampo, right? I am his best friend. Nauna pa nga ako sa girlfriend niya na dumating sa buhay niya eh tapos in a glimpse, kaya niya pala akong kalimutan? Eh, kung barilin ko na lang kaya ulo niya ng tuluyan siyang mag ka amnesia, aber? Kakaasar ng kingina.
Nang alas dyes na ay saka pa ako lumabas ng bahay. Wala na sa labas si Gino kaya gora na para mag walwal. Alam kong para lang sa mga sawi sa pag-ibig ang magpakalasing pero my heart is broke right now. Wasak! Pilas! Nag-iisa. Forever alone.
Malungkot kong tinahak ang daan papunta sa mall. Manonood ako ng sene. Wala akong paki kung ano ang sabihin ng mga nakakakita sa akin. Wala silang paki. Kung sakali mang pagbawalan akong pumasok tatadyakan ko pagmumukha ng aangal. Lintik lang ang walang kasama.
Waaaah!
Hayp na buhay to!
"Isang ticket lang po." Sagot ko sa tanong ng nasa counter. Manonood ako ng pelikula na tragic.
" Wala ka po bang kasama, Mam?" Tanong nito. Aba! Mag tanong ba naman kung may kasama ako? Sumasabay ka talaga sa init ng ulo ko, ha?
" May nakikita ka bang hindi ko nakikita, ha? Malamang ako lang mag-isa. Kaya nga sabi ko isang ticket diba?" Inis kong sagot dito. Ka imbyerna!
"Sorry po, Mam." Nahihiya namang sagot sa akin ng nasa counter. Nakayuko pa nitong iniabot ang sukli ko.
"Minsan, miss wag ka ng matanong okay? Ang trabaho mo ang atupagin mo hindi ang buhay ng ibang tao. Hindi 'yong bida- bida ka. Itigil mo yang bunganga mo kung ayaw mong masusunganga. Okay?" Maldita ko pang pahabol sa babaeng nasa counter. Tss!
Sa mga oras na iyon wala na akong paki kung ano sasabihin ng mga nakarinig sa akin. Galit ako. Oo, tama. Galit ako kaya ngayon sabi ni brain cells kaya wala silang magagawa kung mag taray ako. May karapatan din namang mag taray ang mga cute na katulad ko, hindi ba?
****
Marami- rami na ang tao sa loob ng sinehan nang makapasok ako. Bitbit ang pop corn sa kanan kong kamay at isang juice sa kaliwang kamay ko naman. Bumili pa ako ng ibang makakain na kung ano- ano ang pangalan ay hindi ko alam. Gusto ko lang kumain ng kumain at manood kasama ang hindi mga kilalang tao.
May TV rin naman sa bahay pero gusto ko ng may kasama manood. Hindi ko rin naman pwedeng tawagan si Gino dahil nga sa galit pa ako sa kaniya sabi ni brain cells.
Sa kakahanap ko ng pwedeng mapwestuhan ay napadpad ang aking mga mata sa dulong bahagi ng senehang iyon. May isang lalaki lang doon. May tatlong upuang pagitan mula sa kaniya. Mm, pwede na siguro doon.
Tinahak ko na agad ang uupuan ko. Inayos ko muna ang dala kong back pack at ang mga bitbit ko sa kamay. Alam kong mukhang tatlong tao ang kakain sa dala kong pag kain pero wala akong pakialam. Hindi rin naman ako nataba, so make sense ang salitang diet.
After two minutes ay tuluyan na ngang nag simula ang palabas.
Tahimik ang lahat ng mga nandoon. Ts! Well, sinehan nga naman.
" Class 2018." Basa ko sa pamagat ng palabas. Sina Sherlene San Pedro at Nash ang bida ng palabas na iyon. Nandoon din sina Kiray, Michelle Vito, Kristel Fulgar at marami pang iba pero sila lang ang mga kilala ko kaya sila lang ang binanggit ko. Wag ka ng umangal. At kung gusto mong malaman ang kwento ng palabas. Pwes! Hanapin mo na lang. Tamad akong mag kwento.
Pero kung hindi ka naman nagmamadali. Okay, antayin mo na lang kapag hindi na galit ang brain cells ko. Punta ka sa bahay tapos mag kwentuhan tayo. Arasso?