Mabilis na lumipas ang ilang araw. Naging abala ako sa pag-attend ng mga rehearsals para sa pageant. Mula rin nang mangyari iyong paghalik sa akin ni Dominique ay madalas na siyang nasa paligid.
Minsan ay sinusundo niya ako sa umaga pero madalas ay sa uwian niya ako sinusundo. Minsan na lang din sumabay sa amin si Sabelle. Hindi ko alam kung abala lang siya sa pagre-rehearse o umiiwas talaga siya.
Kung tatanungin ako kung masaya ako sa set up namin ni Dominique ngayon? Hindi ko alam. Wala rin naman siyang sinasabi kung anong meron sa aming dalawa. I mean, gusto niya ba ako? O hinalikan niya lang talaga ako noon kasi gusto niyang patunayan ang pagkalalaki niya? I don't really know. I'm confused. 
Ngayon ang huling araw ng rehearsal ng mga representative per course at bukas na ang pageant kaya naman hindi maaga ang pasok ko ngayon.
"Hija, parang napapadalas ata ang pagsundo sa iyo ng anak ni Mayor. Boyfriend mo na ba siya?"tanong ni Dad habang nag-aalmusal kami.
Muntikan pa akong masamid dahil sa tanong niya. Alam naman nila na si Dominique talaga ang sumusundo sa akin dahil minsan ay pumapasok siya rito sa bahay.
"Hindi po. Hindi rin naman po siya nanliligaw,"sagot ko.
"Really? Hindi pa ba siya nanliligaw sa lagay na 'yan?" Hindi makapaniwalang tanong ni mommy.
Umiling lang ako dahil hindi naman talaga nanliligaw si Dominique. Kagaya nga ng sinabi ko, hindi pa namin napag-uusapan ni Dominique ang tungkol doon. Hindi rin ako nagtatanong dahil nakakatakot malaman ang sagot. Baka kasi nakukulitan lang siya sa akin kaya sinasakyan niya ang mga pangungulit ko. 
Pagkatapos kong kumain ay agad akong magpaalam kila Mom at Dad bago lumabas ng bahay. Nandoon na agad si Dominique kaya napangiti ako. Bawat araw parang mas lalo siyang gumaguwapo. Ang unfair! Paborito yata siyang anak ng Diyos. 
"Do you really have to wear those heels?"He asked, concern is visible on his eyes.
Dahil nga ito ang huling araw ng practice ay nakasuot ako ng seven inches heels. Sanay naman ako at confident akong hindi ako matatapilok. Bata pa lang ako mahilig na akong magtakong kaya sanay na sanay na ako rito. 
"Yes, of course. Don't worry I can easily handle these babies,"I said and winked at him. He just sighed.
Pinagbuksan niya ako sa front seat at sumakay na ako roon. Umikot naman siya sa kabila at binuhay ang makina ng sasakyan. Mabilis lang kaming nakarating sa parking lot ng school. 
"I'll watch your rehearsal today,"he suddenly said when he parked the car.
"Really? Ikaw ha, hindi pa kita boyfriend pero ang supportive mo na,"pang-aasar ko sa kanya.
Seryoso niya lang akong tiningnan at lumabas na ng kotse. Napanguso na lang ako. Ni hindi man lang sinabayan ang biro ko. Sobrang seryoso!
Bumaba na rin ako at sabay kaming nagpunta sa opened court kung saan kami nagre-rehearse. Nandoon na ang ibang candidates at naagaw agad ni Dominique ang atensyon nila. Nagtataka siguro kung bakit narito ang anak ni Mayor samantalang bukas pa ang pageant.
Iginiya ko siya sa upuan malapit sa stage. Naroon din kasi ang mga kaklase ko na naghihintay sa akin.
"Dito ka na lang muna. Mag-aayos lang ako,"sabi ko sa kanya at tumango siya. 
Nang masiguro kong ayos lang siya doon ay lumapit na ako sa mga kaklase ko. Nagtungo kami sa backstage para makapag-ayos na ako.
"Ikaw ha, jowa mo pala iyong anak ni Mayor,"pang-aasar ni Janet sa akin. Napalingon din tuloy ang ibang candidates sa amin. Maging si Sabelle ay tumingin.
"Baliw, hindi. Baka may maniwala,"biro ko bago tumawa kahit deep inside ay kinakabahan ako. Ayaw ko namang may kumalat na maling balita tungkol sa aming dalawa. Baka makaapekto pa sa image niya bilang susunod na Mayor ng Isla Felice. 
Inumpisahan na niya ang paglalagay ng makeup sa mukha ko at si Rhian naman ang nag-ayos ng buhok ko. Magaling silang dalawa sa ganitong bagay kaya naman may tiwala ako sa kanila.
"Since ito ang huling practice ni'yo, buong araw kayo ngayon. But don't worry, makakatulog ka naman nang mahaba kasi hapon ka pa pupunta rito bukas,"sabi ni Janet at nilagyan ako ng eyeshadow.
"Sus, for sure ganado siya ngayon dahil may supportive boyfriend siya,"sabi na naman ni Rhian.
Naramdaman kong namula ang mukha ko pero hindi ako sumagot dahil nga abala si Janet sa mukha ko. Hindi talaga nila ako titigilan diyan sa pang-aasar nila. Bahala na nga. 
"Uyy, nagba-blush si Lia,"pang-aasar naman ni Janet.
"Kayong dalawa, napaka-issue niyo. Manonood si Dominique dahil isa siya sa mga sponsors. Gusto niya lang masiguro na maayos na ang lahat para walang problema bukas,"paliwanag ko at natawa lang sila.
Masyado yatang defensive ang dating ko doon. Dapat ba hindi na lang ako nagsalita? Ano ba 'yan!
Pagkatapos akong ayusan ay isinuot ko na ang sash ko kung saan nakasulat ang course na nire-represent ko. Ilang minuto lang ay nag-umpisa na ang practice kaya nakapila na kami sa backstage ngayon.
Hindi pa namin suot ang mga official attire namin dahil wala ng thrill kung magkakakitaan kami ngayon ng isusuot. Nakaputing V-neck shirt at pants na lang muna kami ngayon.
May dalawang bahagi ang backstage kung saan lalabas ang candidates. Nasa kanang bahagi kami nakapila habang nasa kaliwang bahagi naman nakapila ang iba. Sa unang rampa, sabay na papasok ang magkatapat na candidates pero isa lang ang didiretso papunta sa pinakasentro ng stage para magpakilala. Kapag nakabalik na ang naunang candidate, saka lang maglalakad ang pangalawang candidate sa gitna ng stage.
Isang candidate na lang at ako na ang papasok, sa kabila naman ay si Sabelle. Sabay kaming lumabas ng backstage at ako ang naunang maglakad sa pinakaharap ng stage.
"Good Afternoon everyone. I am Camellia Fortalejo, 19, representing Business Administration department,"pagpapakilala ko.
Rinig ko ang hiyawan ng team ko kahit na practice pa lang ito. Nilingon ko kung nasaan si Dominique at nakitang nakatitig siya sa'kin. Agad din akong nag-iwas ng tingin dahil nakakapanlambot ng tuhod ang titig niya. Baka matapilok pa ako rito.
Matapos kong mag-pose ay naglakad na ako pabalik at saka naman sumalubong si Sabelle. Siya naman ang nagtungo sa gitna ng stage at nagpakilala.
"Good Afternoon ladies and gentlemen. I am Sabelle Tuason, 19-year old, representing Accountancy department,"sambit naman ni Sabelle at bumalik na kami sa backstage.
Tama nga si Janet, ala singko na kami natapos mag-rehearse. Medyo nangangawit na ang binti ko dahil maghapon akong nakasuot ng heels. Paano pa kaya bukas na talagang suot na namin ang mga gowns namin? Edi mas lalong nangawit ang binti ko.
Pagkalabas ko ng back stage ay hinanap ko kaagad si Dominique. Nakita ko siya kaagad na kausap si Sabelle. Nakangiti sila sa isa't isa at halatang may magandang pinag-uusapan.
Hindi ko alam kung bakit parang may tumusok sa puso ko. Bakit kasi kapag si Sabelle ang kasama niya parang masaya siya? Kapag kaming dalawa lang hindi naman siya madalas ngumiti. Hindi ko na talaga maintindihan si Dominique. Hindi ko alam kung gusto niya ba ako o ginagawa niya lang akong front para pagtakpan ang relasyon nila ni Sabelle?
Shit! Iniisip ko pa lang na panakip-butas lang ako, napakasakit na. Hindi ko yata kakayanin.
Huminga ako nang malalim at nagpasyang lapitan silang dalawa. Nilingon nila ako at agad naman akong ngumiti sa kanila.
"Can we go home now? I need to have a beauty rest for tomorrow,"I said.
"Hindi ka talaga sasabay sa amin?"tanong ni Dominique kay Sabelle at umiling lang ito.
"Hindi na. May pag-uusapan pa kasi kami ng mga kagrupo ko. Ingat kayo,"sagot ni Sabelle.
Pinagmasdan pa ni Dominique si Sabelle na naglalakad palayo bago kami nagtungo sa sasakyan niya. Hindi ako nagsalita buong byahe at nagpanggap na lang akong natutulog.
The way he looked at her, he doesn't look at me like that. It is full of concern and longing. Si Sabelle ba ang gusto ni Dominique? At kung oo, ano namang magagawa ko? Mas matagal na silang magkasama at hindi naman talaga imposibleng mahulog sila sa isa't isa. Kahit pa sabihin na ayaw ni Dominique makipagrelasiyon, hindi naman ibig sabihin n'on na wala siyang nagugustuhan. 
Pagkahinto ng sasakyan sa harap ng bahay namin ay agad kong inayos ang gamit ko. Bubuksan ko na sana ang pinto ng pigilan ako ni Dominique. Nilingon ko siya at nakitang seryoso siyang nakatingin sa'kin.
"Are you okay?"He asked.
I want to say no. Gusto kong sabihin na nagseselos ako sa pagiging malapit niya kay Sabelle pero hindi naman pwede dahil hindi naman kami. I don't even know if he likes me too. Ang hirap pala ng ganito. Iyong gusto mong malaman ang sagot pero takot kang magtanong. Iyong ang dami mong gustong sabihin pero hindi naman puwede. 
"I'm fine. Just tired. Papasok na ako,"sagot ko.
He stared at me for a while then he sighed. "Take a rest. Good night,"he said.
Hindi na ako sumagot at bumaba na ako mula sa kotse niya. Dire-diretso akong naglakad papasok sa gate at hindi na siya nilingon pa. 
Masyadong mabigat ang puso ko ngayong gabi. At pakiramdam ko, mas bibigat pa ito sa mga susunod na araw.