Ynah Morayta
Seven hours after the suspicious man showed up
January 14, Tuesday 10:30 A.M.
Sigurado ako sa nakita ko at dahil doon, mas nadagdagan ang panginginig ko. What if sunusundan niya ako dahil nalaman niya na nakita ko siya… sila?
Nanunuyo ang lalamunan ko habang nakaupo sa monoblock sa tapat ng desk. Mas lalong kumabog ang dibdib ko dahil sa ingay ng mga dumarating na mga lalaking naka-posas. Pinipilit ko ang sariling pakalmahin at huwag pansinin ang nasa gilid ko na kararating lang. Since makalapat ang likod niya sa upuan at mapadako ang tingin niya sa gawi ko, hindi niya na ako tinigilan sa pagka-catcall. Hindi niya ba nahahalata na hindi ako comfortable na tinatawag-tawag niya ako?
Umayos ako ng pagkakaupo at humarap sa pulis na kasalukuyang may ina-arrange na papers. He glanced at me and sumenyas na tatapusin niya muna iyon bago siya tumayo, tumango na lang ako at yumuko. I can’t stop scratching my fingers at paulit-ulit ko nililingon ang entrance ng station, checking kung may mag-grab na lang sa'kin bigla dahil malapit ako rito. Ipinunas ko sa slacks ang pawis na namuo sa palad ko at huminga ng malalim.
“Miss! pahingi ako ng number mo,” pangungulit pa niya. I don’t have problem kung mukha siyang gusgusin dahil it’s his choice pero ang i-catcall ako?
“Will you please shut up? Hindi mo ba nahahalata na ayaw ko?” mahinang tugon ko sa kan’ya. Ngumiti naman siya at tumingin ng malagkit sa akin at sa hita ko. Inilayo ko ito at saka umirap sa kan’ya.
“Pakipot ka naman sexy, hirap ka-bonding!” Ikinuyom ko ang kamay ko.
Nakakabastos yung tingin niya. Akala ba niya natutuwa ang babae kapag tinatawag, sinisipulan, at tinitingnan siya ng ganyan? We are not objects for your satisfaction! Nakakarindi na dahil sa unwanted compliment na isinisigaw niyo sa kalsada tapos kapag hindi kayo pinansin, tatawagin niyo kaming pakipot? Akala niyo ba mag-guilty kami at magr-respond na kami after that? Heck no!
“You know what? You’re gross. I don’t need your attention or praise. Hindi mo ba alam na harassment ‘yang ginagawa mong pangk-catcall?” Nag-umpisa na’ng mag-init ang mukha ko.
“Sus! Para binabati ka lang ‘eh. Sungit mo naman,” tugon niya. Tumayo na ako at hinarap siya.
“Excuse me? Catcalling is not a compliment. What if binati kita ng ‘nice balls’ sa kalsada o sa harap ng maraming tao at tumitig ako sa baba mo? What if imwestra ko na umaalog ‘yang nasa harapan mo habang may ibang mga babae sa gilid ko? What if sabihin ko na wala kang karapatan magreklamo dahil ginusto mo naman? Anong mararamdaman mo?” Huminto ako sandali to catch my breath. “Hindi ba’t nakakatakot?” Napalingon ako sa lumapit sa aking babaeng officer, tiningnan niya iyong lalaking natameme at napaayos ng upo. Sumenyas naman yung officer na nakatoka sa akin na kababalik lang sa desk na palipatin yung lalaki sa kabila.
“Hindi namin tino-tolerate ang gan'yang behavior, tandaan mo nasa police station ka, Sir.” Rinig kong pahayag nang babaeng officer nang lumapit ito sa lalaki.
Nang magawi ulit ang tingin ko sa entrance, bumungad sa amin ang mukhang bagong gising na sa tingin ko ay nasa 20s na rin like me. He has this unique slit scar on the side of his lips and red-dyed buzz cut hair. Nakasuot siya ng gula-gulanit na skinny jeans at sleeveless shirt. Napansin ko rin ang piercings sa labi at tainga niya. He is definitely a gangster na makikita mo sa kalsada tuwing hatinggabi. Nakadagdag pa ng suspicion ko ang mga bagong sugat niya sa mukha at braso, siguro ay dahil sa gulong sinalihan ng mga katulad niya. Sigurado ako na siya yung suspicious man na sumusunod sa akin kanina pag-uwi that’s why I reported him. Hindi ko palalagpasin ang pags-stalk niya sa akin!
Umayos ako ng upo at pilit na hindi siya lingunin hanggang sa maka-upo siya ng tuluyan. I can’t see on his smug face yung pag-aalala na para bang casual lang na nandito siya sa station. What to expect nga naman sa mga taong hanap lang ay makipagbasag-ulo. Even when the process of questioning his whereabouts started, napaka-kalmado niya. Napansin ko rin na para bang pamilyar na siya sa mga officer dito dahil siguro madalas siyang nare-report.
I managed to stay calm or look composed. Tumingin ako ng diretso sa officer habang pinapaliwanag sa lalaki na hindi na siya pwedeng lumapit sa akin and if he tried to do that again or anything na mangyari sa akin, I will press charges against him.
I can see him sa gilid ng mata ko na kanina pa sumusulyap-sulyap sa akin. I don’t know kung basa na ang papel na hawak ko na kinuha ko galing sa shoulder bag kanina. Isa ring rason kung bakit ako nagreport at pumunta sa station ay para sana ibigay ang maliit na impormasyon sa officer in-charge sa case. Hindi rin ako pwedeng magkamali sa nakita ko that night dahil muntik na nila ako mabundol while pumipili ako ng prutas. Nang makita ako ni Rona, parang hindi niya na talaga ako kilala. Hindi sila humingi ng pasensya at tuloy na nakipagsiksikan lang sa palengke.
Hinintay ko na umalis yung lalaki bago ako magtanong sa officer however, itinuro niya lang ako sa babaeng officer dahil nasa stakeout daw ang in-charge. I handed her the notes, nakasulat doon ang buong nangyari at yung nakita ko na broken wristwatch at kung paano ko naalala. I hope makatulong ang impormasyon ko dahil halos hindi ako makapag-isip ng maayos simula ng maalala ko iyon.
Kung ako ang tatanungin, ayaw ko pa umuwi sa apartment. Natatakot ako na what if ang lalaking iyon ang rider na nakita kong huling kasama ni Rona. Paano kung tama ako at ako na ang susunod na mawawala?
I don’t know kung dahil sa stress o puyat kaya bigla akong nahilo and it left me with no choice kundi umuwi. I took a ride home at bilis-bilis pumasok sa unit. Ang alam ko lang ngayon dapat ay magdoble-ingat ako.
******
Malakas na kalabog ang gumising sa akin. Pangalawang beses na ito. Bumangon ako sa sofa at pinakinggan kung saan nanggagaling ang ingay. Maya-maya ay nawala rin ito kaya hindi na ako nag-abalang puntahan at isa pa, ayaw ko lumabas.
Kinuha ko ang phone sa ilalim ng throw pillow at binuksan ito. May three messages ako, one from our boss, and the other two is from my Uncle and bestfriend Cheri. Hindi man naging maganda ang gising ko napalitan naman iyon ng sigla nang makita ko na mag-rest daw muna ko for now at ipapalit sa night shift ang mga lalaki. Parehas din ang text ni Cheri sa akin na naka-duty ngayong araw. Habang si uncle naman ay bibisitahin ako rito para dalhan ng pagkain.
Sabay ng pagtayo ko, mayroon ulit paulit-ulit na kalabog sa kabila. I personally didn’t know though nakita ko na sila mag-asawa one time. They seems to be newly-wed and medyo malaki na ang tyan ng misis niya. Oh! Nakita ko rin pala yung lalaki nang tumulong siya mag-ayos ng mga sirang upuan noong may event ang buong building. Pero kahit sana may ginagawa o may inaayos sila sa unit nila, dapat ay hindi sila mambulabog.
Tumunog muli ang phone ko dahilan para mapatingin ako sa sofa. Nanlaki ang mata ko sa text na nakita ko from an officer at sa tagos sa puti kong sofa cover.