“I like you Anna,” ulit ni Jake sa sinabi ng hindi siya sumagot.
Akala niya ay aatakehin siya sa puso sa pagkabigla dahil sa direktang pagsasabi ni Jake sa kaniya na gusto siya nito. Nakaramdam siya ng pag-iinit ng mukha hanggang sa may tainga niya. Napatingin din siya sa driver nito na umakto namang parang walang naririnig.
“Ha? Ah..,” napalunok siya. She was shocked by his direct answer. “Paano? B-bakit?” hindi niya alam kung paano ito tatanungin. “Nananaginip ba ako?” bulong ng isip niya. Wala sa loob na kinurot niya ang sarili. Napansin naman ito ng binata at marahan itong tumawa.
“Kung tinatanong mo kung bakit, honestly, I’m asking myself the same question,” nang-aasar na paliwanag nito. “I mean, there is nothing special about you.”
Sinimangutan niya ito. “Anong klaseng pagtatapat ito at may kasama pang pamimintas?” sigaw ng isip niya. Ngunit hinawakan nito ang mga kamay niya at tiningnan siya sa mga mata.
“Seriously Anna, I like you. Hindi ko talaga alam kung kailan pa at bakit ikaw. Pero, do I need a reason to like you? Hindi ko alam kung anong meron ka, why am I attracted to you? Sinubukan kung layuan ka but I can’t help it,” mahabang paliwanag nito.
Tila umurong ang dila niya. Nakatulala lang siya sa lalaking kaharap habang ang lakas ng tibok ng puso niya. Nababaliw na ba ito?
She heard him sigh. “Anna, you don’t have to answer now. I’ll see you tomorrow.”
“O-okay,” iyon lang ang naisagot niya sa dami ng sinabi ni Jake at gusto niyang batukan ang sarili. Narinig niya ang bahagyang pagtawa ni Jake kaya dali-dali na siyang bumaba ng sasakyan nito.
“Ano daw? Anong nangyari?” tanong ng isip niya na hindi parin makapaniwala sa mga sinabi ng binata.
Biyernes kinabukasan at iyon ang araw ng sportsfest. Sa isang malapit na resort club na may sapat na facilities gaganapin iyon. Kahit hindi masyadong nakatulog ay maagap parin siyang naghanda.
“Anna! Inabot ka ba ng madaling araw pagpa-practise at parang puyat na puyat ka? Ang eyebags girl!” punang-biro sa kaniya ni Gab.
“H-hindi ah, madami lang akong iniisip,” tanggi niya.
“Uy! Baka naman si Jake ang iniisip mo?” makahulugang biro ni Natasia.
“Ikaw bruha ha! May nililihim ka samin,” pahaging sa kaniya ni Gab. “Dali, ikwento mo na habang hindi pa nag-start ang activities. Hindi na ako makapaghintay.”
Ayaw naman niya maglihim sa dalawa kaya kinuwento din niya sa mga ito ang mga sinabi ni Jake ng nagdaang gabi. Gusto din niyang makuha ang opinion ng mga ito.
“Seriously?!” magkasabay na bulalas ng mga ito.
“Sshh! Wag nga kayong maingay!” saway niya sa dalawa.
“Wag maingay? Eh pinagtsi-tsismisan ka na ng buong sambayanan! Ayy! Natapakan ko ang buhok mo girl! Sorry ang haba kasi,” exaggerated si Gab.
“Magkakilala pala kayo ni Jake?” curious na tanong naman ni Natasia sa kanya.
“Mahabang kwento eh,” sagot niya.
“Pwes! Ikwento mo samin mamaya,” sagot ng dalawang kaibigan niya. Natigil ang kwentuhan nila ng magsimula na ang emcee. Sa ibang grupo si Gab kaya napahiwalay na ito sa kanila ni Natasia ng pahanayin sila depende sa group.
Openning ceremony muna iyon at may mga announcement pa ang emcee. Sinabi nito ang mga magiging activities pagkatapos ay pinage-exercise muna sila. Zumba to be exact. Itinuro sa kaniya ni Natasia si Gab na sumasayaw. Mula sa pwesto niya ay kita niyang hataw na hataw si Gab sa pagsayaw. Mukhang madaming binaon na energy ang kaibigan nilang iyon. Tumatawa siya ng mahagip ng paningin niya si Jake. Nasa unahan ito with his family. Sa tabi nito ay ang babaeng nakita niyang kasama nito sa coffee shop. Nakahawak ang kamay ng dalaga sa braso nito. As usual ay napakaganda parin ng ayos nito. Sa nagdaang araw ay nalimutan na niya ang babae na iyon. Agad na nawala ang ngiti sa labi niya pagkakita sa mga ito. Napansin din niyang lumingon si Gab at Natasia sa kaniya ng mapansin din ng mga ito ang kasama ni Jake. Para siyang napahiya sa mga kaibigan. Ramdam din niya ang ilan sa mga katrabaho niya na napapasulyap sa kaniya. Sigurado siyang magiging mas maugong tsismis tungkol sa kaniya.
“Pinaglalaruan ba ako ni Jake? Matapos ang mga sinabi niya ay makikita ko siyang may kasamang ibang babae?” masama ang loob na tanong niya sa sarili.
Maya-maya ay naramdaman niya ang pag-akbay sa kanya ni Natasia at bumulong ito. “Cheer up Anna, don’t mind them.” Tumango lang siya. Nakita niya na seryosong nakatingin sa kanya si Jake pero hindi na niya ito pinansin.
Napansin din niya ang pagkagulat ni Natasia pagkakita kay Stephen na nakapwesto sa kinaroroonan nila Jake. Kumaway at ngumiti ito sa kaibigan pero hindi ito lumapit sa kanila. Kita niya ang pagkaasiwa ng dalaga.
“Hindi alam ng family niya ang tungkol sa amin. Si Jake lang siguro ang may alam kasi siya lang ang nakakasama naming,” mahinang paliwanag nito sa nagtatanong niyang mga mata. Noon niya napagtanto kung bakit wala ang dalaga sa wedding ni Sarah noon.
Una sa activity ang cheerdance competition na naging variety show na kalaunan. Wala siyang gana habang nagpe-perform. Paano siya gaganahan? Nasa harapan nila si Jake katabi ang magandang babaeng iyon at ang buong angkan nito. Pagkatapos ang performance ay sinalubong siya agad ni Natasia na tumatawa. “Ang galing sasayaw, ah!” kantiyaw nito sa kanya. Tawa lang ang isinagot niya dito na hindi umabot sa kaniyang mga mata. Mabuti nalang at ka-team niya ito. Kahit papaano ay may nakakausap siya dahil gustong-gusto na niyang umiyak. Ramdam niya ang tingin sa kaniya ng iba pang kasamahan pero nagkunwari nalang siyang hindi iyon napapansin at hindi siya naa-apektohan.
Sila na ang kasunod na team na lalaban ng volleyball. Nakita niya si Stephen na nanunuod at katabi nito si Jake na nakasuot narin ng jersey. Aaminin niyang lalong gumwapo ang lalaki sa suot nito, ngunit ng mga oras na iyon ay ayaw na niyang makita pa ito lalo pa at may kasama itong ibang babae. Tinawag na siya ni Natasia para magpalit ng uniform nila. Pagkatapos niyang magbihis ay sinipulan siya ni Natasia.
“Wew! Anna! Ang sexy mo pala, ah? Ngayon mo lang inilabas ang natatago mong alindog,” tumatawang komento nito.
Natawa siya sa term na ginamit ng kaibigan. Totoo namang kahit papaano ay may curve siya. Hindi nga lang siya confident magsuot ng mga sexy outfit katulad ng kaibigan. Sexy si Natasia sa height nito. Lalo na sa suot nitong uniform ngayon. Pagdating sa court ay nakita niyang pinagtitinginan sila ng mga katrabaho lalo na ng mga kalalakihan. Marahil ay dahil sa kaibigan niya. Hindi sinasadya napatingin siya sa direksyon ni Jake at nakita niyang matiim din itong nakatingin sa kaniya. Naiilang man ay hindi nalang siya nagpahalata. Nagpalista na sila sa committee para sa volleyball at nagsimula na siyang pumwesto sa loob ng court.
“Go team!” naririnig niyang sigaw ng mga “plastic” niyang kasamahan sa cheerdance.
Ng magsimula ang game ay nawala na ang isip niya sa paligid niya. Naka-focus na siya sa laro niya. Si Natasia ang naging hitter habang siya ang setter. Sanay siya sa role na iyon. Tulad ng usapan nila ng kaibigan ay siya ang nag-lead ng buong laro. Pansin niyang magaling din si Natasia sa laro. Malakas ito at nahihirapan ang kalaban nilang saluhin ang bawat atake nito. Dahil doon ay madali nilang natapos ang first game. Itinuro sa kaniya ni Natasia ang grupo nila Ms. Basides na nanunuod sa kanila. Mukhang seryoso talaga ito sa larong iyon at gustong-gusto nitong matalo ang grupo ni Basides.
Lumipas ang maghapon ng hindi na niya tinapunan ng tingin si Jake. Sa tuwing magkakasalubong sila nito ay umiiwas agad siya. May karapatan sin siyang magalit dito. Kahit papaano ay umasa siya sa mga sinabi nito ng nagdaang gabi. Nakita niyang lumaro ito ng basketball. Magaling ito at lalo siyang napahanga dito. Naiinis siya dahil bumibilis ang tibok ng puso niya habang pinagmamasdan ito. Ngunit kitang kita niya kung paano nag-cheer dito ang babaeng kasama. Lalo lang siyang nasaktan kaya pinili niyang umalis nalang sa basketball court. Manunuod nalang siya kay Gab na lumalaban ng table tennis.
Nagkaroon pa sila ng mga sunod na laban hanggang sa sila ang makarating sa finals. Ini-announce ng emcee na kinabukasan na gaganapin ang finals at sa gabi ang victory ball.
“Anna sakin ka na sumabay pauwi,” baling sa kaniya ni Gab.
“Anna samin ka na matulog,” masayang akit sa kaniya ni Natasia. Alam niyang sinusubukan lang siyang pasayahin at aliwin ng mga kaibigan. Solo lang si Natasia sa condo unit nito dahil nasa ibang bansa na halos lahat ng pamilya nito.
“Eh? Bakit si Anna lang? Can I join you guys?” biro ni Gab sa kanila.
“Wala akong damit na dala,” tanggi niya.
“Madami akong damit Anna. Hindi pa nasusuot,” mabilis na sagot ni Natasia.
Wala na siyang nagawa pa kundi sumama sa mga ito. Tutal parang ayaw din niyang mapag-isa. Gusto niyang maglabas ng sama ng loob. Nakasakay siya sa kotse ni Gab ng makita niyang sabay na naglalakad si Jake at ang kasama nitong babae patungo sa sasakyan ng binata. Pinagbuksan pa ang mga ito ng pinto ng driver na nag-aabang. Alam niyang nakita ni Gab ang tinitingnan niya pero pinili nitong hindi magkomento. Pagdating kina Natasia ay doon siya umiyak. Alam niyang para siyang baliw pero hindi na niya napigilan. Iisang gabi palang ng sabihin ng binata na gusto siya nito ngunit ngayon ay umiiyak na agad siya. Kinuwento niya sa dalawa kung paano niya nakilala ang binata pati narin si Sarah. Inaalo naman siya ng mga ito.
“Shh. Your feelings are valid Anna,” marahang sambit ni Natasia.
Buong magdamag silang nagkwentuhang magkakaibigan hanggang sa hindi na nila namalayan kung anong oras sila nakatulog.