“Listen! Malapit na ang sportsfest! Inaasahan ko na magpapalista kayo sa iba’t-ibang games ha!” sigaw ng boss Felix nila habang nasa meeting sila. “At syempre meron ulit na cheerdance slash variety show.”
“Yown!!” sigawan ng mga kasamahan niyang lalaki at nakangising tumingin sa kaniya. Nagtatakang ibinaling niya ang atensyon muli sa Sir Felix nila.
“Alam nyo naman kung sino ang ipinapadala natin sa ganun hindi ba?!” patuloy ng sir Felix niya na makahulogan din ang tingin sa kanya. “Yes Anna! Nahulaan mo! Kung sino ang bago ay siyang kailangang sumali sa sayaw,” mapang-asar na anunsyo nito at nagpalakpakan pa ang mga walanghiya niyang katrabaho. Maghapon siyang wala sa sarili dahil sa sinabi nito. Mabuti nalang at dumating na ang sweldo niya at inaya siya nina Gab at Natasia na lumabas kung kaya medyo nabawasan ang sama ng loob niya.
“Anong klaseng mukha ‘yan Anna?!” puna sa kaniya ni Gab habang nasa coffee shop silang tatlo nila Natasia. Napasimangot siya lalo at ikinwento dito ang naging Department meeting nila.
Humagalpak ng tawa si Gab. “Sasayaw lang naman beshy. Game na game nga din ako sumayaw eh. Naku! Magkalaban pala ang team natin! Tatalunin namin ang team niyo,” excited pa na wika ni Gab.
“Anna were on the same group, anong lalaruan mo?” tanong naman ni Natasia. Hinati sa walong grupo ang lahat ng Department at nagkataon na magkagrupo ang Department nila ni Natasia.
“Volleyball ako nagpalista,” matamlay na sagot niya.
“Really?!” halos panabay na tanong nina Gab at Natasia.
“Bakit?” nagtatakang tanong niya sa dalawa.
“Hindi ka kasi mukhang mahilig sa sports,” sagot ni Natasia.
“Varsity player kaya ako,” mayabang na sagot niya.
“That’s great! Naku this time ilampaso natin ang team ng Miss Basides na yan. Natalo ako sa team nila last year dahil sa babae na yun. Alam mo ba parang naging ako versus her ang laban. Kami lang kasi ang maalam,” humahagikhik na kwento ni Natasia. “Ngayong taon humanda siya dahil kakampi na kita Anna,” dagdag pa nito. Gusto sana niya sabihin na sa kanilang dalawa ay mas ito ang mukhang hindi mahilig sa sports dahil sa ganda at sexy nito.
“Mga beshy si boss Jake ba iyon?” bulong sa kanila ni Gab at ininguso ang isang table malapit sa kanila. Napasunod siya ng tingin sa itinuro nito.
Nakita niya si Jake na may kasamang isang babae. Maganda ang babae at base sa ayos nito ay halatang mayaman ito. Napaka-elegante nitong tingnan. Maganda ang ayos ng buhok, pati narin pananamit, at mga kilos. Bagay na bagay ito kay Jake. Para silang mga artista sa pelikula.
“Oh! Pagmasdan mong mabuti Anna ng magising ka sa katotohan!” sita sa kaniya ng utak niya. Pinanuod niya ang mga ito na nag-uusap, baka sakaling magsink-in na sa kanya na hindi kailanman mapapansin ni Jake ang isang tulad niya.
“In fairness, ang ganda ng babae ha,” komento ni Gab na sinag-ayunan naman ni Natasia.
“Anna? Baka gusto mo ng ubusin yang pagkain mo ng makauwi na tayo?!” pabirong pagtataray sa kanya ni Gab. Natawa siya sa kaibigan pero hindi na lubos ang saya niya ng mga oras na iyon. Alam niya na hinahangaan lang niya si Jake pero nalulungkot parin siya. Sa gabing iyon ay ipinamukha sa kaniya ang reyalidad. Hindi manlang siya naka-kalahati sa ganda ng babaeng kasama ni Jake at malabong mapansin siya nito.
Sa mga sumunod na araw ay palagi na si Anna ginagabi ng uwi. Wala siyang nagawa at napilitan siyang sumali sa cheer dance competition na iyon para sa paparating na sportsfest. Sa gabi ay may practise sila at nagdadala pa siya ng pamalit na damit. Isang conference room na hindi madalas gamitin ang hiniram ng grupo nila para sa practise. Itinabi muna nila ang mga bangko para magamit nila ang space. Kwento ni Natasia ay malaki daw ang premyo sa competition na iyon kaya pinaghahandaan talaga ng bawat Department. Pero ang totoo ay naiiambag din ang premyo sa party ng team pagkatapos.
Sa mga nakalipas na araw ay pinilit ni Anna na alisin sa isipan si Jake. Nakikita parin niya ito paminsan-minsan pero parang hindi siya nakikita nito. Para siyang hangin dito. Iniisip nga niya na hindi na siguro siya tanda nito. Ipinagkibit-balikat nalang niya iyon tutal sa isip niya ay baka humanga lang siya sa kagwapuhan at talino ng binata. Wala namang basehan para may maramdaman siya para dito. At mas lalong walang dahilan para mapansin siya ng binata.
Personal na nagpakilala narin sa kanya si Lenard. Guwapo si Lenard at disenteng tingnan. Ngunit nagtataka siya kung bakit sa kabila ng kagwapuhan nito ay wala siya ditong maramdaman. Hindi bumibilis ang tibok ng puso niya kapag nakikita ito. Madalas magtext at chat din ito sa kanya at panay ang padala nito ng bulaklak. Napipilitan man ay pumayag siyang makipag-date dito. Ngunit isang araw lang matapos ang date nila ng binata ay naka-receive siya ng chat sa isang babae na nagpakilalang girlfriend nito. Nakikiusap itong layuan niya si Lenard. Totoo nga pala ang sinabi ni Natasia na babaero ito. Dahil ayaw niya ng gulo ay iniwasan nga niya si Lenard mula noon. Mas mainam narin iyon dahil hindi din naman niya ito gusto at wala itong mapapala sa kanya. Dapat lang na hindi niya ito paasahin. Hindi na siya sumasagot sa mga text at chat nito, ngunit kinukulit parin siya nito. Sinabi nitong magpapaliwanag ngunit nilinaw niyang hindi nito kailangang magpaliwanag dahil wala naman silang relasyon.
“Last na guys at pwede na tayo umuwi!” sigaw ng babae na nagtuturo sa kanila ng sayaw ng gabing iyon. Nasa practise ulit siya at karamihan sa kanila na kasali sa sayaw ay mga bagong empleyado at hindi niya kakilala. Matapos ang sayaw ay naghanda na siyang umuwi. Dahil pawisan ay nagpasya siyang pumunta muna sa womens room para magpalit ng damit.
Paglabas sa comfort room ay nagulat siya ng makita si Lenard na naghihintay sa kaniya.
“Oh, Lenard? Anong ginagawa mo dito?” pasimpleng tanong niya dito. Ito ang unang pagkakataon na nakaharap niyang muli ang binata matapos ang date nila.
“Hindi mo na ako kinausap after our date Anna. Anong ini-expect mo?” tanong nito na tila hirap na hirap. Gusto niyang mainis dahil sinabi naman niya ang dahilan. Nakita niya ang ilan sa mga kasamahan na lumabas narin ng womens room at napapatingin sa kanila.
“S-sinabi ko naman sayo kung bakit diba?” sagot niya na lalampasan narin sana ang binata pero mabilis siyang nahawakan nito.
“I told you Anna, hindi ko girlfriend ‘yun. I don’t know why she did that—“
“Lenard, kahit ano paman ang relasyon mo sa kaniya ayokong madawit sa gulo mo,” hinila niya ang braso mula dito pero mabilis ulit siyang nahawakan ng binata. Napansin niyang nakakainom ang binata. Amoy alak ito kahit pa matapang ang pabango nito.
“Anna, please. Pag-usapan natin, I swear shes not my girlfriend. I like you. Naghahabol lang sakin ang babaeng ‘yon,” sabi nito. Magsasalita sana siya pero bigla ay niyakap siya nito.
Nagulat siya at mabilis na kumalas sa binata. Itinukod niya ang mga kamay sa dibdib nito. Siguro kailangan na niyang sabihin ng harapan na wala talaga siyang nararamdaman dito.
“L-Lenard, I’m..I’m sorry,” simula niya.
“Why?” tanong nito na nag-iba ang ekspresyon ng mukha.
“Wag mo na akong pag-aksayahan ng oras. D-dahil ang totoo, wala namang patutunguhan ito. Okay ka naman kaso hindi ako ang babae para sayo. Wala akong—“
“Binabasted mo ba ako Anna?” pinutol ng binata ang sinasabi niya at matalim ang mga tingin nito. Kita niyang gumalaw ang panga nito sa pinipigil na galit. Bigla ay kinabahan siya sa nakitang galit sa mga mata ni Lenard.
“Im sorry Lenard, wala ka talagang maasahan sakin—“ natigil sa ere ang pagsasalita niya ng walang ano-ano ay bigla siya nitong itinulak pasandal sa pader. Nasaktan siya sa ginawa nito pero hindi siya nagpahalata.
“Sh*t you bitch! Pinag-aksayahan kita ng oras! Tapos ngayon ay sasabihin mo sa akin na wala akong mapapala sayo?” galit na bulong nito. “Wala pang babae ang nang-basted sakin Anna, naiintindihan mo ba? Do you really believe that I'll be able to deal with you rejecting me?” madiin ang pagkakasabi nito at inihawak pa ang mga kamay sa leeg niya.
Nabalot ng kaba ang dibdib niya sa biglang pagbabago ni Lenard. Nilibot niya ang mata sa paligid at lalo siyang kinabahan ng makitang wala na pala silang mga kasamahan. Nakaalis na ang mga kasama niya saw omens room kanina.
“Lenard ano ba! Nasasaktan na ako!” hindi siya nagpahalata na natatakot na siya.
“Dapat lang na kabahan ka!” sagot ng binata at diniinan nito ang pagkakahwak sa leeg niya at inilapit ang mga labi sa labi niya. Nakita ni Anna ang balak nitong gawin kaya naiiwas niya ang mukha at sa pisngi niya tumama ang labi ng binata. Nagpumiglas siya sa pagkakahawak nito sa kanya ngunit lalo lamang humigpit ang hawak nito sa braso at leeg niya. Nagsimulang mabuo ang mga luha sa mata niya sa matinding takot at pandidiri sa binata.
Bumwelo siya at tinuhod niya ang lalaki sa maselang parte ng katawan nito. Nakakuha siya ng pagkakataong tumakbo. Hindi na niya alam kung saan pupunta lalo na’t hindi naman siya pamilyar sa palapag na iyon ng building. Basta tumakbo nalang siya ng tumakbo. Napansin niya na patay na ang ilaw sa ilang bahagi ng opisina dahil halos wala ng tao. Ramdam niya ang pagsunod ni Lenard sa kaniya at nahagip nito ang buhok niya. Hinila siya nito ng marahas paharap at laking gulat niya ng isang malakas na sampal ang dumapo sa mukha niya. Noon lang niya naranasang masampal sa buong buhay niya! Nakaramdam siya ng pagkahilo sa lakas niyon. Doon na siya nagsimulang mag-panic at nagsisigaw siya.
“Tulongan niyo ako! Help me!” nagpa-panic na siya sa maaaring gawin ni Lenard. Wala na siyang pakialam sa trabaho niya basta matakasan lang niya ang lalaki.
“Trust me when I say that theres no one around here to help you,” sagot ni Lenard na tiim bagang na nakatingin sa kanya. “Be a good girl at sumama ka nalang sa akin. Pinapangako ko na mage-enjoy ka sa akin magdamag,” nakakaloko itong nakatingin sa kaniya.
“I-ipapapulis kita. Irereklamo kita!” banta niya dito.
“No one will believe you, Anna. Halos lahat dito sa opisina ay iniisip na may namamagitan sa ating dalawa. At sa mga ganitong kaso, babae ang talo. Lalo na sa case mo nab ago ka palang dito sa company,” kampanteng sagot nito.
Sa mga oras na iyon ay lubos lubos ang pagkasuklam niya kay Lenard. Nang lapitan siya nito ay mabilis siyang umurong. At ng maramdaman nga niya ang paghawak nito sa kanya ay nagwala na siya. Pinagkakalmot niya ito. Nagpakawala siya ng mga sipa at tadyak. Napamura si Lenard at tila lalo itong nagalit. Ginamit nito ang lakas at nagawa siya nitong ihiga sa sahig at daganan.
“Ang kulit mo! Ano pa bang gusto mo para sumama ka sakin, huh?” galit na sigaw nito.
“Lenard, please dont! Maawa ka sakin,” tumutulo na ang mga luha niya sa takot at nanginginig na ang buo niyang katawan.
“You are not listening to me, Anna. That’s why I’m being like this. Wala pang humihindi sakin,” pigil nito ang mga braso niya. Nagawa na nitong itaas ang laylayan ng damit niya at akma siya nitong hahalikan ng biglang may humablot dito at isang suntok ang natanggap nito dahilan para mapabulagta ito sa sahig. Nakita niya ang pagtulo ng dugo sa ilong ni Lenard. Galit na tumayo ito ngunit napatigil ito at namutla ng makita ang lalaking dumating. Nilingon niya din ang dumating at nagulat siya ng makita ang galit na galit na si Jake.