Rafaela Amber Reyes pov.
"Ella, Go upstairs and clean the twins room. They're coming home today." napaunat ako at napaikot sa kama ko. "Ella!" napamulat ako ng mata sa gulat at ngiwing napatingin sa intercom. Inabot ko ang intercom sa gilid ng kama at pinindot ito.
"Umakyat ka at linis—"
"paakyat na po, magsisipilyo lang" bumangon na ako at pumunta sa cr upang maglinis.
Ella ang tawag nila sa akin dito sa bahay, rafaela ang tawag sa akin sa labas pero si mama at papa, amber ang tawag nila sa akin. Hindi daw kasi bagay ang amber sa akin sabi ni lady marelyn, tunog pangmayaman daw at pang maganda kaya ella ang tinawag nila sa akin.
Nang matapos akong mag-ayos ay umakyat na ako at dumaretso sa kwarto ng kambal. Napanganga nalang ako ng makitang lahat ng damit nila ay nakakalat sa sahig, ang kama nila sobrang gulo at ang iba pa nilang gamit ay gulo-gulo. Dalawang araw ng wala ang kambal dito sa bahay dahil nag punta sila sa isang Beach resort kasama ang mga kaibigan niya kaya medyo naging peaceful ang buhay ko nitong mga nakaraang araw. Tamang linis lang ng walang maiingay at magugulo, kasama ko lang dito si lady marelyn pero umaalis din naman siya kaya madalas ay ako lang.
Sinimulan ko ng munang damputin ang mga nakakalat na damit sa sahig nang pumasok si lady marelyn.
"aalis ako, alam ko gamit ng mga anak ko, pag dyan may nawala—" banta nito habang nakaduro sa akin
"opo" putol na sabi ko sa kanya at bumalik na sa paglilinis. Naramdaman ko naman na nainis siya sa ginawa ko pero hindi na ako nito pinagsalitaan, ibinagsak niya lang ng malakas ang pintuan.
"hindi naman ako magnanakaw gaya ng anak mo" saad ko at nagpatuloy sa paglinis. Nang matapos akong mag dampot ay kinuha ko ang walang lamang laundry basket ng kambal at pinaghiwalay dito ang damit nila. Hindi pa naman madudumi ang damit nila, panigurado lang nung araw na inaayos nila yung damit na dadalhin nila basta nalang nila itinapon sa sahig ang ayaw nila. Wala talagang kwenta ang pag aayos ko ng damit nila kasi kapag nasa ilalim ang gusto nila, itinatapon nalang nila basta yung nasa ibabaw.
"ella!" rinig kong sigaw ni lady marelyn mula sa baba. Agad akong lumabas ng kwarto at dumangaw sa may hagdanan at nakita si lady marelyn na ayos na ayos. "buksan mo yung gate" sabi lamang nito at naglakad na papunta sa garahe. Bumaba naman ako at agad na binuksan ang gate. Huminto ito nang nasa gate na at ibinaba ang bintana ng sasakyan kaya lumapit ako dito. "bukas pa ako uuwi yung mga gagawin mo naka dikit sa ref." sabi lamang nito at tuluyan ng umalis.
Isinarado ko na ang gate at dumaretso sa kusina. Napabuntong hininga nalang ako ng makita ang isang napakahabang listahan ng mga gagawin ko, tinignan ko ang likod nito at nakitang nakalagay na din dito ang gagawin ko para bukas. Ibinulsa ko na lang muna ito at umakyat na sa kwarto ng kambal para ipagpatuloy ang ginagawa ko.
Nang matapos ako sa paghihiwalay ng damit ng kambal, sinimulan ko naman ayusin ang kama ng mga ito. Pinalitan ko ang mga punda ng unan nila at bedsheets. Nag walis naman ako pag tapos, inayos ang mga gamit nilang gulo-gulo lalo na sa study table nila at nag punas ng mga alikabok. Nang matapos ako ibinagsak ko nalang ang sarili ko sa kama dahil sa pagod.
"5 minutes" tumingin ako sa orasan at pumikit. "5 minutes lang"
*****
Naalipungatan ako ng may marinig akong sunod sunod na bumunusina sa labas. Tumingin ako sa orasan at nakitang alasdos na. Sabi ko 5 minutes lang eh. Tumayo ako ng marinig muli ang busina, sumilip ako sa bintana at nakita ang isang puting suv sa labas. Hindi ko kilala ang kotse pero bumaba padin ako at lumabas ng bahay.
Ibinaba ng nasa passenger seat katabi ng driver ang bintana niya at nakita ko si analiza na masama ang tingin sakin.
"ano bang ginagawa mo? Kanina pa kami busina ng busina hindi ka lumalabas." iritang sabi nito sakin "nakakaistorbo sa kapit bahay" sabi pa niya. Hindi ko na lamang ito pinansin at lumapit na sa gate. Bahagyang napangiwi nalang ako ng makitang hindi naman naka padlock ang gate. Naalala ko na hindi ko ipinad lock dahil uuwi sila ngayon. Pipihitin lang nila at itutulak ang gate hindi pa nila magawa, mahirap ba yun?. Nang mabuksan ko ang gate ay inantay ko makapasok ang kotse bago ko ito isinarado.
"bagal mo talaga kumilos" reklamo ni Analiza sa akin pagbaba niya at binuksan ang likurang bahagi ng kotse. "ibaba mo mga gamit namin" sabi pa nito at tumalikod na.
"lahat to?" tanong ko dahil kasama din dito ang gamit ng dalawa nilang kaibigan. Tumingin ito sa akin at inirapan ako.
"yes. Dito sila matutulog" iritadong sabi nito at lumapit sa kaibigan niyang bumaba sa driver seat. Si Daneleigh naman at ang isa pa nilang kaibigan ay pumasok na sa loob.
"let's go inside" masayang sabi ni Analiza sa kaibigan niya. Bahagyang napangiwi nalang ako at ibinaba na isa-isa ang gamit nila.
"may kalakihan yung bahay niyo pero akala ko mansion. Sabi mo kasi dati may mansion kayo" rinig kong sabi ng kasama ni analiza.
"sinabi ko bang meron? I don't remember. Ang natatandaan kong sinabi ko pinapagawa pa yung mansion namin" napatingin ako saglit kay Analiza at natawa nalang sa kaloob-looban ko. Anong mansion sinabi nito?
Nang maibaba ko na ang mga gamit nila ay binitbit ko naman lahat ng kaya kong buhatin at pumasok na sa loob at bumalik ulit sa labas para kunin ang natira.
"Maid niyo siya?" napatingin ako sa kaibigan nila na kasabay ni Daneleigh kanina pag pasok ng bigla ako nitong ituro pag pasok ko.
"obviously" sabi ni Daneleigh
"talaga? She look so young like kaedaran lang natin" sabi naman ng kasama ni Analiza na pumasok
"Wag niyo na siya pansinin." sabi ni Analiza at tumingin sa akin "Yung nasa bag ni dane labahin na namin. Yung gamit nila iakyat mo sa kwarto namin" hindi na ako nagsalita at ginawa nalang ang sinasabi niya.
Hindi na bago sakin na katulong ang pagpapakilala ng dalawang 'to sakin, ganun din naman si lady marelyn sakin kaya hindi ko talaga maintindihan kung bakit gusto niyang ituring ko siya bilang nanay. Hindi ko alam kung anong gusto niyang mangyari basta alam ko lang hindi siya sincere.
Dati nung buhay pa si papa at wala si papa sa bahay tapos may dumalaw na kaibigan ni lady marelyn sa bahay, ipinakilala niya ako bilang isang anak ng katulong namin at hindi anak niya. Nasaktan ako sobra nun dahil ginagawa ko talaga lahat para mapalapit sa kanila akala ko mararamdaman ko na ulit yung pagmamahal ng isang ina, magkaroon ng kapatid, pero hindi pala.
Nang matapos ako sa pinapagawa nila ay nag punta akong kusina para uminom. Kinuha ko ang checklist ng mga gagawin ko at nakita na isa palang ang nagagawa ko, ang linisin ang kwarto ng magkapatid na panigurado naman bukas ay magulo nanaman.
Hinanda ko na ang mga ingredients ng lulutuan ko sa lamesa at nagluto na. Habang nag luluto ako ay naging interesado ako sa pinaguusapan nila tungkol sa LNU kung saan akong university nakapasa kaya habang nagluluto ay nakikinig ako sa kanila.
"nakapasa ba kayo sa LNU?" tanong ng kaibigan nung dalawa.
"ako oo, next week mag eenroll na kami." rinig ko pag sabi ng isa nilang kaibigan.
"hmmm hindi kasi kami nakapasa." saad ni daneleigh "gusto sana namin na sama-sama tayo pero hindi kami nakapasa" sabi pa nito.
L.N.U o La Nobleza University, isa sa mga prestigious school dito sa bansa. Para sakin hindi naman ganun kahirap ang exam sa LNU pag nakapasa ka nga lang mamomoblema sa mahal ng tuition. Isa sa elite schol ang La Nobleza dahil karamihan sa nag-aaral doon ay galing sa mga kilala at mataas na pamilya.
"ay sayang naman" saad ng isa nilang kaibigan
"pero alam niyo pwede parin naman kayong makapasok dun kahit hindi nag eexam" bahagya akong napatingin sa kanila at nakita na ang nagsalita ay yung kasama ni analiza na pumasok kanina, yung driver.
"paano naman?" tanong ni analiza.
"you just need connections" sagot ng kaibigan nila.
"omyghad ana! We need to tell this to mom. My miko is studying there! Omg sis, naiisip ko palang na mag kakasama kami sa iisang school kinikilig na ko!" sabi ni daneleigh.
Nang matapos akong magluto ay lumapit ako sa kanila at inaya na sila.
"tapos na ako maghain" sabi ko tumayo naman agad si Analiza.
"let's go, let's eat" sabi nito at pumunta na sila sa hapagkainan. Umupo naman ako sa sofa at tahimik na nanood nang tv.
Dalawang linggo nalang pasukan na pero hindi ko padin alam kung makakapasok ba ako o hindi. Hindi pa kasi sapat ang naipon ko na pera sa bangko. Naghahanap ako ng trabaho pero wala naman akong mapasukan.
"Ella" napatingin ako kay Analiza ng tawagin ako nito "Bumaba kana sa kwarto mo, bukas mo na to linisin" matagal ako napatingin sa kanya bago tuluyang tumayo dahil ang mata nito ay nanlilisik na at sinasabihan na akong umalis na ako.
Naglalakad ako pababa ng marinig ko ang sinabi ng kaibigan, yung driver.
"You need to tell auntie about her behavior, she deserves to get fired. What kind of maid will sit comfortably like that while us eating? Yung mga maid nga namin sa bahay nakatayo sa gilid pag kumakain kami para pag may kailangan kami mauutusan sila agad but yung maid niyo may guts pa na manood ng tv" napangiwi nalang ako bago tuluyan pumasok sa kwarto ko. Kumuha ako ng instant meal sa refrigerator ko dito sa baba at inilagay sa oven. Nang matapos ay kumain na ako.
Matutulog na ako pag tapos, bukas mag lilinis pa ako ng kwarto ni young lady at ng garahe. Pag tapos ay mag grogrocery pa ko.