Pinilit kong hindi madistract sa ingay ng mga roommates na sobrang excited sa event ngayon. Alas singko palang naghalo na yung amoy ng perfume sa loob ng kwarto, ni wala nga yatang sapat na tulog ang mga ito.
"Si Mich ba di pupunta?" Rinig kong tanong ni Aya na nasa gawing taas ko lang. Nagkunwari parin akong mahimbing na natutulog sa pwesto.
"Mukhang magkukulong na naman to sa kwarto buong araw"
"Baka nga, try nalang natin bukas kung sasama"
Ilang usapan pa yung narinig ko hangga't di ko nalang namalayan ang mag sumunod na nangyari. Nagising ako sa lamig ng kama, dahan dahan kong pinagmasdan ang kabuuan ng kwarto. Natakpan ang sikat ng araw sa asul na kurtina sa bintana.
Madilim, malungkot, tahimik.
Ganto yung buhay na meron ako ilang taon na ang nakakalipas. Sa tatlong lugar lang nakapalibot ang buhay ko magmula nung nag aral ng kolehiyo.
KWARTO, nangunguna sa listahan.
Tumunog yung bagay sa ilalim ng unan kaya't agat ko itong kinapa tsaka itinapat sa tenga.
"Lumabas ka" panimula ni Duke sa kabilang linya.
"Magandang Buhay" walang ganang sagot ko habang ramdam ang pagod sa sistema. Kung di pa ako bumangon di ko maramdaman ang gutom, sabayan pa nitong lalaking tumawag na palaging sumasalungat sa mga desisyon ko sa buhay.
"Ano ba Mich?"
"Kakagising ko lang duke, mamaya pa naman yung shift ko diba? Ba't ka ba nandito?" Diretso yung tingin ko sa gawing bintana, hinawi ko ang kurtina nung makalapit dito. Tanaw ko na sya sa labas at nakapamewang pa, mukhang dismayado na naman.
"Kung di aral, puro ka trabaho. Maligo ka na, bilisan mo" Sermon nito sa kabilang linya, nakatingin na ito sa bintana mukhang nababagot na, ginusto mong manggulo magtiis ka.
"Wala ka bang paa?" Walang sense na tanong ko sa kanya, sure akong maiinis ito lalo.
"Bulag ka ba? Kitang nakatayo ako" Balik na tanong nito sakin, di talaga nagpapatalo.
"Meron naman pala, edi umalis kana. Gamitin mo paa mo" Binaba ko ang tawag tsaka umalis sa harap ng bintana.
Ganito yung palaging ginagawa ni Duke pag may event sa campus. Alam na alam talaga niyang hindi niya ako mahahagilap sa nagkasiyahan dun. Isa siya sa may alam ng nakaraan ko, minsan nga nagsasawa na ako sa pagmumukha ng lalaking yun. Mula ba naman High School hanggang mag Kolehiyo nagkikita parin kami, okay lang yung dati dahil hindi naman kami masyadong magkalapit, pero sa bagong buhay dito siya narin talaga yung natitiyak kong di mang iiwan sakin.
Napapikit ako nung tumunog ulit ang hawak na telepono, wala akong choice kundi sagutin ito.
"Kailangan ko na bang ipaalam tong Address mo kay---"
"Maliligo lang, mag antay ka"
Matapos ang lahat nang pagmamadali ay nakabusangot akong nakaupo sa gawing gilid ng fast food. Hinayaan ko yung kasama na mag order mag isa, sobrang aga pa pero nagawa kong magpatangay kay Duke dahil sa pang blackmail nito sakin.
"Here's your order Madam, bawal po nakasimangot pumapangit kayo lalo"
"Okay lang, di ka rin naman gwapo" Sagot ko tsaka sya tinulungang ilapag ang bitbit na tray sa harapan namin. Natahimik ang kasama kaya't agad ko siyang tiningnan, nakakunot na ang noo nito.
"Sabi ko nga kain na tayo?" Pag iiba ko sa usapan bago pa ito tuluyang mainis at ako yung mapilitang magbayad.
Alas nwebe nung makarating kami ng campus, halos dagsaan ang mga estudyante sa labas. Kapansin pansin ang nagkukulayang mga bantings na bumungad sa mga bisita. Masyadong masakit sa mata ang paligid masyadong matingkad, napayuko ako at dahan dahang hinarang ang kaonting buhok sa mukha.
"Daan muna tayo sa office, Mich" Nilingon ko ang katabi na nakatoon ang atensyon sa mga nakasabit na malalaking tela sa quadrangle. Nakahanay roon ang lahat ng pangalan nang bawat colleges sa university.
"Dito nalang ako, bilisan mo nalang" Dismayado itong tumingin sakin.
"Ayan ka na naman oh, ano bang meron sa office at ayaw na ayaw mong pumunta? May kaaway kaba dun? Mag tatatlong taon ko nang napapansin yan" Nilagpasan ko siya at naunang naglakad sa direksyon na ayaw ko sanang puntahan.
Alam kong maraming tanong si Duke sakin kung bakit bigla akong nagbago, alam niya ang kalahati ng nakaraan pero may isang dahilan pa na hindi ko kayang ipagtapat.
Hindi ko alam pero kinakabahan akong tumapak sa opisina nila. Sa hallway palang isa isa nang nagsilabasan ang mga kasamahan ni Duke. Aatras na sana ako pero nakalimutan kong may nakasunod nga pala sakin.
"Ang aga mo naman duke? Sabay ka samin?" Kapansin pansin ang soot na malaking ID nito. Halos lahat yata sila ay may nakasulat na "Media" sa ibaba ng pangalan. Mukhang sisimulan na nila ang trabaho sa event.
"May kukunin lang ako, kitakits nalang mamaya" Pilit akong tiningnan nung kausap nitong si Duke na halos nasa harap ko na pero ako na mismo yung umiiwas.
"Loyal mo talaga! Sige ah"
"Loko! Sinasabi mo diyan!"
Nung makadaan ay sinundan ko nang tingin ang palayong imahe nila, mga tipo ng taong lubos na pinagpala sa buhay, pag aaral at sa pang araw araw.
"Wagas makatitig ah? Crush mo ba yun?" Nahinto ako sa pag iisip at kunot noo kong hinarap si Duke, medyo may katangkaran ito pero halos magkapantay lang yung angas namin.
"Kilabotan ka nga"
Nagkibit balikat na lamang ang kaibigan at nilagpasan ako tsaka pumasok sa pinto ng opisina nila. Nung napansin kong walang masyadong maingay roon ay sumunod ako, kahit papaano nawala yung kaba ko kanina. Hindi naman siguro kami magtatagpo dito, paminsan minsan ko lang din siyang nakikitang sumasama sa kanila.
Umupo lang ako sa sofa, unang beses kong makapasok rito kahit ilang taon na akong palibot libot sa kabuuan ng campus. May mga kasamahan pa silang naiwan na mukhang may importanteng ginagawa. Masyadong malikot yung mata ko, iniiwasan kong may mahagilap sa opisina, pero sadyang taksil ang mga ito at pilit hinanap yung mukha ng taong nagpabago ng buhay ko.
"Sandali lang Mich ha?" Tumango lang ako at nakatutok parin ang tingin sa ginagawa, direkta ang atensyon sa mga nakadikit sa wall. Madami na rin palang achievements tong "The Essential Lane" name ng organization nila Duke, sila yung Media at Journalism ng University.
Duke Luandre Marqueta - News Writer
Tingnan mo tong lalaking to, malaking responsibilidad yung inaako sa campus pero may oras pang mangbwesit sakin.
"Guys before 1 dapat ready na lahat" Rinig kong sabi nung babaeng may soot na puting eye glasses.
"Yun lang baka tulog pa si Master, na receive niya ba yung message?" Tanong nung lalaking may inaayos na parang ilaw sa photoshoot.
"Seen lang di nagreply" Dismayadong sabi nung babae na agad ikinangisi ng mga kasama. Mukhang freshman pa yata siya na madalas iniinis.
"Wag ka na kasi dun kay Yves, madami pang mas masungit dito sa campus" Biro nila dun sa babae at agad napuno nang tawanan ang opisina.
Pero kasabay nun ay tila nabingi ako sa pangalang nabanggit dahilan para hindi ako mapakali sa inuupuan. Mukhang andito nga siya at ayokong magtagpo kami, sapat na sakin na matanaw ko siya sa malayuan pero sa iisang lugar gaya nito? Hihimatayin yata ako.
"Nagmessage sakin yung master niyo, malapit na raw siya"
Kahit hindi ako sigurado kung sino yung master na tinutukoy ng mga ito, pinapanigan ko yung kaba. Napansin ko na lamang ang sarili na umalis sa opisina na hindi nagpapaalam kay Duke.
Pangalawa sa listahan, SKWELA
Bukod sa kwarto, dito sa campus nabubuo yung araw ko. Ngayon lang yata nangyari na parang gusto ko narin itong lisanin, ramdam ko parin ang nangyari sa nakaraan kahit tatlong taon na ang nakalipas. Mabuti na nga lang at hindi ako nahagilap ng lalaking pilit kong iniiwasan ngayon. Sa tagal ko sa university, siguro nga magaling na ako magtago.
Pero dun ako nagkakamali.
Para akong tatangayin ng hangin nung matanaw ko siya sa di kalayuan. Sa unang pagkakataon, nagtagpo kaming muli. Naiinis ako sa sarili dahil pati mga paa ko tila ayaw gumalaw. Ngayon pa na iisang hallway lang ang inaapakan namin, sa iisang direksyon lamang kung saan pareho kaming magkaharap.
Matapos ang nangyari, ngayon ko nalang ulit natitigan ang mga matang iyon. Ganun parin ang tangkad niya, ayaw ko mang aminin pero nangingibaw ang lahing banyaga sa hitsura. Napaiwas ako ng tingin, ang gwapo niya parin talaga. Ba't ngayon pa siya nagpakita?
Ayokong malaman niyang dito ako nag aaral, na dito ko nahanap yung bagong buhay. Kahit ano palang iwas ko, magtatagpo parin kami. Humakbang na ako kahit papaano, baka iisipin nito na apektado parin ako, ayokong magmumukha mahina sa harap niya.
"San ka na naman pupunta? May hinihintay pa ako dun oh" Boses iyon ni Duke na nasa gawing likuran ko. Tila galing ito sa pagtakbo at sumunod sakin. Natigilan rin ako saglit, pero hindi ko siya magawang sagutin dahil sa taong nasa harap.
"Master, andiyan ka na pala " Ngayon alam ko nang si Yves nga ang tinutukoy ng mga iyon kanina.