Pangiti-ngiti pa si Charina habang pinagmamasdan ang mga kamay na katatapos ang lang i-manicure. Hinihipan niya pa ito habang napapakanta ng isa sa mga paborito niyang kanta. Naging official soundtrack pa ito sa isa sa mga sikat na '90s romance films. "I feel it in my fingers. I feel it in my toes." Nasa nail salon and spa sila ni Romina sa Uptown Mall. Dahil nasa thirty-second avenue lang naman ang office nila ay doon na sila dumiretso para mag-relax at mag-merienda.
Maganda ang mood niya dahil pinayagan siya ng boss niya na si Hermes na mag-early out. Imbes na alas-sais ng gabi siya tumakbo papuntang biometrics, alas-singko pa lang ay pinayagan na siyang lumabas. Siyempre kasama niya ang kambal niyang sirenang si Romina na pinakiusapan pa ang supervisor nitong pumayag din kaagad.
Pero ang mas importante ay ang mismong dahilan kung bakit nakiusap siyang lumabas ng opisina nang mas maaga. Nag-text sa kanya ang boyfriend niyang si Harold. Dalawang linggo silang hindi nagkita dahil ayon dito ay may business trip ito sa Thailand. Senior manager na kasi ito sa pinapasukan nitong auditing firm kaya madalas na rin ang mga out of town and out of the country travel nito. Kasamahan niya ito dati sa swimming team at katulad niya ay pambato rin. Kumbaga sila ang magka-counterpart. Unang kita pa lang niya rito ay alam na niyang ito ang magiging asawa niya. Narito na kasi ang lahat: hitsura, talino, sipag, matipunong pangangatawan, at mabuting pag-uugali. Medyo kulang pa ito sa sense of humor pero okay lang dahil nagko-complement din naman sila. Napagsasabay nito ang pag-aaral at extra-curricular activities. Sa katunayan ay Summa Cum Laude ito nang magtapos nang BS Accountancy. Top one pa ito sa CPA board exam. Kasabay nito ang isang sikat na singer na si Dorothy Herrera, top five sa board exam at asawa ni Jaime Dizon. She has always been a fan of Dorothy. She loved her more when she sang at the wedding of Belle, her favorite cousin, to his husband Isaac Lagdameo, the mayor of Santiago, the capital city of their province.
Muli niyang sinariwa ang mga happy moments nila ni Harold. Ilang minuto pagkatapos nitong sabihing manliligaw ito sa kanya ay sinagot niya agad ito. Magpapakipot pa siya eh crush na crush niya ito. Malapad ang pagkakangiti nito nang sabihin niyang boyfriend na niya ito. Ngayong twenty-six na siya masasabi niyang ready na siya. Maalwan naman ang buhay nilang pamilya. Maraming travel goals na ang nagawa niya sa Pilipinas man o sa ibang bansa.
The best thing about her boyfriend was his unparalleled respect for her. They already shared kisses. But, those did not lead to a wild act. They haven't done it yet. They both wanted to preserve it until their first night as husband and wife. She found it really sweet, but sometimes she wondered if he really wanted it that way or he just didn't want to do it with her. She shook her head. No! He loved her. She was sure of it. It was just that the man has much self-control.
She perfectly understood him because even she herself did not want to cross the safe line. There was not enough warmth to fuel their desire. How would it feel once they did it? But, she was not interested in it at that moment. She just wanted to talk to him and hear him propose because she would give her yes without asking too much. That was how much they trusted and respected each other.
Muling bumalik sa huwisyo si Charina nang makarinig ng malakas na pagtikhim. Pagtingin niya ay bahagyang nakatikwas ang isang kilay ni Romina. "Mukhang masaya ka talaga, sister."
"As a matter of fact, I am," aniya at mahinang humagikgik.
"May I know why?"
"Later." Nang matapos ang pedicure at foot treatment ay sandali pa silang nag-relax bago lumabas. Pumunta na lang sila sa Tim Hortons at doon tumambay. Kape lang ang inorder niya habang may donut pang kasama sa kaibigan niya. Libre niyang lahat iyon mula sa hand and foot treatment hanggang sa merienda nila. Nang makuha ang order at makaupo ay nangulit agad ang kaibigan niya. Napaisip pa siya kung sasabihin niya pero hindi niya matiis na hindi ikuwento. "Magkikita kami ni Harold mamaya."
"Sabi ko na nga ba," sabi nito at umirap pa.
"Ano na namang drama iyan?"
"Oh tuloy ang kuwento."
"Feeling ko yayayain na niya kasi akong magpakasal."
"And you're going to say yes?"
"Oo naman! Ano ka ba? Medyo kontrabida ka talaga pagdating kay Harold."
"Yayayain ka naman ba kaya? Alam mo naman friend hindi ako komportable sa kanya. Super doubtful ako eh."
"Iyan ka na naman sa feeling mo na may hindi tama."
"Iyon na nga, Charing."
"Well, for your information, mahal niya rin ako. Baka nag-aalangan ka lang dahil lagi siyang may pinupuntahang seminars at business trip
Mukhang lang talagang bad boy iyon pero good boy siya. Nakita mo naman kung gaano siya kagwapo at kamacho dahil swimmer pero faithful iyon."
"Oo nga, hindi ko naman idinedeny na masherep at mabait din ang jowa mo. Kapag hinain siya, hindi ko tatanggihan. Pero pag-isipan mo munang mabuti. Watch his actions closely. Ikaw kasi matagal mo nang ikinulong ang sarili mo sa kanya."
"I'm in love with him. Ganoon iyon."
"I beg to disagree."
"Bakit?"
"Basta! Masasagot mo iyang tanong mo na iyan. Enough of your jowa. Pag-usapan na lang natin ang interview mo sa bruha at ang exciting na adventure natin bukas."
"Oo na, sige na." Mula roon ay nagtuluy-tuloy na ang kuwentuhan nila. Pagkalipas ng mahigit isang oras ay dumating na si Harold. Pormal na nagtanguan lamang ang mga ito. Tumayo na ang kaibigan niya at nakipag-beso sa kanya. Nang lumabas din ito ay muli itong lumingon sa kanya at sinenyasan siya na i-update niya ito pagkauwi niya.
"How are you, Char?"
"I'm very okay now that you're here. I missed you, my super handsome and yummy boyfriend," aniya at yumakap pa sa braso nito. Mahina lang itong natawa bagaman parang nailang. Nagtaka siya gawi nito dahil hindi naman ito ganoon dati. Pero lately ay napapansin niya iyon kaya siguro napapatanong din siya kung seryoso ba talaga ito sa kanya.
"Can we have dinner first?" Nang tumango siya ay tumayo na ito at inalalayan siya. Damang-dama niya ang pagkapit niya sa braso. Napapansin niya pa ang ibang babaeng napatingin dito. Marahil ay sadyang nagagwapuhan ang mga ito sa kanyang nobyo. Ang mga sisters naman ni Romina na nakasalubong nila ay napangisi at naghagikgikan.
"Honey, ang daming kinikilig sa 'yo," malambing na sabi niya at lalo pang lumapit dito. "Ang gwapo na, ang macho pa. Pakurot nga sa biceps," biro niya na ikinatawa lang nito.
"Where do you want to eat?"
"Sa foodcourt na lang tayo. Gusto ko ng Pepper Lunch. Masaya na ako doon. Gusto ko rin ng takoyaki saka french fries sa Potato Corner. Masaya na ako doon. Tapos maglaro tayo ng basketball sa quantum."
"Okay, Cha, you're the boss," anito at pinisil ang ilong niya.
"You talaga! You make me so kilig ha." Wala na siyang pakialam kahit PDA na sila sa escalator. Hindi niya mapigilang halikan ito sa pisngi at yumakap dito. Tawa lang ito tawa sa kanya pero weird talaga ang reaksiyon nito. "Am I missing something? Is there something you want to tell?" Hindi niya alam kung saan niya naapuhap ang mga salitang lumabas sa bibig niya. Intuitive siya kaya dama niyang medyo off ang kasama. Matipid na ngumiti lang ito at kumalas sa pagkakayap niya bago hinawakan at pinisil ang isa niyang kamay. Sinabi na lang nito na huwag niya na lang ito pansinin. May sasabihin daw itong importante sa kanya. Siya naman ay parang na-excite. Baka ito parang medyo awkward dahil tama ang kanyang sapantaha.
Para siyang literal na naglalakad sa ulap. Malapad na malapad ang pagkakangiti niya kahit parang may mga kabayong tunatakbo sa dibdib niya. She knew it! Harold would propose to her. Of course, she would give him the sweet yes he wanted to hear. Pagkatapos nilang kumain ay naglaro nga sila hanggang sa malapit nang magsara ang mall. "Oh ano na ang sasabihin mo?"
"Mamaya na. Doon na lang kapag nasa inyo na tayo."
"Okay," nakangiting sabi niya. Kinakabahan siya, mukhang pagka-propose nito ay diretso honeymoon na. Parang hindi pa naman siya ready dahil naka-set na sa kanya na ibibigay niya sa first night nila bilang mag-asawa ang kanyang iniingatang petals.
Tahimik lang sila buong biyahe. Nagsasalita lang din ito kapag nagtatanong siya at nagpapatawa. Pagkarating nila sa tapat ng kanyang bahay na nirerentahan ay tinanggal na niya agad ang seatbelt pero bago pa niya mabuksan ang pinto ay pinigilan na siya nito. "Cha, I'm sorry," mahinang sabi nito.
"Sorry?"
"I'm breaking up with you," sabi nitong wala nang intro pa.
"Break as in break na tayo? Hiwalay na tayo? Ayaw mo na akong maging jowa?" Tumango lang ito at hindi makatingin nang diretso sa kanya. "May nabuntis ka ba? May iba ka na bang babae? D-dahil ba ito sa sex, sa petals ko?"
"N-no, it's not like that. The truth is, I thought I really loved you."
"Y-you t-thought?" Gumaralgal na ang boses niya.
"I thought I love you like a man should love a woman. You have a very beautiful face and soul. You are sexy, funny, and witty. Any guy would easily fall in love with you."
"But you didn't?"
"I'm very sorry, Cha. I realized it was not love. I was planning to say this to you before I went to Thailand. But I couldn't find the right time to talk to you because you were very busy then. Cha, you really deserve someone better."
"M-may iba ba." Nahihiyang tumango pa ito. "You had sex with her?" Muli ay tumango lang ito. "She's pregnant?" Umiling ito. "But you love her?"
"Yes." Huminga muna ito nang malalim bago nagsalita. "It's not you, Cha. It's me."
"Bababa na ako," aniya at binuksan na ang pinto ng kotse bago mabilis na bumaba. Hinintay pa siya nitong makapasok ng gate bago pinasibad pa ang sasakyan.
Para lang siyang manikang de-susi na pumasok ng bahay at naglinis ng katawan. Nang makapagbihis ay humiga na siya sa kama. Ayaw na niyang isipin muna kung saan siya nagkulang para ipagpalit nito. Namalayan na lang niyang basa ng luha ang buong mukha niya. Nagkamali pala siya ng akala sa sasabihin nito dahil walang proposal at wala na rin siyang nobyo.
Tumigil na din muna siya sa pag-iyak nang maramdamang mahapdi na ang mga mata. May interview pa man din siya kinabukasan. Mukhang magsusuot siya ng shades dahil sigurado siyang namumugto na ang mga mata niya. Mahahalata lang din ng mga ito ang pag-iyak niya magdamag at baka madistract pa. Umaga na nang hilahin siya ng antok at makatulog sa pinaghalong lungkot, pagod, at puyat.