MAAGANG nagising si Caramel para makapag-impake na siya ng kanyang mga gamit. Binigyan lamang siya ng tatlong araw ni Don Primero para makapag-desisyon sa trabahong inaalok nito, kapag lumampas siya ay hahanap na ito ng iba. Sayang naman kung tatanggihan niya. Sobrang laki ng sahod at libre pa lahat. Saan naman siya hahanap ng ganoong klaseng trabaho. Malaki na ang sahod may kasama pang insurance kapag namatay siya.
Napalingon siya kay Brandon na kapapasok pa lamang sa condo unit. Magulo pa ang buhok nito at mukhang may hang-over na naman. May band-aid pa sa ilong at mukhang may nadaanan na namang bugbugan sa labas.
" Saan punta mo? " tanong nito noong mapansin ang dalawang maletang dadalhin niya.
Nag-inat muna siya ng katawan.
" May bago akong trabaho, " tugon niya at nagtungo sa lalagyan ng mga sapatos para kunin ang boots at iba niya pang mamahaling sapatos na binigay sa kanya ni Garnet.
" Saan? " interesadong tanong ng kapatid at umupo sa sofa, naka-dekwatro pa.
" None of your business, brother." Nakangising wika niya at itinali ang puntas ng kanyang suot na knee high boots.
" Don't tell me, kinuha kang hit woman ng isang politiko? " Natawa naman siya.
" Ano ka ba, syempre hindi. Kinuha ako bilang bodyguard ni Primero Misuaris. " Napatango naman ito.
" Sa anak niya? " Siya naman ang napatango.
" Sino sa anim na anak ni Primero? " Nagkibit balikat lamang siya. Hindi rin naman kasi sinabi sa kanya ni Primero kung sino ang babantayan niya.
" Sigurado ka ba, Cara? Nakapagtataka naman na kumuha siya ng isang babaeng bodyguard para sa anak niya. Sa pagkakaalam ko, halos lahat ng mga anak at pamangkin ni Primero Misuaris ay mga lalaki...mga lalaking manggagapang ng mga babae," pabirong wika nito sa kanya na tila may halong pananakot. Napalingon siya kay Brandon.
Si Fourth at Third lang ang kilala niyang lalaking anak ni Primero. Si Fifth naman ang kaisa-isang babaeng anak nito.
" Sapalagay mo ba magpapagapang ako sa mga ulupong na 'yon ng basta-basta?" matapang na tanong niya sa kanyang kapatid.
" Huwag kang makakasiguro, Caramel. They love playing dirty tricks at baka madali ka. At isang araw, magising ka nalang na lumulubo na ang tiyan mo, tapos hindi mo alam kung sino ang ama ng dinadala mo dahil wala kang maalala. Kaya, binabalaan kita...mag-ingat ka o 'di kaya, umatras ka na hangga't maaga pa " payo nito. Napalunok naman siya ng laway.
Ilang beses na ba siyang muntik ma-rape. Hindi niya na mabilang. Kahit magaling siya sa depensa, hindi niya kaya ang maraming lalaki. Lalo na kung gwapo at malaki ang mga katawan. Nanghihina siya kapag nakakakita siya ng matipuno at mabatong katawan. Bigla siyang napailing nang biglang sumagi sa kanyang isipan ang mabatong katawan ni Sink.
May asawa na ang tao pero pinagpapantasyahan niya pa rin. Bwesit kasi ang unggoy na 'yon kahit kailan hindi manlang siya binigyan ng pag-asa kaya nga hanggang ngayon wala pa siyang asawa.
Yawa talaga ang lalaking 'yon.
" Kung mabubuntis man ako, ikaw ang mag-alaga sa anak ko Bran. " Nabilaukan ito sa sinabi niya. Napahagikhik tuloy siya.
" Anong ako? Ayoko nga! Ayaw ko sa mga bata, nakakapuyat silang lahat " asik nito sa kanya.
" Hindi na ako makakaatras sa pagiging bodyguard." Napataas ito ng kilay.
" At bakit? "
" Binigay na ni Primero ang kalahating sahod ko kahapon at pinadala ko na sa probinsiya ang pera. Ang daming bayarin ng mga kapatid ko sa eskwelahan at si mama naman may sakit kaya kailangan ko talaga ng pera " pahayag niya. Napakamot naman ng kilay si Brandon.
" Bahala ka sa buhay mo. Basta, pinayuhan kita ng maaga. Sana si Fifth ang mabantayan mo para hindi ako mag-alala sayo." Napangiti naman siya sa pag-aalala nito.
" Huwag kang mag-alala sakin. I'm 32 now, and I can handle myself. " Inirapan lamang siya nito.
" 32 years old na, wala namang alam sa pagluluto " pabulong na wika nito.
" Anong walang alam! Marami akong alam na luto, kaso ayaw mo sa mga niluluto ko. Maarte ka kasi! " Asik niya rito.
Demanding kasi ang kapatid niya. Maalam naman talaga siyang magluto pero sadyang sanay siya sa mga nilutong pang-pobre. Malay niya ba sa mga sangkap na niluluto sa mga mamahaling restaurant. Kaya nga, ayaw niya nalang magluto dahil ang daming sinasabi ni Bran.
" By the way, sinabi mo na ba ito kay Garnet? " pang-iiba nito.
" Actually, hindi pa. Hindi pa nga ako nag-resign sa Congreene at siguradong magagalit na naman si John sa sakin. "
" Edi mag-resign ka na. May oras ka pa," wika nito.
" Ayaw ko. Nandoon ngayon si Sink sa Congreene. Ayaw ko siyang makita." Napabuga na lamang ng hangin si Brandon.
" Ilang taon na ba ang nakakaraan, hindi ka parin nakakapag-move sa kanya? Walanjo talaga! Mag-asawa ka na kasi para makalimutan mo na ang lalaking 'yon! " suhesyon nito.
Parang ang dali lang mag-asawa. Madaling sabihin pero kapag may asawa ka na, mahirap talaga.
" Ikaw nga, turning 37 ka na tapos wala ka pang asawa."
" Walang problema sakin dahil lalaki ako. E ikaw? Kailan ka pa mag-aasawa kung kailan menopausal ka na? "
Hindi na bigdeal sa kanya ang menopausal stage. May tropiyo na siya noon pa.
Palagi naman siyang may balak na mag-asawa pero nahihirapan siyang humanap ng lalaking hindi siya iiwan. Nahihirapan siyang magdesisyon kapag naiisip niya ang pamilyang naiwan sa probinsiya. May anim pa siyang nakababatang kapatid, tatlo ang nasa kolehiyo, dalawa ang nasa high school at isa naman ang nasa elementarya. Isang mananahi lamang ang kanyang ina at magsasaka naman ang kanyang amain kaya kulang na kulang ang perang pantustos sa pag-aaral ng kanyang mga kapatid.
Kahit nga anong trabaho, gusto niyang pasukin pero hindi siya kuntento sa buwanang sahuran. Hindi rin siya kaagad nakakapasok sa mga pang-kompanyang trabaho dahil may kriminal record siya. Tanging tulong lamang ni Garnet ang naglagay sa kanya sa kompanya ng mga Congreene.
Ayaw rin naman niyang magtrabaho sa Sytone dahil naroroon si Sink. Ayaw niyang magtagpo ang landas nila. Tsaka, nahihiya na siya sa kanyang kaibigan. Ang laki na ng naitulong nito sa kanya kaya ayaw niyang magmukhang umaasa na lamang rito.
.
.
.
PINAGBUKSAN siya ng driver pagkarating nila sa mansiyon ng mga Misuaris. Pinasundo siya ni Primero sa condo unit ni Brandon kaya ito siya ngayon, nakatingala sa mala-palasyong bahay ng mga Misuaris.
Pagkapasok niya ng gate, bigla siyang natigilan at napalingon sa mga lalaking nagkakasiyahan sa may gilid ng malaking pool. Napahinto ang isa nang mapansin siya nito. Napalingon naman ang iba nang mukhang ipinialam nito sa iba na may bagong sulpot.
Napalunok siya ng laway ng biglang tumayo ang isa at patungo yata sa kinaroroonan niya. Tutulo yata ang laway niya kasi ang sarap ng katawan nito lalo na't nakasuot lamang ito ng short. Mabato at malaman ang nakaukit na 6 packs abs ng lalaki. Mahigpit siyang napahawak sa kanyang bitbit na bag noong titigan siya nito mula ulo hanggang paa.
" Mukhang ikaw ang sinasabi ni Mom " seryosong wika nito. Hindi niya maintindihan ang sinasabi nito.
Napalingon siya sa iba pang lalaki. Tumayo rin ang tatlong kasama nito at nakasuot lamang ng pang-ibaba katulad ng kaharap niya. Mas lalo siyang kinabahan sa uri ng titig ng mga ito. Napahinto ang tatlo at tinitigan rin siya mula ulo hanggang paa. Nagbulungan pa ang mga ito pero dinig na dinig niya naman.
" She's pretty and look young. Sabi ni Tita Dahlia nasa 30's na daw yun e " bulong ng pinakamaliit sa kanilang apat.
Medyo natawa ang isipan niya. Ganun ba siya kabatang tignan at akala nito mukha siyang nag-18 years old kahapon.
" Baka, nagpa-plastic surgery kaya ganyan kabata " bulong naman ng isa.
Nagulat siya ng biglang lumapit ang isa na may mahabang buhok. Marahan nitong hinawakan ang kanyang pisngi at sinuri ang kanyang mukha. Piningot rin nito ang matangos niyang ilong at ginalaw pa ang kanyang mapulang labi. Hindi naman siya makagalaw sa ginagawa nito. Natulala rin kasi siya sa napaka-kalmadong mukha nito at napaka-guwapo pa.
" That's her natural beauty " komento nito.
Naaptras siya ng biglang inilapit ng tatlo ang mukha para suriin siya. Nag-sign pa ito na parang napa-isip at magsabay na napatango.
" What's happening here? " Napalingon silang lahat sa kalalabas pa lamang na si Don Primero.
" There's anything problem with her face, boys? " tanong nito habang nag-uunat ng katawan. Naka-pambahay ang suot nito.
" So, she's is your mistress? " tanong ng pinakamatangkad na lalaki. Nagulat naman siya sa sinabi nito at kaagad na napaarko ang kanyang kilay.
Ang ayaw pa naman niya sa lahat ay pagkamalan siyang kerida.
" Excuse me? Ako, mistress? Over my dead body! " Masungit na wika niya sa lalaki at inirapan ito. Natawa naman si Primero.
" She's not my mistress, Sixto. She's my newly hired bodyguard for your brother, Fourth " pakilala nito sa bunsong anak na si Sixto.
" Are you sure? " paniniguro nito sa ama.
" Of course ! Who told you that I have a mistress ?" tanong nito sa anak.
" Yung mama mo? " Napa-ismid si Sixto. Nasa isip nito na marami naman talagang kabit ang ama at nasa ugali na talaga nito ang mangolekta ng babae.
" Praning lang siya kaya kung ano-ano ang ibinibentang niya sakin. And, by the way, kailangan ko nga palang makausap si Caramel. May importante kaming pag-uusapan. Tara, pasok tayo Caramel " aya ng matanda sa kanya. Pinatawag nito ang boy para dalhin ang kanyang mga gamit sa loob.
May sinabi sa kanya si Primero tungkol sa mga puwede niyang gawin at mga bagay na dapat niyang gawin tungkol sa pagbabantay kay Fourth. Medyo ok na siya kay Fourth dahil ito ang babantayan niya kaysa naman iyong si Sixto na kung makatitig sa kanya para siyang gigilitan ng leeg.
Yung isa naman kung makatitig para siyang hinuhubaran sa isipan nito. Ang mahaba ang buhok, medyo mabait titigan at kalmado pa ang mukha kaya sapalagay niya hindi naman ito mahirap lapitan. At ang pinakamaliit sa apat ay mukhang may pagka-weirdo pero tanto niya medyo siraulo rin katulad niya.
Napatingin ang apat kay Caramel pagkapasok nito sa bahay. Hindi pa rin kombensido si Sixto sa sinabi ng kanyang ama. Duda pa rin siya na bodyguard lang ang babaeng iyon. Sa pagkakaalam niya kasi, mahinig sa mga batang babae ang kanyang ama.
" Parang gusto ko siyang ikama " nakangising wika ni Valentin. Napalingon rito si Sixto.
" Ang cheap mo talaga pagdating sa babae kahit sino pinapatos mo " wika nito sa pinsan. Matalim na titig ang ibinigay ni Valentino kay Sixto pero hindi iyon ininda ni Sixto.
" Ano ba naman kayo, chill lang. " Pamamagitan ni Sebastian nakababatang kapatid ni Valentino.
" I like her, " Napalingon naman ang tatlo kay Van. Ngayon lang kasi ito nagsabi na ganyan sa isang bagong sulpot na babae.
" Ba't ganyan kayo makatingin sakin? " Malumanay na tanong nito at napatingin sa naiwang bag ni Caramel. Napailing naman ang tatlo.
" Magpapalit na ako ng damit dahil may importanteng lakad pa ako. At tutulungan ko na si Boy Bojie sa pagbubuhat " paalam nito at inabot ang sling na bag pero pagkabuhat ni Van sa bag ay nagulat siya.
Bakit parang ang bigat naman nito?
Napansin iyon ng kanyang mga kasama.
" Ang bigat " wika niya sa tatlo.
Sinubukan iyon nina Sebastian at Valentino. Mabigat nga talaga ang bag. Panghuling sumubok si Sixto katulad ng tatlo ay naalsa niya naman pero sadyang mabigat nga talaga ang bag.
" Ano bang laman nito? " kuryos na tanong ni Sixto at akmang bubuksan ang bag pero napatikhim si Caramel kaya napahinto naman ito sa binabalak.
" That's my private stuff kaya hindi mo 'yan puwedeng pakialaman " seryosong wika ni Caramel kay Sixto.
Lumapit si Caramel sa kinaroroonan ng bag at walang kahirap-hirap niyang binitbit ang bag sabay saklay sa balikat niya bago tuluyang bumalik sa loob ng mansiyon. Napatunganga ang apat sa ginawa niya. Nagkatinginan ang apat.
" How she can do that? " Hindi makapaniwalang wika ni Sebastian. Ito kasi ang sobrang nahirapan na alsahin ang bag.
" Grabe, ang liit ng mga braso niya pero paano niya nadala ang ganoong kabigat na gamit? " takang wika ni Valentino.
Nagkibit balikat lamang si Van at naging interesado naman si Sixto, hindi sa babae kundi sa laman ng bag.
" Interesting huh? " nakangising wika ni Valentino.
.
.
Tahimik na nagpapahinga si Caramel sa malaking kwarto kung saan siya matutulog. Kasama niya sa loob ang tatlong kasambahay. Medyo may edad na ang dalawang kasambahay at isa naman ay mas bata sa kanya ng limang taon. Dito muna ang pansamantala niyang tutulugan ngayon gabi. Bukas, doon na siya sa isa pang bahay ng mga Misuaris kung saan naroroon ang baklang si Fourth.
Yung baklang 'yon talaga, hindi manlang siya sinabihan na may mga gwapo pala itong mga kapatid. Maglilimang taon na ang nakalipas noong huli silang nagkita ni Fourth. Ayaw niya na sanang makita ang pagmumukha ni Fourth pero kailangan niya talaga ng malaking sahod para matustusan ang pangangailangan ng kanyang pamilya.
Napalingon siya sa dala niyang itim na bag na naglalaman ng mga armas. Ang pinakamamahal niyang mga armas. Matagal-tagal na ring natingga ang mga iyon dahil palagi siyang nasa monitoring team kaya hindi niya magamit-gamit ang mga iyon.
Noong pumalpak na naman kasi sjya sa lakad nila kasama ang ibang team ng Supreme at kamuntikan na naman siyang mamatay kaya bigla siyang pinarusahan ng Alpha Superior. Ilang beses na rin siyang nag-quit sa trabaho pero lagi siyang kinukulit ng agency para bumalik. Wala naman siyang magawa kundi ang bumalik lalo na't wala siyang ibang trabaho. Nagtagal rin siya doon at tiniis ang pagmumukha ni Satoh sa monitoring room.
Napalingon siya sa 27 anyos na kasambahay pagkapasok nito sa kwarto.
" Miss, kain ka na raw sabi ni Don Primero " wika nito sa kanya.
" Yung apat na riyan pa ba? " tukoy niya sa anak at mga pamangkin ni Primero.
" Umalis na po sila, Miss. Abala po kasi ang mga iyon sa kani-kanilang buhay " nakangiting tugon nito. Nag-inat muna siya ng katawan bago sumunod sa katulong.
" Sa kanilang apat, sinong pinaka-guwapo? " tanong niya rito. Kaagad naman itong namula sa tanong niya.
" Syempre, si sir V-Van. " Nahihiyang tugon nito. Napatango siya.
" Crush mo si Van? " Interesadong tanong niya sa dalaga.
" H-Hindi po, " namumulang tanggi nito.
" Asus! Tanggi ka pa. Kitang-kita sa mga pisngi mo, kasi namumula ka." Napahawak ito sa pisngi kaya natawa naman siya.
" Matagal mo na siyang crush no? " Napailing ito at mukhang ayaw pang umamin.
" E, sayo sino ang pinaka-gwapo? " Balik tanong nito sa kanya. Bigla siyang napa-isip. Lahat sila gwapo pero hanggang doon lang 'yon.
" Sa mga anak ni Don Primero, sino ba ang pinaka-gwapo?" Napa-isip rin ang dalaga.
" Yung magkambal, si Sir Fourth tsaka si sir Third. Sila lang naman ang anak ni Senyor sa pinakamagandang asawa nito na si Natalia " sagot nito.
" So, ang ibig mong sabihin...maraming asawa si Don Primero? " Napatango ito.
" Dalawa lang ang pinakasalan niyang asawa at marami pa siyang naging ibang babae " tugon nito. Napa-ah naman siya. Kaya naman pala, iba ang titig sa kanya ni Sixto dahil babaero pala ang ama nito.
" S-Sigurado ka bang, hindi ka kabit ni Don Primero? " Napaubo naman siya.
Sa dinami-dami ng ipaparatang sa kanya, 'yon pa. Pambihira talaga.
" Syempre hindi. Bakit mo natanong? "
" Mahilig kasi siya sa mga babaeng kasing edad mo. Sexy, maganda at makinis ang kutis ng mga babaeng natitipuhan niya."
Ok.
" Kahit naman interesado siya sakin, hindi naman ako interesado sa kanya. At sapalagay ko naman, mahinig siya sa mga babaeng mapusok at mukhang pera. Sa panahon ngayon kusa na talagang lumalapit ang bulaklak sa paru-paro lalo na kung makulay at maharlikang paru-paro. Pero, ito ang sasabihin ko sayo Kyline, huwag kang padadali sa mga maharlikang paru-paro na 'yan dahil ang mga 'yan hanggang dapo lang ang alam at pagkatapos lilipat na naman sa ibang bulaklak " matalingagang payo niya sa dalaga sabay tapik sa balikat nito bago ito iniwan.