KOMPORTABLE akong nakaupo sa sofa ni Ash habang nanonood ng tv.
Ano kaya ang mararamdaman niya kapag nakita niya ako dito sa loob ng bahay niya? Siguro iiyak siya sa tuwa, o diba kaya gugulong sa semento.
Matagal tagal na din kasi kaming hindi nagkikita--.
"Shai?!" halos nalaglag ako sa kinauupoan ko nang biglang marinig ang boses ni Ashton. Hindi ko man lang namalayan na bumukas ang pinto. "Anong ginagawa mo dito sa loob ng pamamahay ko? Paano ka nakapasok?"  sunod sunod na tanong nito.
Hindi ko pinansin ang mga tanong  nito at kaagad siyang sinugod ng yakap. "Bestfriend! Long time no see! Kumusta ka na?"
Narinig kong napabuntong hininga ito at binaklas sa pagkakayakap ang kamay ko. "Anong ginagawa mo dito?" nakataas ang kilay na tanong nito.
Nginitian ko siya ng pagkatamis tamis. "Na miss kasi ki--"
"Bakit may dala kang maleta?"
biglang tanong nito ng biglang dumako ang mga mata niya sa mga dala kong maleta.
Napakamot ako ng ulo dahil sa tanong nito. "Ano kasi eh.. ano..ano.. ah, eh, ano kasi" Parang nabara ata ang laway sa lalamunan ko at hindi ako makapagsalita ng maayos.
Pinagcross nito ang braso. "Bakit ka ba talaga nandito?" may pagdududang tanong nito.
Huminga muna ako ng malalim bago nagsalita. "P-pinalayas kasi ako sa bahay... tapos, wala na akong ibang mapuntahan." Kinagat ko ang pangibabang labi, tapos nag aawa-awaang tumingin sa kaniya. "Ikaw nalang, Ash, kaya pwede bang dito muna ako mag stay sa bahay mo?" kagat labing tanong ko.
Tumango tango naman ito.
"Gusto mong magstay dito sa bahay ko?" nakangiting tanong nito.
Kaagad naman akong tumango.
Kapagkuwan ay kaagad akong napahiyaw ng bigla nalang ako nitong binuhat. "Saan mo ako dadalhin?" Kunot noong tanong ko habang buhat-buhat ako nito papuntang...pintuan palabas!?
"Dadalhin kita sa labas, umalis ka dito sa pamamahay ko" bored na sagot nito at hinagis ako na parang sako!
Napanganga nalang ako ng isinara nito ang pinto sa mismong harapan ng mukha ko. "Ashton! buksan mo ang pinto! Parang awa mo na!" sigaw ko habang dinadabog ang pinto niya.
Nakakainis ang lalaki na yun, hinagis ba naman ako ng parang sako!
Parang wala kaming pinagsamahan dati!
Hindi ba niya naalala yung mga araw na sabay kaming naliligo at magkatabi kaming natutulog?
Bigla akong napahinto ng may magandang ideyang pumasok sa ulo ko. "Ash" tawag ko sa kanya, tingnan lang natin kung hindi niya pa ako papapasokin ngayon. "Hindi mo na ba naaalala yung mga araw na sabay tayong naliligo?" madramang tanong ko.  "Sinasabunan mo pa nga ako nun--"
"Five years old pa tayo nun!" biglang sigaw nito mula sa loob.
Panira talaga.
Kailangang mapapayag ko ito, dahil kung hindi sa kalye talaga ako matutulog ngayong gabi. "Ash, makakaya mo bang makita na natutulog sa gilid ng kalsada ang bestfriend mo, katabi ng mga basura at mga asong kalye?"  sumisinghot singhot na tanong ko.
"Hindi ako titingin" bored na sagot nito.
"Ashton, maawa ka na sa akin, kahit gawin mo lang ako na katulong okay lang, patirahin mo lang ako sa buhay mooooooo" saad ko habang dumadaos paupo sa sahig.
"Katulong? Ano bang alam mo na gawaing bahay?" biglang tanong nito mula sa loob.
Kaagad naman akong umayos ng tayo  na parang professor na nagdidiscuss sa mga estudyante niya.
"Alam mo Ash, magkababata nga tayo pero marami ka pang bagay na hindi tungkol sa akin" buong pagmamalaki na saad ko. "Kaya kong magluto, maglaba, mamalantsa, at---"
"Baka ang ibig mong sabihin, magaling kang magpasabog ng rice cooker, washing machine, at plantsa" putol nito sa mga sasabihin ko.
Parang nasamid ang laway ko dahil sa sinabi nito. "Hindi naman ganun karami ang napasabog ko" saad ko habang nagkakamot. "Mga 24 na rice cooker, 5 washing machine, at 12 na plantsa lang naman at--"
Kaagad akong napahinto sa pagsasalita ng biglang bumukas ang pinto at lumabas doon si Ashton.
"Papatirahin mo na ako sa bahay mo?" excited na tanong ko.
Binigyan ako nito ng pekeng ngiti. "Nakalimotan mo ang maleta mo" saad nito sabay tapon ng maleta sa pagmumukha ko.
"Ashtooooooonn!!"
Isinara na naman niya ang pinto kaya tahimik lang akong nakaupo sa may semento habang nakasandal sa pintuan. Hindi niya talaga ako pinapasok. "Ash" tawag ko sa kanya.
Akala ko hindi siya sasagot pero pagkalipas ng ilang segundo ay nagsalita din ito. "Buhay ka pa pala jan?" bored na tanong nito.
"Inuuod na ako dito kaya papasokin mo na ako" may pagmamakaawang saad ko.
"Manigas ka jan" ang tanging sagot nito sa akin.
Napaka gentleman talaga ng lalaki nato, ang sarap ilibing ng buhay!
Kung may ibang mapupuntahan lang talaga ako, hindi na sana ako nagpunta dito. Pero wala na akong ibang choice kaya pagtitiyagaan ko nalang ang kupal nato.
Inunat ko ang braso, hindi ako susuko! Ayon nga sa kasabihan, kapag may tiyaga may fried chicken, hamburger,at fries! Kaya hindi ako susuko!
Humugot ako ng malalim na hininga. "Hoy Ash! Kapag hindi mo ako pinapasok ipagkakalat ko talaga na maliit yang sayo" pananakot ko sa kanya.
Pero lumipas nalang ang ilang minuto hindi parin ito nagsalita kaya nagpatuloy ako. "Naalala mo nung mga bata pa tayo" natatawang saad ko ng maalala ang nangyari nung mga bata pa kami. "Nung sabay tayong naliligo--"
"Binusohan mo ako?" biglang tanong nito. Ito lang pala ang paraan para mapagsalita kita.
"Naku, hindi nuh!" mabilis pa sa alas kwatrong pagtanggi ko. "Aksidente ko lang na nakita yung sayo" natatawa na namang saad ko. Nagulat nga ako ng aksidente ko yung nakita. Ang liit kasi!
"Malamang, limang taon pa lang ako nun" sagot nito na ikinatawa ko. Lapagkuwan ay narinig ko siyang bumuntong hininga. "Bakit ko ba sinasabi ang mga bagay nato sa Shairang slow na yun?"
Kinakausap ba ni Ash ang sarili niya?
"Hoy Ash! Patirahin mo na ako dito sa bahay mo" pangungulit ko na naman sa kanya. "Nagiisa ka lang naman dito eh" At lumipas nalang ang ilang minuto, wala na namang Ashton na nagsalita. Bakit ba pakiramdam ko parang nakikipagusap lang ako sa hangin dito.
"Ashton, kapag hindi mo ako pinatira dito sa bahay mo, v-videohan ko nalang ang sarili ko na hubot hubad tapos iuupload ko sa porn hub, balita ko kasi mahal daw ang bintahan--ARRAYY KOO!!!"
humagalpak ako ng higa sa sahig ng biglang bumukas ang pinto.
Ang sakit ng likod ko!
Panay ang igik ko pero kaagad ding nawala ng makita ko si Ashton sa harapan ng pinto. "Papapasokin mo na ako?" nakangiting tanong ko habang nakahiga parin sa semento.
Nakita kong bumuntong hininga ito. "Pasok ka na" anito, pero bakas ang pagkadisgusto sa mukha.
Kaagad naman akong tumayo at dinala ang mga maleta ko. "Ash, concern ka ba na baka iupload ko ang hubot hubad na video ko sa porn hub?" kinikilig na tanong ko.
Pasimple itong naghilot ng sentido. "Hindi ako nagaalala sayo, mas nagaalala ako sa porn hub baka mawalan sila ng viewers kapag nag upload ka ng ganung bagay sa website nila" bored na sagot nito.
Walang hiya talaga ang kupal nato.
"Salamat sa concern ha" puno ng sarkasmong pasasalamat ko.