ALAS OTSO ng gabi habang naghahapunan, nabanggit ni Daisy ang planong pag-uwi niya kinabukas.
"Bakit naman hija?" Tanong ni Gregorio sa dalaga. Inabot niya ang table napkin at nagpahid ng bibig.
Natigil naman sa pagsubo ang ilang mga estudyante sa sinabi ni Daisy bukod kay Maureen at Charlotte na nauna ng malaman ang plano nito.
"Bakit naman Daisy, may problema ba?" tanong ni Alyssa.
"May nagawa ba kami ni Alyssa na hindi mo nagustuhan?" tanong naman ni Maggie. Maingat na inilapag nito ang hawak na kutsara sa gilid ng plato. Naisip lang kasi ni Maggie na baka naiingayan na ito sa kanilang magkaibigan lalo na sa kanya, baka pakiramdam nito na a-out of place ito.
"Syempre wala!" Natatawang agad na sagot ni Daisy. "Ang Dad ko, nasa hospital."
"Ganun ba, kawawa naman pala ang Dad mo," ani Alyssa at muling itinuloy ang pagkain.
Tumingin si Daisy sa tahimik na artist parang ang lalim ng iniisip nito.
"Sir?" tawag pansin ni Daisy dito.
Tila nagulat naman ni Gregorio.
"Papaalam sana ako na uuwi na po bukas."
Tumikhim muna ang artist bago nagsalita.
"Papayagan naman kita makauwi, ipapahatid kita bukas kay Mang Nestor sa bayan." Sabi nito na palihim na ikinuyom ang mga kamao na nakatago sa ilalim ng lamesa.
Napangiti sa tuwa ang dalaga sa narinig.
"Naku, maraming salamat Sir!" Tuwang pasasalamat ni Daisy.
"Ma mis ka namin dito," sabi naman ni Noel habang ngumunguya ito.
"Mag-iingat ka nalang bukas sa biyahe mo." Sabi naman ni Carlos.
Ngumiti si Daisy sa mga kasama.
"Ma mis ko din kayo, pati na din kayo Sir. Ngayon palang nagpapasalamat na ako sa pagpayag mo. At pati sa pagtanggap mo saamin dito sa mansiyon mo po." Sabi ni Daisy na nakaharap sa pintor.
"Ipagpatuloy na muna natin ang hapunan mamaya kakausapin kita Daisy." Turan ni Gregorio at tumingin sa dalaga.
Tila nagtataka naman ang ekspresyon ng mukha ni Daisy na tumingin sa artist.
"Puntahan mo ako mamya sa 3rdfloor may mga painting ako doon na ipamimigay ko sa inyo. Pero dahil mauuna kang umuwi ang para muna saiyo ang ibibigay ko."
Sabay na napabulalas sa tuwa ang mga estudyante dahil sa sinabi ni Gregorio.
"Naku,talaga po maraming salamat Sir!" Tuwang pasasalamat dito ni Daisy.
"Naku Sir, hindi na ako makapaghintay na makita ang painting na ibibigay mo saakin!" prangkang sabad naman ni Noel.
Nagtawanan naman ang mga kasama nito.
Natatawang ito naman ang hinarap ni Gregorio. "Lahat naman kayo makakatanggap, pero mauuna lang si Daisy dahil uuwi na siya bukas."
"Excited lang ako Sir, hehehe!" Napapalatak pa na sabi ni Noel.
"O siya ituloy na muna natin ang hapunan,'' pag-iiba naman ni Gregorio sa usapan.
Masaya at maganang kumain naman ang lahat. Maliban sa artist na lihim na nag-iisip ng masamang plano sa dalaga. Kay Daisy!
PAGKATAPOS maghapunan nag kuwentuhan muna ang mga estudyante, iyong plano nilang pagkikita pagkatapos ng isang linggong pananatili sa mansiyon.
Nang makaramdam na ng antok nagpaalam na sial sa bawat na aakyat na ng kani-kanilang kuwarto.
"So paano, mag-iingat ka na lang sa biyahe bukas." Habilin ni Carlos sa dalaga
"Salamat." Tipid na sagot ni Daisy na nakangiti.
Yumakap naman kay Daisy ang mga girls na kasama nito.vGumanti naman ng yakap si Daisy sa mga ito.
"Mag-iingat ka bukas ha," panabay na paalala nina Maureen at Charlotte.
"Ma mis ka namin," Ani ALyssa at bahagyang inilayo ang sarili sa dalaga. "Mag -ingat ka," dugtong pa niya.
Bumitaw sa pagkakayakap sa mga ito si Daisy bago magsalita.
"Maraming salamat sa inyo ha." Anito. "Sige na magpahinga na kayo, maaga pa kayong gigising bukas."
"Sige mauna na kami ni Carlos sa kuwarto. Basta mag-iingat ka nalang." Ani Noel na agad na inakbayan si Carlos.
"Aakyat na din kami ni Maureen sa kuwarto. Good night nalang saating lahat!" Ang sabi naman ni Charlotte na humawak sa kanang braso ni Maureen.
"Sige, good night na lang sa inyo!" ngiting sagot ni Daisy sa mga ito.
Tumalikod na ang mga ito at nagsimula ng maglakad, hatid tanaw naman ni Daisy ang mga ito habang umaakyat ng hagdan.
"Mauna na lang kayo sa kuwarto ni Maggie, susunod na lang ako."
"Bakit?" Nagtatakang tanong ni Alyssa.
"Pupuntahan ko pa si Sir doon sa workplace natin, kakausapin niya daw muna ako. Tsaka excited na akong makita ang painting na ibibigay niya saakin!" Bakas sa tono ng pananalita ni Daisy ang tuwa.
"Gusto mo samahan ka namin?" Tanong naman ni Maggie dito.
"Huwag na," agad na sagot ni Daisy.
"Mauna na kayo sa kuwarto, kailangan n'yo ng magpahinga maaga pa kayo gigising bukas."
"Okay sige ikaw bahala. Hintayin ka nalang namin sa kuwarto." Ani Alyssa, na sa mga oras na iyon may kakaiba siyang naramdaman. Kinakabahan siya nang hindi niya alam ang dahilan.
Sabay na ang tatlo na umakyat ng hagdan. Hinatid pa ni Daisy ang dalawa hanggang labas ng pinto ng kwarto.
"Paano, mauna na kami saiyo. Hintayin ka nalang namin sa kuwarto." Paalam ni Alyssa dito na hindi pa din mawala ang kaba na nararamdaman. Ang una niyang naisip ang kanyang mga
magulang.
"Kung inaantok na kayo matulog na lang kayo, saglit lang naman ako." Ani Daisy sabay beso sa dalawang dalaga.
"Pasok na kami, mag-iingat ka sa hagdan." Paalala naman ni Maggie. Nauna na itong pumasok ng kuwarto.
"Sige akyat na ako ha," Paalam ni Daisy kay Alyssa.
Tumango naman si Alyssa bilang sang ayon dito.
Umalis na nga ito sa harapan ni Alyssa. Hatid tanaw naman niya ang papalayong si Daisy. Hindi talaga agad siya pumasok ng kuwarto hanggat hindi nakikitang nakarating na sa 3rdfloor si Daisy.
Nakita niya ang pagbukas nito ng pinto ng silid kaya nagdesisyon na din siyang pumasok ng kuwarto. Nilapitan niya ang kaibigan na nagsusuklay ng buhok, nakaupo ito sa gitna ng kama.
"Kinakabahan ako na hindi ko maintindihan," ani Alyssa at naupo sa gilid ng kama. "Tingin mo ayos lang kaya sina Mom, sa Manila?" tanong niya kay Maggie. Ang mga magulang niya agad ang pumasok sa isip niya nang makaramdam siya ng kaba.
"Nasobrahan ka lang sa kape girl. Matutulog ka nalang kasi nag kape ka pa!" Sagot naman ni Maggie habang patuloy na nagsusuklay na sinasabayan pa ng pagbibilang.
"Nagbibilang ka pa talaga habang nag susuklay." Puna niya dito. Tumayo ng kama si Alyssa nilapitan ang bag at kinuha doon ang kanyang cellphone. Gusto niya sanang tawagan ang ina kaso naubusan siya ng load na pantawag kaya nag message nalang siya dito.
"98,99,100!" Pagtatapos naman ni Maggie sa pag bibilang.
Tumingin ito kay Alyssa.
"Sabi kasi ng karamihan kapag nagsuklay ka daw ng hanggang one hundred, magiging maganda at straight daw ang buhok natin."
"Naniwala ka naman?" natawa si Alyssa. "Panahon pa ng Kupong-kopong 'yon"
Umismid naman si Maggie sa kanya.
Saglit lang at tumunog ang hawak niyang cellphone, ine-on niya ang screen. Nakita niyang may bagong mensahe na galing sa kanyang ina. Binasa ni Alyssa ang reply sa message niya ng kanyang ina.
Ayon sa kanyang ina ayos naman daw ang mga ito at kasalukuyan na nasa kuwarto na para matulog. Nakahinga naman ng maluwang ang dalaga.